ਉਤਕਰਸ਼ ਆ ਰਿਹਾ ‘ਗਦਰ' ਮਚਾਉਣ !

ਮੁੰਬਈ: ਬਾਲੀਵੁੱਡ ਦੇ ਸਟਾਰ ਕਿੱਡਸ ਲਈ 2018 ਕਾਫੀ ਵਧੀਆ ਲੰਘ ਰਿਹਾ ਹੈ। ਇਸ ਦਾ ਕਾਰਨ ਹੈ ਉਨ੍ਹਾਂ ਦਾ ਬਾਲੀਵੁੱਡ ਡੈਬਿਊ। ਜਿੱਥੇ ਹਾਲ ਹੀ ‘ਚ ਸ਼੍ਰੀਦੇਵੀ ਦੀ ਧੀ ਨੇ ਬਾਲੀਵੁੱਡ ਡੈਬਿਊ ਕੀਤਾ, ਉੱਥੇ ਹੀ ਡਾਇਰੈਕਟਰ ਅਨਿਲ ਸ਼ਰਮਾ ਦਾ ਬੇਟਾ ਉਤਕਰਸ਼ ਵੀ ਬਾਲੀਵੁੱਡ ‘ਚ ‘ਗਦਰ' ਮਚਾਉਣ ਆ ਰਿਹਾ ਹੈ। ਅਜਿਹਾ ਨਹੀਂ ਕਿ ਇਹ ਸਟਾਰ ਕਿੱਡ ਪਹਿਲੀ ਵਾਰ ਸਕਰੀਨ ‘ਤੇ ਆ ਰਿਹਾ ਹੈ। ਇਸ ਤੋਂ ਪਹਿਲਾ ਵੀ ਉਤਕਰਸ਼ ਸਨੀ ਦਿਓਲ ਦੀ ਫ਼ਿਲਮ ‘ਗਦਰ’ ‘ਚ ਬੱਚੇ ਦਾ ਰੋਲ ਕਰ ਚੁੱਕਿਆ ਹੈ। ਇਸ ਨੂੰ ਲੋਕਾਂ ਨੇ ਕਾਫੀ ਪਸੰਦ ਵੀ ਕੀਤਾ ਸੀ। ਹੁਣ ਉਤਕਰਸ਼ ਦੀ ਪਹਿਲੀ ਡੈਬਿਊ ਫ਼ਿਲਮ ‘ਜੀਨੀਅਸ’ ਆ ਰਹੀ ਹੈ, ਜੋ ਸਿਨੇਮਾ ਘਰਾਂ ‘ਚ 24 ਅਗਸਤ ਨੂੰ ਰਿਲੀਜ਼ ਹੋਵੇਗੀ। [embed] ਕੁਝ ਦਿਨ ਪਹਿਲਾਂ ਫ਼ਿਲਮ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਸੀ। ਹੁਣ ਫ਼ਿਲਮ ਦਾ ਦੂਜਾ ਗਾਣਾ ਵੀ ਰਿਲੀਜ਼ ਹੋ ਗਿਆ ਹੈ। ਪਹਿਲੇ ਗਾਣੇ ਨਾਲ ਟ੍ਰੇਲਰ ਨੂੰ ਵੀ ਫੈਨਸ ਨੇ ਕਾਫੀ ਪਸੰਦ ਕੀਤਾ ਸੀ। ਹੁਣ ਨਵਾਂ ਰਿਲੀਜ਼ ਹੋਇਆ ਗੀਤ ‘ਦਿਲ ਮੇਰੀ ਨਾ ਸੁਨੇ’ ਵੀ ਲੋਕਾਂ ਨੂੰ ਜ਼ਰੂਰ ਪਸੰਦ ਆਵੇਗਾ। ਇਹ ਫ਼ਿਲਮ ਦਾ ਰੋਮਾਂਟਿਕ ਗਾਣਾ ਹੈ। ਇਸ ‘ਚ ਉਤਕਰਸ਼ ਆਪਣੀ ਫ਼ਿਲਮ ਦੀ ਐਕਟਰ ਇਸ਼ਿਤਾ ਨਾਲ ਰੋਮਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਗਾਣੇ ਨੂੰ ਖੁਦ ਸਨੀ ਨੇ ਆਪਣੇ ਫੈਨਸ ਨਾਲ ਸ਼ੇਅਰ ਕੀਤਾ ਹੈ। ਫ਼ਿਲਮ ਦੀ ਟੀਮ ਦੇ ਨਾਲ-ਨਾਲ ਸਨੀ ਵੀ ਆਪਣੇ ਆਨ-ਸਕਰੀਨ ਬੇਟੇ ਦੀ ਫ਼ਿਲਮ ਨੂੰ ਖੂਬ ਪ੍ਰਮੋਟ ਕਰ ਰਹੇ ਹਨ। ਫ਼ਿਲਮ ‘ਜੀਨੀਅਸ’ ‘ਚ ਉਤਕਰਸ਼ ਇੱਕ ਰਾਅ ਏਜੰਟ ਦਾ ਰੋਲ ਪਲੇ ਕਰ ਰਹੇ ਹਨ। ਫ਼ਿਲਮ ਦੀ ਕਹਾਣੀ ਵੀ ਇਸੇ ਏਜੰਟ ਦੀ ਜਿੰਦਗੀ ‘ਤੇ ਅਧਾਰਤ ਹੈ। ਫ਼ਿਲਮ ‘ਚ ਉਤਕਰਸ਼ ਨਾਲ ਇਸ਼ਿਤਾ ਤੇ ਖਲਨਾਇਕ ਦੇ ਰੋਲ ‘ਚ ਨਵਾਜ਼ੁਦੀਨ ਸਿਦਕੀ ਨਜ਼ਰ ਆਉਣਗੇ।