Diljit Dosanjh: ਦਿਲਜੀਤ ਦੋਸਾਂਝ ਨੇ ਮੁੰਬਈ ਕੰਸਰਟ ‘ਚ ਪਾਈਆਂ ਧਮਾਲਾਂ, ਬਾਲੀਵੁੱਡ ਕਲਾਕਾਰਾਂ ਵੀ ਹੋਏ ਸ਼ੋਅ ‘ਚ ਸ਼ਾਮਲ, ਦੇਖੋ ਵੀਡੀਓ
Diljit Dosanjh Conceer: ਅੰਗਦ ਬੇਦੀ ਅਤੇ ਦਿਲਜੀਤ ਦੀ ਦੋਸਤੀ ਕਾਫੀ ਮਸ਼ਹੂਰ ਹੈ। ਹਾਲ ਹੀ 'ਚ ਅੰਗਦ ਅਤੇ ਨੇਹਾ ਧੂਪੀਆ ਮੁੰਬਈ 'ਚ ਦਿਲਜੀਤ ਦੋਸਾਂਝ ਦੇ ਕੰਸਰਟ 'ਤੇ ਗਏ ਸਨ। ਜਿੱਥੇ ਉਸ ਨੇ ਵੀਡੀਓ ਸ਼ੇਅਰ ਕੀਤੀ ਹੈ।
Diljit Dosanjh Concert: ਪੰਜਾਬੀ ਸਿੰਗਰ ਐਕਟਰ ਦਿਲਜੀਤ ਦੋਸਾਂਝ ਦਾ ਬੀਤੇ ਦਿਨ ਯਾਨਿ 9 ਦਸੰਬਰ ਨੂੰ ਮੁੰਬਈ ‘ਚ ਕੰਸਰਟ ਸੀ। ਇਸ ਦੌਰਾਨ ਗਾਇਕ ਨੇ ਖੂਬ ਧਮਾਲਾਂ ਪਾਈਆਂ। ਦਿਲਜੀਤ ਦੇ ਕੰਸਰਟ ਦੌਰਾਨ ਹਾਲ ਲੋਕਾਂ ਨਾਲ ਪੂਰੀ ਤਰ੍ਹਾਂ ਭਰਿਆ ਹੋਇਆ ਸੀ। ਇਸ ਦੌਰਾਨ ਬਾਲੀਵੁੱਡ ਕਲਾਕਾਰਾਂ ਨੇ ਵੀ ਦਿਲਜੀਤ ਦੋਸਾਂਝ ਦੇ ਕੰਸਰਟ ‘ਚ ਹਿੱਸਾ ਲਿਆ। ਬਾਲੀਵੁੱਡ ‘ਚ ਦਿਲਜੀਤ ਦੇ ਕਈ ਦੋਸਤ ਹਨ। ਉਨ੍ਹਾਂ ਵਿੱਚੋਂ ਇੱਕ ਹੈ ਅੰਗਦ ਬੇਦੀ। ਅੰਗਦ ਬੇਦੀ ਨਾਲ ਦਿਲਜੀਤ ਦੀ ਦੋਸਤੀ ਉਦੋਂ ਹੋਈ, ਜਦੋਂ ਉਹ ‘ਸੂਰਮਾ’ ਫਿਲਮ ਦੀ ਸ਼ੂਟਿੰਗ ਹੋਈ ਸੀ। ਅੰਗਦ ਬੇਦੀ ਤੇ ਦਿਲਜੀਤ ਉਦੋਂ ਤੋਂ ਦੋਸਤ ਹਨ ਜਦੋਂ ਉਹ ਫਿਲਮ 'ਸੂਰਮਾ' ਦੇ ਸੈੱਟ 'ਤੇ ਮਿਲੇ ਸਨ ਅਤੇ ਉਸ ਸਮੇਂ ਦੌਰਾਨ ਇਕੱਠੇ ਕੰਮ ਕੀਤਾ ਸੀ। ਅੰਗਦ ਨੇ ਆਪਣੀ ਪਤਨੀ ਨੇਹਾ ਧੂਪੀਆ ਦੇ ਨਾਲ ਬੀਤੀ ਰਾਤ ਮੁੰਬਈ ਵਿੱਚ ਦਿਲਜੀਤ ਦੋਸਾਂਝ ਦੇ ਸੰਗੀਤ ਸਮਾਰੋਹ ਵਿੱਚ ਸ਼ਿਰਕਤ ਕੀਤੀ। ਜਿੱਥੇ ਦਿਲਜੀਤ ਅਤੇ ਅੰਗਦ ਨੇ ਦਿਲ ਨੂੰ ਛੂਹ ਲੈਣ ਵਾਲੇ ਪਲ ਦੀ ਵੀਡੀਓ ਸ਼ੇਅਰ ਕੀਤੀ ਹੈ ਅਤੇ ਇਸ ਦੇ ਨਾਲ ਇੱਕ ਸ਼ਾਨਦਾਰ ਕੈਪਸ਼ਨ ਵੀ ਲਿਖਿਆ ਹੈ। ਦਿਲਜੀਤ ਨੇ ਭੀੜ 'ਚ ਅੰਗਦ ਨੂੰ ਦੇਖਿਆ ਅਤੇ ਦੋਹਾਂ 'ਚ ਖੂਬ ਗੱਲਬਾਤ ਹੋਈ।
ਦਿਲਜੀਤ ਨੇ ਬਾਲੀਵੁੱਡ ਅਦਾਕਾਰ ਅੰਗਦ ਬੇਦੀ ਨੂੰ ਕਹੀ ਇਹ ਗੱਲ
ਦਿਲਜੀਤ ਨੇ ਆਪਣਾ ਮਾਈਕ ਫੜਿਆ ਅਤੇ ਪੰਜਾਬੀ ਵਿੱਚ ਕਿਹਾ - 'ਆਈ ਲਵ ਯੂ ਭਰਾ, ਮੈਂ ਤੁਹਾਨੂੰ ਸਫਲਤਾ ਦੀਆਂ ਨਵੀਆਂ ਉਚਾਈਆਂ ਨੂੰ ਛੂਹਦਾ ਦੇਖ ਕੇ ਬਹੁਤ ਖੁਸ਼ ਹਾਂ, ਤੁਸੀਂ ਫਿਲਮ ਇੰਡਸਟਰੀ ਵਿੱਚ ਇੱਕਲੌਤੇ ਅਜਿਹੇ ਅਦਾਕਾਰ ਹੋ ਜਿਸਦੇ ਮੈਂ ਇੰਨਾ ਨੇੜੇ ਹਾਂ ਅਤੇ ਅਸੀਂ ਅਜਿਹਾ ਕਦੇ ਨਹੀਂ ਦੇਖਿਆ ਹੈ। ਕਦੇ ਸੋਚਿਆ ਨਹੀਂ ਸੀ ਕਿ ਅਸੀਂ ਐਨੇ ਕਰੀਬ ਹੋ ਜਾਵਾਂਗੇ, ਇਹ ਦੋਸਤੀ ਉਦੋਂ ਤੋਂ ਕਾਇਮ ਹੈ ਜਦੋਂ ਅਸੀਂ ਪਹਿਲੀ ਵਾਰ ਆਪਣੀ ਫਿਲਮ 'ਸੂਰਮਾ' 'ਤੇ ਮਿਲੇ ਸੀ।
ਅੰਗਦ ਬੇਦੀ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਪੋਸਟ
ਵੀਡੀਓ ਸ਼ੇਅਰ ਕਰਦੇ ਹੋਏ ਅੰਗਦ ਨੇ ਕੈਪਸ਼ਨ 'ਚ ਲਿਖਿਆ, 'ਹੁਨਰ ਬਕਮਾਲ, ਰਬ ਦਾ ਬੰਦਾ ਮੇਰਾ ਦੋਸਾਂਝਵਾਲਾ, ਤੁਮ ਖੁਦਾ ਹੋ, ਤੁਸੀਂ ਇੱਕ ਭਾਵਨਾ ਹੋ ਜੋ ਹਮੇਸ਼ਾ ਮੇਰੇ ਨਾਲ ਹੈ, ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ। ਤੇਰੇ ਵਰਗਾ ਕਦੇ ਨਹੀਂ ਜੰਮਣਾ, ਵਾਹਿਗੁਰੂ ਚੜ੍ਹਦੀ ਕਲਾ ਵਿੱਚ ਰੱਖੇ ਧੰਨਵਾਦ ਵੀਰ, ਇਹ ਇੱਕ ਸ਼ਾਨਦਾਰ ਅਨੁਭਵ ਸੀ।
View this post on Instagram
ਫੈਨਜ਼ ਨੇ ਕਹੀ ਇਹ ਗੱਲ
ਅੰਗਦ ਦੀ ਪੋਸਟ 'ਤੇ ਕਈ ਲੋਕ ਕਮੈਂਟ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਯੇ ਪੰਜਾਬ ਕੀ ਜਾਨ ਹੋ'। ਇਕ ਹੋਰ ਨੇ ਲਿਖਿਆ, 'ਇਹ ਪਲ ਸ਼ਾਨਦਾਰ ਹੈ', 'ਦਿਲਜੀਤ 'ਤੇ ਬਹੁਤ ਮਾਣ ਹੈ ਅਤੇ ਬਹੁਤ ਖੁਸ਼ ਵੀ, ਇਹ ਸੱਚਮੁੱਚ ਇਕ ਭਾਵਨਾਤਮਕ ਪਲ ਹੈ।' ਇੱਕ ਯੂਜ਼ਰ ਨੇ ਦਿਲਜੀਤ ਦੇ ਪੂਰੇ ਨਾਮ ਨੂੰ ਵਿਸਥਾਰ ਵਿੱਚ ਦੱਸਿਆ ਅਤੇ ਲਿਖਿਆ, ਦਿਲਜੀਤ ਦਾ ਨਾਮ ਹੀ ਇਸਦੀ ਵਿਆਖਿਆ ਕਰਦਾ ਹੈ.... ਕਿਸੇ ਨੇ ਲਿਖਿਆ, ਮੈਂ ਬਹੁਤ ਖੁਸ਼ ਹਾਂ ਕਿ ਮੈਂ ਇਸ ਪਲ ਨੂੰ ਲਾਈਵ ਦੇਖਿਆ ਅਤੇ ਮਹਿਸੂਸ ਕੀਤਾ।
ਦਿਲਜੀਤ ਦੋਸਾਂਝ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ‘ਚਮਕੀਲਾ’ ਫਿਲਮ ਦੀ ਸ਼ੂਟਿੰਗ ਕਰਨ ਜਾ ਰਹੇ ਹਨ। ਇਸ ਫਿਲਮ ਨੂੰ ਇਮਤਿਆਜ਼ ਅਲੀ ਡਾਇਰੈਕਟ ਕਰ ਰਹੇ ਹਨ। ਇਸ ਫਿਲਮ ‘ਚ ਦਿਲਜੀਤ ਦੋਸਾਂਝ ਨਾਲ ਨਿਸ਼ਾ ਬਾਨੋ ਵੀ ਨਜ਼ਰ ਆ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
