Kartik Aryan: ਕਾਰਤਿਕ ਆਰੀਅਨ ਦੀ 'ਸ਼ਹਿਜ਼ਾਦਾ' ਸਮੇਤ ਇਹ ਫਿਲਮਾਂ ਫਰਵਰੀ 'ਚ ਹੋਣਗੀਆਂ ਰਿਲੀਜ਼, ਦੇਖੋ ਲਿਸਟ
February 2023 Movie Release: ਸਾਲ ਦੇ ਦੂਜੇ ਮਹੀਨੇ ਭਾਵ ਫਰਵਰੀ ਵਿੱਚ ਵੀ ਕਈ ਵੱਡੀਆਂ ਫਿਲਮਾਂ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹਨ। ਇਨ੍ਹਾਂ 'ਚ ਅਕਸ਼ੇ ਕੁਮਾਰ ਤੋਂ ਲੈ ਕੇ ਕਾਰਤਿਕ ਆਰੀਅਨ ਤੱਕ ਦੀਆਂ ਫਿਲਮਾਂ ਸ਼ਾਮਲ ਹਨ।
February 2023 Movie Release in Theatre: ਇਸ ਸਾਲ ਦੀ ਸ਼ੁਰੂਆਤ ਬਾਲੀਵੁੱਡ ਲਈ ਬਹੁਤ ਚੰਗੀ ਰਹੀ। ਜਨਵਰੀ 2023 'ਚ ਰਿਲੀਜ਼ ਹੋਈ ਸ਼ਾਹਰੁਖ-ਦੀਪਿਕਾ ਪਾਦੁਕੋਣ ਸਟਾਰਰ ਫਿਲਮ 'ਪਠਾਨ' ਨੇ ਦੇਸ਼-ਵਿਦੇਸ਼ 'ਚ ਸਫਲਤਾ ਦੇ ਝੰਡੇ ਬੁਲੰਦ ਕੀਤੇ ਹਨ। ਇਹ ਫਿਲਮ ਹੁਣ ਤੱਕ ਦੀ ਸਭ ਤੋਂ ਵੱਡੀ ਹਿੱਟ ਫਿਲਮ ਬਣ ਗਈ ਹੈ। ਇਸ ਦੇ ਨਾਲ ਹੀ ਫਰਵਰੀ ਮਹੀਨੇ 'ਚ ਕਈ ਵੱਡੀਆਂ ਤੇ ਸ਼ਾਨਦਾਰ ਫਿਲਮਾਂ ਰਿਲੀਜ਼ ਹੋਣ ਲਈ ਕਤਾਰ 'ਚ ਹਨ, ਜਿਨ੍ਹਾਂ ਤੋਂ ਦਰਸ਼ਕਾਂ ਅਤੇ ਨਿਰਮਾਤਾਵਾਂ ਨੂੰ ਕਾਫੀ ਉਮੀਦਾਂ ਹਨ। ਆਓ ਜਾਣਦੇ ਹਾਂ ਕਿ ਕਿਹੜੀਆਂ ਫਿਲਮਾਂ ਫਰਵਰੀ 2023 ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣਗੀਆਂ।
ਫਰਾਜ਼
'ਫਰਾਜ਼' ਜੁਲਾਈ 2016 ਵਿਚ ਢਾਕਾ ਵਿਚ ਹੋਏ ਹਮਲੇ ਦੀਆਂ ਅਸਲ ਘਟਨਾਵਾਂ 'ਤੇ ਆਧਾਰਿਤ ਇਕ ਰੋਮਾਂਚਕ ਫਿਲਮ ਹੈ। ਫਿਲਮ 'ਚ ਅੱਧੇ ਤੋਂ ਵੱਧ ਕਲਾਕਾਰਾਂ ਦੀ ਇਹ ਡੈਬਿਊ ਫਿਲਮ ਹੈ। ਇਹ ਫਿਲਮ ਹੰਸਲ ਮਹਿਤਾ ਦੁਆਰਾ ਨਿਰਦੇਸ਼ਤ ਹੈ ਅਤੇ ਅਨੁਭਵ ਸਿਨਹਾ ਅਤੇ ਭੂਸ਼ਣ ਕੁਮਾਰ ਦੁਆਰਾ ਨਿਰਮਿਤ ਹੈ। ਇਹ ਅਕਤੂਬਰ 2022 ਵਿੱਚ BFI ਲੰਡਨ ਫਿਲਮ ਫੈਸਟੀਵਲ ਵਿੱਚ ਰਿਲੀਜ਼ ਕੀਤੀ ਗਈ ਸੀ। ਬਹੁਤ ਸਾਰੇ ਵਿਵਾਦਾਂ ਦੇ ਬਾਵਜੂਦ, 'ਫਰਾਜ਼' ਭਾਰਤ ਦੇ ਸਿਨੇਮਾਘਰਾਂ ਵਿੱਚ 3 ਫਰਵਰੀ 2023 ਨੂੰ ਰਿਲੀਜ਼ ਹੋਵੇਗੀ।
ਆਲਮੋਸਟ ਪਿਆਰ ਵਿਦ ਡੀਜੇ ਮੋਹੱਬਤ
'ਆਲਮੋਸਟ ਪਿਆਰ ਵਿਦ ਡੀਜੇ ਮੋਹੱਬਤ' ਅਨੁਰਾਗ ਕਸ਼ਯਪ ਦੁਆਰਾ ਨਿਰਦੇਸ਼ਿਤ ਹੈ। ਇਸ ਫ਼ਿਲਮ ਵਿੱਚ ਵਿੱਕੀ ਕੌਸ਼ਲ ਇੱਕ ਡੀਜੇ ਦੀ ਕਹਾਣੀ ਤੋਂ ਦਰਸ਼ਕਾਂ ਨੂੰ ਜਾਣੂ ਕਰਵਾਉਣਗੇ। ਇਹ ਫਿਲਮ ਵੀ 3 ਫਰਵਰੀ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
ਸ਼ਹਿਜ਼ਾਦਾ
ਕਾਰਤਿਕ ਆਰੀਅਨ ਸਾਲ ਦੀ ਮੋਸਟ ਵੇਟਿਡ ਫਿਲਮ 'ਸ਼ਹਿਜ਼ਾਦਾ' 'ਚ ਨਵੇਂ ਅਵਤਾਰ 'ਚ ਨਜ਼ਰ ਆਉਣਗੇ। ਐਕਸ਼ਨ ਡਰਾਮਾ ਫਿਲਮ 'ਚ ਕਾਰਤਿਕ ਦੇ ਨਾਲ ਕੀਰਤੀ ਸੈਨਨ ਨਜ਼ਰ ਆਵੇਗੀ। ਇਹ ਫਿਲਮ ਪਹਿਲਾਂ 10 ਫਰਵਰੀ ਨੂੰ ਰਿਲੀਜ਼ ਹੋਣੀ ਸੀ ਪਰ ਬਾਅਦ 'ਚ ਇਸ ਦੀ ਤਰੀਕ ਬਦਲ ਦਿੱਤੀ ਗਈ ਅਤੇ ਹੁਣ 'ਸ਼ਹਿਜ਼ਾਦਾ' 17 ਫਰਵਰੀ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
ਟਾਇਟੈਨਿਕ 3ਡੀ
ਟਾਈਟੈਨਿਕ ਫਿਲਮ ਨੇ ਹਾਲ ਹੀ ਵਿੱਚ 25 ਸਾਲ ਪੂਰੇ ਕੀਤੇ ਹਨ। ਫਿਲਮ ਦੇ 25 ਸਾਲ ਮਨਾਉਣ ਲਈ, ਟਾਈਟੈਨਿਕ ਨੂੰ 4K 3D ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤਾ ਜਾ ਰਿਹਾ ਹੈ। ਇਹ ਫਿਲਮ 10 ਫਰਵਰੀ ਨੂੰ ਰਿਲੀਜ਼ ਹੋਵੇਗੀ।
ਸ਼ਿਵ ਸ਼ਾਸਤਰੀ ਬਲਬੋਆ
ਅਨੁਪਮ ਖੇਰ ਅਤੇ ਨੀਨਾ ਗੁਪਤਾ ਸਟਾਰਰ ਮਸਾਲਾ ਫਿਲਮ 'ਸ਼ਿਵ ਸ਼ਾਸਤਰੀ ਬਲਬੋਆ' ਇੱਕ ਆਮ ਆਦਮੀ ਦੀ ਅਸਾਧਾਰਨ ਸ਼ਖਸੀਅਤ ਦੀ ਕਹਾਣੀ ਹੈ। ਇਹ ਇੱਕ ਕਾਮੇਡੀ ਫਿਲਮ ਹੈ। ਸ਼ਿਵ ਸ਼ਾਸਤਰੀ ਬਾਲਬੋਆ 10 ਫਰਵਰੀ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
ਐਂਟ ਮੈਨ ਐਂਡ ਦ ਵਾਸਪ ਕੁਆਂਟੂਮੇਨੀਆ
'ਐਂਟ ਮੈਨ ਐਂਡ ਦ ਵੈਸਪ ਕੁਆਂਟੁਮੇਨੀਆ' ਮਾਰਵਲ ਸਿਨੇਮੈਟਿਕ ਬ੍ਰਹਿਮੰਡ ਦੀ ਫਿਲਮ ਹੈ। ਇਹ ਫਿਲਮ ਪੀਟਰ ਰੀਡ ਦੇ ਨਿਰਦੇਸ਼ਨ ਹੇਠ ਬਣੀ ਹੈ। ਪੌਲ ਰੋਡੇ 'ਐਂਟਮੈਨ ਸੀਰੀਜ਼' ਦੀ ਤੀਜੀ ਕਿਸ਼ਤ ਵਿੱਚ ਸਕਾਟ ਲੈਂਗ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਇਹ ਫਿਲਮ 17 ਫਰਵਰੀ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
ਸ਼ਕੁੰਤਲਮ
'ਸ਼ਕੁੰਤਲਮ' 'ਚ ਦੇਵ ਮੋਹਨ ਦੇ ਨਾਲ ਸਮੰਥਾ ਰੂਥ ਪ੍ਰਭੂ ਨਜ਼ਰ ਆਵੇਗੀ। ਇਹ ਫਿਲਮ ਕਾਲੀਦਾਸ ਦੀ ਮਹਾਂਕਾਵਿ 'ਕਾਲੀਦਾਸ ਸ਼ਕੁੰਤਲਮ' 'ਤੇ ਆਧਾਰਿਤ ਹੈ। ਫਿਲਮ 'ਚ ਦੇਵ ਮੋਹਨ ਨੇ ਰਾਜਾ ਦੁਸ਼ਯੰਤ ਦੀ ਭੂਮਿਕਾ ਨਿਭਾਈ ਹੈ ਜਦਕਿ ਸਮੰਥਾ ਨੇ ਸ਼ਕੁੰਤਲਾ ਦੀ ਭੂਮਿਕਾ ਨਿਭਾਈ ਹੈ। ਇਹ ਫਿਲਮ 17 ਫਰਵਰੀ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
ਸੈਲਫੀ
ਨਵਾਂ ਸਾਲ, ਨਵੀਂ ਜੋੜੀ। 'ਸੈਲਫੀ' 'ਚ ਅਕਸ਼ੇ ਕੁਮਾਰ ਅਤੇ ਇਮਰਾਨ ਹਾਸ਼ਮੀ ਦੀ ਸ਼ਾਨਦਾਰ ਜੋੜੀ ਨਜ਼ਰ ਆਵੇਗੀ। ਇਹ ਇੱਕ ਐਕਸ਼ਨ ਡਰਾਮਾ ਫਿਲਮ ਹੈ। 'ਸੈਲਫੀ' 24 ਫਰਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
