![ABP Premium](https://cdn.abplive.com/imagebank/Premium-ad-Icon.png)
Gadar 2 Box Office: 'ਗਦਰ 2' ਦੀ ਕਮਾਈ 'ਚ 26ਵੇਂ ਦਿਨ ਜ਼ਬਰਦਸਤ ਗਿਰਾਵਟ, 'ਡਰੀਮ ਗਰਲ 2' 100 ਕਰੋੜ ਤੋਂ ਬੱਸ ਇੰਨੀਂ ਦੂਰ, ਜਾਣੋ ਕਲੈਕਸ਼ਨ
Gadar 2 BO Collection : ਬਾਕਸ ਆਫਿਸ 'ਤੇ ਸੰਨੀ ਦਿਓਲ ਦੀ ਗਦਰ 2 ਦੀ ਹਾਲਤ ਖਰਾਬ ਹੋ ਗਈ ਹੈ। ਫਿਲਮ ਦੇ 26ਵੇਂ ਦਿਨ ਦੀ ਕਲੈਕਸ਼ਨ ਦਾ ਖੁਲਾਸਾ ਹੋਇਆ ਹੈ।
![Gadar 2 Box Office: 'ਗਦਰ 2' ਦੀ ਕਮਾਈ 'ਚ 26ਵੇਂ ਦਿਨ ਜ਼ਬਰਦਸਤ ਗਿਰਾਵਟ, 'ਡਰੀਮ ਗਰਲ 2' 100 ਕਰੋੜ ਤੋਂ ਬੱਸ ਇੰਨੀਂ ਦੂਰ, ਜਾਣੋ ਕਲੈਕਸ਼ਨ gadar-2-box-office-collection-day-26-sunny-deol-ameesha-patel-movie-earn-2-crore-in-india Gadar 2 Box Office: 'ਗਦਰ 2' ਦੀ ਕਮਾਈ 'ਚ 26ਵੇਂ ਦਿਨ ਜ਼ਬਰਦਸਤ ਗਿਰਾਵਟ, 'ਡਰੀਮ ਗਰਲ 2' 100 ਕਰੋੜ ਤੋਂ ਬੱਸ ਇੰਨੀਂ ਦੂਰ, ਜਾਣੋ ਕਲੈਕਸ਼ਨ](https://feeds.abplive.com/onecms/images/uploaded-images/2023/09/06/374452ccecc1b6856ed0d2f78685f8891693963561291469_original.png?impolicy=abp_cdn&imwidth=1200&height=675)
Gadar 2 Box Office Collection Day 26: ਸੰਨੀ ਦਿਓਲ ਦੀ 'ਗਦਰ 2' ਨੇ ਬਾਕਸ ਆਫਿਸ 'ਤੇ ਆਪਣਾ ਜਾਦੂ ਦਿਖਾਇਆ ਹੈ, ਪਰ ਹੁਣ ਇਹ ਚਮਕ ਫਿੱਕੀ ਪੈ ਰਹੀ ਹੈ। 'ਗਦਰ 2' ਦਾ ਕਲੈਕਸ਼ਨ ਘਟ ਰਿਹਾ ਹੈ। 500 ਕਰੋੜ ਦੇ ਕਲੱਬ 'ਚ ਸ਼ਾਮਲ ਹੋਣ ਤੋਂ ਬਾਅਦ ਫਿਲਮ ਦੇ ਕਲੈਕਸ਼ਨ 'ਚ ਕਾਫੀ ਗਿਰਾਵਟ ਆਈ ਹੈ। ਫਿਲਮ ਹਫਤੇ ਦੇ ਦਿਨਾਂ 'ਚ ਕੁਝ ਕਮਾਲ ਨਹੀਂ ਕਰ ਰਹੀ ਹੈ। ਹੁਣ 'ਗਦਰ 2' ਦੇ 26ਵੇਂ ਦਿਨ ਦਾ ਕਲੈਕਸ਼ਨ ਸਾਹਮਣੇ ਆਇਆ ਹੈ। ਇਸ ਨੂੰ ਦੇਖ ਕੇ ਕਿਹਾ ਜਾ ਸਕਦਾ ਹੈ ਕਿ ਬਾਕਸ ਆਫਿਸ 'ਤੇ ਫਿਲਮ ਦੀ ਹਾਲਤ ਕਾਫੀ ਖਰਾਬ ਹੋ ਗਈ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ 'ਗਦਰ 2' ਦੇ 26ਵੇਂ ਦਿਨ ਦੇ ਕਲੈਕਸ਼ਨ ਬਾਰੇ।
ਸੰਨੀ ਦਿਓਲ ਨੇ 'ਗਦਰ 2' ਵਿੱਚ ਤਾਰਾ ਸਿੰਘ ਦਾ ਕਿਰਦਾਰ ਨਿਭਾ ਕੇ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਇਹ ਫਿਲਮ ਇਸ ਸਾਲ ਸਭ ਤੋਂ ਤੇਜ਼ੀ ਨਾਲ 500 ਕਰੋੜ ਦੀ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। 'ਗਦਰ 2' ਦੇ ਨਾਂ ਕਈ ਰਿਕਾਰਡ ਹਨ ਜਿਸ ਕਾਰਨ ਇਹ ਹਰ ਪਾਸੇ ਪ੍ਰਸਿੱਧ ਰਹੀ। ਫਿਲਮ ਨੂੰ ਰਿਲੀਜ਼ ਹੋਏ ਇਕ ਮਹੀਨਾ ਹੋ ਗਿਆ ਹੈ ਅਤੇ ਹੁਣ ਇਸ ਦਾ ਪਤਨ ਸ਼ੁਰੂ ਹੋ ਗਿਆ ਹੈ।
26ਵੇਂ ਦਿਨ ਫਿਲਮ ਨੇ ਕੀਤਾ ਇੰਨਾਂ ਕਲੈਕਸ਼ਨ
'ਗਦਰ 2' ਨੇ ਸੋਮਵਾਰ ਨੂੰ ਜ਼ਿਆਦਾ ਕਾਰੋਬਾਰ ਨਹੀਂ ਕੀਤਾ ਅਤੇ ਹੁਣ ਮੰਗਲਵਾਰ ਨੂੰ ਵੀ ਕਲੈਕਸ਼ਨ 'ਚ ਜ਼ਿਆਦਾ ਵਾਧਾ ਨਹੀਂ ਹੋਇਆ ਹੈ। ਸਕਨਿਲਕ ਦੀ ਰਿਪੋਰਟ ਮੁਤਾਬਕ 'ਗਦਰ 2' ਨੇ 26ਵੇਂ ਦਿਨ 2.6 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਜਿਸ ਤੋਂ ਬਾਅਦ ਕੁਲ ਕਲੈਕਸ਼ਨ 506.2 ਕਰੋੜ ਹੋ ਗਈ ਹੈ। ਫਿਲਮ ਦੀ ਹਾਲਤ ਦੇਖ ਕੇ ਲੱਗਦਾ ਹੈ ਕਿ 550 ਕਰੋੜ ਦੀ 'ਗਦਰ 2' ਦਾ ਸੁਪਨਾ ਸਿਰਫ ਸੁਪਨਾ ਹੀ ਰਹਿ ਗਿਆ ਹੈ।
'ਜਵਾਨ' ਹੋ ਰਹੀ ਹੈ ਰਿਲੀਜ਼
ਸ਼ਾਹਰੁਖ ਖਾਨ ਦੀ 'ਜਵਾਨ' 7 ਸਤੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਰਹੀ ਹੈ। 'ਜਵਾਨ' ਦੇ ਆਉਂਦੇ ਹੀ ਗਦਰ 2 ਦਾ ਸਫਾਇਆ ਹੋਣਾ ਯਕੀਨੀ ਹੈ। ਜਵਾਨ ਨੇ ਆਪਣੀ ਰਿਲੀਜ਼ ਤੋਂ ਪਹਿਲਾਂ ਹੀ ਕਈ ਰਿਕਾਰਡ ਤੋੜ ਦਿੱਤੇ ਹਨ। ਐਡਵਾਂਸ ਬੁਕਿੰਗ ਕਲੈਕਸ਼ਨ ਦੇ ਮਾਮਲੇ 'ਚ ਜਵਾਨ ਨੇ 'ਗਦਰ 2' ਨੂੰ ਪਿੱਛੇ ਛੱਡ ਦਿੱਤਾ ਹੈ। ਸ਼ਾਹਰੁਖ ਖਾਨ ਦੀ 'ਜਵਾਨ' ਪਹਿਲੇ ਦਿਨ ਵੀ ਚੰਗਾ ਕਾਰੋਬਾਰ ਕਰਨ ਜਾ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)