(Source: ECI/ABP News/ABP Majha)
Sunny Deol: 'ਇੰਡਸਟਰੀ ਨੇ ਇਸ ਦੇ ਨਾਲ ਠੀਕ ਨਹੀਂ ਕੀਤਾ', ਰਾਜ ਕੁਮਾਰ ਸੰਤੋਸ਼ੀ ਦੀ ਗੱਲ ਸੁਣ ਸਭ ਦੇ ਸਾਹਮਣੇ ਭੁੱਬਾਂ ਮਾਰ ਰੋਏ ਸੰਨੀ ਦਿਓਲ
IFFI 2023: ਸੰਨੀ ਦਿਓਲ ਆਪਣੀ ਯਾਤਰਾ ਨੂੰ ਯਾਦ ਕਰਦੇ ਹੋਏ ਬਹੁਤ ਭਾਵੁਕ ਹੋ ਗਏ। ਜਦੋਂ ਨਿਰਦੇਸ਼ਕ ਰਾਜਕੁਮਾਰ ਸੰਤੋਸ਼ੀ ਨੇ ਕਿਹਾ ਕਿ ਇੰਡਸਟਰੀ ਨੇ ਸੰਨੀ ਦੇ ਟੈਲੇਂਟ ਨਾਲ ਇਨਸਾਫ ਨਹੀਂ ਕੀਤਾ ਤਾਂ ਉਹ ਰੋ ਪਏ।
IFFI 2023: ਸੰਨੀ ਦਿਓਲ ਨੇ ਆਪਣੀ ਫਿਲਮ 'ਗਦਰ 2' ਨਾਲ ਬਾਕਸ ਆਫਿਸ 'ਤੇ ਵੱਡੀ ਕਮਾਈ ਕਰਕੇ ਇਤਿਹਾਸ ਰਚ ਦਿੱਤਾ ਹੈ। ਹੁਣ ਇਹ ਬਲਾਕਬਸਟਰ ਫਿਲਮ 54ਵੇਂ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ ਇੰਡੀਆ ਵਿੱਚ ਦਿਖਾਈ ਜਾਵੇਗੀ। ਹਾਲ ਹੀ 'ਚ ਸੰਨੀ ਦਿਓਲ ਇਸ ਫਿਲਮ ਫੈਸਟੀਵਲ ਦੇ ਉਦਘਾਟਨੀ ਸਮਾਰੋਹ ਲਈ ਗੋਆ ਪਹੁੰਚੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੇ ਸਫਰ ਬਾਰੇ ਵੀ ਗੱਲ ਕੀਤੀ।
ਸੰਨੀ ਦਿਓਲ ਆਪਣੇ ਸਫਰ ਨੂੰ ਯਾਦ ਕਰਕੇ ਹੋਏ ਭਾਵੁਕ
ਅਭਿਨੇਤਾ ਦਾ ਕਹਿਣਾ ਹੈ, 'ਮੈਂ ਆਪਣੇ ਆਪ ਨੂੰ ਬਹੁਤ ਖੁਸ਼ਕਿਸਮਤ ਸਮਝਦਾ ਹਾਂ। ਮੈਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਰਾਹੁਲ ਰਾਵੇਲ ਨਾਲ ਕੀਤੀ ਸੀ। ਉਸਨੇ ਮੈਨੂੰ ਤਿੰਨ ਖੂਬਸੂਰਤ ਫਿਲਮਾਂ ਦਿੱਤੀਆਂ। ਕੁੱਝ ਫਿਲਮਾਂ ਚੱਲੀਆਂ ਤੇ ਕੁੱਝ ਨਹੀਂ। ਪਰ ਲੋਕ ਅੱਜ ਵੀ ਉਨ੍ਹਾਂ ਫਿਲਮਾਂ ਨੂੰ ਯਾਦ ਕਰਦੇ ਹਨ। ਮੈਂ ਇੱਥੇ ਆਪਣੀਆਂ ਫਿਲਮਾਂ ਕਰਕੇ ਖੜ੍ਹਾ ਹਾਂ।
'ਮੈਂ ਕਦੇ ਹਾਰ ਨਹੀਂ ਮੰਨਦਾ'
ਮੇਰਾ ਅਸਲ ਸੰਘਰਸ਼ 'ਗਦਰ' ਤੋਂ ਬਾਅਦ ਸ਼ੁਰੂ ਹੋਇਆ ਕਿਉਂਕਿ ਇਸ ਫਿਲਮ ਤੋਂ ਬਾਅਦ ਮੈਨੂੰ ਇਕ ਵੀ ਸਕ੍ਰਿਪਟ ਦੀ ਪੇਸ਼ਕਸ਼ ਨਹੀਂ ਕੀਤੀ ਗਈ ਸੀ। ਸੰਨੀ ਅੱਗੇ ਕਹਿੰਦੇ ਹਨ ਕਿ 'ਹਾਲਾਂਕਿ ਮੈਂ ਇਸ ਦੌਰਾਨ ਕੁਝ ਫਿਲਮਾਂ ਕੀਤੀਆਂ, ਪਰ ਉਨ੍ਹਾਂ ਵਿਚਾਲੇ 20 ਸਾਲ ਦਾ ਫਰਕ ਸੀ। ਪਰ ਮੈਂ ਕਦੇ ਹਾਰ ਨਹੀਂ ਮੰਨੀ। ਮੈਂ ਹਮੇਸ਼ਾ ਅੱਗੇ ਵਧਦਾ ਰਿਹਾ। ਮੈਂ ਇੱਥੇ ਇੱਕ ਅਭਿਨੇਤਾ ਬਣਨ ਆਇਆ ਹਾਂ, ਸਟਾਰ ਨਹੀਂ।
View this post on Instagram
ਰਾਜ ਸੰਤੋਸ਼ੀ ਦੀ ਗੱਲ ਸੁਣ ਕੇ ਰੋ ਪਏ ਸੰਨੀ ਦਿਓਲ
ਉੱਥੇ ਮੌਜੂਦ ਸੰਨੀ ਦਿਓਲ ਦੇ ਸਫਰ ਨੂੰ ਸੁਣ ਕੇ ਡਾਇਰੈਕਟਰ ਰਾਜਕੁਮਾਰ ਸੰਤੋਸ਼ੀ ਹੈਰਾਨ ਰਹਿ ਗਏ। ਉਨ੍ਹਾਂ ਕਿਹਾ, 'ਮੇਰਾ ਮੰਨਣਾ ਹੈ ਕਿ ਇੰਡਸਟਰੀ ਨੇ ਸੰਨੀ ਦੀ ਪ੍ਰਤਿਭਾ ਨਾਲ ਇਨਸਾਫ ਨਹੀਂ ਕੀਤਾ ਹੈ। ਪਰ ਪਰਮੇਸ਼ੁਰ ਨੇ ਇਨਸਾਫ਼ ਕੀਤਾ ਹੈ। ਇਹ ਸੁਣ ਕੇ ਸੰਨੀ ਦਿਓਲ ਦੀਆਂ ਅੱਖਾਂ 'ਚ ਹੰਝੂ ਆ ਗਏ ਅਤੇ ਰੋਣ ਲੱਗ ਪਏ। ਉਨ੍ਹਾਂ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
