16 ਸਤੰਬਰ ਨੂੰ ਨਹੀਂ ਇਸ ਦਿਨ 75 ਰੁਪਏ `ਚ ਮਿਲੇਗੀ ਫ਼ਿਲਮ ਦੀ ਟਿਕਟ, ਸਿਨੇਮਾ ਐਸੋਸੀਏਸ਼ਨ ਨੇ ਬਦਲੀ ਤਰੀਕ
ਮਲਟੀਪਲੈਕਸ ਐਸੋਸੀਏਸ਼ਨ ਆਫ ਇੰਡੀਆ, ਜਿਸ ਨੇ 16 ਸਤੰਬਰ ਨੂੰ ਰਾਸ਼ਟਰੀ ਸਿਨੇਮਾ ਦਿਵਸ ਮਨਾਉਣ ਦਾ ਫੈਸਲਾ ਕੀਤਾ ਸੀ, ਨੇ ਹੁਣ ਇਸ ਨੂੰ ਇਕ ਹਫਤੇ ਲਈ ਮੁਲਤਵੀ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਦਿਵਸ 23 ਸਤੰਬਰ ਨੂੰ ਮਨਾਇਆ ਜਾਵੇਗਾ।
National Cinema Day Postponed To 23 September: ਮਲਟੀਪਲੈਕਸ ਐਸੋਸੀਏਸ਼ਨ ਆਫ ਇੰਡੀਆ, ਜਿਸ ਨੇ 16 ਸਤੰਬਰ ਨੂੰ ਰਾਸ਼ਟਰੀ ਸਿਨੇਮਾ ਦਿਵਸ ਮਨਾਉਣ ਦਾ ਫੈਸਲਾ ਕੀਤਾ ਸੀ, ਨੇ ਹੁਣ ਇਸ ਨੂੰ ਇਕ ਹਫਤੇ ਲਈ ਮੁਲਤਵੀ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਦਿਵਸ 23 ਸਤੰਬਰ ਨੂੰ ਮਨਾਇਆ ਜਾਵੇਗਾ। ਐਸੋਸੀਏਸ਼ਨ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ 'ਤੇ ਇਹ ਐਲਾਨ ਕੀਤਾ।
ਐਸੋਸੀਏਸ਼ਨ ਨੇ ਇੱਕ ਬਿਆਨ ਵਿੱਚ ਕਿਹਾ, "ਮਲਟੀਪਲੈਕਸ ਐਸੋਸੀਏਸ਼ਨ ਆਫ ਇੰਡੀਆ (MAI) ਅਤੇ ਭਾਰਤ ਭਰ ਦੇ ਸਿਨੇਮਾ, ਦਰਸ਼ਕਾਂ ਨੂੰ 75 ਰੁਪਏ `ਚ ਹਰ ਫ਼ਿਲਮ ਦੇਖਣ ਲਈ ਸੱਦਾ ਦਿੰਦੇ ਹਨ। ਰਾਸ਼ਟਰੀ ਸਿਨੇਮਾ ਦਿਵਸ ਪਹਿਲਾਂ 16 ਸਤੰਬਰ ਨੂੰ ਆਯੋਜਿਤ ਕਰਨ ਦਾ ਐਲਾਨ ਕੀਤਾ ਗਿਆ ਸੀ, ਹਾਲਾਂਕਿ, ਵੱਖ-ਵੱਖ 'ਸਟੇਕਹੋਲਡਰਾਂ' ਦੀ ਬੇਨਤੀ 'ਤੇ ਅਤੇ ਵੱਧ ਤੋਂ ਵੱਧ ਭਾਗੀਦਾਰੀ ਕਰਨ ਲਈ, ਇਹ ਦਿਵਸ 23 ਸਤੰਬਰ ਨੂੰ ਮਨਾਇਆ ਜਾਵੇਗਾ।
The National Cinema Day was previously announced to be held on 16th September, however, on request from various stake holders and in order to maximize participation, it would now be held on 23rd September #NationalCinemaDay2022 #Sep23 pic.twitter.com/c5DeDCYaMD
— Multiplex Association Of India (@MAofIndia) September 13, 2022
ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਸਮਾਰੋਹ 4000 ਤੋਂ ਵੱਧ ਭਾਗ ਲੈਣ ਵਾਲੀਆਂ ਸਕ੍ਰੀਨਾਂ 'ਤੇ ਆਯੋਜਿਤ ਕੀਤੇ ਜਾਣਗੇ ਅਤੇ ਇਸ ਵਿੱਚ PVR, INOX, Cinepolis, Carnival, Miraj, Citypride, ASIAN, Mukta A2, Movie Time, Wave, M2K ਅਤੇ Delite ਅਤੇ ਹੋਰ ਬਹੁਤ ਸਾਰੀਆਂ ਸਿਨੇਮਾ ਸਕ੍ਰੀਨਾਂ ਸ਼ਾਮਲ ਹੋਣਗੀਆਂ।
ਦਰਅਸਲ, ਕੋਵਿਡ ਕਾਲ ਦੌਰਾਨ ਲੌਕਡਾਊਨ ਸੀ। ਜਿਸ ਕਾਰਨ ਸਿਨੇਮਾਘਰ ਵੀ ਬੰਦ ਪਏ ਸੀ। ਹੁਣ ਜ਼ਿਆਦਾ ਤੋਂ ਜ਼ਿਆਦਾ ਦਰਸ਼ਕਾਂ ਨੂੰ ਫ਼ਿਲਮਾਂ ਦੇਖਣ ਲਈ ਉਤਸ਼ਾਹਿਤ ਕਰਨ ਲਈ ਇਹ ਦਿਨ ਮਨਾਇਆ ਜਾ ਰਿਹਾ ਹੈ। ਇਸ ਪਹਿਲਕਦਮੀ ਦੇ ਜ਼ਰੀਏ, ਸਿਨੇਮਾ ਹਾਲ ਉਨ੍ਹਾਂ ਲੋਕਾਂ ਨੂੰ ਵੀ ਸੱਦਾ ਦੇਣਾ ਚਾਹੁੰਦੇ ਹਨ, ਜਿਨ੍ਹਾਂ ਨੇ ਮਹਾਂਮਾਰੀ ਤੋਂ ਬਾਅਦ ਵੀ ਸਿਨੇਮਾਘਰਾਂ ਵਿੱਚ ਜਾਣਾ ਸ਼ੁਰੂ ਨਹੀਂ ਕੀਤਾ ਹੈ।
ਹਾਲਾਂਕਿ ਭਾਰਤ ਵਿੱਚ ਸਿਨੇਮਾਘਰ 23 ਸਤੰਬਰ ਨੂੰ ਹਰ ਫਿਲਮ ਲਈ 75 ਰੁਪਏ ਦੀ ਰਕਮ ਵਸੂਲ ਕਰਨਗੇ, ਆਨਲਾਈਨ ਥਰਡ-ਪਾਰਟੀ ਐਪਸ ਜਾਂ ਵੈੱਬਸਾਈਟਾਂ ਵਾਧੂ ਟੈਕਸ ਲਗਾ ਸਕਦੀਆਂ ਹਨ। ਉਦਾਹਰਨ ਲਈ, BookMyShow ਅਜੇ ਵੀ ₹ 75 ਕੀਮਤ ਟੈਗ ਦੇ ਸਿਖਰ 'ਤੇ ਵਾਧੂ ਇੰਟਰਨੈੱਟ ਫੀਸਾਂ ਅਤੇ GST ਵਸੂਲਣ ਲਈ ਜਵਾਬਦੇਹ ਹੈ। ਜੇਕਰ ਫਿਲਮ ਦੇਖਣ ਵਾਲੇ ਪੈਸਾ ਬਚਾਉਣਾ ਚਾਹੁੰਦੇ ਹਨ, ਤਾਂ ਉਹ ਪੁਰਾਣੇ ਦਿਨਾਂ ਵਾਂਗ ਕਤਾਰਾਂ ਵਿੱਚ ਇੰਤਜ਼ਾਰ ਕਰ ਸਕਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
