![ABP Premium](https://cdn.abplive.com/imagebank/Premium-ad-Icon.png)
Neeru Bajwa: ਨੀਰੂ ਬਾਜਵਾ ਦੀ 'ਬੂਹੇ ਬਾਰੀਆਂ' ਦਾ ਟਰੇਲਰ ਰਿਲੀਜ਼, ਮਰਦ ਪ੍ਰਧਾਨ ਸਮਾਜ 'ਚ ਆਪਣਾ ਵਜੂਦ ਤਲਾਸ਼ਦੀ ਔਰਤਾਂ ਦੀ ਕਹਾਣੀ
Buhe Bariyan Trailer: 'ਬੂਹੇ ਬਾਰੀਆਂ' ਦੀ ਕਹਾਣੀ ਉਨ੍ਹਾਂ ਔਰਤਾਂ ਦੇ ਆਲੇ ਦੁਆਲੇ ਘੁੰਮਦੀ ਹੈ, ਜੋ ਮਰਦ ਪ੍ਰਧਾਨ ਸਮਾਜ ਵਿੱਚ ਆਪਣਾ ਵਜੂਦ ਤਲਾਸ਼ ਕਰਨ ਲਈ ਨਿਕਲਦੀਆਂ ਹਨ। ਪਰ ਉਨ੍ਹਾਂ ਦਾ ਇਹ ਰਾਹ ਅਸਾਨ ਨਹੀਂ ਹੈ।
![Neeru Bajwa: ਨੀਰੂ ਬਾਜਵਾ ਦੀ 'ਬੂਹੇ ਬਾਰੀਆਂ' ਦਾ ਟਰੇਲਰ ਰਿਲੀਜ਼, ਮਰਦ ਪ੍ਰਧਾਨ ਸਮਾਜ 'ਚ ਆਪਣਾ ਵਜੂਦ ਤਲਾਸ਼ਦੀ ਔਰਤਾਂ ਦੀ ਕਹਾਣੀ neeru bajwa nirmal rishi starrer movie buhe bariyan trailer out now watch here Neeru Bajwa: ਨੀਰੂ ਬਾਜਵਾ ਦੀ 'ਬੂਹੇ ਬਾਰੀਆਂ' ਦਾ ਟਰੇਲਰ ਰਿਲੀਜ਼, ਮਰਦ ਪ੍ਰਧਾਨ ਸਮਾਜ 'ਚ ਆਪਣਾ ਵਜੂਦ ਤਲਾਸ਼ਦੀ ਔਰਤਾਂ ਦੀ ਕਹਾਣੀ](https://feeds.abplive.com/onecms/images/uploaded-images/2023/08/19/bdec8367fd073f4d341c59e4ce2275461692419280785469_original.jpg?impolicy=abp_cdn&imwidth=1200&height=675)
Neeru Bajwa Buhe Bariyan Trailer Out Now: ਨੀਰੂ ਬਾਜਵਾ ਪੰਜਾਬੀ ਇੰਡਸਟਰੀ ਦੀਆਂ ਟੌਪ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਇਸ ਸਾਲ ਨੀਰੂ ਖੂਬ ਚਰਚਾ ਦਾ ਵਿਸ਼ਾ ਬਣੀ ਰਹੀ ਹੈ। ਉਨ੍ਹਾਂ ਦੀ ਫਿਲਮ 'ਕਲੀ ਜੋਟਾ' ਕਰਕੇ ਨੀਰੂ ਨੂੰ ਖੂਬ ਤਾਰੀਫਾਂ ਮਿਲੀਆਂ। ਹੁਣ ਨੀਰੂ ਜਲਦ ਹੀ ਫਿਲਮ 'ਬੂਹੇ ਬਾਰੀਆਂ' 'ਚ ਨਜ਼ਰ ਆਉਣ ਵਾਲੀ ਹੈ। ਇਹ ਫਿਲਮ 15 ਸਤੰਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਫਿਲਮ ਦਾ ਸ਼ਾਨਦਾਰ ਟਰੇਲਰ ਰਿਲੀਜ਼ ਹੋ ਗਿਆ ਹੈ, ਜਿਸ ਨੂੰ ਦੇਖ ਕੇ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਪੰਜਾਬੀ ਸਿਨੇਮਾ ਨੇ ਨਵਾਂ ਮੋੜ ਲੈ ਲਿਆ ਹੈ। ਇਸ ਸਾਲ ਪੰਜਾਬੀ ਇੰਡਸਟਰੀ 'ਚ ਔਰਤਾਂ ਦੀ ਕਹਾਣੀ ਦਰਸਾਉਂਦੀਆਂ ਫਿਲਮਾਂ ਬਣੀਆਂ, ਨੀਰੂ ਦੀ ਆਉਣ ਵਾਲੀ ਫਿਲਮ 'ਬੂਹੇ ਬਾਰੀਆਂ' ਵੀ ਅਜਿਹੀ ਹੀ ਹੈ।
ਇਹ ਵੀ ਪੜ੍ਹੋ: ਮੀਕਾ ਸਿੰਘ ਬਣੇ ਦੋਸਤੀ ਦੀ ਮਿਸਾਲ, ਬੈਸਟ ਫਰੈਂਡ ਦੇ ਜਨਮਦਿਨ 'ਤੇ ਗਿਫਟ ਕੀਤਾ ਕਰੋੜਾਂ ਦਾ ਫਲੈਟ
'ਬੂਹੇ ਬਾਰੀਆਂ' ਦੀ ਕਹਾਣੀ ਉਨ੍ਹਾਂ ਔਰਤਾਂ ਦੇ ਆਲੇ ਦੁਆਲੇ ਘੁੰਮਦੀ ਹੈ, ਜੋ ਮਰਦ ਪ੍ਰਧਾਨ ਸਮਾਜ ਵਿੱਚ ਆਪਣਾ ਵਜੂਦ ਤਲਾਸ਼ ਕਰਨ ਲਈ ਨਿਕਲਦੀਆਂ ਹਨ। ਪਰ ਉਨ੍ਹਾਂ ਦਾ ਇਹ ਰਾਹ ਅਸਾਨ ਨਹੀਂ ਹੈ। ਔਰਤਾਂ ਦਾ ਇਕ ਗਰੁੱਪ ਮਰਦ ਪ੍ਰਧਾਨ ਸਮਾਜ ਤੇ ਉਸ ਦੀਆਂ ਜ਼ਿਆਦਤੀਆਂ ਦੇ ਖਿਲਾਫ ਬਗਾਵਤ 'ਤੇ ਉੱਤਰਿਆ ਹੈ, ਪਰ ਕਿਸੇ ਨੂੰ ਇਹ ਗਵਾਰਾ ਨਹੀਂ ਹੈ ਕਿ ਔਰਤਾਂ ਸਮਾਜ 'ਚ ਖੁੱਲ੍ਹ ਕੇ ਜਿਉਣ ਦੀ ਇੱਛਾ ਰੱਖਣ। ਦੱਸ ਦਈਏ ਕਿ ਨੀਰੂ ਬਾਜਵਾ ਨੇ ਫਿਲਮ 'ਚ ਪੁਲਿਸ ਇੰਸਪੈਕਟਰ ਪ੍ਰੇਮਾ ਕੌਰ ਦਾ ਕਿਰਦਾਰ ਨਿਭਾਇਆ ਹੈ, ਹੁਣ ਪ੍ਰੇਮਾ ਕੌਰ ਇਨ੍ਹਾਂ ਔਰਤਾਂ ਦੀ ਕਿੰਨੀ ਮਦਦ ਕਰਦੀ ਹੈ ਤੇ ਕਿੰਨੀ ਨਹੀਂ, ਇਹ ਜਾਨਣ ਲਈ ਦੇਖੋ ਫਿਲਮ ਦਾ ਟਰੇਲਰ:
View this post on Instagram
ਕਾਬਿਲੇਗ਼ੌਰ ਹੈ ਕਿ 'ਬੂਹੇ ਬਾਰੀਆਂ' ਫਿਲਮ 'ਚ ਔਰਤਾਂ ਦਾ ਦਮਦਾਰ ਕਿਰਦਾਰ ਦਿਖਾਇਆ ਗਿਆ ਹੈ, ਜੋ ਕਿ ਮਰਦ ਪ੍ਰਧਾਨ ਸਮਾਜ 'ਤੇ ਭਾਰੀ ਪੈਂਦੀਆਂ ਨਜ਼ਰ ਆ ਰਹੀਆਂ ਹਨ। ਇਹ ਫਿਲਮ 15 ਸਤੰਬਰ 2023 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)