Tania: ਅਦਾਕਾਰਾ ਤਾਨੀਆ ਇੰਡਸਟਰੀ ਦੇ ਇਸ ਸਟਾਰ ਨੂੰ ਕਰਨਾ ਚਾਹੁੰਦੀ ਹੈ ਡੇਟ, ਸਭ ਦੇ ਸਾਹਮਣੇ ਖੋਲ੍ਹੀ ਦਿਲ ਦੀ ਗੱਲ

Tania Wants To Date AP Dhillon: ਪੰਜਾਬੀ ਅਦਾਕਾਰਾ ਤਾਨੀਆ ਨੇ ਫਿਲਮ ਇੰਡਸਟਰੀ ਵਿੱਚ ਆਪਣੇ ਦਮ ਤੇ ਵੱਖਰੀ ਪਛਾਣ ਬਣਾਈ ਹੈ। ਉਨ੍ਹਾਂ ਵੱਲੋਂ ਹਾਲੇ ਤੱਕ ਕੀਤੀਆਂ ਗਈਆਂ ਸਾਰੀਆਂ ਫਿਲਮਾਂ ਨੂੰ ਪ੍ਰਸ਼ੰਸਕਾਂ ਦਾ ਭਰਮਾਂ ਹੁੰਗਾਰਾ ਮਿਲਦਾ ਹੈ

Tania Wants To Date AP Dhillon

Tania Wants To Date AP Dhillon: ਪੰਜਾਬੀ ਅਦਾਕਾਰਾ ਤਾਨੀਆ ਨੇ ਫਿਲਮ ਇੰਡਸਟਰੀ ਵਿੱਚ ਆਪਣੇ ਦਮ ਤੇ ਵੱਖਰੀ ਪਛਾਣ ਬਣਾਈ ਹੈ। ਉਨ੍ਹਾਂ ਵੱਲੋਂ ਹਾਲੇ ਤੱਕ ਕੀਤੀਆਂ ਗਈਆਂ ਸਾਰੀਆਂ ਫਿਲਮਾਂ ਨੂੰ ਪ੍ਰਸ਼ੰਸਕਾਂ ਦਾ ਭਰਮਾਂ ਹੁੰਗਾਰਾ ਮਿਲਦਾ ਹੈ। ਤਾਨੀਆ ਨੂੰ ਪਸੰਦ ਕਰਨ ਵਾਲੇ ਕਈ ਲੋਕ ਹਨ, ਪਰ ਕੀ ਤੁਸੀ ਜਾਣਦੇ ਹੋ ਤਾਨੀਆ ਵੀ ਇੰਡਸਟਰੀ ਦੇ ਇੱਕ ਸਟਾਰ ਉੱਪਰ ਬੇਹੱਦ ਮਰਦੀ ਹੈ। ਆਪਣੇ ਦਿਲ ਦੀ ਗੱਲ ਦਾ ਖੁਲਾਸਾ ਤਾਨੀਆ ਵੱਲੋਂ ਇੱਕ ਖਾਸ ਇੰਟਰਵਿਊ ਦੌਰਾਨ ਕੀਤਾ ਗਿਆ ਹੈ।

ਦਰਅਸਲ, ਸੋਨਮ ਬਾਜਵਾ ਦੇ ਸ਼ੋਅ ਦਿਲ ਦੀਆਂ ਗੱਲਾਂ ਵਿੱਚ ਅਦਾਕਾਰਾ ਵੱਲੋਂ ਇਸਦਾ ਖੁਲਾਸਾ ਕੀਤਾ ਗਿਆ। ਜਦੋਂ ਸੋਨਮ ਵੱਲੋਂ ਤਾਨੀਆ ਨੂੰ ਪੁੱਛਿਆ ਗਿਆ ਕਿ ਉਹ ਕਿਸਨੂੰ ਡੇਟ ਕਰਨਾ ਚਾਹੁੰਦੀ ਹੈ ਤਾਂ ਤਾਨੀਆ ਨੇ ਖੁਸ਼ ਹੋ ਕਿਹਾ ਏਪੀ ਢਿੱਲੋਂ... ਤੁਸੀ ਵੀ ਵੇਖੋ Zee ਪੰਜਾਬੀ ਫੇਸਬੁੱਕ ਉੱਪਰ ਸਾਂਝਾ ਕੀਤਾ ਗਿਆ ਇਹ ਵੀਡੀਓ...ਇਸ ਵਿੱਚ ਤਾਨੀਆ ਦੇ ਨਾਲ-ਨਾਲ ਮੈਂਡੀ ਤੱਖਰ ਵੀ ਆਪਣੇ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕਰਦੀ ਨਜ਼ਰ ਆਈ। 

ਕਾਬਿਲੇਗੌਰ ਹੈ ਕਿ ਸੋਨਮ ਬਾਜਵਾ ਦੇ ਨਾਲ-ਨਾਲ ਤਾਨੀਆ ਪੰਜਾਬੀ ਸਿਨੇਮਾ ਜਗਤ ਦੀਆਂ ਮਸ਼ਹੂਰ ਅਦਾਕਾਰਾਵਾਂ ਵਿੱਚੋਂ ਇੱਕ ਹਨ। ਜਿੰਨਾਂ ਨੇ ਆਪਣੀ ਅਦਾਕਾਰੀ ਦਾ ਲੋਹਾ ਦੁਨੀਆਂ ਭਰ ਵਿੱਚ ਮਨਵਾਇਆ ਹੈ। ਹਾਲ ਹੀ ਵਿੱਚ ਸੋਨਮ ਬਾਜਵਾ ਅਤੇ ਤਾਨੀਆ ਨੂੰ ਫਿਲਮ ਗੋਡੇ-ਗੋਡੇ ਚਾਅ ਵਿੱਚ ਦੇਖਿਆ ਗਿਆ। ਇਸ ਫਿਲਮ ਰਾਹੀਂ ਦੋਵਾਂ ਨੇ ਆਪਣੀ ਕਾਮੇਡੀ ਨਾਲ ਦਰਸ਼ਕਾ ਨੂੰ ਹੱਸਣ ਤੇ ਮਜ਼ਬੂਰ ਕਰ ਦਿੱਤਾ। 

ਦੱਸ ਦੇਈਏ ਕਿ ਵਿਜੈ ਕੁਮਾਰ ਅਰੋੜਾ ਦੁਆਰਾ ਨਿਰਦੇਸ਼ਿਤ ਕੀਤੀ ਗਈ ਇਸ ਫਿਲਮ ਦੀ ਕਹਾਣੀ ਜਗਦੀਪ ਸਿੰਧੂ ਦੁਆਰਾ ਲਿਖੀ ਗਈ ਹੈ। ਇਸ ਫਿਲਮ ਵਿੱਚ 80-90 ਦੇ ਦਹਾਕਿਆਂ ਦੀ ਝਲਕ ਦੇਖ ਇੱਕ ਵਾਰ ਫਿਰ ਤੋਂ ਲੋਕਾਂ ਨੂੰ ਪੁਰਾਣੇ ਸਮੇਂ ਦੀ ਯਾਦ ਆ ਗਈ। ਉਨ੍ਹਾਂ ਵੱਲ਼ੋਂ ਫਿਲਮ ਨੂੰ ਲੈ ਬੇਹੱਦ ਮਜ਼ੇਦਾਰ ਪ੍ਰਤੀਕਿਰਿਆ ਦਿੱਤੀ ਗਈ। ਖਾਸ ਗੱਲ ਇਹ ਹੈ ਕਿ ਦੋ ਹਫ਼ਤਿਆਂ ਵਿਚਕਾਰ ਵੀ ਫਿਲਮ ਦਾ ਜਾਦੂ ਲਗਾਤਾਰ ਕਾਇਮ ਹੈ। ਇਸ ਫਿਲਮ ਨੇ ਹਾਲੇ ਤੱਕ 13.77 ਕਰੋੜ ਤੱਕ ਦੀ ਕਮਾਈ ਕਰ ਲਈ ਹੈ। ਇਸ ਤੋਂ ਪਤਾ ਚੱਲਦਾ ਹੈ ਕਿ ਸਿਨੇਮਾਘਰਾਂ ਵਿੱਚ ਫਿਲਮ ਨੂੰ ਭਰਮਾ ਹੁੰਗਾਰਾ ਮਿਲ ਰਿਹਾ ਹੈ।