Ammy Virk Birthday : ਐਮੀ ਵਿਰਕ ਸਾਹਮਣੇ ਵੱਡੇ-ਵੱਡੇ ਕਲਾਕਾਰ ਫੇਲ੍ਹ, ਇਸ ਗੀਤ ਨੂੰ ਮਿਲੇ 1.4 ਅਰਬ ਵਿਊਜ਼
ਅਮਰਿੰਦਰਪਾਲ ਸਿੰਘ ਵਿਰਕ (ਐਮੀ ਵਿਰਕ) ਨੂੰ ਫਿਲਮ ਇੰਡਸਟਰੀ 'ਚ ਐਮੀ ਵਿਰਕ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਐਮੀ ਪੰਜਾਬੀ ਸਿਨੇਮਾ ਦਾ ਇੱਕ ਮਸ਼ਹੂਰ ਚਿਹਰਾ ਹੈ ਜਿਸ ਦੀ ਜਬਰਦਸਤ ਫੈਨ ਫੌਲੋਇੰਗ ਹੈ।
ਚੰਡੀਗੜ੍ਹ: ਅਮਰਿੰਦਰਪਾਲ ਸਿੰਘ ਵਿਰਕ (ਐਮੀ ਵਿਰਕ) ਨੂੰ ਫਿਲਮ ਇੰਡਸਟਰੀ 'ਚ ਐਮੀ ਵਿਰਕ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਐਮੀ ਪੰਜਾਬੀ ਸਿਨੇਮਾ ਦਾ ਇੱਕ ਮਸ਼ਹੂਰ ਚਿਹਰਾ ਹੈ ਜਿਸ ਦੀ ਜਬਰਦਸਤ ਫੈਨ ਫੌਲੋਇੰਗ ਹੈ। ਉਹ ਹਰ ਸਾਲ 11 ਮਈ ਨੂੰ ਆਪਣਾ ਜਨਮ ਦਿਨ ਮਨਾਉਂਦਾ ਹੈ। ਐਮੀ ਇੱਕ ਬਹੁਮੁਖੀ ਗਾਇਕ, ਅਦਾਕਾਰ ਤੇ ਨਿਰਮਾਤਾ ਹੈ। ਪੰਜਾਬੀ ਫਿਲਮਾਂ ਤੋਂ ਇਲਾਵਾ ਉਹ ਹਿੰਦੀ ਫਿਲਮਾਂ ਵਿੱਚ ਵੀ ਨਜ਼ਰ ਆ ਚੁੱਕੇ ਹਨ।
ਐਮੀ ਵਿਰਕ ਗਾਇਕ ਨਾਲ ਇੱਕ ਵਧੀਆ ਅਦਾਕਾਰ ਵੀ ਹੈ। ਆਪਣੀ ਅਦਾਕਾਰੀ ਸਦਕਾ ਉਸ ਨੇ ਦਰਸ਼ਕਾਂ ਦੇ ਦਿਲਾਂ ਵਿੱਚ ਇੱਕ ਵੱਖਰਾ ਮੁਕਾਮ ਹਾਸਲ ਕੀਤਾ ਹੈ। ਉਸ ਨੇ ਪੰਜਾਬੀ ਫ਼ਿਲਮ ਅੰਗਰੇਜ਼ ਨਾਲ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਹ ਫਿਲਮ ਸਾਲ 2015 'ਚ ਰਿਲੀਜ਼ ਹੋਈ ਸੀ। ਫਿਲਮ ਵਿੱਚ ਉਸ ਨੇ ਹਾਕਮ ਨਾਮੀ ਵਿਅਕਤੀ ਦਾ ਕਿਰਦਾਰ ਨਿਭਾਇਆ ਹੈ। ਲੋਕਾਂ ਨੇ ਇਸ ਕਿਰਦਾਰ ਨੂੰ ਬਹੁਤ ਪਸੰਦ ਕੀਤਾ। ਇਸ ਫਿਲਮ ਲਈ ਉਸਨੂੰ ਪੀਟੀਸੀ ਪੰਜਾਬੀ ਫਿਲਮ ਐਵਾਰਡਸ ਵਿੱਚ ਸਰਵੋਤਮ ਡੈਬਿਊ ਅਦਾਕਾਰ ਦਾ ਖਿਤਾਬ ਦਿੱਤਾ ਗਿਆ ਸੀ।
ਆਪਣੀ ਪਹਿਲੀ ਫ਼ਿਲਮ ਦੀ ਜ਼ਬਰਦਸਤ ਸਫਲਤਾ ਤੋਂ ਬਾਅਦ ਐਮੀ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਆਪਣੇ ਫਿਲਮੀ ਕਰੀਅਰ ਵਿੱਚ ਉਨ੍ਹਾਂ ਨੇ ਇੱਕ ਤੋਂ ਵੱਧ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਉਸ ਨੂੰ ਨਿੱਕਾ ਜ਼ੈਲਦਾਰ ਸੀਰੀਜ਼ ਦੀਆਂ ਫ਼ਿਲਮਾਂ ਵਿੱਚ ਨਿੱਕਾ ਜੈਲਦਾਰ, ਕਿਸਮਤ ਤੇ ਕਿਸਮਤ 2 ਵਿੱਚ ਸ਼ਿਵਜੀਤ, ਹਰਜੀਤਾ ਵਿੱਚ ਹਰਜੀਤ ਸਿੰਘ ਤੇ ਅੰਗਰੇਜ਼ ਵਿੱਚ ਹਾਕਮ ਦੀ ਭੂਮਿਕਾ ਨਿਭਾਉਣ ਲਈ ਜਾਣਿਆ ਜਾਣਿਆ ਜਾਂਦਾ ਹੈ।
ਉਹ ਅਜੇ ਦੇਵਗਨ ਦੀ ਫ਼ਿਲਮ ਭੁਜ ਤੇ ਰਣਵੀਰ ਸਿੰਘ ਦੀ ਫਿਲਮ 83 ਵਿੱਚ ਵੀ ਕੰਮ ਕਰ ਚੁੱਕਾ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਉਸ ਦੀ ਫ਼ਿਲਮ ਅੰਗਰੇਜ਼ ਤੇ ਕਿਸਮਤ ਹੁਣ ਤੱਕ ਦੀਆਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਪੰਜਾਬੀ ਫਿਲਮਾਂ ਵਿੱਚੋਂ ਇੱਕ ਹਨ। ਇਸ ਤੋਂ ਇਲਾਵਾ ਉਸ ਦੀ ਇਕ ਪ੍ਰੋਡਕਸ਼ਨ ਕੰਪਨੀ 'ਵਿਲਰਜ਼ ਫਿਲਮ ਸਟੂਡੀਓ' ਅਤੇ ਇਕ ਡਿਸਟ੍ਰੀਬਿਊਸ਼ਨ ਕੰਪਨੀ 'ਇਨ ਹਾਊਸ ਗਰੁੱਪ' ਵੀ ਹੈ।
ਭਾਵੇਂ ਐਮੀ ਪੰਜਾਬੀ ਫ਼ਿਲਮ ਇੰਡਸਟਰੀ 'ਚ ਕਾਫੀ ਮਸ਼ਹੂਰ ਹੈ ਪਰ ਉਸ ਦੇ ਕਰੀਅਰ 'ਚ ਇਕ ਅਜਿਹੀ ਫਿਲਮ ਹੈ, ਜਿਸ ਕਾਰਨ ਉਹ ਪੂਰੇ ਦੇਸ਼ 'ਚ ਮਸ਼ਹੂਰ ਹੋ ਗਈ। ਇਸ ਫਿਲਮ ਦਾ ਨਾਂ 'ਲੌਂਗ ਲਾਚੀ' ਸੀ। ਫਿਲਮ ਦਾ ਟਾਈਟਲ ਟਰੈਕ ਕਾਫੀ ਹਿੱਟ ਰਿਹਾ ਸੀ। ਪੰਜਾਬ ਹੀ ਨਹੀਂ ਪੂਰੇ ਦੇਸ਼ ਨੇ ਗੀਤ ਨੂੰ ਪਿਆਰ ਦਿੱਤਾ।
ਸਾਲ 2018 'ਚ ਰਿਲੀਜ਼ ਹੋਏ ਇਸ ਗੀਤ ਨੂੰ ਲੋਕ 4 ਸਾਲ ਬਾਅਦ ਵੀ ਸੁਣਨਾ ਪਸੰਦ ਕਰਦੇ ਹਨ। ਸਭ ਤੋਂ ਵੱਧ ਵਿਊਜ਼ ਦਾ ਰਿਕਾਰਡ ਇਸ ਗੀਤ ਦੇ ਨਾਂ ਦਰਜ ਹੈ। ਹੁਣ ਤੱਕ ਇਸ ਗੀਤ ਨੂੰ ਯੂਟਿਊਬ 'ਤੇ 140 ਮਿਲੀਅਨ ਵਾਰ ਦੇਖਿਆ ਜਾ ਚੁੱਕਾ ਹੈ। ਇਸ ਮਾਮਲੇ 'ਚ ਬਾਲੀਵੁੱਡ ਦੇ ਦਿੱਗਜ ਵੀ ਉਨ੍ਹਾਂ ਦਾ ਰਿਕਾਰਡ ਨਹੀਂ ਤੋੜ ਸਕੇ। ਉਨ੍ਹਾਂ ਦੇ ਪਿੱਛੇ ਰਣਵੀਰ ਸਿੰਘ ਹਨ,ਜਿਨ੍ਹਾਂ ਦਾ ਗੀਤ ਆਂਖ ਮਾਰੇ 110 ਕਰੋੜ ਵਿਊਜ਼ ਨੂੰ ਪਾਰ ਕਰ ਚੁੱਕਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
