Amrinder Gill: ਅਮਰਿੰਦਰ ਗਿੱਲ ਹੋਏ ਸ਼ਰਾਬੀ, ਯੂਜ਼ਰਸ ਕਮੈਂਟ ਕਰ ਬੋਲੇ- 'ਐਨੀ ਗਰਮੀ 'ਚ...'
Daaru Na Peenda Hove Trailer: ਪੰਜਾਬੀ ਅਦਾਕਾਰ ਅਤੇ ਮਸ਼ਹੂਰ ਗਾਇਕ ਅਮਰਿੰਦਰ ਗਿੱਲ ਇੱਕ ਵਾਰ ਫਿਰ ਤੋਂ ਪ੍ਰਸ਼ੰਸਕਾਂ ਵਿਚਾਲੇ ਸੁਰਖੀਆਂ ਦਾ ਵਿਸ਼ਾ ਬਣੇ ਹੋਏ ਹਨ। ਇਸ ਵਾਰ ਗਾਇਕ ਨੂੰ ਕੁਝ ਅਜਿਹਾ ਕਰਦੇ ਹੋਏ ਵੇਖਿਆ ਜਾ ਰਿਹਾ ਹੈ,
Daaru Na Peenda Hove Trailer: ਪੰਜਾਬੀ ਅਦਾਕਾਰ ਅਤੇ ਮਸ਼ਹੂਰ ਗਾਇਕ ਅਮਰਿੰਦਰ ਗਿੱਲ ਇੱਕ ਵਾਰ ਫਿਰ ਤੋਂ ਪ੍ਰਸ਼ੰਸਕਾਂ ਵਿਚਾਲੇ ਸੁਰਖੀਆਂ ਦਾ ਵਿਸ਼ਾ ਬਣੇ ਹੋਏ ਹਨ। ਇਸ ਵਾਰ ਗਾਇਕ ਨੂੰ ਕੁਝ ਅਜਿਹਾ ਕਰਦੇ ਹੋਏ ਵੇਖਿਆ ਜਾ ਰਿਹਾ ਹੈ, ਜਿਸ ਨੂੰ ਵੇਖ ਪ੍ਰਸ਼ੰਸਕ ਹੱਸ-ਹੱਸ ਦੋਹਰੇ ਹੋ ਰਹੇ ਹਨ। ਦਰਅਸਲ, ਕਲਾਕਾਰ ਇੱਕ ਵਾਰ ਫਿਰ ਤੋਂ ਫੈਨਜ਼ ਵਿਚਾਲੇ ਕੁਝ ਅਜਿਹਾ ਲੈ ਕੇ ਪੇਸ਼ ਹੋਏ ਹਨ, ਜਿਸ ਨੂੰ ਵੇਖ ਹਰ ਕੋਈ ਗਦਗਦ ਹੋ ਰਿਹਾ ਹੈ। ਦੱਸ ਦੇਈਏ ਕਿ ਕਲਾਕਾਰ ਦੀ ਨਵੀਂ ਫਿਲਮ ਦਾਰੂ ਨਾ ਪੀਂਦਾ ਹੋਵੇ ਦਾ ਮਜ਼ੇਦਾਰ ਟ੍ਰੇਲਰ ਰਿਲੀਜ਼ ਹੋ ਚੁੱਕਾ ਹੈ। ਇਸ ਵਿੱਚ ਕਲਾਕਾਰ ਨਾਲ ਉਹੀ ਛੋਟੀ ਬੱਚੀ ਨੂਰ ਕੌਰ ਨਜ਼ਰ ਆ ਰਹੀ ਹੈ, ਜਿਸ ਨੂੰ ਅਮਰਿੰਦਰ ਗਿੱਲ ਦੀ ਧੀ ਕਿਹਾ ਜਾ ਰਿਹਾ ਹੈ।
ਫਿਲਮ ਵਿੱਚ ਅਹਿਮ ਭੂਮਿਕਾ 'ਚ ਨਜ਼ਰ ਆਉਣਗੇ ਇਹ ਕਲਾਕਾਰ
ਦੱਸ ਦੇਈਏ ਕਿ ਇਹ ਫਿਲਮ ਭਾਵੁਕ ਕਰ ਦੇਣ ਦੇ ਨਾਲ-ਨਾਲ ਹਾਸੇ-ਮਜ਼ਾਕ ਵਾਲੀ ਵੀ ਹੋਏਗੀ। ਇਸਦਾ ਅੰਦਾਜ਼ਾ ਫਿਲਮ ਦੇ ਟ੍ਰੇਲਰ ਤੋਂ ਲਗਾਇਆ ਜਾ ਸਕਦਾ ਹੈ। ਇਸ ਫਿਲਮ 'ਚ ਅਮਰਿੰਦਰ ਗਿੱਲ ਮੁੱਖ ਭੂਮਿਕਾ ਨਿਭਾ ਰਹੇ ਹਨ। ਗਿੱਲ ਤੋਂ ਇਲਾਵਾ ਜ਼ਾਫਰੀ ਖਾਨ, ਸੋਹੇਲਾ ਕੌਰ ਅਤੇ ਪੁਖਰਾਜ ਸੰਧੂ ਵਰਗੇ ਕਲਾਕਾਰ ਵੀ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਫਿਲਮ 'ਦਾਰੂ ਨਾ ਪੀਂਦਾ ਹੋਵੇ' ਦੀ ਕਹਾਣੀ ਹਰਪ੍ਰੀਤ ਸਿੰਘ ਜਵੰਦਾ ਅਤੇ ਨਾਥਨ ਗੈਂਡਰੋਨ ਦੁਆਰਾ ਲਿਖੀ ਗਈ ਹੈ। ਇਹ ਫਿਲਮ 'ਬਰੂਕਸਵੁੱਡ ਫਿਲਮਜ਼' ਦੁਆਰਾ ਬਣਾਈ ਗਈ ਹੈ ਅਤੇ ਸੁਨੀਲ ਸ਼ਰਮਾ, ਦਰਸ਼ਨ ਸ਼ਰਮਾ, ਸੁਖਜਿੰਦਰ ਬੱਚੂ ਅਤੇ ਚਰਨਪ੍ਰੀਤ ਬੱਲ ਸਹਿ-ਨਿਰਮਾਤਾ ਹਨ। ਜਦੋਂ ਕਿ ਇਸ ਦਾ ਨਿਰਦੇਸ਼ਨ ਰਾਜੀਵ ਢੀਂਗਰਾ ਨੇ ਕੀਤਾ ਹੈ।
ਫੈਨਜ਼ ਵੱਲੋਂ ਟ੍ਰੇਲਰ ਨੂੰ ਲੈ ਪ੍ਰਤੀਕਿਰਿਆ
ਦੱਸ ਦੇਈਏ ਕਿ ਅਮਰਿੰਦਰ ਗਿੱਲ ਨੇ ਆਪਣੀ ਫਿਲਮ ਦੇ ਟ੍ਰੇਲਰ ਨੂੰ ਇੰਸਟਾਗ੍ਰਾਮ ਅਕਾਊਂਟ ਉੱਪਰ ਸਾਂਝਾ ਕੀਤਾ ਤਾਂ ਪ੍ਰਸ਼ੰਸਕਾਂ ਦਾ ਪ੍ਰਤੀਕਿਰਿਆਵਾਂ ਆਉਣੀਆਂ ਸ਼ੁਰੂ ਹੋ ਗਈਆਂ। ਇਸ ਦੌਰਾਨ ਇੱਕ ਪ੍ਰਸ਼ੰਸਕ ਨੇ ਕਮੈਂਟ ਕਰਦੇ ਹੋਏ ਲਿਖਿਆ, ਤੇਰੇ ਕਰਕੇ ਸਿਨਮੇ ਜਾਵਾਂਗੇ ਐਨੀ ਗਰਮੀ ਚ❤️❤️😂😂😂😂😂...ਇੱਕ ਨੇ ਲਿਖਿਆ, 'ਅਮਰਿੰਦਰ ਗਿੱਲ ਨੂੰ ਕਿਸੇ ਵਾਧੂ ਪ੍ਰਮੋਸ਼ਨ ਦੀ ਲੋੜ ਨਹੀਂ ਬਸ ਇੱਕ ਪੋਸਟ ਹੀ ਕਾਫੀ ਹੈ, ਸਿਨੇਮਾਘਰ ਭਰ ਜਾਣਗੇ ਆਪੇ ਹੀ।' ਇੱਕ ਹੋਰ ਨੇ ਲਿਖਿਆ, 'ਲੰਬੇ ਸਮੇਂ ਬਾਅਦ ਸਿਨੇਮਾਘਰਾਂ ਵਿੱਚ ਫਿਲਮ ਦੇਖਾਂਗਾ ਸਰ, ਤੁਹਾਨੂੰ 'ਦਾਰੂ ਨਾ ਪੀਂਦਾ ਹੋਵੇ' ਲਈ ਸ਼ੁੱਭਕਾਮਨਾਵਾਂ।' ਦੱਸ ਦੇਈਏ ਕਿ ਇਹ ਫਿਲਮ 2 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਏਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
