ਸਿੱਧੂ ਮੂਸੇਵਾਲ ਦਾ ਨਵਾਂ ਧਮਾਕਾ! ਰਾਜ ਬਰਾੜ ਦੀ ਬੇਟੀ ਸਵੀਤਾਜ਼ ਬਰਾੜ ਨਾਲ ਬਿੱਗ ਐਂਟਰੀ

ਰਿਲੀਜ਼ ਹੋਏ ਟੀਜ਼ਰ ਵਿੱਚ ਸਿੱਧੂ ਮੂਸੇਵਾਲਾ ਦਾ ਦਮਦਾਰ ਕਿਰਦਾਰ ਦੇਖਣ ਨੂੰ ਮਿਲ ਰਿਹਾ ਹੈ। ਰਿਲੀਜ਼ ਹੁੰਦਿਆਂ ਸਾਰ ਹੀ ਇਹ ਟੀਜ਼ਰ ਯੂਟਿਊਬ ਉੱਪਰ ਟ੍ਰੈਂਡਿੰਗ 'ਚ ਬਣ ਗਿਆ ਹੈ।

ਸਿੱਧੂ ਮੂਸੇਵਾਲਾ ਸਵੀਤਾਜ ਬਰਾੜ

ਚੰਡੀਗੜ੍ਹ: ਚਰਚਾ ਵਿੱਚ ਰਹਿਣ ਵਾਲੇ ਸਿੱਧੂ ਮੂਸੇਵਾਲਾ ਨੇ ਨਵਾਂ ਧਮਾਕਾ ਕੀਤਾ ਹੈ। ਸਿੱਧੂ ਮੂਸੇਵਾਲਾ ਦੀ ਡੈਬਿਊ ਫਿਲਮ 'ਮੂਸਾ ਜੱਟ' ਦਾ ਫਾਈਨਲੀ ਫਸਟ ਲੁਕ ਸਾਹਮਣੇ ਆ ਗਿਆ ਹੈ। ਫੈਨਜ਼ ਨੂੰ ਲੰਬਾ ਇੰਤਜ਼ਾਰ ਕਰਾਉਣ ਤੋਂ ਬਾਅਦ ਅੱਜ ਇਸ ਫਿਲਮ ਦਾ ਟੀਜ਼ਰ ਰਿਲੀਜ਼ ਹੋਇਆ।

ਇਸ ਫਿਲਮ ਵਿੱਚ ਸਿੱਧੂ ਮੂਸੇਵਾਲਾ ਦੇ ਆਪੋਜ਼ਿਟ ਮਰਹੂਮ ਰਾਜ ਬਰਾੜ ਦੀ ਬੇਟੀ ਸਵੀਤਾਜ਼ ਬਰਾੜ ਨਜ਼ਰ ਆਵੇਗੀ। ਇਸ ਫਿਲਮ ਤੋਂ ਪਹਿਲਾ ਸਿੱਧੂ ਦੀ ਫਿਲਮ 'Yes I Am Student' ਵੀ ਬਣ ਕੇ ਤਿਆਰ ਹੈ ਪਰ ਕੁਝ ਕਾਰਨਾਂ ਕਰਕੇ ਇਹ ਫਿਲਮ ਅਜੇ ਰਿਲੀਜ਼ ਨਹੀਂ ਹੋ ਪਾਈ। ਇਸ ਕਰਕੇ ਹੁਣ ਫਿਲਮ 'ਮੂਸਾ ਜੱਟ' ਨੂੰ ਹੀ ਸਿੱਧੂ ਦੀ ਡੈਬਿਊ ਫਿਲਮ ਵਜੋਂ ਗਿਣਿਆ ਜਾਵੇਗਾ।

ਰਿਲੀਜ਼ ਹੋਏ ਟੀਜ਼ਰ ਵਿੱਚ ਸਿੱਧੂ ਮੂਸੇਵਾਲਾ ਦਾ ਦਮਦਾਰ ਕਿਰਦਾਰ ਦੇਖਣ ਨੂੰ ਮਿਲ ਰਿਹਾ ਹੈ। ਰਿਲੀਜ਼ ਹੁੰਦਿਆਂ ਸਾਰ ਹੀ ਇਹ ਟੀਜ਼ਰ ਯੂਟਿਊਬ ਉੱਪਰ ਟ੍ਰੈਂਡਿੰਗ 'ਚ ਬਣ ਗਿਆ ਹੈ। ਫਿਲਮ 'ਮੂਸਾ ਜੱਟ' ਨੂੰ ਵੀ ਕੋਰੋਨਾ ਦੀ ਮਾਰ ਪਈ ਹੈ। ਇਹ ਫਿਲਮ ਵੀ ਜਲਦੀ ਰਿਲੀਜ਼ ਹੋ ਜਾਣੀ ਸੀ, ਪਰ ਲੌਕਡਾਊਨ ਦੇ ਕਰਕੇ ਐਸਾ ਪੋਸੀਬਲ ਨਹੀਂ ਹੋਇਆ।

 

ਹੁਣ ਇਹ ਫਿਲਮ 1 ਅਕਤੂਬਰ 2021 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੀ ਕਹਾਣੀ ਨੂੰ ਗੁਰਿੰਦਰ ਡਿੰਪੀ ਵੱਲੋਂ ਲਿਖਿਆ ਗਿਆ ਹੈ। ਫਿਲਮ 'ਮੂਸਾ ਜੱਟ' ਨੂੰ ਪੰਜਾਬੀ ਗਾਣਿਆਂ ਦੇ ਫੇਮਸ ਡਾਇਰੈਕਟਰ ਜੋੜੀ ਖੁਸ਼ਪਾਲ ਤੇ ਦਿਲਸ਼ੇਰ ਨੇ ਡਾਇਰੈਕਟ ਕੀਤਾ ਹੈ। ਇਸ ਜੋੜੀ ਨੇ ਪਹਿਲਾ ਜੇ ਰੰਧਾਵਾ ਦੀ ਫਿਲਮ 'ਸ਼ੂਟਰ' ਨੂੰ ਡਾਇਰੈਕਟ ਕੀਤਾ ਸੀ।

ਇਸ ਟੀਜ਼ਰ ਦੇ ਰਿਲੀਜ਼ ਹੋ ਜਾਣ ਨਾਲ ਹੁਣ ਸਿੱਧੂ ਦੇ ਫੈਨਜ਼ ਦੇ ਵਿੱਚ ਵੱਡੀ ਐਕਸਾਈਟਮੈਂਟ ਹੈ। ਸਭ ਫੈਨਜ਼ ਨੂੰ ਇੰਤਜ਼ਾਰ ਹੈ 1 ਅਕਤੂਬਰ ਦਾ ਜਿਸ ਦਿਨ ਇਹ ਫਿਲਮ ਵੱਡੇ ਪਰਦੇ ਤੇ ਨਜ਼ਰ ਆਵੇਗੀ।