Karan Aujla: ਹਾਲੀਵੁੱਡ ਫਿਲਮ 'ਚ ਚੱਲਿਆ ਕਰਨ ਔਜਲਾ ਦਾ ਗਾਣਾ, ਖੁਸ਼ੀ 'ਚ ਗਾਇਕ ਨੇ ਦਿੱਤਾ ਇਹ ਰਿਐਕਸ਼ਨ, ਦੇਖੋ ਵੀਡੀਓ
Karan Aujla Song In Murder Mystery 2: ਨੈੱਟਫਲਿਕਸ ਦੀ ਫਿਲਮ 'ਮਰਡਰ ਮਿਸਟਰੀ 2' 'ਚ ਕਰਨ ਔਜਲਾ ਦਾ ਗਾਣਾ ਫੀਚਰ ਕੀਤਾ ਗਿਆ ਹੈ। ਹਰ ਪੰਜਾਬੀ ਲਈ ਇਹ ਮਾਣ ਵਾਲੀ ਗੱਲ ਹੈ ਕਿ ਕਿਸੇ ਪੰਜਾਬੀ ਸਿੰਗਰ ਦਾ ਗਾਣਾ ਕਿਸੇ ਹਾਲੀਵੁੱਡ ਫਿਲਮ 'ਚ ਚੱਲੇ।
ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Karan Aujla Song In Murder Mystery 2: ਪੰਜਾਬੀ ਗਾਇਕ ਕਰਨ ਔਜਲਾ ਇੰਨੀਂ ਦਿਨੀਂ ਖੂਬ ਸੁਰਖੀਆਂ 'ਚ ਛਾਇਆ ਹੋਇਆ ਹੈ। ਹਾਲ ਹੀ 'ਚ ਉਸ ਨੇ ਆਪਣੀ ਐਲਬਮ 'ਫੋਰ ਯੂ' ਰਿਲੀਜ਼ ਕੀਤੀ ਹੈ, ਜਿਸ ਨੂੰ ਕਾਫੀ ਜ਼ਿਆਦਾ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਕਰਨ ਔਜਲਾ ਨੇ ਹਾਲ ਹੀ 'ਚ ਇੱਕ ਇੰਟਰਵਿਊ ਦੌਰਾਨ ਸਿਧੂ ਮੂਸੇਵਾਲਾ ਬਾਰੇ ਪਹਿਲੀ ਵਾਰ ਖੁੱਲ ਕੇ ਗੱਲਬਾਤ ਕੀਤੀ ਸੀ। ਉਸ ਦਾ ਸਿੱਧੂ ਬਾਰੇ ਬਿਆਨ ਕਾਫੀ ਚਰਚਾ 'ਚ ਰਿਹਾ ਸੀ।
ਹੁਣ ਕਰਨ ਔਜਲਾ ਫਿਰ ਤੋਂ ਸੁਰਖੀਆਂ 'ਚ ਆ ਗਿਆ ਹੈ। ਦਰਅਸਲ, ਨੈੱਟਫਲਿਕਸ ਦੀ ਫਿਲਮ 'ਮਰਡਰ ਮਿਸਟਰੀ 2' 'ਚ ਕਰਨ ਔਜਲਾ ਦਾ ਗਾਣਾ ਫੀਚਰ ਕੀਤਾ ਗਿਆ ਹੈ। ਹਰ ਪੰਜਾਬੀ ਲਈ ਇਹ ਮਾਣ ਵਾਲੀ ਗੱਲ ਹੈ ਕਿ ਕਿਸੇ ਪੰਜਾਬੀ ਸਿੰਗਰ ਦਾ ਗਾਣਾ ਕਿਸੇ ਹਾਲੀਵੁੱਡ ਫਿਲਮ 'ਚ ਚੱਲੇ। ਕਰਨ ਔਜਲਾ ਤੇ ਉਸ ਦੇ ਫੈਨ ਇਸ ਤੋਂ ਬਾਅਦ ਸੱਤਵੇਂ ਅਸਮਾਨ 'ਤੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਹੈ। ਦੱਸ ਦਈਏ ਕਿ ਹਾਲੀਵੁੱਡ ਫਿਲਮ 'ਮਰਡਰ ਮਿਸਟਰੀ 2' 'ਚ ਅਦਾਕਾਰਾ ਜੈਨੀਫਰ ਐਨੀਸਟਨ ਤੇ ਐਡਮ ਸੈਂਡਲਰ ਨੇ ਕੰਮ ਕੀਤਾ ਹੈ। ਫਿਲਮ ਦੇ ਇੱਕ ਸੀਨ ਜੈਨੀਫਰ ਤੇ ਐਡਮ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਫਿਲਮ ਦੇ ਹੀਰੋ ਐਡਮ ਦੇ ਫੋਨ 'ਤੇ ਜੋ ਰਿੰਗਟੋਨ ਵੱਜਦੀ ਹੈ, ਉਹ ਕਰਨ ਔਜਲਾ ਦਾ ਗਾਣਾ 'ਕਲਿੱਕ ਦੈਟ ਬੀ ਕਲਿੱਕਿੰਗ ਇਟ' ਹੈ। ਦੇਖੋ ਇਹ ਵੀਡੀਓ:
View this post on Instagram
ਕਰਨ ਔਜਲਾ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਸ ਨੇ ਖੁਸ਼ੀ ਜ਼ਾਹਰ ਕੀਤੀ ਹੈ। ਉਸ ਨੇ ਵੀਡੀਓ ਸ਼ੇਅਰ ਕਰਦਿਆਂ ਕੈਪਸ਼ਨ ਲਿਖੀ 'ਹਾਲੀਵੁੱਡ ਤੇ ਪੰਜਾਬੀ'।
ਇਸ ਤੋਂ ਬਾਅਦ ਕਰਨ ਨੇ ਫਿਲਮ ਦਾ ਉਹੀ ਕਲਿੱਪ ਸ਼ੇਅਰ ਕੀਤਾ, ਜਿਸ ਵਿੱਚ ਉਸ ਦਾ ਗਾਣਾ ਚੱਲਦਾ ਹੈ ਅਤੇ ਕਿਹਾ ਕਿ 'ਇਹ ਵੱਡੀ ਗੱਲ ਹੈ। ਜਾਓ ਜਾ ਕੇ ਨੈੱਟਫਲਿਕਸ 'ਤੇ ਫਿਲਮ ਦੇਖੋ।'
ਇਹ ਹੈ ਉਹ ਗਾਣਾ:
ਕਾਬਿਲੇਗ਼ੌਰ ਹੈ ਕਿ ਕਰਨ ਔਜਲਾ 2 ਮਾਰਚ ਨੂੰ ਵਿਆਹ ਦੇ ਬੰਧਨ ਬੱਝਿਆ ਹੈ। ਇਸ ਦੇ ਨਾਲ ਨਾਲ ਉਸ ਦੀ ਐਲਬਮ 'ਫੋਰ ਯੂ' ਵੀ ਖੂਬ ਹਿੱਟ ਹੋ ਰਹੀ ਹੈ। ਇਸ ਤੋਂ ਇਲਾਵਾ ਕਰਨ ਔਜਲਾ ਨੇ ਹਾਲ ਹੀ ਸਿੱਧੂ ਮੂਸੇਵਾਲਾ ਬਾਰੇ ਬਿਆਨ ਦਿੱਤਾ ਸੀ, ਜਿਸ ਨੂੰ ਲੈਕੇ ਉਹ ਕਾਫੀ ਚਰਚਾ 'ਚ ਰਿਹਾ ਸੀ। ਕਰਨ ਔਜਲਾ ਨੇ ਦੱਸਿਆ ਸੀ ਕਿ ਸਿੱਧੂ ਦੇ ਮਰਨ ਤੋਂ ਪਹਿਲਾਂ ਉਸ ਨੇ ਮੇਰੇ ਨਾਲ (ਕਰਨ) ਸਾਰੇ ਗਿਲੇ ਸ਼ਿਕਵੇ ਖਤਮ ਕਰ ਲਏ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
