ਆਸਕਰ ਗਈ ਫ਼ਿਲਮ `ਛੇਲੋ ਸ਼ੋਅ` ਦੇ ਬਾਲ ਕਲਾਕਾਰ ਰਾਹੁਲ ਕੋਲੀ ਦੀ ਕੈਂਸਰ ਨਾਲ ਮੌਤ, 15 ਸਾਲ ਦੀ ਉਮਰ ;ਚ ਲਿਆ ਆਖਰੀ ਸਾਹ
Rahul Koli Dies: ਗੁਜਰਾਤੀ ਫਿਲਮ 'ਛੇਲੋ ਸ਼ੋਅ' ਦੇ ਬਾਲ ਕਲਾਕਾਰ ਰਾਹੁਲ ਕੋਲੀ ਦੀ ਕੈਂਸਰ ਨਾਲ ਮੌਤ ਹੋ ਗਈ ਹੈ। ਉਹ ਸਿਰਫ਼ 15 ਸਾਲਾਂ ਦਾ ਸੀ।
Rahul Koli Death: ਮਨੋਰੰਜਨ ਜਗਤ ਤੋਂ ਇੱਕ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। ਗੁਜਰਾਤੀ ਫਿਲਮ 'ਛੇਲੋ ਸ਼ੋਅ' ਦੇ ਬਾਲ ਕਲਾਕਾਰ ਰਾਹੁਲ ਕੋਲੀ ਦਾ ਦਿਹਾਂਤ ਹੋ ਗਿਆ ਹੈ। ਜਾਣਕਾਰੀ ਮੁਤਾਬਕ 2 ਅਕਤੂਬਰ ਨੂੰ ਅਹਿਮਦਾਬਾਦ 'ਚ ਲਿਊਕੇਮੀਆ ਕਾਰਨ ਰਾਹੁਲ ਦੀ ਮੌਤ ਹੋ ਗਈ ਸੀ। ਗੁਜਰਾਤੀ ਫਿਲਮ 'ਛੇਲੋ ਸ਼ੋਅ' ਨੇ ਇਸ ਸਾਲ ਦੇ ਆਸਕਰ 'ਚ ਭਾਰਤ ਤੋਂ ਐਂਟਰੀ ਕੀਤੀ ਹੈ। ਇਹ ਫਿਲਮ 14 ਅਕਤੂਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ ਦੀ ਰਿਲੀਜ਼ ਤੋਂ ਪਹਿਲਾਂ ਹੀ ਰਾਹੁਲ ਨੇ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ।
'ਛੇਲੋ' ਸ਼ੋਅ ਦੇ ਬਾਲ ਕਲਾਕਾਰ ਦਾ ਦਿਹਾਂਤ
ਦੱਸ ਦੇਈਏ ਕਿ ਰਾਹੁਲ ਕੋਲੀ ਦੇ ਪਿਤਾ ਆਟੋ ਰਿਕਸ਼ਾ ਚਲਾਉਂਦੇ ਹਨ। ਉਹ ਤਿੰਨ ਭੈਣ-ਭਰਾਵਾਂ ਵਿੱਚੋਂ ਸਭ ਤੋਂ ਵੱਡਾ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ, 'ਰਾਹੁਲ ਕੋਲੀ ਦੇ ਪਿਤਾ ਨੇ ਕਿਹਾ, '2 ਅਕਤੂਬਰ ਐਤਵਾਰ ਨੂੰ ਉਨ੍ਹਾਂ ਨੇ ਨਾਸ਼ਤਾ ਕੀਤਾ ਅਤੇ ਫਿਰ ਅਗਲੇ ਕੁਝ ਘੰਟਿਆਂ ਤੱਕ ਲਗਾਤਾਰ ਬੁਖਾਰ ਹੋਣ 'ਤੇ ਰਾਹੁਲ ਨੇ ਤਿੰਨ ਵਾਰ ਖੂਨ ਦੀਆਂ ਉਲਟੀਆਂ ਕੀਤੀਆਂ, ਉਸ ਤੋਂ ਬਾਅਦ ਮੇਰਾ ਬੱਚਾ ਨਹੀਂ ਰਿਹਾ।' ਇਸ ਦੇ ਨਾਲ ਉਨ੍ਹਾਂ ਨੇ ਅੱਗੇ ਕਿਹਾ, 'ਸਾਡਾ ਪਰਿਵਾਰ ਤਬਾਹ ਹੋ ਗਿਆ ਹੈ, ਪਰ ਅਸੀਂ ਰਾਹੁਲ ਦੀ ਫ਼ਿਲਮ 'ਛੇਲੋ ਸ਼ੋਅ' 14 ਅਕਤੂਬਰ ਨੂੰ ਇਕੱਠੇ ਦੇਖਾਂਗੇ। ਤੁਹਾਨੂੰ ਦੱਸ ਦੇਈਏ ਕਿ 14 ਅਕਤੂਬਰ ਨੂੰ ਰਾਹੁਲ ਦੀ 13ਵੀਂ ਦੇ ਮੌਕੇ ਰਿਲੀਜ਼ ਹੋਵੇਗੀ। ਰਾਹੁਲ ਕੋਲੀ, ਜੋ ਕਿ ਸਿਰਫ 15 ਸਾਲ ਦਾ ਸੀ, ਕੁੱਲ 6 ਬਾਲ ਕਲਾਕਾਰਾਂ ਵਿੱਚੋਂ ਇੱਕ ਸੀ, ਜਿਸ ਨੇ 'ਚੇਲੋ ਸ਼ੋਅ' ਵਿੱਚ ਮੁੱਖ ਭੂਮਿਕਾ ਨਿਭਾਈ ਸੀ।
ਭੋਗ ਵਾਲੇ ਦਿਨ ਰਿਲੀਜ਼ ਹੋਵੇਗੀ ਫ਼ਿਲਮ
ਰਾਹੁਲ ਕੋਲੀ ਦੀ ਫਿਲਮ 'ਛੇਲੋ ਸ਼ੋਅ' ਦੀ ਗੱਲ ਕਰੀਏ ਤਾਂ ਇਸ ਨੂੰ ਆਸਕਰ 2023 ਲਈ ਭਾਰਤ ਦੀ ਅਧਿਕਾਰਤ ਐਂਟਰੀ ਵਜੋਂ ਚੁਣਿਆ ਗਿਆ ਹੈ। ਇਸ ਫਿਲਮ ਨੂੰ ਸਰਵੋਤਮ ਫੀਚਰ ਫਿਲਮ ਸ਼੍ਰੇਣੀ ਲਈ ਭੇਜਿਆ ਗਿਆ ਹੈ। 'ਛੇਲੋ ਸ਼ੋਅ' ਦਾ ਨਿਰਦੇਸ਼ਨ ਅਮਰੀਕਾ ਸਥਿਤ ਨਿਰਦੇਸ਼ਕ ਪਾਨ ਨਲਿਨ ਨੇ ਕੀਤਾ ਹੈ।
ਆਸਕਰ 'ਚ ਜਾਣ ਦੀ ਖੁਸ਼ੀ 'ਚ ਮੇਕਰਸ ਨੇ 'ਚੇਲੋ ਸ਼ੋਅ' ਨੂੰ ਦੇਸ਼ ਭਰ ਦੇ 95 ਸਿਨੇਮਾਘਰਾਂ 'ਚ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ ਹੈ, ਨਾਲ ਹੀ ਫਿਲਮ ਦੀ ਟਿਕਟ ਦੀ ਕੀਮਤ ਵੀ ਘਟਾ ਦਿੱਤੀ ਹੈ। ਤੁਸੀਂ ਇਸ ਫਿਲਮ ਨੂੰ ਸਿਰਫ 95 ਰੁਪਏ ਵਿੱਚ ਇੱਕ ਦਿਨ ਲਈ ਦੇਖ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
