(Source: ECI/ABP News)
Brahmastra: 'ਬ੍ਰਹਮਾਸਤਰ' ਫ਼ਿਲਮ ਦਾ ਖਤਮ ਹੋ ਗਿਆ ਜਾਦੂ? ਦੂਜੇ ਹਫ਼ਤੇ ਸਿਰਫ਼ ਇੰਨੀ ਰਹਿ ਗਈ ਕਮਾਈ
Brahmastra Collection: ਜੇਕਰ ਤੁਸੀਂ ਰਣਬੀਰ ਕਪੂਰ ਦੀ ਫਿਲਮ 'ਬ੍ਰਹਮਾਸਤਰ' ਦੀ ਪਹਿਲੇ ਅਤੇ ਦੂਜੇ ਹਫਤੇ ਦੀ ਕਮਾਈ ਦੀ ਤੁਲਨਾ ਕਰੋਗੇ ਤਾਂ ਤੁਸੀਂ ਹੈਰਾਨ ਰਹਿ ਜਾਓਗੇ। ਕੁਲੈਕਸ਼ਨ 'ਚ ਭਾਰੀ ਗਿਰਾਵਟ ਆਈ ਹੈ।
Brahmastra Box Office Collection Week 2: 'ਭੂਲ ਭੁਲਾਇਆ 2' ਤੋਂ ਬਾਅਦ ਆਖਿਰਕਾਰ ਇੱਕ ਅਜਿਹੀ ਫਿਲਮ ਆਈ, ਜਿਸ ਦਾ ਲੋਕਾਂ ਵਿੱਚ ਕ੍ਰੇਜ਼ ਦੇਖਣ ਨੂੰ ਮਿਲਿਆ। ਅਸੀਂ ਗੱਲ ਕਰ ਰਹੇ ਹਾਂ ਰਣਬੀਰ ਕਪੂਰ ਦੀ ਫਿਲਮ 'ਬ੍ਰਹਮਾਸਤਰ' ਦੀ। ਫਿਲਮ ਨੂੰ ਪਹਿਲੇ ਹਫਤੇ ਹੀ ਜ਼ਬਰਦਸਤ ਰਿਸਪਾਂਸ ਮਿਲਿਆ ਹੈ। ਇਸ ਦਾ ਸਿੱਧਾ ਅਸਰ ਕਮਾਈ 'ਤੇ ਦੇਖਣ ਨੂੰ ਮਿਲਿਆ। 'ਬ੍ਰਹਮਾਸਤਰ' ਨੇ ਕਈ ਰਿਕਾਰਡ ਆਪਣੇ ਨਾਂ ਕੀਤੇ ਹਨ। ਪਰ ਹੁਣ ਇਸ ਫਿਲਮ ਨੇ ਆਪਣਾ ਦੂਜਾ ਹਫਤਾ ਪਾਰ ਕਰ ਲਿਆ ਹੈ ਅਤੇ ਇਸ ਦੇ ਨਾਲ ਹੀ ਇਸਦੀ ਕਮਾਈ ਵਿੱਚ 65 ਫੀਸਦੀ ਦੀ ਗਿਰਾਵਟ ਆਈ ਹੈ।
ਖਬਰਾਂ ਮੁਤਾਬਕ ਅਯਾਨ ਮੁਖਰਜੀ ਨਿਰਦੇਸ਼ਿਤ 'ਬ੍ਰਹਮਾਸਤਰ' ਨੇ ਪਹਿਲੇ ਹਫਤੇ 'ਚ ਕਰੀਬ 156 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਸੀ। ਜਦੋਂ ਕਿ ਦੂਜੇ ਹਫਤੇ ਇਹ ਸਿਰਫ 54 ਕਰੋੜ ਰੁਪਏ ਹੀ ਇਕੱਠਾ ਕਰ ਸਕੀ। ਇਸ ਤਰ੍ਹਾਂ ਫਿਲਮ ਦੀ ਹੁਣ ਤੱਕ ਦੀ ਕੁੱਲ ਕਮਾਈ 215 ਕਰੋੜ ਰੁਪਏ ਦੇ ਅੰਕੜੇ ਨੂੰ ਛੂਹ ਸਕੀ ਹੈ।
ਤੀਜੇ ਹਫ਼ਤੇ ਵਿੱਚ ਬਿਹਤਰ ਨਤੀਜਿਆਂ ਦੀ ਉਮੀਦ ਹੈ ਕਿਉਂਕਿ ਬਹੁਤ ਸਾਰੇ ਲੋਕ ਨੈਸ਼ਨਲ ਸਿਨੇਮਾ ਦਿਵਸ ਦੀਆਂ ਪੇਸ਼ਕਸ਼ਾਂ ਦਾ ਲਾਭ ਲੈਣ ਦੀ ਉਡੀਕ ਕਰ ਰਹੇ ਸਨ। ਇਸ ਮੌਕੇ ਕੋਈ ਵੀ ਫ਼ਿਲਮ ਸਿਨੇਮਾਘਰਾਂ ਵਿੱਚ ਸਿਰਫ਼ 75 ਰੁਪਏ ਵਿੱਚ ਵੇਖੀ ਜਾ ਸਕਦੀ ਹੈ। ਦਰਅਸਲ, ਕੋਰੋਨਾ ਮਹਾਂਮਾਰੀ ਤੋਂ ਬਾਅਦ, ਪਿਛਲੇ ਸਾਲ ਸਤੰਬਰ ਦੇ ਮਹੀਨੇ, ਸਾਰੇ ਸਿਨੇਮਾਘਰਾਂ ਨੂੰ ਦਰਸ਼ਕਾਂ ਲਈ ਦੁਬਾਰਾ ਖੋਲ੍ਹ ਦਿੱਤਾ ਗਿਆ ਸੀ। ਇਸ ਤੋਂ ਥਿਏਟਰ ਮਾਲਕਾਂ ਨੂੰ ਕਾਫੀ ਰਾਹਤ ਮਿਲੀ ਅਤੇ ਇਸੇ ਲਈ ਇਸ ਵਾਰ ਰਾਸ਼ਟਰੀ ਸਿਨੇਮਾ ਦਿਵਸ ਮਨਾਉਣ ਦਾ ਫੈਸਲਾ ਕੀਤਾ ਗਿਆ। ਇਸ ਦਾ ਸਕਾਰਾਤਮਕ ਪ੍ਰਭਾਵ 'ਬ੍ਰਹਮਾਸਤਰ' ਦੀ ਕਮਾਈ 'ਤੇ ਦੇਖਿਆ ਜਾ ਸਕਦਾ ਹੈ।
250 ਦਾ ਅੰਕੜਾ ਵੀ ਪਾਰ ਨਹੀਂ ਕਰ ਸਕੀ ਫ਼ਿਲਮ
'ਬ੍ਰਹਮਾਸਤਰ' ਬਣਾਉਣ 'ਚ 410 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ। ਪਰ ਫਿਲਮ 14 ਦਿਨਾਂ 'ਚ ਵੀ 250 ਕਰੋੜ ਦਾ ਅੰਕੜਾ ਪਾਰ ਨਹੀਂ ਕਰ ਸਕੀ। ਹਿੰਦੀ ਬੈਲਟ ਤੋਂ ਇਲਾਵਾ ਸਾਊਥ ਬੈਲਟ 'ਚ ਵੀ ਲੋਕਾਂ ਦੀ ਫਿਲਮ ਪ੍ਰਤੀ ਦਿਲਚਸਪੀ ਘੱਟ ਗਈ ਹੈ। ਦੱਖਣ 'ਚ 'ਬ੍ਰਹਮਾਸਤਰ' ਬਾਰੇ ਮਿਲੇ ਭਰਵੇਂ ਹੁੰਗਾਰੇ ਤੋਂ ਸ਼ੁਰੂ 'ਚ ਹਰ ਕੋਈ ਦੰਗ ਰਹਿ ਗਿਆ। ਫਿਲਮ 'ਚ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਤੋਂ ਇਲਾਵਾ ਅਮਿਤਾਭ ਬੱਚਨ, ਮੌਨੀ ਰਾਏ ਅਤੇ ਨਾਗਾਰਜੁਨ ਨੇ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਹੁਣ ਇਸ ਦਾ ਦੂਜਾ ਭਾਗ ਲਿਆਉਣ ਦੀ ਤਿਆਰੀ ਵੀ ਸ਼ੁਰੂ ਹੋ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
