(Source: Dainik Bhaskar)
Rubina Dilaik: ਡਾਂਸ ਦਾ ਅਭਿਆਸ ਕਰਦੇ ਬੁਰੀ ਤਰ੍ਹਾਂ ਡਿੱਗੀ ਇਹ ਟੀਵੀ ਅਦਾਕਾਰਾ, ਸੋਸ਼ਲ ਮੀਡੀਆ ਤੇ ਵਾਇਰਲ ਹੋਇਆ ਵੀਡੀਓ
Rubina Dilaik Video: ਰੁਬੀਨਾ ਦਿਲਾਇਕ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਸ ਤਰ੍ਹਾਂ ਉਸ ਨੇ ਡਾਂਸ ਰਿਹਰਸਲ ਦੌਰਾਨ ਏਰੀਅਲ ਸਟੰਟ ਕਰਦੇ ਹੋਏ ਆਪਣੀ ਜਾਨ ਖਤਰੇ 'ਚ ਪਾ ਦਿੱਤੀ।
Jhalak Dikhhla Jaa 10: ਰੁਬੀਨਾ ਦਿਲਾਇਕ ਟੀਵੀ ਦੀ ਮਸ਼ਹੂਰ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਉਸ ਨੇ 'ਛੋਟੀ ਬਹੂ' ਵਜੋਂ ਘਰ-ਘਰ ਆਪਣੀ ਪਛਾਣ ਬਣਾਈ ਹੈ। ਇਨ੍ਹੀਂ ਦਿਨੀਂ ਉਹ 'ਝਲਕ ਦਿਖਲਾ ਜਾ 10' ਦੇ ਮੰਚ 'ਤੇ ਨਜ਼ਰ ਆ ਰਹੀ ਹੈ। ਰੁਬੀਨਾ ਆਪਣੀ ਪਰਫੈਕਸ਼ਨ ਲਈ ਜਾਣੀ ਜਾਂਦੀ ਹੈ। ਡਾਂਸ ਰਿਐਲਿਟੀ ਸ਼ੋਅ 'ਚ ਵੀ ਜੱਜ ਉਸ ਦੇ ਪ੍ਰਦਰਸ਼ਨ ਦੀ ਤਾਰੀਫ ਕਰਦੇ ਨਹੀਂ ਥੱਕਦੇ। ਹਾਲਾਂਕਿ ਇਸਦੇ ਪਿੱਛੇ ਉਸ ਦੀ ਮਿਹਨਤ ਛੁਪੀ ਹੋਈ ਹੈ। ਇੱਥੋਂ ਤੱਕ ਕਿ ਇਸ ਡਾਂਸ ਕਰਕੇ ਉਸ ਨੇ ਹਾਲ ਹੀ 'ਚ ਆਪਣੀ ਜਾਨ ਵੀ ਖਤਰੇ 'ਚ ਪਾ ਲਈ ਸੀ।
ਰੁਬੀਨਾ ਦੀ ਰਿਹਰਸਲ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੂੰ ਦੇਖ ਕੇ ਤੁਹਾਡੇ ਸਾਹ ਇੱਕ ਪਲ ਲਈ ਰੁਕ ਜਾਣਗੇ। ਉਹ ਏਰੀਅਲ ਸਟੰਟ ਦਾ ਅਭਿਆਸ ਕਰ ਰਹੀ ਸੀ। ਉਦੋਂ ਹੀ ਉਹ ਗੰਭੀਰ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਬਚ ਗਈ।
ਟਰੇਨਰਾਂ ਦੀ ਮਦਦ ਨਾਲ ਟਲ ਗਿਆ ਵੱਡਾ ਹਾਦਸਾ
ਰਿਹਰਸਲ ਦੀ ਇਸ ਖਤਰਨਾਕ ਵੀਡੀਓ ਨੂੰ ਖੁਦ ਰੁਬੀਨਾ ਨੇ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਹੈ। ਇਸ 'ਚ ਉਹ 'ਝਲਕ ਦਿਖਲਾ ਜਾ 10' ਲਈ ਏਰੀਅਲ ਸਟੰਟ ਕਰਦੀ ਨਜ਼ਰ ਆ ਰਹੀ ਹੈ। ਫਿਰ ਹੇਠਾਂ ਆਉਂਦੇ ਸਮੇਂ ਉਸ ਦਾ ਸੰਤੁਲਨ ਵਿਗੜ ਗਿਆ ਅਤੇ ਉਹ ਡਿੱਗ ਪਈ। ਰਾਹਤ ਦੀ ਗੱਲ ਇਹ ਹੈ ਕਿ ਉਹ ਇਹ ਸਭ ਕੁਝ ਦੋ ਟ੍ਰੇਨਰਾਂ ਦੀ ਮੌਜੂਦਗੀ ਵਿੱਚ ਕਰ ਰਹੀ ਸੀ, ਜਿਨ੍ਹਾਂ ਨੇ ਤੁਰੰਤ ਉਸ ਨੂੰ ਸੰਭਾਲ ਲਿਆ ਨਹੀਂ ਤਾਂ ਉਸ ਦੇ ਸਿਰ 'ਚ ਗੰਭੀਰ ਸੱਟ ਲੱਗ ਸਕਦੀ ਸੀ।
View this post on Instagram
ਪ੍ਰਸ਼ੰਸਕਾਂ ਨੇ ਰੱਬ ਦਾ ਕੀਤਾ ਧੰਨਵਾਦ
ਵੀਡੀਓ ਦੇਖ ਕੇ ਸਾਫ ਹੈ ਕਿ ਮਾਮੂਲੀ ਜਿਹੀ ਗਲਤੀ ਦਾ ਖਮਿਆਜ਼ਾ ਰੁਬੀਨਾ ਨੂੰ ਡੂੰਘੀ ਸੱਟ ਲਵਾ ਕੇ ਭੁਗਤਣਾ ਪੈ ਸਕਦਾ ਸੀ। ਇੰਸਟਾਗ੍ਰਾਮ 'ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ, ਰੁਬੀਨਾ ਨੇ ਲਿਖਿਆ, ""ਡਿੱਗਣ ਤੋਂ ਵਾਲ ਵਾਲ ਬਚੀ।" ਵੀਡੀਓ ਨੂੰ ਦੇਖ ਕੇ ਪ੍ਰਸ਼ੰਸਕ ਰੱਬ ਦਾ ਧੰਨਵਾਦ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਰੁਬੀਨਾ ਨੂੰ ਸਾਵਧਾਨੀ ਵਰਤਣ ਦੀ ਵੀ ਸਲਾਹ ਦੇ ਰਹੇ ਹਨ।
ਰੁਬੀਨਾ ਦਿਲਾਇਕ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਉਹ ਹਾਲ ਹੀ 'ਚ ਰੋਹਿਤ ਸ਼ੈੱਟੀ ਦੇ ਰਿਐਲਿਟੀ ਸ਼ੋਅ 'ਖਤਰੋਂ ਕੇ ਖਿਲਾੜੀ' 'ਚ ਵੀ ਨਜ਼ਰ ਆਈ ਸੀ। ਅਜਿਹੇ 'ਚ ਉਨ੍ਹਾਂ ਨੂੰ ਸਟੰਟ ਕਰਨ ਲਈ ਕਾਫੀ ਅਭਿਆਸ ਕਰਨਾ ਪਿਆ ਹੋਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
