Salman Khan: ਸਲਮਾਨ ਖਾਨ ਮਨਾ ਰਹੇ 57ਵਾਂ ਜਨਮਦਿਨ, 75 ਰੁਪਏ ਤੋਂ ਸ਼ੁਰੂ ਕਰਕੇ ਕਿਵੇਂ ਬਣੇ ਅਰਬਪਤੀ, ਪੜ੍ਹੋ ਸਲਮਾਨ ਦੀ ਕਹਾਣੀ
Salman Khan Birthday: ਸਲਮਾਨ ਖਾਨ ਅੱਜ ਆਪਣਾ 57ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦੇ ਫੈਨਜ਼ ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ 'ਤੇ ਉਨ੍ਹਾਂ ਦੀ ਲੰਬੀ ਉਮਰ ਦੀ ਦੁਆ ਕਰ ਰਹੇ ਹਨ। ਬਾਲੀਵੁੱਡ ਦੇ ਭਾਈਜਾਨ ਦੇ ਪ੍ਰਸ਼ੰਸਕ ਪੂਰੀ ਦੁਨੀਆ ਵਿੱਚ ਹਨ।
Happy Birthday Salman Khan: ਬਾਲੀਵੁੱਡ ਦੇ 'ਦਬੰਗ' ਅਭਿਨੇਤਾ ਸਲਮਾਨ ਖਾਨ ਅੱਜ (Salman Khan Birthday) 57 ਸਾਲ (Salman Khan Age) ਦੇ ਹੋ ਗਏ ਹਨ। ਇਸ ਖਾਸ ਮੌਕੇ 'ਤੇ ਉਨ੍ਹਾਂ ਦੇ ਪ੍ਰਸ਼ੰਸਕ, ਉਨ੍ਹਾਂ ਦੇ ਦੋਸਤ ਅਤੇ ਪਰਿਵਾਰਕ ਮੈਂਬਰ ਉਨ੍ਹਾਂ ਨੂੰ ਜਨਮਦਿਨ (Happy Birthday Salman Khan) ਦੀਆਂ ਵਧਾਈਆਂ ਦੇ ਰਹੇ ਹਨ। ਉਹ 30 ਸਾਲਾਂ ਤੋਂ ਵੱਧ ਸਮੇਂ ਤੋਂ ਬਾਲੀਵੁੱਡ ਵਿੱਚ ਅਦਾਕਾਰੀ ਕਰ ਰਹੇ ਹਨ, ਪਰ ਫਿਰ ਵੀ ਉਨ੍ਹਾਂ ਦਾ ਜਾਦੂ ਘੱਟ ਨਹੀਂ ਹੋਇਆ ਹੈ।
57 ਸਾਲ ਦੀ ਉਮਰ 'ਚ ਵੀ ਉਨ੍ਹਾਂ ਦੇ ਨਾਂ 'ਤੇ ਫਿਲਮ ਚੱਲਦੀ ਹੈ। ਕਿਸੇ ਫਿਲਮ ਵਿੱਚ ਉਨ੍ਹਾਂ ਦੀ ਮੌਜੂਦਗੀ ਫਿਲਮ ਹਿੱਟ ਹੋਣ ਦੀ ਗਾਰੰਟੀ ਹੈ। 27 ਦਸੰਬਰ 1965 ਨੂੰ ਮੱਧ ਪ੍ਰਦੇਸ਼ ਦੇ ਇੰਦੌਰ 'ਚ ਜਨਮੇ ਸਲਮਾਨ ਖਾਨ ਦੇ ਪ੍ਰਸ਼ੰਸਕ ਸਿਰਫ ਭਾਰਤ 'ਚ ਹੀ ਨਹੀਂ ਬਲਕਿ ਪੂਰੀ ਦੁਨੀਆ 'ਚ ਹਨ। ਉਹ ਮਸ਼ਹੂਰ ਫਿਲਮ ਲੇਖਕ ਸਲੀਮ ਖਾਨ (Salman Khan Father Salim Khan) ਅਤੇ ਉਨ੍ਹਾਂ ਦੀ ਪਹਿਲੀ ਪਤਨੀ ਸੁਸ਼ੀਲਾ ਚਰਕ ਉਰਫ ਸਲਮਾ ਦੇ ਸਭ ਤੋਂ ਵੱਡਾ ਪੁੱਤਰ ਹਨ। ਸਲਮਾਨ ਦਾ ਪੂਰਾ ਨਾਂ ਅਬਦੁਲ ਰਾਸ਼ਿਦ ਸਲੀਮ ਖਾਨ ਹੈ। ਅਰਬਾਜ਼ ਅਤੇ ਸੋਹੇਲ ਖਾਨ ਉਨ੍ਹਾਂ ਤੋਂ ਛੋਟੇ ਹਨ। ਉਨ੍ਹਾਂ ਦੀਆਂ ਦੋ ਭੈਣਾਂ ਅਲਵੀਰਾ ਅਤੇ ਅਰਪਿਤਾ ਵੀ ਹਨ।
ਮੈਨੇਂ ਪਿਆਰ ਕੀਆ ਨੇ ਰਾਤੋ ਰਾਤ ਬਣਾਇਆ ਸੁਪਰਸਟਾਰ
ਸਲਮਾਨ ਖਾਨ ਨੇ ਬਾਲੀਵੁੱਡ ਵਿੱਚ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਫਿਲਮ 'ਬੀਵੀ ਹੋ ਤੋ ਐਸੀ' ਨਾਲ ਕੀਤੀ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਸਹਾਇਕ ਭੂਮਿਕਾ ਨਿਭਾਈ ਸੀ। ਬਾਲੀਵੁਡ ਵਿੱਚ ਉਨ੍ਹਾਂ ਦੀ ਪਹਿਲੀ ਵੱਡੀ ਭੂਮਿਕਾ ਸੂਰਜ ਬੜਜਾਤਿਆ ਦੀ ਰੋਮਾਂਟਿਕ ਫਿਲਮ 'ਮੈਂਨੇ ਪਿਆਰ ਕੀਆ' ਵਿੱਚ ਸੀ। ਇਹ ਫਿਲਮ ਉਸ ਸਮੇਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਫਿਲਮਾਂ ਵਿੱਚੋਂ ਇੱਕ ਸੀ। ਸਲਮਾਨ ਖਾਨ ਨੂੰ ਫਿਲਮ 'ਮੈਂਨੇ ਪਿਆਰ ਕੀਆ' ਲਈ ਸਰਵੋਤਮ ਅਦਾਕਾਰ ਦਾ ਫਿਲਮਫੇਅਰ ਅਵਾਰਡ ਵੀ ਮਿਲਿਆ।
ਸਲਮਾਨ ਖਾਨ ਨੇ ਆਪਣੇ ਇੰਟਰਵਿਊ 'ਚ ਕਈ ਵਾਰ ਕਿਹਾ ਹੈ ਕਿ ਫਿਲਮ ਦੇ ਹਿੱਟ ਹੋਣ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਕਈ ਮਹੀਨਿਆਂ ਤੱਕ ਕੰਮ ਨਹੀਂ ਮਿਲਿਆ, ਕਿਉਂਕਿ ਫਿਲਮ ਦੀ ਅਦਾਕਾਰਾ ਭਾਗਿਆਸ਼੍ਰੀ ਨੇ ਫੈਸਲਾ ਕੀਤਾ ਸੀ ਕਿ ਉਹ ਫਿਲਮ ਆਪਣੇ ਪਤੀ ਨਾਲ ਹੀ ਕਰੇਗੀ। ਹਾਲਾਂਕਿ ਇਸ ਤੋਂ ਬਾਅਦ ਸਲਮਾਨ ਖਾਨ ਨੇ ਆਪਣੇ ਕਰੀਅਰ 'ਚ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ।
ਸਲਮਾਨ ਦੀਆਂ ਮੁੱਖ ਫਿਲਮਾਂ
'ਮੈਂਨੇ ਪਿਆਰ ਕੀਆ', 'ਸਨਮ ਬੇਵਫਾ', 'ਸਾਜਨ', 'ਹਮ ਆਪਕੇ ਹੈ ਕੌਨ', 'ਕਰਨ ਅਰਜੁਨ', 'ਜੁੜਵਾ', 'ਪਿਆਰ ਕੀਆ ਤੋ ਡਰਨਾ ਕੀ', 'ਬੀਵੀ ਨੰਬਰ ਵਨ', 'ਹਮ ਦਿਲ ਦੇ ਚੁਕੇ ਸਨਮ', 'ਨੋ ਐਂਟਰੀ', 'ਪਾਰਟਨਰ', 'ਵਾਂਟੇਡ', 'ਦਬੰਗ', 'ਰੈਡੀ', 'ਬਾਡੀਗਾਰਡ', 'ਏਕ ਥਾ ਟਾਈਗਰ', 'ਟਾਈਗਰ ਜ਼ਿੰਦਾ ਹੈ', 'ਦਬੰਗ 2', 'ਕਿੱਕ', 'ਬਜਰੰਗੀ ਭਾਈਜਾਨ', 'ਸੁਲਤਾਨ', 'ਰੇਸ', ਰਾਧੇ' ਸਲਮਾਨ ਦੀਆਂ ਮੁੱਖ ਫਿਲਮਾਂ ਹਨ।
75 ਰੁਪਏ ਤੋਂ ਸ਼ੁਰੂਆਤ ਕਰ ਕਰੋੜਾਂ ਦੇ ਮਾਲਕ ਬਣੇ ਸਲਮਾਨ
ਸਲਮਾਨ ਖਾਨ ਨੇ ਆਪਣੇ ਇਕ ਇੰਟਰਵਿਊ 'ਚ ਕਿਹਾ ਸੀ ਕਿ ਉਨ੍ਹਾਂ ਦੀ ਪਹਿਲੀ ਕਮਾਈ ਸਿਰਫ 75 ਰੁਪਏ ਸੀ। ਸਿਰਫ਼ 75 ਰੁਪਏ ਵਿੱਚ ਕੰਮ ਸ਼ੁਰੂ ਕਰਨ ਵਾਲਾ ਸਲਮਾਨ ਅੱਜ ਕਰੋੜਾਂ ਵਿੱਚ ਕੰਮ ਕਰ ਰਿਹਾ ਹੈ ਅਤੇ ਅੱਜ ਉਹ ਸਭ ਤੋਂ ਮਹਿੰਗੇ ਭਾਰਤੀ ਅਦਾਕਾਰਾਂ ਵਿੱਚੋਂ ਇੱਕ ਹੈ। ਭਾਰਤ ਦੇ ਕਈ ਸ਼ਹਿਰਾਂ 'ਚ ਉਨ੍ਹਾਂ ਦੇ ਨਾਂ 'ਤੇ ਜਾਇਦਾਦਾਂ ਹਨ। ਉਨ੍ਹਾਂ ਦਾ ਆਪਣਾ ਬ੍ਰਾਂਡ ਹੈ ਜੋ ਬੀਇੰਗ ਹਿਊਮਨ ਦੇ ਨਾਂ ਨਾਲ ਜਾਂਦਾ ਹੈ, ਜੋ ਕਿ ਕਾਫੀ ਮਸ਼ਹੂਰ ਹੈ।
ਪਰਸਨਲ ਲਾਈਫ਼ ਨੂੰ ਲੈਕੇ ਚਰਚਾ `ਚ ਰਹਿੰਦੇ ਹਨ ਸਲਮਾਨ
ਸਲਮਾਨ ਖਾਨ ਵੀ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਸੁਰਖੀਆਂ 'ਚ ਬਣੇ ਰਹਿੰਦੇ ਹਨ। ਉਨ੍ਹਾਂ ਦਾ ਨਾਂ ਕਈ ਅਭਿਨੇਤਰੀਆਂ ਨਾਲ ਜੁੜਿਆ ਹੈ। ਆਪਣੇ ਅਫੇਅਰ ਨੂੰ ਲੈ ਕੇ ਉਹ ਕਈ ਵਾਰ ਵਿਵਾਦਾਂ 'ਚ ਘਿਰੇ ਸੀ। ਇਸ ਦੇ ਨਾਲ ਹੀ ਸਲਮਾਨ ਨੂੰ ‘ਹਿੱਟ ਐਂਡ ਰਨ’ ਕੇਸ ਅਤੇ ਕਾਲੇ ਹਿਰਨ ਸ਼ਿਕਾਰ ਕੇਸ ਵਿੱਚੋਂ ਵੀ ਲੰਘਣਾ ਪਿਆ। ਜੇਲ੍ਹ ਦੀ ਹਵਾ ਵੀ ਖਾਣੀ ਪਈ ਪਰ ਉਨ੍ਹਾਂ ਦੀ ਲੋਕਪ੍ਰਿਅਤਾ ਵਿੱਚ ਕਮੀ ਨਹੀਂ ਆਈ।
ਉਨ੍ਹਾਂ ਦੇ ਪ੍ਰਸ਼ੰਸਕ ਸਲਮਾਨ ਖਾਨ ਨੂੰ ਜ਼ਿੰਦਾਦਿਲ ਇਨਸਾਨ ਮੰਨਦੇ ਹਨ। ਇਸ ਦੇ ਨਾਲ ਹੀ ਸਲਮਾਨ ਬਾਲੀਵੁੱਡ ਦੇ ਸਭ ਤੋਂ ਦਰਿਆਦਿਲ ਸੈਲੀਬ੍ਰਿਟੀਜ਼ ਵਿਚੋਂ ਇੱਕ ਮੰਨੇ ਜਾਂਦੇ ਹਨ। ਉਨ੍ਹਾਂ ਬਾਰੇ ਸਭ ਜਾਣਦੇ ਹਨ ਕਿ ਕਿਸੇ ਨੂੰ ਵੀ ਮੁਸੀਬਤ ਹੋਵੇ ਤਾਂ ਸਲਮਾਨ ਹਰ ਸਮੇਂ ਉਸ ਦੀ ਮਦਦ ਲਈ ਖੜੇ ਨਜ਼ਰ ਆਉਂਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
