ਯੂਕਰੇਨ-ਰੂਸ ਜੰਗ ਖਿਲਾਫ ਰਿਲੀਜ਼ ਹੋਇਆ 'Say No to War', ਤੁਸੀਂ ਵੀ ਸੁਣੋ

ਜਤਿਨ-ਲਲਿਤ ਫੇਮ ਮਸ਼ਹੂਰ ਸੰਗੀਤਕਾਰ ਜੋੜੀ ਲਾਲੀ ਪੰਡਿਤ ਦੇ 19 ਸਾਲਾ ਬੇਟੇ ਰੋਹਾਂਸ਼ ਪੰਡਿਤ ਨੇ ਯੂਕਰੇਨ ਅਤੇ ਰੂਸ ਵਿਚਾਲੇ ਜੰਗ ਦੀ ਪਿੱਠਭੂਮੀ 'ਤੇ ਜੰਗ ਅਤੇ ਤਬਾਹੀ ਦੇ ਖਿਲਾਫ ਇਕ ਵਿਸ਼ੇਸ਼ ਗਾਣਾ 'Say No to War' ਕੰਪੋਜ਼ ਕੀਤਾ ਹੈ

ਯੁਕਰੇਨ-ਰੂਸ ਜੰਗ ਖਿਲਾਫ ਗਾਣਾ

Say No to War: ਜਤਿਨ-ਲਲਿਤ ਫੇਮ ਮਸ਼ਹੂਰ ਸੰਗੀਤਕਾਰ ਜੋੜੀ ਲਾਲੀ ਪੰਡਿਤ ਦੇ 19 ਸਾਲਾ ਬੇਟੇ ਰੋਹਾਂਸ਼ ਪੰਡਿਤ ਨੇ ਯੂਕਰੇਨ ਅਤੇ ਰੂਸ ਵਿਚਾਲੇ ਜੰਗ ਦੀ ਪਿੱਠਭੂਮੀ 'ਤੇ ਜੰਗ ਅਤੇ ਤਬਾਹੀ ਦੇ ਖਿਲਾਫ ਇਕ ਵਿਸ਼ੇਸ਼ ਗਾਣਾ 'Say No to War' ਕੰਪੋਜ਼ ਕੀਤਾ ਹੈ, ਜਿਸ ਨੂੰ ਮੁੰਬਈ 'ਚ ਸੰਗੀਤ ਨਾਲ ਜੁੜੀਆਂ ਮਸ਼ਹੂਰ ਹਸਤੀਆਂ ਵਿਚਾਲੇ ਲਾਂਚ ਕੀਤਾ ਗਿਆ। ਇਸ ਗੀਤ ਦੇ ਬੋਲ ਹਿੰਦੀ ਅਤੇ ਅੰਗਰੇਜ਼ੀ ਦੋਨਾਂ ਵਿੱਚ ਹਨ, ਜਿਸਨੂੰ ਜਾਵੇਦ ਅਲੀ ਅਤੇ ਐਂਡਰੀਆ ਜੇਰੇਮੀਆ ਵੱਲੋਂ ਗਾਇਆ ਗਿਆ ਹੈ ਅਤੇ ਰਾਹੁਲ ਬੀ ਸੇਠ, ਅਨੁਸ਼ਕਾ ਸ਼ਿਵਸ਼ੰਕਰ ਅਤੇ ਰੋਹਾਂਸ਼ ਪੰਡਿਤ ਨੇ ਇਸ ਦੇ ਬੋਲ ਲਿਖੇ ਹਨ।

ਜ਼ਿਕਰਯੋਗ ਹੈ ਕਿ ਪ੍ਰਸਿੱਧ ਲੇਖਕ, ਗੀਤਕਾਰ ਅਤੇ ਸ਼ਾਇਰ ਜਾਵੇਦ ਅਖਤਰ ਦਾ ਜੰਗ ਵਿਰੋਧੀ ਗੀਤ 'Say No to War' ਰਿਲੀਜ਼ ਕੀਤਾ ਗਿਆ ਸੀ। ਇਸ ਗਾਣੇ ਦੇ ਰਿਲੀਜ਼ ਮੌਕੇ ਜਾਵੇਦ ਅਖਤਰ ਤੋਂ ਇਲਾਵਾ ਲਲਿਤ ਪੰਡਿਤ, ਗਾਇਕ ਜਾਵੇਦ ਅਲੀ, ਐਂਡਰੀਆ ਜੇਰੇਮੀਆ, ਗੀਤਕਾਰ ਸਮੀਰ, ਗਾਇਕ ਸ਼ਾਨ, ਨੀਲ ਨਿਤਿਨ ਮੁਕੇਸ਼, ਗਾਇਕਾ ਅਲਕਾ ਯਾਗਨਿਕ ਵਰਗੀਆਂ ਸੰਗੀਤ ਜਗਤ ਦੀਆਂ ਕਈ ਉੱਘੀਆਂ ਹਸਤੀਆਂ ਮੌਜੂਦ ਸਨ।
ਇਸ ਮੌਕੇ ਜਾਵੇਦ ਅਖ਼ਤਰ ਨੇ ਸੰਗੀਤਕਾਰ ਰੋਹਾਂਸ਼ ਪੰਡਿਤ ਦੀ ਪ੍ਰਤਿਭਾ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਦੁਨੀਆਂ ਭਰ ਵਿੱਚ ਚੱਲ ਰਹੇ ਯੁੱਧ ਦੇ ਮਾਹੌਲ ਵਿੱਚ ਅਜਿਹੇ ਗੀਤਾਂ ਦੀ ਲੋੜ ’ਤੇ ਜ਼ੋਰ ਦਿੱਤਾ। ਜ਼ਿਕਰਯੋਗ ਹੈ ਕਿ ਜਾਵੇਦ ਅਖਤਰ ਨੇ ਖੁਦ 1997 'ਚ ਰਿਲੀਜ਼ ਹੋਈ ਫਿਲਮ 'ਬਾਰਡਰ' 'ਚ ਜੰਗ ਵਿਰੋਧੀ ਗਾਣੇ 'ਮੇਰੇ ਦੁਸ਼ਮਣ, ਮੇਰੇ ਦੋਸਤ, ਮੇਰੇ ਹਮਸਾਏ...' ਲਿਖਿਆ ਸੀ ਅਤੇ ਬਹੁਤ ਮਸ਼ਹੂਰ ਹੋਇਆ ਸੀ। ਜਾਵੇਦ ਅਖਤਰ ਨੇ ਵੀ ਆਪਣੇ ਲਿਖੇ ਗੀਤ ਨੂੰ ਯਾਦ ਕੀਤਾ ਅਤੇ ਉਸ ਗੀਤ ਦੀ ਮਹੱਤਤਾ ਨੂੰ ਰੇਖਾਂਕਿਤ ਕੀਤਾ।

ਜ਼ਿਕਰਯੋਗ ਹੈ ਕਿ ਜਦੋਂ ਏਬੀਪੀ ਨਿਊਜ਼ ਨੇ ਜਾਵੇਦ ਅਖਤਰ ਨੂੰ ਮਸਜਿਦਾਂ 'ਚ ਲਾਊਡਸਪੀਕਰਾਂ ਰਾਹੀਂ ਦਿੱਤੇ ਜਾ ਰਹੇ ਅਜ਼ਾਨ ਅਤੇ ਬਦਲੇ 'ਚ ਹਨੂੰਮਾਨ ਚਾਲੀਸਾ ਦੇ ਪਾਠ ਨਾਲ ਜੁੜੇ ਵਿਵਾਦ 'ਤੇ ਸਵਾਲ ਪੁੱਛਿਆ ਤਾਂ ਉਨ੍ਹਾਂ ਨੇ ਇਸ ਮੁੱਦੇ 'ਤੇ ਕੋਈ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ।

ਲਲਿਤ ਪੰਡਿਤ, ਰੋਹਾਂਸ਼ ਪੰਡਿਤ (ਵੱਡਾ ਪੁੱਤਰ ਅਤੇ ਗਾਣੇ ਦੇ ਕੰਪੋਜ਼ਰ) ਅਤੇ ਕਬੀਰ ਪੰਡਿਤ (ਛੋਟਾ ਪੁੱਤਰ) ਤਿੰਨਾਂ ਨੇ ਇਸ ਗੀਤ ਦੇ ਨਿਰਮਾਣ ਅਤੇ ਇਸਦੀ ਮਹੱਤਤਾ ਬਾਰੇ ਗੱਲ ਕੀਤੀ। ਪਿਤਾ ਲਲਿਤ ਅਤੇ ਰੋਹਾਂਸ਼ ਦੇ ਭਰਾ ਕਬੀਰ ਨੇ ਵੀ ਇਸ ਗੀਤ ਵਿੱਚ ਆਪਣੇ ਇਨਪੁਟਸ ਬਾਰੇ ਵਿਸਥਾਰ ਨਾਲ ਦੱਸਿਆ।