(Source: ECI/ABP News/ABP Majha)
Gadar 2: 'ਗਦਰ 2' ਦਾ ਧਮਾਕੇਦਾਰ ਟੀਜ਼ਰ ਰਿਲੀਜ਼, ਸੰਨੀ ਦਿਓਲ ਦਾ ਲੁੱਕ ਤੇ ਫਿਲਮ ਦੇ ਦਮਦਾਰ ਡਾਇਲੌਗ ਜਿੱਤਣਗੇ ਦਿਲ
Gadar 2 Teaser: ਗਦਰ 2 ਦਾ ਟੀਜ਼ਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣਾ ਸ਼ੁਰੂ ਹੋ ਗਿਆ ਹੈ। ਟੀਜ਼ਰ ਵੀਡੀਓ 'ਚ ਤਾਰਾ ਸਿੰਘ ਯਾਨੀ ਸੰਨੀ ਦਿਓਲ ਦੇ ਲੁੱਕ ਦੇ ਨਾਲ-ਨਾਲ ਇਕ ਡਾਇਲਾਗ ਨੇ ਦਹਿਸ਼ਤ ਪੈਦਾ ਕਰ ਦਿੱਤੀ ਹੈ।
Gadar 2 Official Teaser Out Now: ਆਖਰਕਾਰ ਇੰਤਜ਼ਾਰ ਦੀਆਂ ਘੜੀਆਂ ਖਤਮ ਹੋ ਗਈਆਂ ਹਨ। 'ਗਦਰ 2' ਦਾ ਧਮਾਕੇਦਾਰ ਟੀਜ਼ਰ ਸਾਹਮਣੇ ਆਇਆ ਹੈ। ਹਾਲ ਹੀ 'ਚ 'ਗਦਰ-ਏਕ ਪ੍ਰੇਮ ਕਥਾ' ਦੀ ਸਕ੍ਰੀਨਿੰਗ ਦੌਰਾਨ 'ਗਦਰ 2' ਦਾ ਟਰੇਲਰ ਦਿਖਾਇਆ ਸੀ। ਪਰ ਹੁਣ ਇਸ ਦਾ ਅਧਿਕਾਰਤ ਟਰੇਲਰ ਵੀ ਰਿਲੀਜ਼ ਹੋ ਗਿਆ ਹੈ। ਲੋਕਾਂ 'ਚ ਇਸ ਫਿਲਮ ਦਾ ਜ਼ਬਰਦਸਤ ਕ੍ਰੇਜ਼ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਫਿਲਮ ਦੇ ਟਰੇਲਰ ਨੂੰ ਸਿਰਫ ਇੱਕ ਘੰਟੇ 'ਚ ਹੀ 1.6 ਮਿਲੀਅਨ ਤੋਂ ਵੀ ਜ਼ਿਆਦਾ ਵਾਰ ਦੇਖਿਆ ਗਿਆ ਹੈ।
ਇਹ ਵੀ ਪੜ੍ਹੋ: ਜਦੋਂ ਸਲਮਾਨ ਖਾਨ ਕੋਲ ਇੱਕ ਸ਼ਰਟ ਖਰੀਦਣ ਲਈ ਵੀ ਨਹੀਂ ਸੀ ਪੈਸੇ, ਇਸ ਐਕਟਰ ਨੇ ਦਿੱਤਾ ਸੀ ਵੱਡਾ ਗਿਫਟ
ਬਾਲੀਵੁੱਡ ਸਟਾਰ ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਫਿਲਮ ਗਦਰ ਦਾ ਸੀਕਵਲ ਗਦਰ 2 ਦੀ ਚਰਚਾ ਚਾਰੇ ਪਾਸੇ ਹੋ ਰਹੀ ਹੈ। ਸਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਗਦਰ 2 ਦਾ ਟੀਜ਼ਰ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਹਰ ਕੋਈ ਸੰਨੀ ਦਿਓਲ ਦੇ ਲੁੱਕ ਅਤੇ 'ਦਾਮਾਦ ਹੈ ਵੋ ਪਾਕਿਸਤਾਨ ਕਾ'... ਡਾਇਲਾਗ ਦੀ ਗੱਲ ਕਰ ਰਿਹਾ ਹੈ। 'ਗਦਰ 2' ਦੇ ਟੀਜ਼ਰ ਵਿੱਚ ਕਹਾਣੀ ਸਾਲ 1971 ਤੋਂ ਸ਼ੁਰੂ ਹੁੰਦੀ ਦਿਖਾਈ ਦੇ ਰਹੀ ਹੈ। ਜਿੱਥੇ ਇੱਕ ਪਾਸੇ ਭਾਰਤ-ਪਾਕਿਸਤਾਨ ਵਿਚਾਲੇ ਜੰਗ ਦਾ ਮਾਹੌਲ ਹੈ, ਉੱਥੇ ਹੀ ਦੂਜੇ ਪਾਸੇ ਸੰਨੀ ਦਿਓਲ ਦੇ ਦਮਦਾਰ ਕਿਰਦਾਰ ਦੀ ਝਲਕ ਦੇਖਣ ਨੂੰ ਮਿਲ ਰਹੀ ਹੈ। ਹੁਣ ਫਿਲਮ ਦੇ ਪ੍ਰਸ਼ੰਸਕ ਕਹਾਣੀ ਵਿੱਚ ਟਵਿਸਟ ਐਂਡ ਟਰਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਗਦਰ 2 ਦੇ ਟੀਜ਼ਰ ਨੇ ਪਾਈਆਂ ਧਮਾਲਾਂ
'ਗਦਰ 2' ਵੀਡੀਓ ਦੇ ਟੀਜ਼ਰ ਦੀ ਸ਼ੁਰੂਆਤ 'ਚ 17 ਸਾਲ ਬਾਅਦ… ਸਕਰੀਨ 'ਤੇ ਲਿਖਿਆ ਹੈ। ਇਸ ਦੇ ਨਾਲ ਹੀ ਬੈਕਗਰਾਊਂਡ 'ਚ ਇਕ ਔਰਤ ਦੀ ਆਵਾਜ਼ ਸੁਣਾਈ ਦਿੰਦੀ ਹੈ ਜੋ ਕਹਿ ਰਹੀ ਹੈ-'ਦਾਮਾਦ ਹੈ ਵੋ ਪਾਕਿਸਤਾਨ ਕਾ ਇਸ ਨੂੰ ਨਾਰੀਅਲ ਦਿਓ, ਟੀਕਾ ਲਗਵਾ ਦਿਓ, ਨਹੀਂ ਤਾਂ ਇਸ ਵਾਰ ਦਾਜ 'ਚ ਲਾਹੌਰ ਲੈ ਜਾਵੇਗਾ।' ਇਸ ਡਾਇਲਾਗ ਨਾਲ ਕਹਾਣੀ ਪਰਦੇ 'ਤੇ ਲਾਹੌਰ, 1971 ਤੱਕ ਪਹੁੰਚ ਜਾਂਦੀ ਹੈ। ਇਸ ਤੋਂ ਬਾਅਦ ਵਿਜ਼ੂਅਲ 'ਚ ਪਾਕਿਸਤਾਨ, ਲਾਹੌਰ ਦੇ ਦ੍ਰਿਸ਼ ਦਿਖਾਏ ਗਏ ਹਨ, ਜਿੱਥੇ ਨਾਅਰੇਬਾਜ਼ੀ ਹੁੰਦੀ ਨਜ਼ਰ ਆ ਰਹੀ ਹੈ। ਗਦਰ 2 ਦਾ ਟੀਜ਼ਰ ਭਾਰਤ-ਪਾਕਿਸਤਾਨ 1971 ਦੀ ਜੰਗ ਦੇ ਮਾਹੌਲ ਨੂੰ ਦਰਸਾਉਂਦਾ ਹੈ।
ਟੀਜ਼ਰ ਵੀਡੀਓ 'ਚ ਸੰਨੀ ਦਿਓਲ ਦੀ ਐਂਟਰੀ ਹੁੰਦੀ ਹੈ, ਜੋ ਕਾਲੇ ਰੰਗ ਦਾ ਕੁੜਤਾ ਅਤੇ ਕਾਲੀ ਪੱਗ ਪਹਿਨੇ ਨਜ਼ਰ ਆ ਰਹੇ ਹਨ। ਫਿਰ ਸੰਨੀ ਦਿਓਲ ਦੇ ਐਕਸ਼ਨ ਅਵਤਾਰ ਦੀ ਝਲਕ ਦਿਖਾਈ ਦਿੰਦੀ ਹੈ ਅਤੇ ਸਕਰੀਨ 'ਤੇ ਲਿਖਿਆ ਹੁੰਦਾ ਹੈ ਕਿ ਤਾਰਾ ਸਿੰਘ ਵਾਪਸ ਆ ਗਿਆ ਹੈ... ਦੱਸ ਦਈਏ, ਗਦਰ 2 ਦਾ ਧਮਾਕੇਦਾਰ ਟੀਜ਼ਰ ਵੀਡੀਓ ਸਿਨੇਮਾਘਰਾਂ 'ਚ 'ਗਦਰ' ਫਿਲਮ ਦੀ ਸਕ੍ਰੀਨਿੰਗ ਦੌਰਾਨ ਹੀ ਦਿਖਾਇਆ ਗਿਆ ਸੀ। ਹੁਣ ਮੇਕਰਸ ਨੇ ਫਿਲਮ ਦੇ ਟੀਜ਼ਰ ਨੂੰ ਅਧਿਕਾਰਤ ਤੌਰ 'ਤੇ ਵੀ ਰਿਲੀਜ਼ ਕਰ ਦਿੱਤਾ ਹੈ।
ਗਦਰ 2 ਕਦੋਂ ਰਿਲੀਜ਼ ਹੋਵੇਗੀ?
ਗਦਰ 2 ਦੀ ਰਿਲੀਜ਼ ਤੋਂ ਪਹਿਲਾਂ, ਨਿਰਮਾਤਾਵਾਂ ਨੇ ਗਦਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤਾ ਹੈ। 22 ਸਾਲਾਂ ਬਾਅਦ ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਦੀ ਫਿਲਮ 'ਗਦਰ' ਦਾ ਸੀਕਵਲ 11 ਅਗਸਤ 2023 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਿਹਾ ਹੈ। ਟੀਜ਼ਰ ਵੀਡੀਓ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਜ਼ਬਰਦਸਤ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।
ਇਹ ਵੀ ਪੜ੍ਹੋ: ਪੰਜਾਬੀ ਗਾਇਕ ਜੱਸੀ ਗਿੱਲ ਦੇ ਘਰ ਆਈ ਖੁਸ਼ੀ, ਦੂਜੀ ਵਾਰ ਬਣੇ ਪਿਤਾ, ਪਤਨੀ ਨੇ ਬੇਟੇ ਨੂੰ ਦਿੱਤਾ ਜਨਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
