ਧਰਮਿੰਦਰ ਹੇਮਾ ਮਾਲਿਨੀ ਦੇ ਵਿਆਹ ਦੀ ਖਬਰ ਸੁਣ ਕੇ ਬੁਰੀ ਤਰ੍ਹਾਂ ਭੜਕ ਗਏ ਸੀ ਸੰਨੀ ਦਿਓਲ, ਹੇਮਾ ਦੇ ਘਰ ਜਾ ਕੇ ਕੀਤਾ ਸੀ ਤਮਾਸ਼ਾ

Dharmendra Hema Malini Affair: ਸੰਨੀ ਦਿਓਲ ਆਪਣੇ ਪਿਤਾ ਦੇ ਦੂਜੇ ਵਿਆਹ ਦੀ ਖਬਰ ਤੋਂ ਇੰਨੇ ਦੁਖੀ ਹੋਏ ਕਿ ਉਹ ਹੇਮਾ ਮਾਲਿਨੀ ਨਾਲ ਲੜਨ ਲਈ ਉਨ੍ਹਾਂ ਦੇ ਘਰ ਗਏ।

ਧਰਮਿੰਦਰ ਹੇਮਾ ਮਾਲਿਨੀ ਦੇ ਵਿਆਹ ਦੀ ਖਬਰ ਸੁਣ ਕੇ ਬੁਰੀ ਤਰ੍ਹਾਂ ਭੜਕ ਗਏ ਸੀ ਸੰਨੀ ਦਿਓਲ, ਚੁੱਕਿਆ ਸੀ ਇਹ ਕਦਮ

Dharmendra Second Marriage: ਬਾਲੀਵੁੱਡ ਦੇ ਮਸ਼ਹੂਰ ਸਟਾਰ ਧਰਮਿੰਦਰ (Dharmendra) ਨੇ ਦੋ ਵਿਆਹ ਕਰਵਾਏ ਸਨ। ਅਦਾਕਾਰਾ ਦਾ ਪਹਿਲਾ ਵਿਆਹ ਪ੍ਰਕਾਸ਼ ਕੌਰ (Parkash Kaur) ਨਾਲ ਸਾਲ 1954 ਵਿੱਚ ਪਰਿਵਾਰ ਦੀ ਇੱਛਾ ਨਾਲ ਹੋਇਆ ਸੀ, ਇਸ ਵਿਆਹ ਤੋਂ ਉਨ੍ਹਾਂ ਦੇ ਘਰ ਚਾਰ ਬੱਚੇ ਸੰਨੀ ਦਿਓਲ, ਬੌਬੀ ਦਿਓਲ, ਅਜਿਤਾ ਅਤੇ ਵਿਜੇਤਾ ਨੇ ਜਨਮ ਲਿਆ। ਇਸ ਦੇ ਨਾਲ ਹੀ ਧਰਮਪਾਜੀ ਨੇ ਸਾਲ 1980 'ਚ ਅਦਾਕਾਰਾ ਹੇਮਾ ਮਾਲਿਨੀ (Hema Malini) ਨਾਲ ਵਿਆਹ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਸੀ, ਇਸ ਵਿਆਹ ਦੀ ਵੀ ਕਾਫੀ ਚਰਚਾ ਹੋਈ ਸੀ। ਇਸ ਦੌਰਾਨ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਪ੍ਰਕਾਸ਼ ਕੌਰ ਨੂੰ ਦੂਜੇ ਵਿਆਹ ਦਾ ਪਤਾ ਲੱਗਦਿਆਂ ਹੀ ਗਹਿਰਾ ਸਦਮਾ ਲੱਗਾ। ਇੱਥੋਂ ਤੱਕ ਕਿ ਸੰਨੀ ਦਿਓਲ (Sunny Deol) ਆਪਣੇ ਪਿਤਾ ਤੋਂ ਬਹੁਤ ਨਾਰਾਜ਼ ਸੀ।
 
ਹਾਲਾਂਕਿ ਮੀਡੀਆ ਰਿਪੋਰਟਾਂ ਮੁਤਾਬਕ ਸੰਨੀ ਦਿਓਲ ਆਪਣੇ ਪਿਤਾ ਦੇ ਦੂਜੇ ਵਿਆਹ ਦੀ ਖਬਰ ਤੋਂ ਇੰਨੇ ਦੁਖੀ ਹੋਏ ਕਿ ਉਹ ਹੇਮਾ ਮਾਲਿਨੀ ਨਾਲ ਲੜਨ ਲਈ ਉਨ੍ਹਾਂ ਦੇ ਘਰ ਚਲੇ ਗਏ। ਹਾਲਾਂਕਿ ਪ੍ਰਕਾਸ਼ ਕੌਰ ਨੇ ਇਨ੍ਹਾਂ ਸਾਰੀਆਂ ਖਬਰਾਂ ਦਾ ਖੰਡਨ ਕਰਦਿਆਂ ਕਿਹਾ, ‘ਇਨ੍ਹਾਂ ਗੱਲਾਂ ਵਿੱਚ ਬਿਲਕੁਲ ਵੀ ਸੱਚਾਈ ਨਹੀਂ ਹੈ। ਮੈਂ ਆਪਣੇ ਬੱਚਿਆਂ ਦੀ ਅਜਿਹੀ ਪਰਵਰਿਸ਼ ਨਹੀਂ ਕੀਤੀ ਕਿ ਉਹ ਅਜਿਹੇ ਕਦਮ ਚੁੱਕਣ।

ਤੁਹਾਨੂੰ ਦੱਸ ਦੇਈਏ ਕਿ ਹੇਮਾ ਮਾਲਿਨੀ ਵੀ ਸੰਨੀ ਦਿਓਲ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਖੁੱਲ੍ਹ ਕੇ ਬੋਲ ਚੁੱਕੀ ਹੈ। ਦਰਅਸਲ ਹੇਮਾ ਨੇ ਦੱਸਿਆ ਸੀ ਕਿ ਜਦੋਂ ਉਨ੍ਹਾਂ ਦਾ ਐਕਸੀਡੈਂਟ ਹੋਇਆ ਸੀ ਤਾਂ ਸੰਨੀ ਸਭ ਤੋਂ ਪਹਿਲਾਂ ਉਨ੍ਹਾਂ ਦੇ ਘਰ ਉਨ੍ਹਾਂ ਦੀ ਦੇਖਭਾਲ ਲਈ ਆਇਆ ਸੀ।

ਹੇਮਾ ਮੁਤਾਬਕ, ਸੰਨੀ ਨੇ ਨਾ ਸਿਰਫ ਹੇਮਾ ਦੀ ਦੇਖਭਾਲ ਕੀਤੀ, ਸਗੋਂ ਇਹ ਵੀ ਧਿਆਨ ਰੱਖਿਆ ਕਿ ਉਨ੍ਹਾਂ ਦੇ ਚਿਹਰੇ 'ਤੇ ਲੱਗੀ ਸੱਟ ਤੇ ਕਿਸ ਡਾਕਟਰ ਨੇ ਟਾਂਕੇ ਲਾਉਣੇ ਹਨ। ਹੇਮਾ ਦੀ ਮੰਨੀਏ ਤਾਂ ਸੰਨੀ ਦਿਓਲ ਹਮੇਸ਼ਾ ਉਨ੍ਹਾਂ ਦੀ ਮਦਦ ਲਈ ਖੜ੍ਹੇ ਰਹਿੰਦੇ ਹਨ ਅਤੇ ਇਸ ਤੋਂ ਚੰਗੀ ਤਰ੍ਹਾਂ ਸਮਝਿਆ ਜਾ ਸਕਦਾ ਹੈ ਕਿ ਇਨ੍ਹਾਂ ਦੋਹਾਂ ਦੀ ਬਾਂਡਿੰਗ ਕਿਵੇਂ ਹੈ ।