Taapsee Pannu: ਤਾਪਸੀ ਪੰਨੂ ਨੇ ਬਿਆਨ ਕੀਤਾ '84 ਦੰਗਿਆਂ ਦਾ ਭਿਆਨਕ ਮੰਜ਼ਰ, ਦੱਸਿਆ ਕਿਵੇਂ ਤਲਵਾਰਾਂ ਲੈਕੇ ਆਏ ਸੀ ਮਾਰਨ, ਜਾਣੋ ਕਿਸ ਨੇ ਕੀਤੀ ਸੀ ਮਦਦ
Taapsee Pannu On 1984 Anti Sikh Riots : ਤਾਪਸੀ ਪੰਨੂ ਨੇ ਦੱਸਿਆ ਕਿ ਜਦੋਂ 1984 ਵਿੱਚ ਦਿੱਲੀ ਵਿੱਚ ਸਿੱਖ ਵਿਰੋਧੀ ਦੰਗੇ ਹੋਏ ਤਾਂ ਗੁਆਂਢੀਆਂ ਨੇ ਉਸਦੇ ਪਿਤਾ ਅਤੇ ਪਰਿਵਾਰ ਨੂੰ ਬਚਾਇਆ।
Taapsee Pannu On 1984 Anti Sikh Riots: 1984 ਭਾਰਤ ਦੇ ਇਤਿਹਾਸ 'ਚ ਸਿੱਖਾਂ ਲਈ ਹੀ ਨਹੀਂ ਪੂਰੇ ਭਾਰਤ ਲਈ ਕਾਲਾ ਦੌਰ ਰਿਹਾ ਹੈ। ਕਿਉਂਕਿ ਪੂਰੇ ਦੇਸ਼ ਵਿੱਚ ਉਸ ਸਮੇਂ ਸਿੱਖ ਕਤਲੇਆਮ ਨੂੰ ਅੰਜਾਮ ਦਿੱਤਾ ਜਾ ਰਿਹਾ ਹੈ। ਇਸ ਵਿੱਚ ਕਿੰਨੇ ਹੀ ਬੇਕਸੂਰ ਲੋਕਾਂ ਨੇ ਆਪਣੀਆਂ ਜਾਨਾਂ ਗਵਾਈਆਂ ਸੀ। ਉਸ ਕਾਲੇ ਦੌਰ ਵਿੱਚੋਂ ਜਿਹੜੇ ਲੋਕ ਬਚੇ ਸੀ, ਉਹ ਅੱਜ ਵੀ '84 ਦੇ ਭਿਆਨਕ ਮੰਜ਼ਰ ਨੂੰ ਯਾਦ ਕਰਕੇ ਸਹਿਮ ਜਾਂਦੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਨਾਮ ਬਾਲੀਵੁੱਡ ਅਦਾਕਾਰਾ ਤਾਪਸੀ ਪੰਨੂ ਦਾ ਵੀ ਹੈ।
ਤਾਪਸੀ ਪੰਨੂ ਦਾ ਇੱਕ ਵੀਡੀਓ ਇੰਨੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਹ ਆਪਣੇ ਪਰਿਵਾਰ ਦੇ '84 ਦੇ ਭਿਆਨਕ ਤਜਰਬੇ ਬਾਰੇ ਗੱਲ ਕਰ ਰਹੀ ਹੈ। ਤਾਪਸੀ ਪੰਨੂ ਨੇ ਦਿੱਲੀ ਵਿੱਚ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਦੌਰਾਨ ਆਪਣੇ ਪਰਿਵਾਰ ਦੇ ਭਿਆਨਕ ਅਨੁਭਵ ਬਾਰੇ ਗੱਲ ਕੀਤੀ। ਤਾਪਸੀ ਨੇ ਦੱਸਿਆ ਕਿ ਉਸ ਸਮੇਂ ਉਸ ਦੇ ਮਾਤਾ-ਪਿਤਾ ਦਾ ਵਿਆਹ ਨਹੀਂ ਹੋਇਆ ਸੀ। ਦੰਗਾਕਾਰੀਆਂ ਨੇ ਸ਼ਕਤੀ ਨਗਰ ਸਥਿਤ ਉਸ ਦੇ ਪਿਤਾ ਦੇ ਘਰ ਨੂੰ ਘੇਰ ਲਿਆ ਸੀ ਪਰ ਆਸ-ਪਾਸ ਦੇ ਲੋਕਾਂ ਨੇ ਉਸ ਨੂੰ ਅਤੇ ਉਸ ਦੇ ਪਿਤਾ ਦੇ ਪਰਿਵਾਰ ਨੂੰ ਬਚਾ ਲਿਆ। ਤਾਪਸੀ ਨੇ ਇਹ ਵੀ ਦੱਸਿਆ ਸੀ ਕਿ ਉਨ੍ਹਾਂ ਦੇ ਪਰਿਵਾਰ ਨੂੰ ਜੋ ਲੋਕ ਮਾਰਨ ਆਏ ਸੀ, ਉਹ ਹਿੰਦੂ ਸੀ। ਉਨ੍ਹਾਂ ਦੇ ਪਰਿਵਾਰ ਨੂੰ ਜਿਸ ਨੇ ਬਚਾਇਆ ਉਹ ਵੀ ਉਨ੍ਹਾਂ ਦੇ ਹਿੰਦੂ ਗੁਆਂਢੀ ਹੀ ਸੀ।
ਦੰਗਾਕਾਰੀਆਂ ਨੇ ਪਿਤਾ ਦੇ ਘਰ ਨੂੰ ਘੇਰ ਲਿਆ ਸੀ
ਇੱਕ ਇੰਟਰਵਿਊ ਦੌਰਾਨ ਤਾਪਸੀ ਨੇ ਦੱਸਿਆ ਸੀ ਕਿ ਉਸ ਸਮੇਂ ਉਸ ਦੇ ਮਾਤਾ-ਪਿਤਾ ਦਾ ਵਿਆਹ ਨਹੀਂ ਹੋਇਆ ਸੀ। ਮਾਂ ਪੂਰਬੀ ਦਿੱਲੀ ਵਿੱਚ ਰਹਿੰਦੀ ਸੀ, ਜਦੋਂ ਕਿ ਪਿਤਾ ਸ਼ਕਤੀ ਨਗਰ ਵਿੱਚ ਰਹਿੰਦੇ ਸਨ। ਤਾਪਸੀ ਪੰਨੂ ਨੇ ਕਿਹਾ, ''ਮੈਂ ਉਸ ਸਮੇਂ ਬਾਰੇ ਜੋ ਵੀ ਜਾਣਦੀ ਹਾਂ, ਮੈਂ ਬੱਸ ਉਹ ਉਨ੍ਹਾਂ ਤੋਂ ਹੀ ਸੁਣਿਆ ਹੈ। ਮੇਰੀ ਮਾਂ ਦੱਸਦੀ ਹੈ ਕਿ ਉਨ੍ਹਾਂ ਦਾ ਇਲਾਕਾ ਸੁਰੱਖਿਅਤ ਸੀ, ਪਰ ਮੇਰੇ ਪਿਤਾ ਸ਼ਕਤੀ ਨਗਰ ਵਿਚ ਇਕੱਲੇ ਸਿੱਖ ਪਰਿਵਾਰ ਸਨ।
ਤਲਵਾਰ ਅਤੇ ਪੈਟਰੋਲ ਬੰਬ ਲੈ ਕੇ ਆਏ ਸੀ ਮਾਰਨ
ਤਾਪਸੀ ਨੇ ਦੱਸਿਆ, ''ਮੈਨੂੰ ਦੱਸਿਆ ਗਿਆ ਸੀ ਕਿ ਉਸ ਸਮੇਂ ਜਦੋਂ ਲੋਕ ਤਲਵਾਰਾਂ ਅਤੇ ਪੈਟਰੋਲ ਬੰਬ ਲੈ ਕੇ ਆਏ ਸਨ ਤਾਂ ਦੰਗਾਈਆਂ ਨੂੰ ਪਤਾ ਸੀ ਕਿ ਉੱਥੇ ਸਿਰਫ ਇਕ ਸਿੱਖ ਪਰਿਵਾਰ ਹੈ। ਇਸ ਲਈ ਉਸ ਸਮੇਂ ਪਰਿਵਾਰਕ ਮੈਂਬਰ ਲਾਈਟਾਂ ਬੰਦ ਕਰਕੇ ਘਰ ਦੇ ਅੰਦਰ ਲੁਕ ਗਏ ਸਨ। ਭੱਜਣ ਦਾ ਕੋਈ ਚਾਰਾ ਨਹੀਂ ਸੀ। ਕਿਉਂਕਿ ਪਤਾ ਸੀ ਕਿ ਲੋਕ ਨੇੜੇ ਆ ਗਏ ਸਨ। ਫਿਰ ਉਹ ਕਿੱਥੇ ਭੱਜਣਗੇ? ਇਮਾਰਤ ਦੇ ਅੰਦਰ ਚਾਰ ਪਰਿਵਾਰ ਰਹਿੰਦੇ ਸਨ ਜਿੱਥੇ ਉਹ ਕਿਰਾਏ 'ਤੇ ਰਹਿੰਦੇ ਸਨ। ਬਾਕੀ ਤਿੰਨ ਪਰਿਵਾਰ ਹਿੰਦੂ ਸਨ। ਉਹ ਗੇਟ ਤੱਕ ਆ ਚੁੱਕੇ ਸਨ ਅਤੇ ਜਦੋਂ ਅਸੀਂ ਆਪਣੇ ਪਰਿਵਾਰ ਬਾਰੇ ਪੁੱਛਿਆ ਤਾਂ ਬਾਕੀ ਹਿੰਦੂ ਪਰਿਵਾਰ ਨੇ ਦੱਸਿਆ ਕਿ ਉਹ ਭੱਜ ਗਏ ਹਨ। ਫਿਰ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਇਹ ਜੌਂਗਾ ਉਨ੍ਹਾਂ ਦਾ ਹੈ, ਇਸ ਲਈ ਉਨ੍ਹਾਂ ਨੇ ਇਸ ਨੂੰ ਅੱਗ ਲਗਾ ਦਿੱਤੀ। ਇਸ ਤਰ੍ਹਾਂ ਅਸੀਂ ਬਚ ਗਏ ਕਿਉਂਕਿ ਆਸ-ਪਾਸ ਦੇ ਲੋਕਾਂ ਨੇ ਸਾਨੂੰ ਬਚਾਇਆ ਸੀ।
View this post on Instagram
ਤਾਪਸੀ ਪੰਨੂ ਦੀਆਂ ਫਿਲਮਾਂ
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਤਾਪਸੀ ਪੰਨੂ ਨੂੰ ਆਖਰੀ ਵਾਰ ਅਨੁਰਾਗ ਕਸ਼ਯਪ ਦੁਆਰਾ ਨਿਰਦੇਸ਼ਿਤ ਫਿਲਮ ਦੋਬਾਰਾ ਵਿੱਚ ਦੇਖਿਆ ਗਿਆ ਸੀ। ਹੁਣ ਉਹ ਸ਼ਾਹਰੁਖ ਖਾਨ ਨਾਲ ਫਿਲਮ 'ਡੰਕੀ' 'ਚ ਨਜ਼ਰ ਆਵੇਗੀ, ਜੋ ਇਸ ਸਾਲ ਦੇ ਅੰਤ 'ਚ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਇਸ ਦਾ ਨਿਰਦੇਸ਼ਨ ਮਸ਼ਹੂਰ ਨਿਰਦੇਸ਼ਕ ਰਾਜਕੁਮਾਰ ਹਿਰਾਨੀ ਕਰ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
