Taj Mahal color: ਕੀ ਤਾਜ ਮਹਿਲ ਹਰਾ ਹੋ ਜਾਵੇਗਾ ? ਜਾਣੋ ਕੌਣ ਹੌਲੀ-ਹੌਲੀ ਬਦਲ ਰਿਹਾ ਇਸ ਦਾ ਰੰਗ

Taj Mahal color turns green: ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਹ ਕੰਮ ਹੌਲੀ-ਹੌਲੀ ਹੋ ਰਿਹਾ ਸੀ, ਜਿਸ ਨੂੰ ਹੁਣ ਭਾਰਤੀ ਪੁਰਾਤੱਤਵ ਸਰਵੇਖਣ ਯਾਨੀ ਏ.ਐੱਸ.ਆਈ. ਨੇ ਨੋਟ ਕਰ ਲਿਆ ਹੈ। ਹਾਲਾਂਕਿ, ਏਐਸਆਈ ਵੀ ਇਸ ਤੋਂ ਪ੍ਰੇਸ਼ਾਨ ਹੈ ਅਤੇ

Taj Mahal color turns green

Taj Mahal color turns green: ਚਿੱਟੇ ਸੰਗਮਰਮਰ ਨਾਲ ਬਣਿਆ ਚਮਕਦਾ ਤਾਜ ਮਹਿਲ, ਜਿਸ ਨੂੰ ਦੁਨੀਆ 'ਚ ਪਿਆਰ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ, ਜਿੱਥੇ ਹਰ ਸਾਲ ਲੱਖਾਂ ਲੋਕ ਆਉਂਦੇ ਹਨ, ਆਪਣਾ ਰੰਗ ਬਦਲ ਰਿਹਾ ਹੈ। ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਹ ਕੰਮ ਹੌਲੀ-ਹੌਲੀ ਹੋ ਰਿਹਾ ਸੀ, ਜਿਸ ਨੂੰ ਹੁਣ ਭਾਰਤੀ ਪੁਰਾਤੱਤਵ ਸਰਵੇਖਣ ਯਾਨੀ ਏ.ਐੱਸ.ਆਈ. ਨੇ ਨੋਟ ਕਰ ਲਿਆ ਹੈ। ਹਾਲਾਂਕਿ, ਏਐਸਆਈ ਵੀ ਇਸ ਤੋਂ ਪ੍ਰੇਸ਼ਾਨ ਹੈ ਅਤੇ ਇਸ ਨਾਲ ਨਜਿੱਠਣ ਦੇ ਤਰੀਕੇ ਲੱਭ ਰਿਹਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕੌਣ ਚਿੱਟੇ ਤਾਜ ਮਹਿਲ ਨੂੰ ਹਰਾ ਕਰ ਰਿਹਾ ਹੈ।

ਇਸ ਪਿੱਛੇ ਕੌਣ ? 

ਦਰਅਸਲ, ਇਹ ਕੰਮ ਇੱਕ ਕੀੜੇ ਦੁਆਰਾ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਕੀੜਿਆਂ ਦੀ ਪੂਰੀ ਫੌਜ ਤਾਜ ਮਹਿਲ ਨੂੰ ਤਬਾਹ ਕਰਨ ਵਿੱਚ ਲੱਗੀ ਹੋਈ ਹੈ। ਸਾਲ 2015 'ਚ ਇਸ ਬਾਰੇ ਐੱਸ.ਐੱਸ.ਆਈ. ਵੱਲੋਂ ਇਸ ਨੂੰ ਰੋਕਣ ਲਈ ਕਈ ਪ੍ਰਬੰਧ ਵੀ ਕੀਤੇ ਗਏ ਸਨ। ਕੋਰੋਨਾ ਦੇ ਦੌਰ 'ਚ ਇਨ੍ਹਾਂ ਕੀੜਿਆਂ ਦਾ ਪ੍ਰਭਾਵ ਵੀ ਘੱਟ ਗਿਆ ਸੀ ਪਰ ਹੁਣ ਇਨ੍ਹਾਂ ਨੇ ਫਿਰ ਤੋਂ ਤਾਜ ਮਹਿਲ ਦੀਆਂ ਕੰਧਾਂ ਨੂੰ ਢਾਹਣਾ ਸ਼ੁਰੂ ਕਰ ਦਿੱਤਾ ਹੈ।

ਇਹ ਕਿਸ ਕਿਸਮ ਦੇ ਕੀੜੇ ? 

ਅਸੀਂ ਜਿਨ੍ਹਾਂ ਕੀੜਿਆਂ ਦੀ ਗੱਲ ਕਰ ਰਹੇ ਹਾਂ ਉਨ੍ਹਾਂ ਨੂੰ ਵਿਗਿਆਨ ਦੀ ਭਾਸ਼ਾ ਵਿੱਚ ਗੋਲਡੀ ਕਾਈਰੋਨੋਮਸ ਕਿਹਾ ਜਾਂਦਾ ਹੈ। ਇਹ ਕੀੜੇ ਗੰਦੇ ਪਾਣੀ ਵਿੱਚ ਪੈਂਦਾ ਹੁੰਦੇ ਹਨ। ਸਭ ਤੋਂ ਪ੍ਰੇਸ਼ਾਨੀ ਵਾਲੀ ਗੱਲ ਇਹ ਹੈ ਕਿ ਮਾਦਾ ਕੀੜੇ ਇੱਕ ਵਾਰ ਵਿੱਚ ਇੱਕ ਹਜ਼ਾਰ ਤੋਂ ਵੱਧ ਅੰਡੇ ਦਿੰਦੀ ਹੈ। 

ਇਹ ਕੀੜੇ ਦੋ ਦਿਨ ਤੱਕ ਜਿਉਂਦੇ ਰਹਿੰਦੇ ਹਨ। ਹਾਲਾਂਕਿ, ਗਰਮੀਆਂ ਵਿੱਚ ਇਹਨਾਂ ਕੀੜਿਆਂ ਦੀ ਗਿਣਤੀ ਘੱਟ ਜਾਂਦੀ ਹੈ, ਇਸਦਾ ਕਾਰਨ ਇਹ ਹੈ ਕਿ ਇਹ 35 ਤੋਂ 40 ਡਿਗਰੀ ਤੋਂ ਵੱਧ ਤਾਪਮਾਨ ਨੂੰ ਬਰਦਾਸ਼ਤ ਨਹੀਂ ਕਰ ਸਕਦੇ। ਪਰ ਸਰਦੀਆਂ ਵਿੱਚ ਇਹ ਤਾਜ ਮਹਿਲ ਲਈ ਮੁਸੀਬਤ ਬਣ ਜਾਂਦੇ ਹਨ।

 

ਤਾਜ ਮਹਿਲ ਨੂੰ ਹਰਾ ਕਿਵੇਂ ਕਰਦੇ ?

ਦਰਅਸਲ, ਇਹ ਕੀੜੇ ਕੁਝ ਸਮੇਂ ਬਾਅਦ ਤਾਜ ਮਹਿਲ ਦੇ ਉਸ ਹਿੱਸੇ 'ਤੇ ਮਲ ਤਿਆਗ ਕਰਦੇ ਹਨ, ਜਿੱਥੇ ਉਹ ਬੈਠਦੇ ਹਨ। ਇਸ ਮਲ-ਮੂਤਰ ਕਾਰਨ ਤਾਜ ਮਹਿਲ ਦੀਆਂ ਚਿੱਟੀਆਂ ਕੰਧਾਂ ਹਰੀਆਂ ਹੋ ਰਹੀਆਂ ਹਨ। ਦਿ ਪ੍ਰਿੰਟ 'ਤੇ ਪ੍ਰਕਾਸ਼ਿਤ ਇਕ ਰਿਪੋਰਟ ਮੁਤਾਬਕ ਇਹ ਕੀੜੇ ਤਾਜ ਮਹਿਲ ਦੀ ਖੂਬਸੂਰਤੀ ਨੂੰ ਖਰਾਬ ਕਰ ਰਹੇ ਹਨ। ਇਨ੍ਹਾਂ ਨੂੰ ਖਤਮ ਕਰਨ ਲਈ ਵਿਗਿਆਨੀ ਕਈ ਤਰ੍ਹਾਂ ਦੇ ਪ੍ਰਯੋਗ ਕਰ ਰਹੇ ਹਨ ਪਰ ਅਜੇ ਤੱਕ ਕੋਈ ਠੋਸ ਸਫਲਤਾ ਨਹੀਂ ਮਿਲੀ ਹੈ।