![ABP Premium](https://cdn.abplive.com/imagebank/Premium-ad-Icon.png)
CSK vs MI: ਚੇਨਈ ਨੇ ਜਿੱਤ ਨਾਲ ਕੀਤੀ ਦੂਜੇ ਹਾਫ ਦੀ ਸ਼ੁਰੂਆਤ, ਮੁੰਬਈ ਤੋਂ ਲਿਆ ਪਿਛਲੀ ਹਾਰ ਦਾ ਬਦਲਾ
Chennai vs Mumbai: ਚੇਨਈ ਨੇ ਪਹਿਲਾਂ ਖੇਡਦਿਆਂ 20 ਓਵਰਾਂ ਵਿੱਚ ਛੇ ਵਿਕਟਾਂ 'ਤੇ 156 ਦੌੜਾਂ ਬਣਾਈਆਂ। ਜਵਾਬ ਵਿੱਚ ਮੁੰਬਈ ਇੰਡੀਅਨਜ਼ ਦੀ ਟੀਮ ਸਿਰਫ 136 ਦੌੜਾਂ ਹੀ ਬਣਾ ਸਕੀ।
![CSK vs MI: ਚੇਨਈ ਨੇ ਜਿੱਤ ਨਾਲ ਕੀਤੀ ਦੂਜੇ ਹਾਫ ਦੀ ਸ਼ੁਰੂਆਤ, ਮੁੰਬਈ ਤੋਂ ਲਿਆ ਪਿਛਲੀ ਹਾਰ ਦਾ ਬਦਲਾ IPL 2021: CSK won the match by 20 runs against MI in Match 30 at Dubai International Stadium CSK vs MI: ਚੇਨਈ ਨੇ ਜਿੱਤ ਨਾਲ ਕੀਤੀ ਦੂਜੇ ਹਾਫ ਦੀ ਸ਼ੁਰੂਆਤ, ਮੁੰਬਈ ਤੋਂ ਲਿਆ ਪਿਛਲੀ ਹਾਰ ਦਾ ਬਦਲਾ](https://feeds.abplive.com/onecms/images/uploaded-images/2021/09/19/c69811925fcd81598effca34fff87715_original.jpg?impolicy=abp_cdn&imwidth=1200&height=675)
Chennai Super Kings vs Mumbai Indians: ਆਈਪੀਐਲ 2021 ਦੇ ਦੂਜੇ ਅੱਧ ਦੇ ਪਹਿਲੇ ਮੈਚ ਵਿੱਚ ਚੇਨਈ ਸੁਪਰ ਕਿੰਗਜ਼ ਨੇ ਮੁੰਬਈ ਇੰਡੀਅਨਜ਼ ਨੂੰ 20 ਦੌੜਾਂ ਨਾਲ ਹਰਾਇਆ। ਚੇਨਈ ਨੇ ਪਹਿਲਾਂ ਖੇਡਦਿਆਂ 20 ਓਵਰਾਂ ਵਿੱਚ ਛੇ ਵਿਕਟਾਂ 'ਤੇ 156 ਦੌੜਾਂ ਬਣਾਈਆਂ। ਜਿਸ ਦੇ ਜਵਾਬ 'ਚ ਮੁੰਬਈ ਇੰਡੀਅਨਜ਼ ਦੀ ਟੀਮ ਨਿਰਧਾਰਤ ਓਵਰਾਂ ਵਿੱਚ 136 ਦੌੜਾਂ ਹੀ ਬਣਾ ਸਕੀ। ਆਈਪੀਐਲ 2021 ਵਿੱਚ ਚੇਨਈ ਦੀ ਇਹ ਛੇਵੀਂ ਜਿੱਤ ਹੈ। ਹੁਣ ਇਸਦੇ ਅੱਠ ਮੈਚਾਂ ਵਿੱਚ 12 ਅੰਕ ਹਨ।
ਇਸ ਜਿੱਤ ਦੇ ਨਾਲ ਚੇਨਈ ਨੇ ਆਈਪੀਐਲ 2021 ਦੇ ਪਹਿਲੇ ਅੱਧ ਵਿੱਚ ਮਿਲੀ ਹਾਰ ਦਾ ਬਦਲਾ ਵੀ ਲਿਆ। ਦਰਅਸਲ, ਭਾਰਤ ਵਿੱਚ ਖੇਡੇ ਗਏ ਪਹਿਲੇ ਅੱਧ ਵਿੱਚ ਚੇਨਈ, ਮੁੰਬਈ ਦੇ ਖਿਲਾਫ 218 ਦੌੜਾਂ ਬਣਾਉਣ ਦੇ ਬਾਵਜੂਦ ਮੈਚ ਨਹੀਂ ਜਿੱਤ ਸਕੀ ਸੀ। ਉਸ ਮੈਚ ਵਿੱਚ ਮੁੰਬਈ ਨੇ ਹਾਰ ਦੀ ਬਾਜ਼ੀ ਜਿੱਤੀ ਸੀ। ਹਾਲਾਂਕਿ, ਅੱਜ ਚੇਨਈ ਨੇ ਉਸ ਹਾਰ ਦਾ ਬਦਲਾ ਲੈ ਲਿਆ।
ਮੁੰਬਈ ਦੀ ਸ਼ੁਰੂਆਤ ਖਰਾਬ ਰਹੀ
ਚੇਨਈ ਤੋਂ 157 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਮੁੰਬਈ ਇੰਡੀਅਨਜ਼ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ। ਉਸ ਨੇ ਨਿਯਮਤ ਅੰਤਰਾਲਾਂ 'ਤੇ ਵਿਕਟ ਗੁਆਏ, ਜਿਸ ਕਾਰਨ ਉਹ ਮੈਚ ਹਾਰ ਗਏ। ਨਿਯਮਤ ਕਪਤਾਨ ਰੋਹਿਤ ਸ਼ਰਮਾ ਇਸ ਮੈਚ ਦਾ ਹਿੱਸਾ ਨਹੀਂ ਸੀ। ਅਜਿਹੀ ਸਥਿਤੀ ਵਿੱਚ ਅਨਮੋਲਪ੍ਰੀਤ ਸਿੰਘ ਨੇ ਉਸ ਦੀ ਥਾਂ ਕੁਇੰਟਨ ਡੀ ਕਾਕ ਨਾਲ ਪਾਰੀ ਦੀ ਸ਼ੁਰੂਆਤ ਕਰਨ ਪਹੁੰਚੇ।
ਚੇਨਈ ਲਈ ਡਵੇਨ ਬ੍ਰਾਵੋ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਉਸ ਨੇ ਆਪਣੇ ਚਾਰ ਓਵਰਾਂ ਵਿੱਚ 25 ਦੌੜਾਂ ਦੇ ਕੇ ਤਿੰਨ ਵਿਕਟ ਲਏ। ਇਸ ਤੋਂ ਇਲਾਵਾ ਦੀਪਕ ਚਾਹਰ ਨੇ ਦੋ ਸਫਲਤਾਵਾਂ ਹਾਸਲ ਕੀਤੀਆਂ। ਜਦਕਿ ਜੋਸ਼ ਹੇਜ਼ਲਵੁੱਡ ਅਤੇ ਸ਼ਾਰਦੁਲ ਠਾਕੁਰ ਨੇ ਇੱਕ-ਇੱਕ ਵਿਕਟ ਲਈ।
ਚੇਨਈ ਲਈ ਰੁਤੂਰਾਜ ਗਾਇਕਵਾੜ ਨੇ ਸ਼ਾਨਦਾਰ ਪਾਰੀ ਖੇਡੀ
ਟੌਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕਰਦਿਆਂ ਚੇਨਈ ਸੁਪਰਕਿੰਗਜ਼ ਦੀ ਸ਼ੁਰੂਆਤ ਬਹੁਤ ਖਰਾਬ ਰਹੀ। ਪਹਿਲੇ ਹੀ ਓਵਰ 'ਚ ਚੇਨਈ ਦੇ ਸਲਾਮੀ ਬੱਲੇਬਾਜ਼ ਫਾਫ ਡੂ ਪਲੇਸਿਸ ਟ੍ਰੈਂਟ ਬੋਲਟ ਦੀ ਗੇਂਦ 'ਤੇ ਖਾਤਾ ਖੋਲ੍ਹੇ ਬਗੈਰ ਹੀ ਪਵੇਲੀਅਨ ਪਰਤ ਗਏ। ਇਸ ਤੋਂ ਬਾਅਦ ਮੋਈਨ ਅਲੀ ਵੀ ਦੂਜੇ ਓਵਰ ਵਿੱਚ ਐਡਮ ਮਿਲਨੇ ਦੀ ਗੇਂਦ ’ਤੇ ਜ਼ੀਰੋ ’ਤੇ ਆਊਟ ਹੋ ਗਏ।
ਜਡੇਜਾ ਅਤੇ ਗਾਇਕਵਾੜ ਦੀ ਅਹਿਮ ਸਾਂਝੇਦਾਰੀ
ਸਲਾਮੀ ਬੱਲੇਬਾਜ਼ ਰੁਤੁਰਾਜ ਗਾਇਕਵਾੜ ਅਤੇ ਰਵਿੰਦਰ ਜਡੇਜਾ ਨੇ ਪੰਜਵੀਂ ਵਿਕਟ ਲਈ 81 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਜਦੋਂ ਚਾਰ ਵਿਕਟ ਸਿਰਫ 24 ਦੌੜਾਂ 'ਤੇ ਡਿੱਗ ਗਏ। ਜਡੇਜਾ 17ਵੇਂ ਓਵਰ ਵਿੱਚ 26 ਦੌੜਾਂ ਬਣਾ ਕੇ ਆਊਟ ਹੋਏ। ਉਸ ਨੇ 33 ਗੇਂਦਾਂ ਦੀ ਆਪਣੀ ਪਾਰੀ ਵਿੱਚ ਚੌਕਾ ਮਾਰਿਆ। ਆਪਣਾ 100ਵਾਂ ਮੈਚ ਖੇਡ ਰਹੇ ਬੁਮਰਾਹ ਨੇ ਜਡੇਜਾ ਨੂੰ ਆਊਟ ਕੀਤਾ।
ਇੱਕ ਪਾਸੇ ਜਿੱਥੇ ਚੇਨਈ ਦੇ ਬੱਲੇਬਾਜ਼ ਤੂ ਚਲ ਮੈਂ ਆਇਆ ਦੀ ਤਰਜ਼ 'ਤੇ ਆਊਟ ਹੋ ਰਹੇ ਸੀ, ਦੂਜੇ ਪਾਸੇ ਸਲਾਮੀ ਬੱਲੇਬਾਜ਼ ਰੁਤੁਰਾਜ ਗਾਇਕਵਾੜ ਆਪਣੀ ਕਲਾਸ ਦਿਖਾ ਰਹੇ ਸੀ। ਗਾਇਕਵਾੜ ਨੇ ਨਾਬਾਦ 88 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਗਾਇਕਵਾੜ ਦਾ ਯੂਏਈ ਵਿੱਚ ਇਹ ਲਗਾਤਾਰ ਚੌਥਾ ਅਰਧ ਸੈਂਕੜਾ ਹੈ। ਆਪਣੀ ਅਰਧ ਸੈਂਕੜੇ ਦੀ ਪਾਰੀ ਦੌਰਾਨ ਉਸ ਨੇ 9 ਚੌਕੇ ਅਤੇ ਚਾਰ ਛੱਕੇ ਲਗਾਏ।
ਇਸ ਦੇ ਨਾਲ ਹੀ ਡਵੇਨ ਬ੍ਰਾਵੋ ਨੇ ਵੀ ਤਿੰਨ ਛੱਕਿਆਂ ਦੀ ਮਦਦ ਨਾਲ ਸਿਰਫ ਅੱਠ ਗੇਂਦਾਂ ਵਿੱਚ 23 ਦੌੜਾਂ ਬਣਾਈਆਂ। ਐਡਮ ਮਿਲਨੇ ਨੇ ਮੁੰਬਈ ਲਈ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਉਸ ਨੇ ਆਪਣੇ ਚਾਰ ਓਵਰਾਂ ਵਿੱਚ ਸਿਰਫ 21 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ। ਇਸ ਤੋਂ ਇਲਾਵਾ ਟ੍ਰੈਂਟ ਬੋਲਟ ਅਤੇ ਜਸਪ੍ਰੀਤ ਬਾਮੁਰਾ ਨੇ ਵੀ ਦੋ -ਦੋ ਵਿਕਟਾਂ ਲਈਆਂ। ਪਰ ਇਹ ਦੋਵੇਂ ਕੁਝ ਮਹਿੰਗੇ ਸਾਬਤ ਹੋਏ।
ਇਹ ਵੀ ਪੜ੍ਹੋ: Punjab New CM: ਪੰਜਾਬ ਦੇ ਨਵੇਂ ਮੁੱਖ ਮੰਤਰੀ ਦਾ ਐਲਾਨ, ਹਾਈਕਮਾਨ ਨੇ ਲਾਈ ਮੋਹਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)