(Source: ECI/ABP News)
Anemia In Women's: ਭਾਰਤ 'ਚ 40 ਫੀਸਦੀ ਔਰਤਾਂ ਖੂਨ ਦੀ ਕਮੀ ਨਾਲ ਹਨ ਪੀੜਤ, ਜਾਣੋ ਕੀ ਹੈ ਕਾਰਨ
Anemia: ਅਨੀਮੀਆ ਆਇਰਨ ਦੀ ਕਮੀ ਕਾਰਨ ਹੁੰਦਾ ਹੈ। ਜੇਕਰ ਸਮੇਂ ਸਿਰ ਇਸ ਵੱਲ ਧਿਆਨ ਦਿੱਤਾ ਜਾਵੇ ਤਾਂ ਇਸ ਦੀ ਕਮੀ ਨੂੰ ਜਲਦੀ ਹੀ ਪੂਰਾ ਕੀਤਾ ਜਾ ਸਕਦਾ ਹੈ।
Anemia : ਭਾਰਤ ਦੀਆਂ ਔਰਤਾਂ ਵਿੱਚ ਖੂਨ ਦੀ ਕਮੀ ਯਾਨੀ ਅਨੀਮੀਆ ਦੀ ਸਮੱਸਿਆ ਬਹੁਤ ਆਮ ਹੈ। WHO ਦੇ ਅਨੁਸਾਰ, ਅਨੀਮੀਆ ਇੱਕ ਗੰਭੀਰ ਸਮੱਸਿਆ ਹੈ। ਛੋਟੇ ਬੱਚੇ, ਮਾਹਵਾਰੀ ਤੋਂ ਬਾਅਦ ਲੜਕੀਆਂ, ਗਰਭਵਤੀ ਜਾਂ ਜਣੇਪੇ ਤੋਂ ਬਾਅਦ ਦੀਆਂ ਔਰਤਾਂ ਇਸ ਤੋਂ ਜ਼ਿਆਦਾ ਪ੍ਰਭਾਵਿਤ ਹੁੰਦੀਆਂ ਹਨ। ਅਧਿਐਨ ਦੇ ਅਨੁਸਾਰ, 6 ਤੋਂ 59 ਮਹੀਨਿਆਂ ਦੀ ਉਮਰ ਦੇ 40% ਬੱਚਿਆਂ ਵਿੱਚ ਖੂਨ ਦੀ ਕਮੀ ਹੈ ਅਤੇ 37% ਗਰਭਵਤੀ ਔਰਤਾਂ ਅਨੀਮੀਆ ਦਾ ਸ਼ਿਕਾਰ ਹਨ। ਜਦੋਂ ਕਿ 15 ਤੋਂ 49 ਸਾਲ ਦੀ ਉਮਰ ਦੀਆਂ 30% ਔਰਤਾਂ ਨੂੰ ਵੀ ਇਸ ਦਾ ਖਤਰਾ ਹੈ। ਆਓ ਜਾਣਦੇ ਹਾਂ ਔਰਤਾਂ ਵਿੱਚ ਅਨੀਮੀਆ ਦਾ ਖਤਰਾ, ਲੱਛਣ ਅਤੇ ਰੋਕਥਾਮ ਦੇ ਉਪਾਅ...
ਅਨੀਮੀਆ ਕੀ ਹੈ
ਸਿਹਤ ਮਾਹਿਰਾਂ ਅਨੁਸਾਰ ਸਰੀਰ ਵਿੱਚ ਹੀਮੋਗਲੋਬਿਨ ਘੱਟ ਹੋਣ ਕਾਰਨ ਅਨੀਮੀਆ ਦਾ ਖਤਰਾ ਵੱਧ ਜਾਂਦਾ ਹੈ। ਹੀਮਾਗਲੋਬਿਨ ਇੱਕ ਕਿਸਮ ਦਾ ਪ੍ਰੋਟੀਨ ਹੈ, ਜੋ ਸਰੀਰ ਦੇ ਕੰਮਕਾਜ ਵਿੱਚ ਮਦਦ ਕਰਦਾ ਹੈ। ਇਸ ਨਾਲ ਸਰੀਰ 'ਚ ਰੈੱਡ ਬਲੱਡ ਸੈਲਸ ਦੀ ਮਾਤਰਾ ਵਧਦੀ ਹੈ ਅਤੇ ਬਲੱਡ ਸੈਲਸ 'ਚ ਆਕਸੀਜਨ ਦਾ ਪ੍ਰਵਾਹ ਠੀਕ ਰਹਿੰਦਾ ਹੈ। ਸਰੀਰ 'ਚ ਆਇਰਨ ਦੀ ਕਮੀ ਹੋਣ 'ਤੇ ਇਹ ਸਮੱਸਿਆ ਵੱਧ ਜਾਂਦੀ ਹੈ। ਬਹੁਤ ਜ਼ਿਆਦਾ ਕੈਫੀਨ, ਸਿਗਰੇਟ ਅਤੇ ਸ਼ਰਾਬ ਵੀ ਅਨੀਮੀਆ ਦਾ ਕਾਰਨ ਬਣ ਸਕਦੀ ਹੈ ਕਿਉਂਕਿ ਸਰੀਰ ਆਇਰਨ ਨੂੰ ਸਹੀ ਤਰ੍ਹਾਂ ਜਜ਼ਬ ਨਹੀਂ ਕਰ ਪਾਉਂਦਾ।
ਔਰਤਾਂ ਵਿੱਚ ਅਨੀਮੀਆ ਦੇ ਲੱਛਣ
ਥਕਾਵਟ
ਹੱਥ ਅਤੇ ਪੈਰ ਠੰਢੇ ਹੋਣਾ
ਸਾਹ ਦੀ ਤਕਲੀਫ਼
ਚਮੜੀ ਦਾ ਪੀਲਾ ਹੋਣਾ
ਕਮਜ਼ੋਰੀ, ਚੱਕਰ ਆਉਣੇ, ਸਿਰ ਦਰਦ
ਹੱਡੀਆਂ, ਜੋੜਾਂ, ਪੇਟ, ਛਾਤੀ ਵਿੱਚ ਦਰਦ
ਦਿਲ ਦੀ ਧੜਕਣ ਅਨਿਯਮਿਤ ਹੋਣਾ
ਅਨੀਮੀਆ ਦੇ ਕਾਰਨ
1. ਆਇਰਨ ਅਤੇ ਵਿਟਾਮਿਨ ਬੀ12 ਦੀ ਕਮੀ
2. ਜੈਨੇਟਿਕਸ ਕਾਰਨ
3. ਬਹੁਤ ਜ਼ਿਆਦਾ ਕੌਫੀ, ਚਾਹ, ਸਿਗਰੇਟ, ਸ਼ਰਾਬ ਪੀਣਾ
4. ਅਚਾਨਕ ਬਹੁਤ ਜ਼ਿਆਦਾ ਖੂਨ ਦਾ ਲੋਸ ਹੋਣਾ
ਅਨੀਮੀਆ ਤੋਂ ਬਚਣ ਲਈ ਕੀ ਕਰਨਾ ਹੈ
1. ਆਇਰਨ ਦਾ ਵੱਧ ਤੋਂ ਵੱਧ ਸੇਵਨ: ਆਇਰਨ ਨਾਲ ਭਰਪੂਰ ਚੀਜ਼ਾਂ ਜਿਵੇਂ ਪਾਲਕ, ਚੁਕੰਦਰ, ਚਿਕਨ, ਸੇਬ, ਅਨਾਰ, ਤਰਬੂਜ, ਖਜੂਰ, ਬਦਾਮ, ਕਿਸ਼ਮਿਸ਼, ਆਂਵਲਾ, ਗੁੜ ਖਾਓ।
2. ਵਿਟਾਮਿਨ ਏ ਅਤੇ ਸੀ ਨਾਲ ਭਰਪੂਰ ਚੀਜ਼ਾਂ ਖਾਓ: ਜਿਵੇਂ- ਸੰਤਰਾ, ਨਿੰਬੂ, ਸ਼ਿਮਲਾ ਮਿਰਚ
3. ਫੋਲਿਕ ਐਸਿਡ ਲੈਣਾ ਯਕੀਨੀ ਬਣਾਓ: ਹਰੀਆਂ ਪੱਤੇਦਾਰ ਸਬਜ਼ੀਆਂ, ਕੇਲਾ, ਮੂੰਗਫਲੀ, ਬਰੋਕਲੀ, ਚਿਕਨ ਅਤੇ ਸਪਾਉਟ ਖਾਓ।
4. ਨਿਯਮਿਤ ਤੌਰ 'ਤੇ ਕਸਰਤ ਕਰੋ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
