ਕੀ ਸੌਣ ਵੇਲੇ ਪੈ ਸਕਦਾ ਦਿਲ ਦਾ ਦੌਰਾ? ਜਾਣੋ ਕੀ ਕਹਿੰਦੇ ਐਕਸਪਰਟ
ਹਾਲਾਂਕਿ ਇਹ ਆਮ ਤੌਰ 'ਤੇ ਕਿਹਾ ਜਾਂਦਾ ਹੈ ਕਿ ਦਿਲ ਦੇ ਦੌਰਾ ਪੈਣ ਦੀ ਸੰਭਾਵਨਾ ਸਵੇਰ ਵੇਲੇ ਜ਼ਿਆਦਾ ਹੁੰਦੀ ਹੈ, ਕੀ ਇਹ ਉਦੋਂ ਹੋ ਸਕਦਾ ਹੈ ਜਦੋਂ ਕੋਈ ਵਿਅਕਤੀ ਸੌਂ ਰਿਹਾ ਹੁੰਦਾ ਹੈ?
Heart Attack: ਦਿਲ ਦੇ ਦੌਰੇ ਦੀਆਂ ਵਧਦੀਆਂ ਘਟਨਾਵਾਂ ਵਿਸ਼ਵਵਿਆਪੀ ਤੌਰ 'ਤੇ ਚਿੰਤਾ ਦਾ ਕਾਰਨ ਬਣ ਗਈਆਂ ਹਨ ਕਿਉਂਕਿ ਦਿਨ-ਬ-ਦਿਨ ਕਾਰਡੀਐਕ ਅਰੈਸਟ ਅਤੇ ਦਿਲ ਦਾ ਦੌਰਾ ਪੈਣਾ ਘੱਟ ਉਮਰ ਵਰਗ ਵਿੱਚ ਆਮ ਹੁੰਦਾ ਜਾ ਰਿਹਾ ਹੈ। ਪਿਛਲੇ 2 ਸਾਲਾਂ ਵਿੱਚ 18 ਤੋਂ 20 ਸਾਲ ਦੀ ਉਮਰ ਦੇ ਲੋਕਾਂ ਨੂੰ ਵੀ ਹਾਰਟ ਅਟੈਕ ਆਇਆ ਹੈ। ਆਮਤੌਰ 'ਤੇ ਹਾਰਟ ਅਟੈਕ ਸਵੇਰੇ-ਸਵੇਰੇ ਹੋਣ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ, ਪਰ ਕੀ ਇਹ ਉਦੋਂ ਹੋ ਸਕਦਾ ਹੈ ਜਦੋਂ ਕੋਈ ਵਿਅਕਤੀ ਸੌਂ ਰਿਹਾ ਹੋਵੇ। ਇਸ ਸਵਾਲ ਦੇ ਜਵਾਬ 'ਚ ਡਾਕਟਰਾਂ ਨੇ ਕਿਹਾ ਕਿ ਸੌਂਦੇ ਸਮੇਂ ਦਿਲ ਦਾ ਦੌਰਾ ਪੈ ਸਕਦਾ ਹੈ।
ਸੌਣ ਵੇਲੇ ਵੀ ਹੋ ਸਕਦਾ ਹਾਰਟ ਅਟੈਕ
ਹੈਦਰਾਬਾਦ ਦੇ ਯਸ਼ੋਦਾ ਹਸਪਤਾਲ ਦੇ ਸਲਾਹਕਾਰ ਇੰਟਰਵੈਂਸ਼ਨਲ ਕਾਰਡੀਓਲੋਜਿਸਟ ਡਾਕਟਰ ਗੁਰੂਪ੍ਰਕਾਸ਼ ਏ ਨੇ ਸਹਿਮਤੀ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਦਿਲ ਦਾ ਦੌਰਾ ਲਗਭਗ 10% ਮਰੀਜ਼ਾਂ ਨੂੰ ਵਿੱਚ ਨੀਂਦ ਵਿੱਚ ਪੈ ਸਕਦਾ ਹੈ। ਖ਼ਾਸਕਰ ਸਵੇਰ ਵੇਲੇ ਜਦੋਂ ਕੈਟੇਕੋਲਾਮਾਈਨ ਆਪਣੇ ਜ਼ਿਆਦਾ ਹੁੰਦੇ ਹਨ। ਇਹ ਡਾਇਬਟੀਜ਼ ਦੇ ਮਰੀਜ਼ਾਂ, ਮੋਟੇ ਅਤੇ ਹਾਈ ਬੀਪੀ ਵਾਲੇ ਲੋਕਾਂ ਵਿੱਚ ਆਮ ਹੁੰਦਾ ਹੈ ਅਤੇ ਅਬਸਟਰਕਟਿਵ ਸਲੀਪ ਐਪਨੀਆ ਹੁੰਦਾ ਹੈ।
ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਸ ਤੋਂ ਪਹਿਲਾਂ ਕਿ ਅਸੀਂ ਇਹ ਸਮਝੀਏ ਕਿ ਸੌਂਦੇ ਸਮੇਂ ਦਿਲ ਦਾ ਦੌਰਾ ਕਿਵੇਂ ਪੈ ਸਕਦਾ ਹੈ, ਇਹ ਹੋਣ ਦੇ ਪਿੱਛੇ ਲੁਕੇ ਸਾਈਂਸ ਨੂੰ ਜਾਣਨਾ ਜ਼ਰੂਰੀ ਹੈ। ਦਿਲ ਦੇ ਦੌਰੇ ਦਾ ਸਭ ਤੋਂ ਆਮ ਕਾਰਨ ਕੋਰੋਨਰੀ ਧਮਨੀਆਂ ਵਿੱਚ ਪਲੇਕ ਦਾ ਇੱਕ ਨਿਰਮਾਣ ਹੁੰਦਾ ਹੈ, ਜੋ ਟੁੱਟ ਸਕਦਾ ਹੈ ਅਤੇ ਥੱਕੇ ਬਣਨ ਦਾ ਕਾਰਨ ਬਣ ਸਕਦਾ ਹੈ, ਹੋਰ ਜੋਖਮਾਂ ਵਿੱਚ ਹਾਈ ਬਲੱਡ ਪ੍ਰੈਸ਼ਰ, ਸ਼ੂਗਰ, ਸਮੋਕਿੰਗ, ਅਤੇ ਦਿਲ ਦੀ ਬਿਮਾਰੀ ਦਾ ਪਰਿਵਾਰਕ ਇਤਿਹਾਸ ਸ਼ਾਮਲ ਹੈ।
ਇਸ ਦੇ ਨਾਲ ਹੀ ਡਾ.ਸ਼ਿਬਾਸ਼ੀਸ਼ ਡੇ ਨੇ ਸੌਂਦੇ ਸਮੇਂ ਹਾਰਟ ਅਟੈਕ ਦੇ ਪਿੱਛੇ ਵਿਗਿਆਨ ਬਾਰੇ ਦੱਸਿਆ। ਉਨ੍ਹਾਂ ਦੱਸਿਆ ਕਿ ਜਦੋਂ ਅਸੀਂ ਸੌਂਦੇ ਹਾਂ ਤਾਂ ਗਰਦਨ ਅਤੇ ਗਲੇ ਸਮੇਤ ਸਾਡੀਆਂ ਸਾਰੀਆਂ ਮਾਸਪੇਸ਼ੀਆਂ ਨੂੰ ਆਰਾਮ ਮਿਲਦਾ ਹੈ। ਜੇਕਰ ਤੁਹਾਡੀ ਗਰਦਨ ਦੇ ਕੋਲ ਬਹੁਤ ਜ਼ਿਆਦਾ ਟਿਸ਼ੂ ਹਨ, ਤਾਂ ਇਹ ਸਾਹ ਨਾਲੀ 'ਤੇ ਦਬਾਅ ਪਾਉਂਦਾ ਹੈ, ਤੁਸੀਂ ਸਹੀ ਢੰਗ ਨਾਲ ਸਾਹ ਨਹੀਂ ਲੈ ਸਕਦੇ, ਜਾਂ ਤਾਂ ਤੁਸੀਂ ਇਸ ਸਮੇਂ ਘਰਾੜੇ ਮਾਰਦੇ ਹੋ ਜਾਂ ਤੁਸੀਂ ਸਾਹ ਲੈਣਾ ਬੰਦ ਕਰ ਦਿੰਦੇ ਹੋ, ਇਸ ਕਾਰਨ ਤੁਸੀਂ ਲਗਾਤਾਰ ਆਕਸੀਜਨ ਤੋਂ ਵਾਂਝੇ ਰਹਿੰਦੇ ਹੋ ਅਤੇ ਇਸ ਦਾ ਬੁਰਾ ਪ੍ਰਭਾਵ ਪੈਂਦਾ ਹੈ। ਜੇਕਰ ਇਦਾਂ ਲਗਾਤਾਰ ਹੁੰਦਾ ਹੈ ਤਾਂ ਤੁਹਾਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਇਹ ਵੀ ਪੜ੍ਹੋ: Anger Management : ਜੇਕਰ ਤੁਸੀਂ ਆਪਣੇ ਗੁੱਸੇ ‘ਤੇ ਨਹੀਂ ਕਰ ਪਾਉਂਦੇ ਕਾਬੂ, ਤਾਂ ਅਪਣਾਓ ਤਰੀਕੇ, ਨਹੀਂ ਤਾਂ ਸਰੀਰ ‘ਤੇ ਪਵੇਗਾ ਬੂਰਾ ਅਸਰ
ਸਲੀਪ ਐਪਨੀਆ ਵਾਲੇ ਲੋਕਾਂ ਨੂੰ ਹਾਰਟ ਫੇਲੀਅਰ ਦੀ ਸ਼ਿਕਾਇਤ
ਸੌਂਦੇ ਸਮੇਂ ਦਿਲ ਦੇ ਦੌਰਾ ਪੈਣਾ ਇੱਕ ਹੋਰ ਸੰਭਾਵਿਤ ਕਾਰਨ ਕ੍ਰੋਨਿਕ ਔਬਸਟਰਕਟਿਵ ਸਲੀਪ ਐਪਨੀਆ ਡਿਸਆਰਡਰ ਹੈ। ਆਮ ਤੌਰ 'ਤੇ ਰਾਤ ਨੂੰ ਤੁਹਾਡਾ ਬਲੱਡ ਪ੍ਰੈਸ਼ਰ ਘੱਟ ਜਾਂਦਾ ਹੈ, ਜੇਕਰ ਤੁਹਾਨੂੰ ਸਲੀਪ ਐਪਨੀਆ ਹੈ ਤਾਂ ਤੁਹਾਡਾ ਬਲੱਡ ਪ੍ਰੈਸ਼ਰ ਘੱਟ ਨਹੀਂ ਸਕਦਾ, ਜਿਸ ਕਾਰਨ ਹਾਈ ਬਲੱਡ ਪ੍ਰੈਸ਼ਰ ਹੋ ਜਾਂਦਾ ਹੈ। ਹਰ ਵਾਰ ਜਦੋਂ ਤੁਹਾਡਾ ਆਕਸੀਜਨ ਦਾ ਪੱਧਰ ਹੇਠਾਂ ਜਾਂਦਾ ਹੈ ਤਾਂ ਇਹ ਤੁਹਾਡੇ ਬਲੱਡ ਪ੍ਰੈਸ਼ਰ ਨੂੰ ਵਧਾਉਂਦਾ ਹੈ ਅਤੇ ਐਡਰੇਨਾਲੀਨ ਦੇ ਵਾਧੇ ਦਾ ਕਾਰਨ ਬਣਦਾ ਹੈ।
ਇਸ ਨਾਲ ਤੁਹਾਡੇ ਦਿਲ 'ਤੇ ਤਣਾਅ ਵਧਦਾ ਹੈ ਕਿਉਂਕਿ ਬਲੱਡ ਪ੍ਰੈਸ਼ਰ ਨੂੰ ਬਣਾਏ ਰੱਖਣ ਲਈ ਜ਼ਿਆਦਾ ਮਿਹਨਤ ਕਰਨੀ ਪੈਂਦੀ ਹੈ ਅਤੇ ਅਜਿਹੀ ਸਥਿਤੀ 'ਚ ਤੁਹਾਨੂੰ ਹਾਰਟ ਅਟੈਕ ਅਤੇ ਸਟ੍ਰੋਕ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਅਮਰੀਕਨ ਜਰਨਲ ਆਫ ਕਾਰਡੀਓਲੋਜੀ 'ਚ ਪ੍ਰਕਾਸ਼ਿਤ ਇਕ ਅਧਿਐਨ 'ਚ ਇਸ ਗੱਲ ਦੀ ਪੁਸ਼ਟੀ ਹੋਈ ਹੈ, ਜਿਸ 'ਚ ਇਹ ਕਿਹਾ ਗਿਆ ਹੈ ਕਿ ਸਲੀਪ ਐਪਨੀਆ ਅਕਸਰ ਹਾਰਟ ਫੇਲੀਅਰ ਦੀ ਸ਼ਿਕਾਇਤ ਵਾਲੇ ਮਰੀਜ਼ਾਂ ਵਿੱਚ ਦੇਖਿਆ ਜਾਂਦਾ ਹੈ।
ਪੂਰੀ ਨੀਂਦ ਲਓ
ਚੰਗੀ ਨੀਂਦ ਲੈ ਕੇ ਇਸ ਸਮੱਸਿਆ ਨੂੰ ਦੂਰ ਕੀਤਾ ਜਾ ਸਕਦਾ ਹੈ। ਹਰ ਰੋਜ਼ ਸੌਣ ਅਤੇ ਜਾਗਣ ਦਾ ਇੱਕੋ ਜਿਹਾ ਸਮਾਂ ਰੱਖਣ ਨਾਲ, ਨਿਯਮਿਤ ਤੌਰ 'ਤੇ ਕਸਰਤ ਕਰਨ ਦੇ ਨਾਲ-ਨਾਲ ਲੋਕਾਂ ਨੂੰ ਰਾਤ ਨੂੰ ਚੰਗੀ ਨੀਂਦ ਆਉਂਦੀ ਹੈ, ਹਾਲਾਂਕਿ, ਸੌਣ ਤੋਂ ਪਹਿਲਾਂ ਕਸਰਤ ਕਰਨ ਤੋਂ ਪਰਹੇਜ਼ ਕਰੋ, ਇਸ ਤੋਂ ਇਲਾਵਾ, ਯੋਗਾ, ਕੋਮਲ ਸਟ੍ਰੈਚਿੰਗ, ਮਾਈਂਡਫੁਲਨੇਸ ਮੈਡੀਟੇਸ਼ਨ ਕਰਕੇ ਤੁਸੀਂ ਆਪਣਾ ਬਚਾਅ ਕਰ ਸਕਦੇ ਹੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
