ਅੱਲ੍ਹੜਾਂ ਲਈ ਸਮਾਰਟਫੋਨ ਬੇਹੱਦ ਘਾਤਕ, ਨਵੀਂ ਖੋਜ 'ਚ ਖੁਲਾਸਾ

ਚੰਡੀਗੜ੍ਹ: ਸਮਾਰਟਫੋਨ ਦਾ ਲੰਬੇ ਸਮੇਂ ਤਕ ਇਸਤੇਮਾਲ ਸਿਹਤ ਲਈ ਨੁਕਸਾਨਦਾਇਕ ਸਾਬਤ ਹੋ ਸਕਦਾ ਹੈ। ਨਵੇਂ ਅਧਿਐਨ 'ਚ ਸਾਵਧਾਨ ਕੀਤਾ ਗਿਆ ਹੈ ਕਿ ਅਜਿਹੀ ਆਦਤ ਨਾਲ ਅੱਲ੍ਹੜਾਂ 'ਚ ਤਣਾਅ, ਕਾਹਲੇਪਣ ਤੇ ਅਨੀਂਦਰਾ ਦਾ ਖ਼ਤਰਾ ਵਧ ਸਕਦਾ ਹੈ।

ਦੱਖਣੀ ਕੋਰੀਆ ਦੀ ਕੋਰੀਆ ਯੂਨੀਵਰਸਿਟੀ ਦੇ ਖੋਜੀਆਂ ਨੇ ਸਮਾਰਟਫੋਨ ਤੇ ਇੰਟਰਨੈੱਟ ਦੇ ਆਦੀ ਹੋ ਚੁੱਕੇ ਅੱਲ੍ਹੜ ਉਮਰ ਦੇ ਬੱਚਿਆਂ ਦੇ ਦਿਮਾਗ਼ ਦੀ ਪ੍ਰਕਿਰਿਆ ਅਸੰਤੁਲਿਤ ਪਾਈ। ਅਜਿਹੇ ਅੱਲ੍ਹੜਾਂ ਦੇ ਦਿਮਾਗ਼ 'ਚ ਝਾਂਕਣ ਲਈ ਉਨ੍ਹਾਂ ਮੈਗਨੈਟਿਕ ਰਿਸਪਾਂਸ ਸਪੈਕਟ੍ਰੋਸਕੋਪੀ (ਐਮਆਰਐਸ) ਦੀ ਵਰਤੋਂ ਕੀਤੀ।

ਇਹ ਐਮਆਰਐਸ ਇਕ ਤਰ੍ਹਾਂ ਦਾ ਐਮਆਰਆਈ ਹੈ ਜੋ ਦਿਮਾਗ਼ 'ਚ ਰਸਾਇਣਕ ਸੰਯੋਜਨ 'ਤੇ ਗ਼ੌਰ ਕਰਦਾ ਹੈ। ਇਹ ਨਤੀਜਾ ਇੰਟਰਨੈੱਟ ਜਾਂ ਸਮਾਰਟਫੋਨ ਦੇ ਆਦੀ ਹੋ ਚੁੱਕੇ 19 ਅੱਲ੍ਹੜਾਂ 'ਤੇ ਕੀਤੇ ਗਏ ਅਧਿਐਨ ਦੇ ਆਧਾਰ 'ਤੇ ਕੱਢਿਆ ਗਿਆ ਹੈ।