![ABP Premium](https://cdn.abplive.com/imagebank/Premium-ad-Icon.png)
Use this Atta in Summer: ਗਰਮੀ 'ਚ ਇਸ ਆਟੇ ਤੋਂ ਬਣੀ ਰੋਟੀ ਸਰੀਰ ਨੂੰ ਰੱਖਦੀ ਠੰਡਾ, ਵਜ਼ਨ ਘਟਾਉਣ ਲਈ ਰਾਮਬਾਣ, ਜਾਣੋ ਇਸਦੇ ਹੋਰ ਫਾਇਦੇ
Health News: ਗਰਮੀਆਂ ਦੇ ਆਉਂਦੇ ਹੀ ਲੋਕ ਆਪਣੀ ਡਾਈਟ 'ਚ ਕਾਫੀ ਬਦਲਾਅ ਕਰਦੇ ਹਨ। ਜਿਸ ਕਰਕੇ ਸਰੀਰ ਨੂੰ ਠੰਡਾ ਰੱਖਣ ਲਈ ਜ਼ਿਆਦਾ ਪਾਣੀ ਵਾਲੀਆਂ ਚੀਜ਼ਾਂ ਦਾ ਸੇਵਨ ਕੀਤਾ ਜਾਂਦਾ ਹੈ। ਅੱਜ ਅਸੀਂ ਤੁਹਾਨੂੰ ਅਜਿਹੇ ਆਟੇ ਬਾਰੇ ਦੱਸਾਂਗੇ ਜੋ ਕਿ ਪੇਟ
![Use this Atta in Summer: ਗਰਮੀ 'ਚ ਇਸ ਆਟੇ ਤੋਂ ਬਣੀ ਰੋਟੀ ਸਰੀਰ ਨੂੰ ਰੱਖਦੀ ਠੰਡਾ, ਵਜ਼ਨ ਘਟਾਉਣ ਲਈ ਰਾਮਬਾਣ, ਜਾਣੋ ਇਸਦੇ ਹੋਰ ਫਾਇਦੇ Jowar flour in summer: Roti made from this flour keeps the body cool, panacea for weight loss, know its other benefits Use this Atta in Summer: ਗਰਮੀ 'ਚ ਇਸ ਆਟੇ ਤੋਂ ਬਣੀ ਰੋਟੀ ਸਰੀਰ ਨੂੰ ਰੱਖਦੀ ਠੰਡਾ, ਵਜ਼ਨ ਘਟਾਉਣ ਲਈ ਰਾਮਬਾਣ, ਜਾਣੋ ਇਸਦੇ ਹੋਰ ਫਾਇਦੇ](https://feeds.abplive.com/onecms/images/uploaded-images/2024/05/02/7a69df774d5d09618a5a7f99dd1cc0d91714662911276700_original.jpg?impolicy=abp_cdn&imwidth=1200&height=675)
Jowar flour in summer: ਜਦੋਂ ਵੀ ਮੌਸਮ ਬਦਲਦਾ ਹੈ ਤਾਂ ਲੋਕ ਉਸ ਹਿਸਾਬ ਦੇ ਨਾਲ ਆਪਣੀ ਡਾਈਟ ਦੇ ਵਿੱਚ ਬਦਲਾਅ ਕਰ ਲੈਂਦੇ ਹਨ। ਗਰਮੀਆਂ ਦੇ ਆਉਂਦੇ ਹੀ ਲੋਕ ਆਪਣੀ ਡਾਈਟ 'ਚ ਕਾਫੀ ਬਦਲਾਅ ਕਰਦੇ ਹਨ। ਜਿਸ ਕਰਕੇ ਸਰੀਰ ਨੂੰ ਠੰਡਾ ਰੱਖਣ ਲਈ ਜ਼ਿਆਦਾ ਪਾਣੀ ਵਾਲੀਆਂ ਚੀਜ਼ਾਂ ਦਾ ਸੇਵਨ ਕੀਤਾ ਜਾਂਦਾ ਹੈ। ਇਸ ਮੌਸਮ ਦੇ ਵਿੱਚ ਹਲਕੀ ਖੁਰਾਕ ਅਤੇ ਹਰੀਆਂ ਸਬਜ਼ੀਆਂ ਦਾ ਸੇਵਨ ਕਰਨਾ ਸਹੀ ਰਹਿੰਦਾ ਹੈ। ਹਾਲਾਂਕਿ, ਬਹੁਤ ਘੱਟ ਲੋਕ ਅਨਾਜ ਵਿੱਚ ਬਦਲਾਅ ਕਰਦੇ ਹਨ। ਗਰਮੀਆਂ ਵਿੱਚ ਤੁਹਾਨੂੰ ਆਪਣੀ ਰੋਟੀ ਵੀ ਬਦਲ ਲੈਣੀ ਚਾਹੀਦੀ ਹੈ। ਇਸ ਮੌਸਮ 'ਚ ਕਣਕ ਦੀ ਬਜਾਏ ਜਵਾਰ ਦੀ ਰੋਟੀ ਖਾਓ। ਜਵਾਰ ਦੀ ਰੋਟੀ (Jowar Roti) ਗਰਮੀਆਂ 'ਚ ਸਰੀਰ ਨੂੰ ਠੰਡਾ ਰੱਖਣ 'ਚ ਮਦਦ ਕਰਦੀ ਹੈ। ਜਵਾਰ ਦੇ ਆਟੇ ਦੀ ਤਾਸੀਰ ਠੰਡੀ ਹੁੰਦੀ ਹੈ, ਜਿਸ ਨਾਲ ਪੇਟ ਨੂੰ ਠੰਡਾ ਮਿਲਦੀ ਹੈ। ਜਵਾਰ ਦੀ ਰੋਟੀ ਖਾਣ ਨਾਲ ਵੀ ਮੋਟਾਪਾ ਤੇਜ਼ੀ ਨਾਲ ਘੱਟ ਹੁੰਦਾ ਹੈ। ਜਾਣੋ ਜਵਾਰ ਦੀ ਰੋਟੀ ਖਾਣ ਦੇ ਕੀ ਫਾਇਦੇ ਹਨ?
ਗਰਮੀਆਂ ਵਿੱਚ ਕਿਹੜੀ ਰੋਟੀ ਖਾਣੀ ਚਾਹੀਦੀ ਹੈ?
ਜਵਾਰ ਇੱਕ ਅਜਿਹਾ ਅਨਾਜ ਹੈ ਜਿਸ ਨੂੰ ਪੋਸ਼ਣ ਦਾ ਪਾਵਰਹਾਊਸ ਕਿਹਾ ਜਾਂਦਾ ਹੈ। ਜਵਾਰ ਵਿੱਚ ਆਇਰਨ, ਮੈਗਨੀਸ਼ੀਅਮ ਅਤੇ ਫਾਸਫੋਰਸ ਵਰਗੇ ਖਣਿਜ ਭਰਪੂਰ ਮਾਤਰਾ ਵਿੱਚ ਪਾਏ ਜਾਂਦੇ ਹਨ। ਜਵਾਰ ਸਰੀਰ ਨੂੰ ਸਿਹਤਮੰਦ ਰੱਖਣ 'ਚ ਮਦਦ ਕਰਦਾ ਹੈ। ਜਵਾਰ ਦੀ ਰੋਟੀ ਖਾਣ ਨਾਲ ਸਰੀਰ ਵਿੱਚ ਊਰਜਾ ਬਣੀ ਰਹਿੰਦੀ ਹੈ ਅਤੇ ਮਾਸਪੇਸ਼ੀਆਂ ਮਜ਼ਬੂਤ ਹੁੰਦੀਆਂ ਹਨ।
ਗਲੂਟਨ ਤੋਂ ਐਲਰਜੀ ਵਾਲੇ ਲੋਕਾਂ ਲਈ ਇਹ ਆਟਾ ਲਾਹੇਵੰਦ
ਜਿਨ੍ਹਾਂ ਲੋਕਾਂ ਨੂੰ ਗਲੂਟਨ ਤੋਂ ਐਲਰਜੀ ਹੈ, ਉਨ੍ਹਾਂ ਨੂੰ ਆਪਣੀ ਖੁਰਾਕ 'ਚ ਜਵਾਰ ਦੀ ਰੋਟੀ ਨੂੰ ਸ਼ਾਮਲ ਕਰਨਾ ਚਾਹੀਦਾ ਹੈ। ਜਵਾਰ ਇੱਕ ਗਲੂਟਨ -ਮੁਕਤ ਭੋਜਨ ਹੈ, ਜੋ ਸੇਲੀਏਕ ਰੋਗ ਵਾਲੇ ਲੋਕਾਂ ਲਈ ਚੰਗਾ ਮੰਨਿਆ ਜਾਂਦਾ ਹੈ। ਗਰਮੀਆਂ 'ਚ ਜਵਾਰ ਦੀ ਰੋਟੀ ਖਾਣ ਨਾਲ ਸਰੀਰ ਨੂੰ ਜ਼ਰੂਰੀ ਪੋਸ਼ਕ ਤੱਤ ਆਸਾਨੀ ਨਾਲ ਮਿਲ ਜਾਂਦੇ ਹਨ।
ਪਾਚਨ ਸੰਬੰਧੀ ਸਮੱਸਿਆਵਾਂ ਦੂਰ ਹੁੰਦੀਆਂ
ਜਵਾਰ ਦੀ ਰੋਟੀ ਖਾਣ ਵਾਲੇ ਲੋਕਾਂ ਨੂੰ ਪਾਚਨ ਸੰਬੰਧੀ ਸਮੱਸਿਆਵਾਂ ਘੱਟ ਹੁੰਦੀਆਂ ਹਨ। ਜਵਾਰ ਇੱਕ ਫਾਈਬਰ ਭਰਪੂਰ ਭੋਜਨ ਹੈ ਜੋ ਪਚਣ ਵਿੱਚ ਆਸਾਨ ਹੈ। ਪਾਚਨ ਤੰਤਰ ਨੂੰ ਮਜ਼ਬੂਤ ਬਣਾਉਣ ਲਈ ਜਵਾਰ ਦੀਆਂ ਰੋਟੀਆਂ ਦਾ ਸੇਵਨ ਕਰਨਾ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਜਵਾਰ ਮੋਟਾਪਾ ਘਟਾਉਂਦਾ ਹੈ।
ਜਵਾਰ ਦੇ 1 ਕੱਪ ਵਿੱਚ ਲਗਭਗ 22 ਗ੍ਰਾਮ ਪ੍ਰੋਟੀਨ ਪਾਇਆ ਜਾਂਦਾ ਹੈ। ਪ੍ਰੋਟੀਨ ਸਰੀਰ ਨੂੰ ਸਿਹਤਮੰਦ ਰੱਖਣ ਲਈ ਜ਼ਰੂਰੀ ਮੈਕ੍ਰੋਨਿਊਟ੍ਰੀਐਂਟ ਹੈ। ਇਹ ਮਾਸਪੇਸ਼ੀਆਂ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰਦਾ ਹੈ। ਜਵਾਰ ਖਾਣ ਨਾਲ ਸਰੀਰ ਨੂੰ ਭਰਪੂਰ ਊਰਜਾ ਮਿਲਦੀ ਹੈ। ਇਸ ਨਾਲ ਤੁਹਾਡਾ ਪੇਟ ਭਰਿਆ ਰਹਿੰਦਾ ਹੈ ਅਤੇ ਤੁਹਾਨੂੰ ਜ਼ਿਆਦਾ ਖਾਣ ਤੋਂ ਰੋਕਦਾ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)