ਹੱਡੀਆਂ ਨੂੰ ਅੰਦਰੋਂ ਤਾਕਤ ਪ੍ਰਦਾਨ ਕਰੋ, ਡਾਈਟ ਅਤੇ ਲਾਈਫਸਟਾਈਲ 'ਚ ਲਿਆਓ ਇਹ ਬਦਲਾਅ, ਜਾਣੋ ਅਸਾਨ ਤਰੀਕੇ
ਅੱਜਕੱਲ ਹੱਡੀਆਂ ਦੀ ਕਮਜ਼ੋਰੀ ਇੱਕ ਆਮ ਸਮੱਸਿਆ ਬਣ ਚੁੱਕੀ ਹੈ। ਬਿਜ਼ੀ ਲਾਈਫ, ਗਲਤ ਖੁਰਾਕ ਅਤੇ ਘੰਟਿਆਂ ਤੱਕ ਇੱਕੋ ਪੋਜ਼ੀਸ਼ਨ ‘ਚ ਬੈਠ ਕੇ ਕੰਮ ਕਰਨ ਵਾਲੀ ਲਾਈਫਸਟਾਈਲ ਨੇ ਸਾਨੂੰ ਸਿਰਫ਼ ਮਾਨਸਿਕ ਤੌਰ ‘ਤੇ ਹੀ ਨਹੀਂ, ਸਰੀਰਕ ਤੌਰ ‘ਤੇ ਵੀ...
ਅੱਜਕੱਲ ਹੱਡੀਆਂ ਦੀ ਕਮਜ਼ੋਰੀ ਇੱਕ ਆਮ ਸਮੱਸਿਆ ਬਣ ਚੁੱਕੀ ਹੈ। ਬਿਜ਼ੀ ਲਾਈਫ, ਗਲਤ ਖੁਰਾਕ ਅਤੇ ਘੰਟਿਆਂ ਤੱਕ ਇੱਕੋ ਪੋਜ਼ੀਸ਼ਨ ‘ਚ ਬੈਠ ਕੇ ਕੰਮ ਕਰਨ ਵਾਲੀ ਲਾਈਫਸਟਾਈਲ ਨੇ ਸਾਨੂੰ ਸਿਰਫ਼ ਮਾਨਸਿਕ ਤੌਰ ‘ਤੇ ਹੀ ਨਹੀਂ, ਸਰੀਰਕ ਤੌਰ ‘ਤੇ ਵੀ ਕਾਫ਼ੀ ਕਮਜ਼ੋਰ ਕਰ ਦਿੱਤਾ ਹੈ। ਖ਼ਾਸ ਕਰਕੇ ਹੱਡੀਆਂ ਨਾਲ ਜੁੜੀਆਂ ਸਮੱਸਿਆਵਾਂ ਹੁਣ ਸਿਰਫ਼ ਵੱਡੀ ਉਮਰ ਵਾਲਿਆਂ ਤੱਕ ਸੀਮਿਤ ਨਹੀਂ ਰਹੀਆਂ, ਸਗੋਂ ਨੌਜਵਾਨਾਂ ਅਤੇ ਮਹਿਲਾਵਾਂ ਵਿੱਚ ਵੀ ਹੱਡੀਆਂ ਦਾ ਦਰਦ, ਕਮਜ਼ੋਰੀ ਅਤੇ ਜਕੜਨ ਆਮ ਤੌਰ ‘ਤੇ ਦੇਖਣ ਨੂੰ ਮਿਲਦੀ ਹੈ।
ਜੇ ਹੱਡੀਆਂ ਕਮਜ਼ੋਰ ਹੋ ਜਾਣ ਤਾਂ ਛੋਟੀ ਜਿਹੀ ਸੱਟ ਵੀ ਫ੍ਰੈਕਚਰ ਦਾ ਕਾਰਨ ਬਣ ਸਕਦੀ ਹੈ ਅਤੇ ਅੱਗੇ ਚੱਲ ਕੇ ਆਸਟਿਓਪੋਰੋਸਿਸ ਵਰਗੀਆਂ ਗੰਭੀਰ ਸਮੱਸਿਆਵਾਂ ਦਾ ਖਤਰਾ ਵੱਧ ਜਾਂਦਾ ਹੈ। ਪਰ ਜੇ ਸਮੇਂ ਸਿਰ ਆਪਣੀ ਡਾਇਟ ਅਤੇ ਲਾਈਫਸਟਾਈਲ ਵਿੱਚ ਥੋੜੇ ਜਿਹੇ ਬਦਲਾਅ ਕਰ ਦਿੱਤੇ ਜਾਣ, ਤਾਂ ਹੱਡੀਆਂ ਨੂੰ ਬੁੱਢਾਪੇ ਤੱਕ ਮਜ਼ਬੂਤ ਅਤੇ ਤੰਦਰੁਸਤ ਰੱਖਿਆ ਜਾ ਸਕਦਾ ਹੈ।
ਆਓ ਜਾਣਦੇ ਹਾਂ ਉਹ ਸੌਖੇ ਅਤੇ ਅਸਰਦਾਰ ਤਰੀਕੇ, ਜਿਨ੍ਹਾਂ ਨੂੰ ਅਪਣਾ ਕੇ ਤੁਸੀਂ ਆਪਣੀਆਂ ਹੱਡੀਆਂ ਨੂੰ ਅੰਦਰੋਂ ਮਜ਼ਬੂਤ ਅਤੇ ਸਿਹਤਮੰਦ ਰੱਖ ਸਕਦੇ ਹੋ।
ਹੱਡੀਆਂ ਲਈ ਕੈਲਸ਼ੀਅਮ ਵਾਲੀ ਖੁਰਾਕ ਸਭ ਤੋਂ ਜ਼ਰੂਰੀ
ਹੱਡੀਆਂ ਨੂੰ ਮਜ਼ਬੂਤ ਬਣਾਈ ਰੱਖਣ ਲਈ ਕੈਲਸ਼ੀਅਮ ਬਹੁਤ ਮਹੱਤਵਪੂਰਨ ਹੈ। ਇਹ ਦੁੱਧ, ਦਹੀਂ, ਪਨੀਰ, ਟੋਫੂ, ਹਰੀ ਪੱਤੇਦਾਰ ਸਬਜ਼ੀਆਂ ਜਿਵੇਂ ਪਾਲਕ, ਮੇਥੀ, ਬਦਾਮ, ਤਿੱਲ ਅਤੇ ਸੋਇਆ ਪ੍ਰੋਡਕਟਾਂ ਵਿੱਚ ਵਧੀਆ ਮਾਤਰਾ ਵਿੱਚ ਮਿਲਦਾ ਹੈ। ਰੋਜ਼ਾਨਾ 1000 ਤੋਂ 1200 ਮਿਲੀਗ੍ਰਾਮ ਕੈਲਸ਼ੀਅਮ ਲੈਣਾ ਹੱਡੀਆਂ ਦੀ ਸਿਹਤ ਲਈ ਬਹੁਤ ਲਾਭਦਾਇਕ ਹੁੰਦਾ ਹੈ।
ਵਿਟਾਮਿਨ D ਵੀ ਉਤਨਾ ਹੀ ਜ਼ਰੂਰੀ
ਸਿਰਫ਼ ਕੈਲਸ਼ੀਅਮ ਖਾਣ ਨਾਲ ਕੰਮ ਨਹੀਂ ਬਣਦਾ, ਕਿਉਂਕਿ ਸਰੀਰ ਵਿੱਚ ਕੈਲਸ਼ੀਅਮ ਨੂੰ ਢੰਗ ਨਾਲ ਜ਼ਜਬ ਕਰਨ ਲਈ ਵਿਟਾਮਿਨ D ਲਾਜ਼ਮੀ ਹੈ। ਇਸ ਲਈ ਸਵੇਰੇ 20–30 ਮਿੰਟ ਧੁੱਪ ਵਿੱਚ ਬੈਠਣਾ ਬਹੁਤ ਫਾਇਦੇਮੰਦ ਹੈ। ਇਸ ਤੋਂ ਇਲਾਵਾ ਵਿਟਾਮਿਨ D ਦੇ ਹੋਰ ਸਰੋਤ ਹਨ-ਅੰਡੇ ਦੀ ਜਰਦੀ, ਮਸ਼ਰੂਮ, ਫੈਟੀ ਫਿਸ਼ ਅਤੇ ਫੋਰਟੀਫਾਈਡ ਫੂਡਜ਼।
ਸਹੀ ਵਜ਼ਨ ਬਣਾਏ ਰੱਖੋ
ਬਹੁਤ ਜ਼ਿਆਦਾ ਵਜ਼ਨ ਹੱਡੀਆਂ ‘ਤੇ ਦਬਾਅ ਪਾਂਦਾ ਹੈ, ਜਿਸ ਨਾਲ ਗੋਡਿਆਂ ਅਤੇ ਕਮਰ ਵਿੱਚ ਦਰਦ ਹੋ ਸਕਦਾ ਹੈ। ਦੂਜੇ ਪਾਸੇ ਬਹੁਤ ਘੱਟ ਵਜ਼ਨ ਹੱਡੀਆਂ ਦੀ ਡੈਂਸਿਟੀ ਘਟਾਉਂਦਾ ਹੈ ਅਤੇ ਫ੍ਰੈਕਚਰ ਦਾ ਖਤਰਾ ਵਧਾ ਦਿੰਦਾ ਹੈ। ਇਸ ਲਈ ਸੰਤੁਲਿਤ ਵਜ਼ਨ ਰੱਖਣਾ ਹੱਡੀਆਂ ਦੀ ਸਿਹਤ ਲਈ ਬਹੁਤ ਲਾਭਦਾਇਕ ਹੈ।
ਸਿਰਫ ਕੈਲਸ਼ੀਅਮ ਨਹੀਂ, ਸੰਤੁਲਿਤ ਡਾਇਟ ਲਓ
ਕੈਲਸ਼ੀਅਮ ਅਤੇ ਵਿਟਾਮਿਨ D ਦੇ ਨਾਲ ਸਰੀਰ ਨੂੰ ਹੋਰ ਮਹੱਤਵਪੂਰਨ ਪੋਸ਼ਕ ਤੱਤਾਂ ਦੀ ਵੀ ਲੋੜ ਹੁੰਦੀ ਹੈ—ਜਿਵੇਂ ਮੈਗਨੀਸ਼ੀਅਮ, ਵਿਟਾਮਿਨ K ਅਤੇ ਪ੍ਰੋਟੀਨ।
ਮੈਗਨੀਸ਼ੀਅਮ: ਹਰੀ ਪੱਤਿਆਂ ਵਾਲੀਆਂ ਸਬਜ਼ੀਆਂ, ਸੁੱਕੇ ਮੇਵੇ ਅਤੇ ਸਾਬਤ ਅਨਾਜਾਂ ਤੋਂ ਲਓ।
ਵਿਟਾਮਿਨ K: ਬ੍ਰੋਕਲੀ, ਪਾਲਕ ਅਤੇ ਗੋਭੀ ਵਿੱਚ ਵਧੀਆ ਮਿਲਦਾ ਹੈ।
ਪ੍ਰੋਟੀਨ: ਅੰਡੇ, ਦਾਲਾਂ, ਦੁੱਧ, ਪਨੀਰ ਅਤੇ ਬੀਨਜ਼ ਵਰਗੀਆਂ ਚੀਜ਼ਾਂ ਤੋਂ ਪ੍ਰਾਪਤ ਕਰੋ।
ਇਹ ਸਭ ਮਿਲ ਕੇ ਹੱਡੀਆਂ ਨੂੰ ਲੰਮੇ ਸਮੇਂ ਤੱਕ ਮਜ਼ਬੂਤ ਅਤੇ ਸਿਹਤਮੰਦ ਰੱਖਣ ਵਿੱਚ ਮਦਦ ਕਰਦੇ ਹਨ।
ਤਣਾਅ ਘਟਾਓ ਤੇ ਪੂਰੀ ਨੀਂਦ ਲਓ
ਜ਼ਿਆਦਾ ਤਣਾਅ ਕਾਰਨ ਸਰੀਰ ਦੇ ਹਾਰਮੋਨ ਦਾ ਸੰਤੁਲਨ ਬਿਗੜ ਜਾਂਦਾ ਹੈ, ਜਿਸ ਨਾਲ ਹੱਡੀਆਂ ਕਮਜ਼ੋਰ ਹੋ ਸਕਦੀਆਂ ਹਨ। ਇਸ ਲਈ ਰੂਟਿਨ ਵਿੱਚ ਤਣਾਅ ਘਟਾਉਣ ਦੀ ਕੋਸ਼ਿਸ਼ ਕਰੋ। ਹਰ ਰਾਤ ਘੱਟੋਂ-ਘੱਟ 7–8 ਘੰਟੇ ਦੀ ਨੀਂਦ ਲੋ, ਤਾਂ ਜੋ ਸਰੀਰ ਆਪਣੇ ਆਪ ਨੂੰ ਠੀਕ ਤਰ੍ਹਾਂ ਰੀਪੇਅਰ ਕਰ ਸਕੇ।
ਨਿਯਮਿਤ ਹੱਡੀਆਂ ਦੀ ਜਾਂਚ ਕਰਵਾਓ
40 ਸਾਲ ਦੀ ਉਮਰ ਤੋਂ ਬਾਅਦ ਜਾਂ ਉਸ ਤੋਂ ਪਹਿਲਾਂ ਵੀ ਜੇ ਹੱਡੀਆਂ ਵਿੱਚ ਕਮਜ਼ੋਰੀ ਮਹਿਸੂਸ ਹੋਵੇ, ਤਾਂ ਬੋਨ ਡੈਂਸਿਟੀ ਟੈਸਟ ਜ਼ਰੂਰ ਕਰਵਾਓ। ਇਸਦੇ ਨਾਲ ਹੀ ਸਰੀਰ ਵਿੱਚ ਕੈਲਸ਼ੀਅਮ ਅਤੇ ਵਿਟਾਮਿਨ D ਦੇ ਪੱਧਰ ਦੀ ਸਮੇਂ-ਸਮੇਂ ‘ਤੇ ਜਾਂਚ ਕਰਵਾਉਣਾ ਵੀ ਬਹੁਤ ਲਾਜ਼ਮੀ ਹੈ।
ਇਨ੍ਹਾਂ ਗੱਲਾਂ ਦਾ ਵੀ ਰੱਖੋ ਖ਼ਾਸ ਧਿਆਨ —
ਲੰਮੇ ਸਮੇਂ ਤੱਕ ਬੈਠ ਕੇ ਕੰਮ ਨਾ ਕਰੋ
ਹਮੇਸ਼ਾ ਇੱਕੋ ਪੋਜ਼ੀਸ਼ਨ ਵਿੱਚ ਬੈਠੇ ਰਹਿਣਾ ਹੱਡੀਆਂ ਲਈ ਨੁਕਸਾਨਦਾਇਕ ਹੋ ਸਕਦਾ ਹੈ। ਇਸ ਲਈ ਸਰੀਰ ਨੂੰ ਹਿਲਦੇ-ਡੁੱਲਦੇ ਰੱਖੋ।
ਹਰ 1–2 ਘੰਟੇ ਬਾਅਦ 5 ਮਿੰਟ ਤੁਰੋ ਜਾਂ ਸਟ੍ਰੈਚ ਕਰੋ
ਥੋੜ੍ਹਾ ਚੱਲ ਜਾਣਾ, ਸਟ੍ਰੈਚਿੰਗ ਕਰਨੀ ਜਾਂ ਹਲਕਾ-ਫੁਲਕਾ ਯੋਗਾ ਕਰਨਾ ਹੱਡੀਆਂ ਅਤੇ ਜੋੜਾਂ ਲਈ ਬਹੁਤ ਫਾਇਦੇਮੰਦ ਹੈ।
ਸਾਬਤ ਅਨਾਜ ਅਤੇ ਮੌਸਮੀ ਫਲ-ਸਬਜ਼ੀਆਂ ਖਾਓ
ਜੌ, ਰਾਗੀ, ਬਾਜਰਾ ਵਰਗੇ ਸਾਬਤ ਅਨਾਜ ਅਤੇ ਮੌਸਮੀ ਸਬਜ਼ੀਆਂ ਹੱਡੀਆਂ ਨੂੰ ਜ਼ਰੂਰੀ ਮਿਨਰਲ ਅਤੇ ਪੋਸ਼ਣ ਦਿੰਦੇ ਹਨ।
ਪਾਣੀ ਪੀ ਕੇ ਹਾਈਡ੍ਰੇਸ਼ਨ ਬਣਾਈ ਰੱਖੋ
ਸਰੀਰ ਵਿੱਚ ਪਾਣੀ ਦੀ ਘਾਟ ਨਾਲ ਜੋੜ ਸੁੱਕ ਸਕਦੇ ਹਨ, ਜਿਸ ਨਾਲ ਦਰਦ ਤੇ ਜਕੜਨ ਵਧਦੀ ਹੈ। ਦਿਨ ਵਿੱਚ 8–10 ਗਿਲਾਸ ਪਾਣੀ ਜ਼ਰੂਰ ਪੀਓ, ਤਾਂ ਜੋ ਹੱਡੀਆਂ ਮਜ਼ਬੂਤ ਰਹਿਣ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
