ਰੋਜ਼ਾ ਰੱਖਦੇ ਹੋ ਤਾਂ ਇਨ੍ਹਾਂ ਚੀਜ਼ਾਂ ਦਾ ਰੱਖੋ ਧਿਆਨ...ਸਿਹਤ ਨਹੀਂ ਹੋਵੇਗੀ ਖਰਾਬ
ਜੇਕਰ ਤੁਸੀਂ ਰੋਜ਼ੇ ਦੇ ਦੌਰਾਨ ਆਪਣੇ ਆਪ ਨੂੰ ਫਿੱਟ ਰੱਖਣਾ ਚਾਹੁੰਦੇ ਹੋ, ਤਾਂ ਅਸੀਂ ਤੁਹਾਨੂੰ ਨਿਊਟ੍ਰੀਸ਼ਨਿਸਟ ਦੁਆਰਾ ਦਿੱਤੇ ਗਏ ਕੁਝ ਟਿਪਸ ਬਾਰੇ ਜਾਣਕਾਰੀ ਦੇ ਰਹੇ ਹਾਂ, ਜਿਸ ਨੂੰ ਫੋਲੋ ਕਰਕੇ ਤੁਹਾਡਾ ਰੋਜ਼ਾ ਆਸਾਨੀ ਨਾਲ ਕੱਟ ਜਾਵੇਗਾ।
Roza Tips: ਰਮਜ਼ਾਨ ਦਾ ਪਵਿੱਤਰ ਮਹੀਨਾ ਚੱਲ ਰਿਹਾ ਹੈ। ਮੁਸਲਿਮ ਭਾਈਚਾਰੇ ਦੇ ਲੋਕ ਰੋਜ਼ੇ ਰੱਖ ਰਹੇ ਹਨ। ਵੈਸੇ ਤਾਂ ਰੋਜ਼ੇ ਰੱਖਣ ਨਾਲ ਸਿਹਤ ਨੂੰ ਕਈ ਫਾਇਦੇ ਹੁੰਦੇ ਹਨ ਪਰ ਇਸ ਦੌਰਾਨ ਕੁਝ ਲੋਕ ਲਾਪਰਵਾਹੀ ਜਾਂ ਘੱਟ ਜਾਣਕਾਰੀ ਕਾਰਨ ਕਮਜ਼ੋਰੀ ਅਤੇ ਡੀਹਾਈਡ੍ਰੇਸ਼ਨ ਦਾ ਸਾਹਮਣਾ ਕਰ ਰਹੇ ਹਨ। ਲੰਮੇ ਸਮੇਂ ਤੱਕ ਭੁੱਖੇ ਰਹਿਣ ਕਰਕੇ ਅਜਿਹੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਉੱਥੇ ਹੀ ਜੇਕਰ ਤੁਸੀਂ ਰੋਜ਼ੇ ਦੌਰਾਨ ਖੁਦ ਨੂੰ ਫਿੱਟ ਰੱਖਣਾ ਚਾਹੁੰਦੇ ਹੋ ਤਾਂ ਅਸੀਂ ਨਿਊਟ੍ਰਿਸ਼ਨਿਸਟ ਵਲੋਂ ਦੱਸੇ ਗਏ ਕੁਝ ਟਿਪਸ ਦੱਸਣ ਜਾ ਰਹੇ ਹਾਂ। ਇਸ ਨੂੰ ਫੋਲੋ ਕਰਨ ਨਾਲ ਤੁਹਾਡਾ ਰੋਜ਼ਾ ਆਸਾਨੀ ਨਾਲ ਕੱਟ ਜਾਵੇਗਾ ਅਤੇ ਸਿਹਤ ਵੀ ਨਹੀਂ ਖਰਾਬ ਹੋਵੇਗੀ।
ਪ੍ਰੋਟੀਨ ਅਤੇ ਫਾਈਬਰ ਨਾਲ ਭਰਪੂਰ ਡਾਈਟ ਲਓ
ਸਹਰੀ ਵਿੱਚ ਹਮੇਸ਼ਾ ਪ੍ਰੋਟੀਨ ਅਤੇ ਫਾਈਬਰ ਨਾਲ ਭਰਪੂਰ ਡਾਈਟ ਲਓ। ਇਸ ਨਾਲ ਤੁਸੀਂ ਲੰਮੇਂ ਸਮੇਂ ਤੱਕ ਭਰਿਆ ਹੋਇਆ ਮਹਿਸੂਸ ਕਰੋਗੇ। ਤੁਹਾਨੂੰ ਪੇਟ ਨਾਲ ਜੁੜੀ ਕੋਈ ਸਮੱਸਿਆ ਨਹੀਂ ਹੋਵੇਗੀ, ਤੁਸੀਂ ਪੂਰਾ ਦਿਨ ਐਨਰਜੇਟਿਕ ਮਹਿਸੂਸ ਕਰੋਗੇ। ਇਸ ਲਈ ਤੁਹਾਨੂੰ ਸਹਰੀ ਵਿੱਚ ਅੰਡੇ, ਫਰੂਟ ਦੀ ਸਮੂਦੀ, ਓਟਮੀਲ ਦਹੀ ਖਾ ਸਕਦੇ ਹੋ। ਤੁਸੀਂ ਸਹਰੀ ਵਿੱਚ ਦਾਲ ਵੀ ਖਾ ਸਕਦੇ ਹੋ।
ਰਮਜ਼ਾਨ 'ਚ ਚਾਹੇ ਤੁਸੀਂ ਸੇਹਰੀ ਕਰ ਰਹੇ ਹੋ ਜਾਂ ਇਫਤਾਰੀ, ਆਪਣੀ ਡਾਈਟ 'ਚ ਬਹੁਤ ਸਾਰੀਆਂ ਅਜਿਹੀਆਂ ਚੀਜ਼ਾਂ ਨੂੰ ਸ਼ਾਮਲ ਕਰੋ ਜੋ ਪਾਣੀ ਨਾਲ ਭਰਪੂਰ ਹੋਣ, ਜਿਸ ਨਾਲ ਤੁਸੀਂ ਲੰਬੇ ਸਮੇਂ ਤੱਕ ਹਾਈਡ੍ਰੇਟ ਰਹਿ ਸਕੋ। ਕਿਉਂਕਿ ਰੋਜ਼ੇ ਦੇ ਦੌਰਾਨ ਪਾਣੀ ਪੀਣ ਦੀ ਮਨਾਹੀ ਹੁੰਦੀ ਹੈ, ਤਾਂ ਜੋ ਤੁਹਾਡੇ ਸਰੀਰ ਵਿੱਚ ਪਾਣੀ ਦੀ ਕਮੀ ਨਾ ਹੋਵੇ, ਇਸ ਲਈ ਭੋਜਨ ਵਿੱਚ ਨਾਰੀਅਲ ਪਾਣੀ, ਅੰਬ, ਤਰਬੂਜ, ਖਰਬੂਜਾ, ਖੀਰਾ ਆਦਿ ਫਲਾਂ ਨੂੰ ਸ਼ਾਮਲ ਕਰੋ, ਤਾਂ ਜੋ ਤੁਹਾਨੂੰ ਪਿਆਸ ਨਾ ਲੱਗੇ ਅਤੇ ਬੋਡੀ ਵਿੱਚ ਐਨਰਜੀ ਸਟੋਰ ਰਹੇ।
ਇਹ ਵੀ ਪੜ੍ਹੋ: ਰਿਸਰਚ: ਇਨਸਾਨਾਂ ਲਈ 'ਖਤਰਨਾਕ' ਗਾਂ ਦਾ ਪਿਸ਼ਾਬ, ਮੱਝ ਦਾ ਪਿਸ਼ਾਬ ਮੰਨਿਆ ਜਾਂਦਾ ਹੈ ਜ਼ਿਆਦਾ ਫਾਇਦੇਮੰਦ!
ਨਮਕ ਵਾਲਾ ਭੋਜਨ ਖਾਣ ਤੋਂ ਪਰਹੇਜ਼
ਰਮਜ਼ਾਨ ਦੌਰਾਨ ਜ਼ਿਆਦਾ ਨਮਕ ਵਾਲਾ ਭੋਜਨ ਖਾਣ ਤੋਂ ਦੂਰ ਰਹਿਣ ਦੀ ਕੋਸ਼ਿਸ਼ ਕਰੋ, ਕਿਉਂਕਿ ਅਜਿਹਾ ਕਰਨ ਨਾਲ ਤੁਹਾਨੂੰ ਜ਼ਿਆਦਾ ਪਿਆਸ ਲੱਗੇਗੀ। ਤੁਹਾਨੂੰ ਵਾਰ-ਵਾਰ ਪਾਣੀ ਪੀਣ ਦਾ ਮਨ ਕਰੇਗਾ ਅਤੇ ਤੁਸੀਂ ਡੀਹਾਈਡ੍ਰੇਟ ਵੀ ਮਹਿਸੂਸ ਕਰੋਗੇ, ਇਸ ਲਈ ਜ਼ਿਆਦਾ ਨਮਕ ਵਾਲੀਆਂ ਚੀਜ਼ਾਂ ਤੋਂ ਪਰਹੇਜ਼ ਕਰੋ।
ਰੋਜ਼ਾ ਖੋਲ੍ਹਦਿਆਂ ਹੋਇਆਂ ਇਨ੍ਹਾਂ ਚੀਜ਼ਾਂ ਦਾ ਕਰੋ ਸੇਵਨ
ਰੋਜ਼ਾ ਖੋਲ੍ਹਦਿਆਂ ਹੋਇਆਂ ਖਜੂਰ ਜ਼ਰੂਰ ਖਾਓ। ਇਹ ਪੋਟਾਸ਼ੀਅਮ ਅਤੇ ਆਇਰਨ ਨਾਲ ਭਰਪੂਰ ਹੁੰਦੇ ਹਨ। ਇਸ ਨਾਲ ਊਰਜਾ ਮਿਲਦੀ ਹੈ ਅਤੇ ਦਿਨ ਭਰ ਦੀ ਥਕਾਵਟ ਵੀ ਦੂਰ ਹੁੰਦੀ ਹੈ। ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਸਮੂਦੀ ਜਾਂ ਡਰਿੰਕ ਬਣਾ ਰਹੇ ਹੋ ਤਾਂ ਇਸ 'ਚ ਚੀਆ ਸੀਡਸ ਜ਼ਰੂਰ ਸ਼ਾਮਿਲ ਕਰੋ। ਇਹ ਓਮੇਗਾ-3 ਅਤੇ ਫਾਈਬਰ ਨਾਲ ਭਰਪੂਰ ਹੁੰਦੇ ਹਨ। ਇਹ ਪੇਟ ਨੂੰ ਠੰਡਾ ਰੱਖਦੇ ਹਨ। ਚੀਆ ਸੀਡਸ ਵਿੱਚ ਮੌਜੂਦ ਐਂਟੀਆਕਸੀਡੈਂਟ ਅਤੇ ਪੌਸ਼ਟਿਕ ਤੱਤ ਉਨ੍ਹਾਂ ਨੂੰ ਅੰਦਰੋਂ ਮਜ਼ਬੂਤ ਬਣਾਉਣ ਦਾ ਕੰਮ ਕਰਦੇ ਹਨ।
ਹਮੇਸ਼ਾ ਇਦਾਂ ਖਾਓ ਖਾਣਾ
ਜੇਕਰ ਤੁਸੀਂ ਸੇਹਰੀ ਜਾਂ ਇਫਤਾਰੀ ਕਰ ਰਹੇ ਹੋ ਤਾਂ ਇਸ ਸਮੇਂ ਦੌਰਾਨ ਜ਼ਿਆਦਾ ਖਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਜਿੰਨੀ ਭੁੱਖ ਲੱਗੇ ਓਨੀ ਹੀ ਖਾਓ। ਖਾਣਾ ਚਬਾ ਕੇ ਆਰਾਮ ਨਾਲ ਖਾਣਾ ਚਾਹੀਦਾ ਹੈ। ਜੇਕਰ ਤੁਸੀਂ ਜਲਦੀ 'ਚ ਖਾਣਾ ਨਹੀਂ ਚਬਾਓਗੇ ਤਾਂ ਇਸ ਨੂੰ ਪਚਣ 'ਚ ਸਮਾਂ ਲਗੇਗਾ ਜਿਸ ਕਰਕੇ ਤੁਸੀਂ ਗੈਸ, ਬਦਹਜ਼ਮੀ, ਸਿਰ ਦਰਦ ਵਰਗੀਆਂ ਸਮੱਸਿਆਵਾਂ ਦਾ ਸ਼ਿਕਾਰ ਹੋ ਜਾਓਗੇ।
ਇਹ ਵੀ ਪੜ੍ਹੋ: National Safe Motherhood Day 2023: ਪ੍ਰੈਗਨੈਂਸੀ ਦੇ ਸ਼ੁਰੂਆਤੀ 3 ਮਹੀਨਿਆਂ ‘ਚ ਅਪਣਾਓ ਇਹ ਟਿਪਸ, ਮਾਂ-ਬੱਚਾ ਦੋਵੇਂ ਰਹਿਣਗੇ ਹੈਲਥੀ
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
