ਕੀ ਤੁਸੀਂ ਵੀ ਖਾਂਦੇ ਜ਼ਿਆਦਾ ਨਮਕ? ਜਾਣੋ ਇਹ ਆਦਤ ਕਿਵੇਂ ਵਧਾ ਸਕਦੀ ਹਾਰਟ ਅਟੈਕ ਦਾ ਖਤਰਾ
Excess Salt and Heart Risk: ਜ਼ਿਆਦਾ ਨਮਕ ਖਆਣ ਨਾਲ ਹਾਈ ਬਲੱਡ ਪ੍ਰੈਸ਼ਰ ਵੱਧ ਸਕਦਾ ਹੈ, ਦਿਲ ਦਾ ਦੌਰਾ ਅਤੇ ਸਟ੍ਰੋਕ ਦਾ ਕਾਰਨ ਬਣ ਸਕਦਾ ਹੈ। ਜਾਣੋ ਇਹ ਆਦਤ ਦਿਲ ਦੀ ਬਿਮਾਰੀ ਦੇ ਖਤਰੇ ਨੂੰ ਕਿਵੇਂ ਵਧਾ ਸਕਦੀ ਹੈ।
Excess Salt and Heart Risk: ਅਸੀਂ ਭਾਰਤੀ ਖਾਣੇ ਦਾ ਸੁਆਦ ਨਮਕ ਤੋਂ ਬਿਨਾਂ ਅਧੂਰਾ ਮੰਨਦੇ ਹਾਂ। ਚਾਹੇ ਉਹ ਦਾਲ ਹੋਵੇ ਜਾਂ ਸਬਜ਼ੀ, ਚਟਨੀ ਹੋਵੇ ਜਾਂ ਨਮਕੀਨ ਸਨੈਕਸ, ਹਰ ਚੀਜ਼ ਵਿੱਚ ਨਮਕ ਜ਼ਰੂਰੀ ਹੁੰਦਾ ਹੈ। ਪਰ ਤੁਹਾਡੇ ਖਾਣੇ ਨੂੰ ਸੁਆਦ ਦੇਣ ਵਾਲਾ ਨਮਕ ਤੁਹਾਡੀ ਸਿਹਤ ਲਈ ਵੀ ਖ਼ਤਰਨਾਕ ਹੋ ਸਕਦਾ ਹੈ। ਜੇਕਰ ਨਮਕ ਦਾ ਸੇਵਨ ਜ਼ਿਆਦਾ ਕੀਤਾ ਜਾਵੇ, ਤਾਂ ਇਸਦਾ ਸਿੱਧਾ ਅਸਰ ਦਿਲ 'ਤੇ ਪੈ ਸਕਦਾ ਹੈ।
ਡਾ. ਬਿਮਲ ਛਾਜੇਡ ਦੱਸਦੇ ਹਨ ਕਿ ਨਮਕ ਦਾ ਜ਼ਿਆਦਾ ਸੇਵਨ ਹਾਈ ਬਲੱਡ ਪ੍ਰੈਸ਼ਰ ਨੂੰ ਵਧਾਉਂਦਾ ਹੈ, ਜੋ ਕਿ ਦਿਲ ਦੇ ਦੌਰੇ ਅਤੇ ਸਟ੍ਰੋਕ ਦਾ ਇੱਕ ਵੱਡਾ ਕਾਰਨ ਹੋ ਸਕਦਾ ਹੈ। ਆਓ ਵਿਸਥਾਰ ਵਿੱਚ ਜਾਣਦੇ ਹਾਂ ਕਿ ਜ਼ਿਆਦਾ ਨਮਕ ਖਾਣ ਦੀ ਇਹ ਛੋਟੀ ਜਿਹੀ ਆਦਤ ਵੱਡੇ ਖ਼ਤਰੇ ਦਾ ਕਾਰਨ ਕਿਵੇਂ ਬਣ ਸਕਦੀ ਹੈ।
ਜ਼ਿਆਦਾ ਲੂਣ ਨਾਲ ਵੱਧਦਾ ਬਲੱਡ ਪ੍ਰੈਸ਼ਰ
ਲੂਣ ਵਿੱਚ ਮੌਜੂਦ ਸੋਡੀਅਮ ਸਰੀਰ ਵਿੱਚ ਪਾਣੀ ਨੂੰ ਬਰਕਰਾਰ ਰੱਖਦਾ ਹੈ। ਇਸ ਨਾਲ ਖੂਨ ਦੀ ਮਾਤਰਾ ਵੱਧ ਜਾਂਦੀ ਹੈ ਅਤੇ ਬਲੱਡ ਪ੍ਰੈਸ਼ਰ ਹਾਈ ਹੋ ਜਾਂਦਾ ਹੈ। ਹਾਈ ਬੀਪੀ ਕਰਕੇ ਦਿਲ ਨੂੰ ਜ਼ਿਆਦਾ ਮਿਹਨਤ ਕਰਨੀ ਪੈਂਦੀ ਹੈ ਅਤੇ ਹੌਲੀ-ਹੌਲੀ ਦਿਲ ਦੇ ਕੰਮ ਕਰਨ ਨੂੰ ਕਮਜ਼ੋਰ ਕਰਦਾ ਹੈ। ਇਹ ਸਥਿਤੀ ਦਿਲ ਦੇ ਦੌਰੇ ਜਾਂ ਦਿਲ ਦੀ ਅਸਫਲਤਾ ਦਾ ਕਾਰਨ ਬਣ ਸਕਦੀ ਹੈ।
ਦਿਲ ਨੂੰ ਬਿਮਾਰ ਬਣਾਉਂਦਾ
ਬਹੁਤ ਜ਼ਿਆਦਾ ਲੂਣ ਖਾਣ ਨਾਲ ਧਮਨੀਆਂ ਦੀਆਂ ਕੰਧਾਂ ਸਖ਼ਤ ਹੋ ਜਾਂਦੀਆਂ ਹਨ। ਜਦੋਂ ਧਮਨੀਆਂ ਵਿੱਚ ਕੋਈ ਲਚਕਤਾ ਨਹੀਂ ਹੁੰਦੀ, ਤਾਂ ਖੂਨ ਦੇ ਪ੍ਰਵਾਹ ਵਿੱਚ ਰੁਕਾਵਟ ਆਉਂਦੀ ਹੈ। ਇਸ ਸਥਿਤੀ ਨੂੰ ਐਥੀਰੋਸਕਲੇਰੋਸਿਸ (ਧਮਨੀਆਂ ਦਾ ਤੰਗ ਹੋਣਾ) ਕਿਹਾ ਜਾਂਦਾ ਹੈ, ਜੋ ਕਿ ਦਿਲ ਦੇ ਦੌਰੇ ਦਾ ਇੱਕ ਵੱਡਾ ਕਾਰਨ ਹੈ।
ਲੁਕੇ ਹੋਏ ਨਮਕ ਤੋਂ ਸਾਵਧਾਨ ਰਹੋ
ਬਹੁਤ ਸਾਰੇ ਲੋਕ ਸੋਚਦੇ ਹਨ ਕਿ ਉਹ ਘੱਟ ਨਮਕ ਵਾਲਾ ਖਾਣਾ ਖਾਂਦੇ ਹਾਂ। ਪਰ ਨਮਕ ਸਿਰਫ਼ ਟੇਬਲ 'ਤੇ ਰੱਖੀ ਲੂਣਦਾਨੀ ਤੋਂ ਨਹੀਂ ਆਉਂਦਾ, ਇਹ ਪ੍ਰੋਸੈਸਡ ਭੋਜਨ, ਬਿਸਕੁਟ, ਨਮਕੀਨ, ਇੰਸਟੈਂਟ ਨੂਡਲਜ਼, ਪਾਪੜ, ਅਚਾਰ ਅਤੇ ਕੈਚੱਪ ਵਿੱਚ ਵੀ ਹੁੰਦਾ ਹੈ।
ਇਦਾਂ ਘਟਾਓ ਸੇਵਨ
ਖਾਣੇ ਵਿੱਚ ਉੱਪਰ ਤੋਂ ਨਮਕ ਪਾਉਣ ਦੀ ਆਦਤ ਛੱਡ ਦਿਓ
ਪ੍ਰੋਸੈਸਡ ਭੋਜਨ ਤੋਂ ਦੂਰ ਰਹੋ
ਫਲ ਅਤੇ ਉਬਲੀਆਂ ਹੋਈਆਂ ਸਬਜ਼ੀਆਂ ਜ਼ਿਆਦਾ ਖਾਓ
ਲੇਬਲ ਪੜ੍ਹੋ ਅਤੇ ਘੱਟ-ਸੋਡੀਅਮ ਵਾਲੇ ਆਪਸ਼ਨ ਚੁਣੋ
ਘਰ ਵਿੱਚ ਘੱਟ-ਸੋਡੀਅਮ ਵਾਲੇ ਨਮਕ ਜਾਂ ਸੇਂਧਾ ਨਮਕ ਦੀ ਵਰਤੋਂ ਕਰੋ
Check out below Health Tools-
Calculate Your Body Mass Index ( BMI )
Calculate The Age Through Age Calculator
Before You Go
ਪੰਜਾਬ ਸਰਕਾਰ ਦਾ ਵੱਡਾ ਐਕਸ਼ਨ, 8 ਦਵਾਈਆਂ ਦੇ ਇਸਤੇਮਾਲ ਤੇ ਖਰੀਦ ‘ਤੇ ਰੋਕ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
