ਚਾਹ ਨਾਲ ਕੀ ਖਾਣਾ ਚਾਹੀਦਾ ਹੈ ਅਤੇ ਕੀ ਨਹੀਂ? ਸਿਹਤ ਮਾਹਿਰ ਨੇ ਕੀਤਾ ਖੁਲਾਸਾ
ਸਰਦੀਆਂ ਦੇ ਵਿੱਚ ਚਾਹ ਦੇ ਕੱਪ ਦੀਆਂ ਚੁਸਕੀਆਂ ਵੀ ਵੱਧ ਜਾਂਦੀਆਂ ਹਨ। ਬਹੁਤ ਸਾਰੇ ਲੋਕ ਅਕਸਰ ਹੀ ਚਾਹ ਦੇ ਨਾਲ ਕੁੱਝ ਨਾ ਕੁੱਝ ਖਾਂਦੇ ਹਨ। ਪਰ ਚਾਹ ਦੇ ਨਾਲ ਕੁੱਝ ਚੀਜ਼ਾਂ ਦਾ ਸੁਮੇਲ ਸਹੀ ਨਹੀਂ ਹੈ। ਆਓ ਜਾਣਦੇ ਹਾਂ ਚਾਹ ਦੇ ਨਾਲ ਕੀ ਖਾ ਸਕਦੇ ਹਾਂ
ਚਾਹ ਭਾਰਤ ਵਿੱਚ ਇੱਕ ਵਿਲੱਖਣ ਭਾਵਨਾ ਹੈ, ਜੋ ਹਰ ਕਿਸੇ ਦੇ ਦਿਲ ਵਿੱਚ ਧੜਕਦੀ ਹੈ। ਇੱਥੇ ਹਰ ਕੋਈ ਚਾਹ ਪੀਣਾ ਪਸੰਦ ਕਰਦਾ ਹੈ। ਸਰਦੀਆਂ ਦੀ ਸਵੇਰ ਦੀ ਚਾਹ ਜਾਂ ਸ਼ਾਮ ਦੀ ਥਕਾਵਟ ਦੂਰ ਕਰਨ ਲਈ ਕਿਸੇ ਟੌਨਿਕ ਤੋਂ ਘੱਟ ਨਹੀਂ ਹੈ। ਚਾਹ ਪ੍ਰੇਮੀ ਇਸ ਨੂੰ ਪੀਣ ਲਈ ਹਮੇਸ਼ਾ ਕੋਈ ਨਾ ਕੋਈ ਬਹਾਨਾ ਲੱਭ ਲੈਂਦੇ ਹਨ। ਅਕਸਰ ਲੋਕਾਂ ਨੂੰ ਚਾਹ ਦੇ ਨਾਲ ਬਿਸਕੁਟ, ਰੱਸਕ ਜਾਂ ਪਕੌੜੇ ਖਾਣ ਦੀ ਆਦਤ ਹੁੰਦੀ ਹੈ।
ਹੋਰ ਪੜ੍ਹੋ : ਬੱਚਿਆਂ ਲਈ HMPV ਵਾਇਰਸ ਕਿੰਨਾ ਘਾਤਕ? ਜਾਣੋ ਕਿਵੇਂ ਕਰੀਏ ਬਚਾਅ
ਘਰ 'ਚ ਮਹਿਮਾਨ ਆ ਜਾਣ ਤਾਂ ਚਾਹ ਅਤੇ ਸਮੋਸੇ ਦਾ ਸੁਮੇਲ ਤੈਅ ਰਹਿੰਦਾ ਹੈ। ਹਾਲਾਂਕਿ ਸਿਹਤ ਮਾਹਿਰ ਇਹ ਵੀ ਕਹਿੰਦੇ ਹਨ ਕਿ ਚਾਹ ਦੇ ਨਾਲ ਕੋਈ ਵੀ ਮਿਲਾਵਟ ਸਾਡੀ ਸਿਹਤ ਲਈ ਠੀਕ ਨਹੀਂ ਹੈ ਪਰ ਫਿਰ ਵੀ ਅਸੀਂ ਅਜਿਹਾ ਕਰਦੇ ਹਾਂ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਚਾਹ ਨਾਲ ਕੁਝ ਅਜਿਹੀਆਂ ਚੀਜ਼ਾਂ ਹੁੰਦੀਆਂ ਹਨ, ਜਿਨ੍ਹਾਂ ਨੂੰ ਅਸੀਂ ਬਿਨਾਂ ਕਿਸੇ ਟੈਂਸ਼ਨ ਦੇ ਖਾ ਸਕਦੇ ਹਾਂ।
ਕੀ ਕਹਿੰਦੇ ਹਨ ਸਿਹਤ ਮਾਹਿਰ?
ਇੰਡੀਆ ਟੂਡੇ ਦੀ ਰਿਪੋਰਟ ਮੁਤਾਬਕ ਚਾਹ ਪਹਿਲਾਂ ਹੀ ਕੈਲੋਰੀ ਦਾ ਸਰੋਤ ਹੈ। ਇਸ ਨੂੰ ਰੋਜ਼ਾਨਾ ਪੀਣਾ ਸਿਹਤ ਲਈ ਹਾਨੀਕਾਰਕ ਹੈ ਪਰ ਜੇਕਰ ਅਸੀਂ ਇਸ ਦੇ ਨਾਲ ਕੁਝ ਖਾਂਦੇ ਹਾਂ ਤਾਂ ਇਹ ਸਿਹਤ ਨੂੰ ਹੋਰ ਵੀ ਨੁਕਸਾਨ ਪਹੁੰਚਾਉਂਦਾ ਹੈ। ਆਮ ਤੌਰ 'ਤੇ ਘਰ 'ਚ ਚਾਹ ਦੇ ਨਾਲ ਖਾਏ ਜਾਣ ਵਾਲੇ ਸਨੈਕਸ ਹਾਈ ਕੈਲੋਰੀ ਅਤੇ ਸ਼ੂਗਰ ਨਾਲ ਬਣੇ ਹੁੰਦੇ ਹਨ, ਜਿਸ ਨਾਲ ਸ਼ੂਗਰ ਦਾ ਖਤਰਾ ਵੱਧ ਜਾਂਦਾ ਹੈ।
ਚਾਹ ਨਾਲ ਕੀ ਨਹੀਂ ਖਾਣਾ ਚਾਹੀਦਾ?
ਸਿਹਤ ਮਾਹਿਰਾਂ ਅਨੁਸਾਰ ਚਾਹ ਦੇ ਨਾਲ ਨਮਕੀਨ, ਸਮੋਸੇ ਅਤੇ ਪਕੌੜੇ ਵਰਗੇ ਤਲੇ ਹੋਏ ਭੋਜਨਾਂ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ। ਇਸ ਨਾਲ ਸਰੀਰ 'ਚ ਕੋਲੈਸਟ੍ਰੋਲ ਦਾ ਪੱਧਰ ਵਧਦਾ ਹੈ। ਬਿਸਕੁਟ, ਰੱਸਕ ਵਰਗੀਆਂ ਚੀਜ਼ਾਂ ਆਟੇ ਤੋਂ ਬਣਾਈਆਂ ਜਾਂਦੀਆਂ ਹਨ ਜੋ ਗੈਰ-ਸਿਹਤਮੰਦ ਚਰਬੀ ਦਾ ਸਰੋਤ ਹਨ। ਇਨ੍ਹਾਂ ਦੇ ਜ਼ਿਆਦਾ ਸੇਵਨ ਨਾਲ ਭਾਰ ਵਧਦਾ ਹੈ।
ਚਾਹ ਨਾਲ ਕੀ ਖਾਣਾ ਹੈ?
ਰੀਨਾ ਪੋਪਟਾਨੀ, ਜੋ ਕਿ ਕਲੀਨਿਕਲ ਡਾਈਟੀਸ਼ੀਅਨ ਅਤੇ ਡਾਇਬਟੀਜ਼ ਸਪੈਸ਼ਲਿਸਟ ਹੈ, ਦਾ ਕਹਿਣਾ ਹੈ ਕਿ ਚਾਹ ਦੇ ਨਾਲ ਤਲੇ ਹੋਏ ਭੋਜਨ, ਚਿਪਸ ਆਦਿ ਖਾਣਾ ਨੁਕਸਾਨਦੇਹ ਹੈ ਪਰ ਅਸੀਂ ਭਾਰਤੀਆਂ ਕੋਲ ਕੁਝ ਸਿਹਤਮੰਦ ਸਨੈਕਸ ਵੀ ਹਨ, ਜਿਨ੍ਹਾਂ ਨੂੰ ਚਾਹ ਨਾਲ ਖਾਧਾ ਜਾ ਸਕਦਾ ਹੈ।
ਚਾਹ ਦੇ ਨਾਲ
ਪੋਹਾ ਖਾ ਸਕਦਾ ਹੈ।
ਮਖਾਣੇ ਖਾ ਸਕਦੇ ਹੋ।
ਭੁੰਨੇ ਹੋਏ ਚਨੇ ਵੀ ਸਭ ਤੋਂ ਵਧੀਆ ਵਿਕਲਪ ਹੈ।
ਪੌਪਕਾਰਨ ਅਤੇ ਚਾਹ ਵੀ ਇੱਕ ਵਧੀਆ ਸੁਮੇਲ ਹੈ।
ਤੁਸੀਂ ਖਾਖਰਾ, ਮੁਰਮੂਰੇ, ਜਵਾਰ ਜਾਂ ਬਾਜਰੇ ਦੇ ਬਣੇ ਪੱਫ ਖਾ ਸਕਦੇ ਹੋ।
ਡਾਇਟੀਸ਼ੀਅਨ ਦਾ ਕਹਿਣਾ ਹੈ ਕਿ ਚਾਹ ਪੀਣ ਵਾਲਿਆਂ ਨੂੰ ਆਪਣੀ ਸੀਮਾ 'ਤੇ ਧਿਆਨ ਦੇਣ ਦੀ ਲੋੜ ਹੈ ਕਿ ਉਹ ਦਿਨ 'ਚ ਕਿੰਨੀ ਚਾਹ ਪੀ ਰਹੇ ਹਨ, ਕਿਉਂਕਿ 3-4 ਕੱਪ ਚਾਹ ਸਾਡੀ ਸਿਹਤ ਲਈ ਹਾਨੀਕਾਰਕ ਹੈ। ਇਸ ਨਾਲ ਸਾਡੀ ਭੁੱਖ ਖਰਾਬ ਹੋ ਸਕਦੀ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
