![ABP Premium](https://cdn.abplive.com/imagebank/Premium-ad-Icon.png)
Neem Benefits: ਬਿਮਾਰੀਆਂ ਦੂਰ ਕਰਨ ਲਈ ਕਿਵੇਂ ਸਹਾਇਕ ਹੁੰਦੀਆਂ ਨੇ ਨਿੰਮ ਦੀਆਂ ਪੱਤੀਆਂ? ਜਾਣੋ ਹੈਰਾਨੀਜਨਕ ਫਾਇਦੇ
Neem Benefits: ਨਿੰਮ ਨੂੰ ਲੰਬੇ ਸਮੇਂ ਤੋਂ ਕਈ ਛੋਟੀਆਂ-ਵੱਡੀਆਂ ਬਿਮਾਰੀਆਂ ਦਾ ਇਲਾਜ ਕਰਨ ਲਈ ਜਾਣਿਆ ਜਾਂਦਾ ਹੈ। ਭਾਰਤ ਦਾ ਲਗਭਗ ਹਰ ਘਰ ਨਿੰਮ ਦੇ medicinal ਗੁਣਾਂ ਤੋਂ ਜਾਣੂ ਹੋਵੇਗਾ।
![Neem Benefits: ਬਿਮਾਰੀਆਂ ਦੂਰ ਕਰਨ ਲਈ ਕਿਵੇਂ ਸਹਾਇਕ ਹੁੰਦੀਆਂ ਨੇ ਨਿੰਮ ਦੀਆਂ ਪੱਤੀਆਂ? ਜਾਣੋ ਹੈਰਾਨੀਜਨਕ ਫਾਇਦੇ Neem Benefits: Benefits of neem leaves for skin and immunity Neem Benefits: ਬਿਮਾਰੀਆਂ ਦੂਰ ਕਰਨ ਲਈ ਕਿਵੇਂ ਸਹਾਇਕ ਹੁੰਦੀਆਂ ਨੇ ਨਿੰਮ ਦੀਆਂ ਪੱਤੀਆਂ? ਜਾਣੋ ਹੈਰਾਨੀਜਨਕ ਫਾਇਦੇ](https://feeds.abplive.com/onecms/images/uploaded-images/2021/11/20/fb54b4ec43866902d70a8822068ddb0b_original.jpg?impolicy=abp_cdn&imwidth=1200&height=675)
Neem Benefits: ਨਿੰਮ ਨੂੰ ਲੰਬੇ ਸਮੇਂ ਤੋਂ ਕਈ ਛੋਟੀਆਂ-ਵੱਡੀਆਂ ਬਿਮਾਰੀਆਂ ਦਾ ਇਲਾਜ ਕਰਨ ਲਈ ਜਾਣਿਆ ਜਾਂਦਾ ਹੈ। ਭਾਰਤ ਦਾ ਲਗਭਗ ਹਰ ਘਰ ਨਿੰਮ ਦੇ medicinal ਗੁਣਾਂ ਤੋਂ ਜਾਣੂ ਹੋਵੇਗਾ। ਨਿੰਮ ਦੀ ਵਰਤੋਂ ਬਿਊਟੀ ਪ੍ਰੋਡੱਕਟਸ ਵਿੱਚ ਵੀ ਕੀਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਇਸ ਦੀ ਵਰਤੋਂ ਵਾਲਾਂ ਦੇ ਉਤਪਾਦਾਂ ਵਿੱਚ ਵੀ ਕੀਤੀ ਜਾਂਦੀ ਹੈ। ਕੁਝ ਲੋਕ ਨਿੰਮ ਦੇ ਡੰਡੇ ਨਾਲ ਆਪਣੇ ਦੰਦ ਵੀ ਸਾਫ਼ ਕਰਦੇ ਹਨ। ਇਸ ਦੇ ਨਾਲ ਹੀ ਕਈ ਕੰਪਨੀਆਂ ਪੇਸਟ 'ਚ ਨਿੰਮ ਹੋਣ ਦਾ ਦਾਅਵਾ ਵੀ ਕਰਦੀਆਂ ਹਨ। ਹੁਣ ਬਹੁਤ ਸਾਰੇ ਲੋਕ ਇਹ ਸੋਚ ਰਹੇ ਹੋਣਗੇ ਕਿ ਨਿੰਮ ਦੇ ਦਰੱਖਤ ਦੇ ਹਰ ਹਿੱਸੇ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਤਾਂ ਕੀ ਇਸ ਦੇ ਪੱਤੇ ਵੀ ਖਾ ਕੇ ਕਿਸੇ ਬਿਮਾਰੀ ਨੂੰ ਦੂਰ ਕੀਤਾ ਜਾ ਸਕਦਾ ਹੈ। ਵੈਸੇ ਆਯੁਰਵੇਦ ਵਿੱਚ ਨਿੰਮ ਨੂੰ ਇੱਕ ਦਵਾਈ ਮੰਨਿਆ ਜਾਂਦਾ ਹੈ। ਇਹ ਕਿਹਾ ਗਿਆ ਹੈ ਕਿ ਨਿੰਮ ਵਿੱਚ 130 ਤੋਂ ਵੱਧ ਜੀਵ ਵਿਗਿਆਨਿਕ ਤੌਰ 'ਤੇ ਕਿਰਿਆਸ਼ੀਲ ਮਿਸ਼ਰਣ ਹਨ। ਆਓ ਜਾਣਦੇ ਹਾਂ ਨਿੰਮ ਸਾਨੂੰ ਕਿਵੇਂ ਲਾਭ ਪਹੁੰਚਾ ਸਕਦੀ ਹੈ।
ਇਮਿਊਨਿਟੀ ਲਈ ਵਧੀਆ
ਨਿੰਮ 'ਚ ਐਂਟੀ-ਬੈਕਟੀਰੀਅਲ, ਐਂਟੀ-ਵਾਇਰਲ ਗੁਣਾਂ ਦੇ ਨਾਲ-ਨਾਲ ਐਂਟੀ-ਆਕਸੀਡੈਂਟ ਹੁੰਦੇ ਹਨ ਜੋ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨ ਦਾ ਕੰਮ ਕਰਦੇ ਹਨ। ਇਸ ਦੇ ਨਾਲ ਹੀ ਇਹ ਸੈੱਲ ਡੈਮੇਜ ਨੂੰ ਰੋਕਣ ਦਾ ਵੀ ਕੰਮ ਕਰਦਾ ਹੈ। ਨਿੰਮ ਦੀਆਂ ਤਾਜ਼ੇ ਪੱਤੀਆਂ ਨੂੰ ਪੀਸ ਕੇ ਉਸ ਵਿਚ ਸ਼ਹਿਦ ਮਿਲਾ ਕੇ ਰੋਜ਼ਾਨਾ ਖਾਣ ਨਾਲ ਕਈ ਬੀਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ। ਹਾਲਾਂਕਿ, ਜ਼ਿਆਦਾ ਨਿੰਮ ਸਿਹਤ ਨੂੰ ਵੀ ਨੁਕਸਾਨ ਪਹੁੰਚਾ ਸਕਦਾ ਹੈ।
ਚਮੜੀ ਲਈ
ਨਿੰਮ ਦੀਆਂ ਪੱਤੀਆਂ ਨੂੰ ਪਾਣੀ ਵਿੱਚ ਪਾ ਕੇ ਇਸ਼ਨਾਨ ਕੀਤਾ ਜਾ ਸਕਦਾ ਹੈ, ਇਸ ਨੂੰ ਖੂਨ ਸ਼ੁੱਧ ਕਰਨ ਵਾਲਾ ਵੀ ਮੰਨਿਆ ਜਾਂਦਾ ਹੈ। ਜੇਕਰ ਤੁਹਾਨੂੰ ਮੁਹਾਸੇ ਦੀ ਸਮੱਸਿਆ ਹੈ ਤਾਂ ਬਾਜ਼ਾਰ 'ਚ ਨਿੰਮ ਸਿਰਪ ਆਉਂਦਾ ਹੈ, ਤੁਸੀਂ ਇਸ ਨੂੰ ਡਾਕਟਰ ਦੀ ਸਲਾਹ 'ਤੇ ਲੈ ਸਕਦੇ ਹੋ।
ਵਾਲਾਂ ਲਈ
ਬਾਜ਼ਾਰ ਵਿੱਚ ਨਿੰਮ ਦੇ ਕਈ ਤਰ੍ਹਾਂ ਦੇ ਬੈਸਟ ਸ਼ੈਂਪੂ ਉਪਲਬਧ ਹਨ। ਤੁਸੀਂ ਤਾਜ਼ੇ ਨਿੰਮ ਦੀਆਂ ਪੱਤੀਆਂ ਨੂੰ ਆਪਣੇ ਵਾਲਾਂ ਅਤੇ ਸਿਰ ਦੀ ਚਮੜੀ 'ਤੇ ਲਗਾ ਸਕਦੇ ਹੋ। ਇਸ ਨਾਲ ਡੈਂਡਰਫ ਘੱਟ ਹੋਵੇਗਾ ਅਤੇ ਵਾਲ ਵੀ ਸਿਹਤਮੰਦ ਰਹਿਣਗੇ।
ਦੰਦਾਂ ਲਈ
ਨਿੰਮ ਨੂੰ ਦੰਦਾਂ ਅਤੇ ਮਸੂੜਿਆਂ ਲਈ ਵੀ ਚੰਗਾ ਮੰਨਿਆ ਜਾਂਦਾ ਹੈ। ਇਸ ਦੀ ਲੱਕੜੀ ਨਾਲ ਦੰਦਾਂ ਦੀ ਸਫਾਈ ਕਰਨ ਨਾਲ ਪਲੇਕ ਦੂਰ ਹੋ ਜਾਂਦੀ ਹੈ। ਇਹ ਐਂਟੀ ਬੈਕਟੀਰੀਅਲ ਹੁੰਦਾ ਹੈ।
Disclaimer: ਇਸ ਆਰਟੀਕਲ ਵਿੱਚ ਦੱਸੇ ਗਏ ਤਰੀਕਿਆਂ ਅਤੇ ਦਾਅਵਿਆਂ ਨੂੰ ਸਿਰਫ਼ ਸੁਝਾਵਾਂ ਵਜੋਂ ਲਿਆ ਜਾਵੇ, ਏਬੀਪੀ ਨਿਊਜ਼ ਇਹਨਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਅਜਿਹੇ ਕਿਸੇ ਵੀ ਇਲਾਜ/ਦਵਾਈ/ਖੁਰਾਕ ਦੀ ਪਾਲਣਾ ਕਰਨ ਤੋਂ ਪਹਿਲਾਂ, ਡਾਕਟਰ ਨਾਲ ਸਲਾਹ ਕਰੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)