ਉਹ ਦੇਸ਼, ਜਿੱਥੇ ਘੁੰਮਣ ਲਈ ਪੈਸੇ ਦੀ ਨਹੀਂ ਪੈਂਦੀ ਲੋੜ...ਸਰਕਾਰ ਹੀ ਕਰਦੀ ਖਰਚਾ!
ਆਓ ਜਾਣਦੇ ਹਾਂ ਉਨ੍ਹਾਂ ਦੇਸ਼ਾਂ ਬਾਰੇ, ਜਿੱਥੇ ਮੁਫਤ ਯਾਤਰਾ ਕੀਤੀ ਜਾ ਸਕਦੀ ਹੈ ਅਤੇ ਤੁਸੀਂ ਬਿਨਾਂ ਕਿਸੇ ਕੀਮਤ ਦੇ ਉਨ੍ਹਾਂ ਦੇਸ਼ਾਂ ਦੀ ਯਾਤਰਾ ਦਾ ਮਜ਼ਾ ਲੈ ਸਕਦੇ ਹੋ।
ਅਕਸਰ ਲੋਕ ਇਹ ਮੰਨਦੇ ਹਨ ਕਿ ਜੇਕਰ ਉਹ ਵਿਦੇਸ਼ ਜਾਂਦੇ ਹਨ ਤਾਂ ਬਹੁਤ ਸਾਰਾ ਪੈਸਾ ਖਰਚ ਹੁੰਦਾ ਹੈ। ਪਰ, ਕਈ ਦੇਸ਼ ਅਜਿਹੇ ਵੀ ਹਨ, ਜਿੱਥੇ ਤੁਹਾਨੂੰ ਘੁੰਮਣ ਲਈ ਜ਼ਿਆਦਾ ਪੈਸੇ ਦੀ ਲੋੜ ਨਹੀਂ ਹੁੰਦੀ ਹੈ ਅਤੇ ਤੁਸੀਂ ਉਨ੍ਹਾਂ ਦੇਸ਼ਾਂ ਦੀ ਯਾਤਰਾ ਘੱਟ ਬਜਟ ਵਿੱਚ ਵੀ ਪੂਰੀ ਕਰ ਸਕਦੇ ਹੋ। ਜਿਵੇਂ ਕਿ ਕਈ ਅਜਿਹੇ ਦੇਸ਼ ਹਨ ਜਿੱਥੇ ਭਾਰਤੀ ਕਰੰਸੀ ਦੀ ਕੀਮਤ ਬਹੁਤ ਜ਼ਿਆਦਾ ਹੈ। ਅਜਿਹੇ ਦੇਸ਼ਾਂ 'ਚ ਤੁਹਾਡਾ ਘੱਟ ਪੈਸਾ ਵੀ ਜ਼ਿਆਦਾ ਪੈਸੇ ਦਾ ਕੰਮ ਕਰਦਾ ਹੈ ਅਤੇ ਤੁਸੀਂ ਘੱਟ ਬਜਟ 'ਚ ਉਨ੍ਹਾਂ ਦੇਸ਼ਾਂ 'ਚ ਘੁੰਮ ਸਕਦੇ ਹੋ। ਇਸ ਤੋਂ ਇਲਾਵਾ ਕਈ ਦੇਸ਼ ਅਜਿਹੇ ਹਨ ਜਿੱਥੇ ਟਰਾਂਸਪੋਰਟ ਸੇਵਾ ਮੁਫ਼ਤ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਇੱਥੇ ਘੁੰਮਣ ਜਾਂਦੇ ਹੋ ਤਾਂ ਤੁਹਾਨੂੰ ਇੱਥੇ ਟਰਾਂਸਪੋਰਟ 'ਤੇ ਪੈਸਾ ਖਰਚ ਨਹੀਂ ਕਰਨਾ ਪਵੇਗਾ।
ਇਸ ਨਾਲ ਤੁਹਾਡੇ ਟਰਾਂਸਪੋਰਟ ਦੇ ਖਰਚੇ ਦੀ ਬਚਤ ਹੋਵੇਗੀ, ਜੋ ਕਿ ਕਿਸੇ ਵੀ ਯਾਤਰਾ ਵਿੱਚ ਖਰਚੇ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ ਦੇਸ਼ਾਂ ਬਾਰੇ, ਜਿੱਥੇ ਮੁਫਤ ਯਾਤਰਾ ਕੀਤੀ ਜਾ ਸਕਦੀ ਹੈ ਅਤੇ ਤੁਸੀਂ ਬਿਨਾਂ ਕਿਸੇ ਕੀਮਤ ਦੇ ਉਨ੍ਹਾਂ ਦੇਸ਼ਾਂ ਦੀ ਯਾਤਰਾ ਦਾ ਮਜ਼ਾ ਲੈ ਸਕਦੇ ਹੋ।
ਕੈਨੇਡਾ
ਟਾਈਮਜ਼ ਆਫ਼ ਇੰਡੀਆ ਦੀ ਰਿਪੋਰਟ ਅਨੁਸਾਰ 2012 ਤੋਂ ਕੈਨੇਡਾ ਦੇ ਚੰਬਲੀ ਅਤੇ ਨੇੜਲੇ ਕਸਬਿਆਂ ਵਿੱਚ ਮੁਫ਼ਤ ਆਵਾਜਾਈ ਦੀ ਵਿਵਸਥਾ ਹੈ। ਇਸ ਸਹੂਲਤ ਦੇ ਜ਼ਰੀਏ ਸੜਕਾਂ ਉਤੇ ਭੀੜ ਘੱਟ ਗਈ ਹੈ ਅਤੇ ਗ੍ਰੀਨ ਹਾਊਸ ਗੈਸ ਦੇ ਨਿਕਾਸ ਵਿੱਚ ਵੀ ਕਮੀ ਆਈ ਹੈ।
ਲਕਸਮਬਰਗ
ਸਾਲ 2020 ਤੋਂ ਲਕਸਮਬਰਗ ਨੇ ਆਪਣੇ ਨਿਵਾਸੀਆਂ ਲਈ ਮੁਫਤ ਆਵਾਜਾਈ ਦੀ ਸਹੂਲਤ ਵੀ ਸ਼ੁਰੂ ਕੀਤੀ ਹੈ। ਮੁਫਤ ਜਨਤਕ ਆਵਾਜਾਈ ਨੂੰ ਸ਼ੁਰੂ ਕਰਨ ਅਤੇ ਤਰਜੀਹ ਦੇਣ ਦੇ ਦੇਸ਼ ਦੇ ਫੈਸਲੇ ਵਿੱਚ ਵਾਤਾਵਰਣ ਸੰਬੰਧੀ ਚਿੰਤਾਵਾਂ ਨੇ ਇੱਕ ਪ੍ਰਮੁੱਖ ਭੂਮਿਕਾ ਨਿਭਾਈ ਹੈ।
ਤੇਲਿਨ, ਐਸਟੋਨੀਆ
ਐਸਟੋਨੀਆ ਦੇ ਤੇਲਿਨ ਨੇ ਇਹ ਸਹੂਲਤ 2013 ਤੋਂ ਸ਼ੁਰੂ ਕੀਤੀ ਹੈ ਅਤੇ ਉੱਥੇ ਸਰਕਾਰ ਦੀ ਇਹ ਪਹਿਲ ਕਾਫੀ ਸਫਲ ਹੋ ਰਹੀ ਹੈ। ਇਸ ਕਾਰਨ ਵਾਤਾਵਰਣ ਨੂੰ ਕਾਫੀ ਫਾਇਦਾ ਹੋ ਰਿਹਾ ਹੈ ਅਤੇ ਲੋਕਾਂ ਦੇ ਖਰਚੇ ਵੀ ਘੱਟ ਹੋਏ ਹਨ।
ਅਵੇਸਤਾ, ਸਵੀਡਨ
ਅਵੇਸਤਾ ਦਾ ਸਵੀਡਿਸ਼ ਸ਼ਹਿਰ ਕਈ ਸਾਲਾਂ ਤੋਂ ਮੁਫਤ ਜਨਤਕ ਆਵਾਜਾਈ ਦੇ ਨੈਟਵਰਕ ਦੀ ਵਰਤੋਂ ਕਰ ਰਿਹਾ ਹੈ। ਇਸ ਕਾਰਨ ਹਰਿਆਲੀ ਨੂੰ ਪ੍ਰਫੁੱਲਤ ਕੀਤਾ ਜਾ ਰਿਹਾ ਹੈ ਅਤੇ ਮੁਫਤ ਸੇਵਾ ਵਿੱਚ ਵਾਧਾ ਕਰਕੇ ਆਵਾਜਾਈ ਦੀ ਸਹੂਲਤ ਵਿੱਚ 200 ਫੀਸਦੀ ਵਾਧਾ ਕੀਤਾ ਗਿਆ ਹੈ।
ਡਿਊਸਬਰੀ, ਯੂ.ਕੇ
ਡਿਊਜ਼ਬਰੀ ਵਿੱਚ ਲੋਕ 2009 ਤੋਂ ਮੁਫ਼ਤ ਟਰਾਂਸਪੋਰਟ ਸੇਵਾ ਦਾ ਲਾਭ ਲੈ ਰਹੇ ਹਨ। ਉਹ FreeTownBus, ਇੱਕ ਮੁਫਤ ਬੱਸ ਸੇਵਾ ਦੀ ਵਰਤੋਂ ਕਰਦੇ ਹਨ। ਇਸਨੂੰ FreeCityBus ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਤੁਸੀਂ ਇੱਥੇ ਮੁਫਤ ਯਾਤਰਾ ਵੀ ਕਰ ਸਕਦੇ ਹੋ।
ਪਰਥ, ਆਸਟ੍ਰੇਲੀਆ
ਇਹ ਸਹੂਲਤ ਪਰਥ, ਆਸਟ੍ਰੇਲੀਆ ਵਿੱਚ ਵੀ ਉਪਲਬਧ ਹੈ। ਇੱਥੇ ਸ਼ਹਿਰ ਵਿੱਚ ਹੀ ਮੁਫਤ ਸਹੂਲਤ ਹੈ ਅਤੇ ਯਾਤਰੀਆਂ ਨੂੰ ਇਸ ਤੋਂ ਬਾਹਰ ਜਾਣ ਦਾ ਕਿਰਾਇਆ ਅਦਾ ਕਰਨਾ ਪੈਂਦਾ ਹੈ।
ਕਲੇਮਸਨ, ਅਮਰੀਕਾ
ਦੱਖਣੀ ਕੈਰੋਲੀਨਾ ਵਿੱਚ, ਕਲੇਮਸਨ, ਕਲੇਮਸਨ ਯੂਨੀਵਰਸਿਟੀ, ਪੈਂਡਲਟਨ, ਸੈਂਟਰਲ ਅਤੇ ਸੇਨੇਕਾ ਨੇ ਵੀ ਇਹ ਸਹੂਲਤ ਸ਼ੁਰੂ ਕੀਤੀ ਹੈ ਅਤੇ ਇਹ ਸੇਵਾਵਾਂ CAT ਬੱਸਾਂ ਵਜੋਂ ਜਾਣੀਆਂ ਜਾਂਦੀਆਂ ਹਨ।
ਮੈਰੀਹੈਮਨ, ਫਿਨਲੈਂਡ
ਇਹ ਆਲੈਂਡ ਦੀ ਰਾਜਧਾਨੀ ਹੈ, ਇੱਕ ਖੁਦਮੁਖਤਿਆਰ ਟਾਪੂ ਜੋ ਫਿਨਲੈਂਡ ਗਣਰਾਜ ਨਾਲ ਸਬੰਧਤ ਹੈ। ਰਿਪੋਰਟਾਂ ਅਨੁਸਾਰ, ਮੈਰੀਹੈਮ ਨਗਰਪਾਲਿਕਾ ਸੈਲਾਨੀਆਂ ਅਤੇ ਨਿਵਾਸੀਆਂ ਨੂੰ ਮੁਫਤ ਜਨਤਕ ਆਵਾਜਾਈ ਪ੍ਰਦਾਨ ਕਰਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
