ਅਜਿਹੀ ਮੌਤ ਜਦੋਂ ਇਨਸਾਨ ਮਰਨ ਤੋਂ ਪਹਿਲਾਂ ਮੁਸਕਾਉਣ ਲੱਗ ਜਾਂਦਾ..! ਜਾਣੋ Smiling Death ਕਦੋਂ ਤੇ ਕਿਵੇਂ ਹੁੰਦੀ?
ਕੀ ਤੁਸੀਂ ਜਾਣਦੇ ਹੋ ਕਿ ਮੌਤ ਦਾ ਇੱਕ ਤਰੀਕਾ ਹੈ, ਜਿਸ ਵਿੱਚ ਮਰਨ ਵਾਲਾ ਵਿਅਕਤੀ ਮੌਤ ਤੋਂ ਪਹਿਲਾਂ ਹੀ ਮੁਸਕਰਾਉਣਾ ਸ਼ੁਰੂ ਕਰ ਦਿੰਦਾ ਹੈ? ਇਹ ਉਸ ਵੇਲੇ ਵਾਪਰਦਾ ਹੈ, ਜਦੋਂ ਮਲਬੇ ਹੇਠ ਦੱਬੇ ਵਿਅਕਤੀ ਨੂੰ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ।
Smiling Death: ਮੌਤ ਇਸ ਜੀਵਨ ਦੀ ਉਹ ਸੱਚਾਈ ਹੈ, ਜਿਸ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਹਰ ਇਨਸਾਨ ਨੇ ਇੱਕ ਨਾ ਇੱਕ ਦਿਨ ਮਰਨਾ ਹੀ ਹੈ। ਇਸ ਤਰ੍ਹਾਂ, ਮੌਤ ਕਈ ਤਰੀਕਿਆਂ ਨਾਲ ਹੋ ਸਕਦੀ ਹੈ। ਮੌਤ ਦੇ ਸਮੇਂ, ਮਨੁੱਖ ਦੀਆਂ ਬਹੁਤੀਆਂ ਕ੍ਰਿਆਵਾਂ ਤੇ ਚਿਹਰੇ ਦੇ ਹਾਵ-ਭਾਵ ਡਰਾਉਣੇ ਹੋ ਜਾਂਦੇ ਹਨ ਪਰ, ਕੀ ਤੁਸੀਂ ਜਾਣਦੇ ਹੋ ਕਿ ਮੌਤ ਦਾ ਇੱਕ ਤਰੀਕਾ ਹੈ, ਜਿਸ ਵਿੱਚ ਮਰਨ ਵਾਲਾ ਵਿਅਕਤੀ ਮੌਤ ਤੋਂ ਪਹਿਲਾਂ ਹੀ ਮੁਸਕਰਾਉਣਾ ਸ਼ੁਰੂ ਕਰ ਦਿੰਦਾ ਹੈ? ਇਹ ਉਸ ਵੇਲੇ ਵਾਪਰਦਾ ਹੈ, ਜਦੋਂ ਮਲਬੇ ਹੇਠ ਦੱਬੇ ਵਿਅਕਤੀ ਨੂੰ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ। ਜੀ ਹਾਂ, ਆਓ ਵਿਗਿਆਨ ਤੋਂ ਸਮਝੀਏ ਕਿ ਇਹ ਵਿਧੀ ਕੀ ਹੈ ਤੇ ਅਜਿਹਾ ਕਿਉਂ ਹੁੰਦਾ ਹੈ।
ਇਸ ਦਾ ਅਸਰ ਮਲਬੇ 'ਚ ਦੱਬੇ ਲੋਕਾਂ 'ਤੇ ਹੁੰਦਾ
ਜੇਕਰ ਕੋਈ ਇਮਾਰਤ ਢਹਿ ਜਾਂਦੀ ਹੈ, ਤਾਂ ਮਲਬੇ ਹੇਠ ਦੱਬੇ ਲੋਕਾਂ ਨੂੰ ਬਚਾਉਣ ਤੋਂ ਪਹਿਲਾਂ ਮਾਹਿਰਾਂ ਦੇ ਆਉਣ ਦੀ ਉਡੀਕ ਕਰਨੀ ਚਾਹੀਦੀ ਹੈ। ਆਮ ਤੌਰ 'ਤੇ ਲੋਕ ਮਲਬੇ ਹੇਠ ਦੱਬੇ ਲੋਕਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ 'ਚ ਜੁੱਟ ਜਾਂਦੇ ਹਨ। ਬੇਸ਼ੱਕ ਮਨੁੱਖਤਾ ਦੇ ਨਜ਼ਰੀਏ ਤੋਂ ਇਹ ਚੰਗਾ ਤੇ ਸ਼ਲਾਘਾਯੋਗ ਕਦਮ ਹੈ, ਪਰ ਇਹ ਕਿਸੇ ਲਈ ਘਾਤਕ ਵੀ ਸਾਬਤ ਹੋ ਸਕਦਾ ਹੈ। ਅਸਲ ਵਿੱਚ, ਜਦੋਂ ਕਿਸੇ ਨੂੰ ਬਚਾਉਣ ਲਈ ਉੱਪਰੋਂ ਮਲਬਾ ਹਟਾਇਆ ਜਾਂਦਾ ਹੈ, ਤਾਂ ਕਰਸ਼ਿੰਗ ਪ੍ਰੈਸ਼ਰ ਜਾਰੀ ਹੁੰਦਾ ਹੈ ਤੇ ਉਸ ਦੀ ਮੌਤ ਹੋ ਜਾਂਦੀ ਹੈ। ਆਓ ਇਸ ਨੂੰ ਵਿਗਿਆਨ ਨਾਲ ਸਮਝੀਏ।
ਮਲਬੇ ਹੇਠ ਦੱਬੇ ਜਾਣ ਨਾਲ ਟਿਸ਼ੂਆਂ 'ਤੇ ਦਬਾਅ ਵਧਦਾ
ਜਦੋਂ ਸਰੀਰ ਭਾਰੀ ਮਲਬੇ ਹੇਠ ਦੱਬਿਆ ਜਾਂਦਾ ਹੈ, ਤਾਂ ਸਰੀਰ ਦੇ ਟਿਸ਼ੂਆਂ ਵਿੱਚ ਬਹੁਤ ਜ਼ਿਆਦਾ ਦਬਾਅ ਪੈਦਾ ਹੁੰਦਾ ਹੈ। ਇਸ ਕਾਰਨ ਉਹ ਖਰਾਬ ਹੋ ਜਾਂਦੇ ਹਨ ਤੇ ਖੂਨ ਦਾ ਵਹਾਅ ਵੀ ਬੰਦ ਹੋ ਜਾਂਦਾ ਹੈ। ਅਜਿਹੀ ਸਥਿਤੀ ਵਿੱਚ, ਉਸ ਭਾਰ ਨੂੰ ਇੱਕਦਮ ਨਹੀਂ ਹਟਾਇਆ ਜਾਂਦਾ। ਅਜਿਹੀ ਸਥਿਤੀ 'ਚ ਸਰੀਰ 'ਚ Myoglobin ਨਾਂ ਦਾ ਪ੍ਰੋਟੀਨ ਨਿਕਲਦਾ ਹੈ। ਇਸ ਦਾ ਕੰਮ ਮਾਸਪੇਸ਼ੀਆਂ ਦੇ ਸੈੱਲਾਂ ਵਿੱਚ ਆਕਸੀਜਨ ਨੂੰ ਸਟੋਰ ਕਰਨਾ ਹੈ, ਤਾਂ ਜੋ ਲੋੜ ਪੈਣ 'ਤੇ ਇਸ ਨੂੰ ਵੱਖ-ਵੱਖ ਗਤੀਵਿਧੀਆਂ ਵਿੱਚ ਵਰਤਿਆ ਜਾ ਸਕੇ।
ਆਖਰ ਵਿਅਕਤੀ ਕਿਉਂ ਮਸਕਰਾਉਂਦਾ
ਇਸ ਪ੍ਰਕਿਰਿਆ ਨੂੰ ਕਰਸ਼ ਸਿੰਡਰੋਮ ਕਿਹਾ ਜਾਂਦਾ ਹੈ। ਅਜਿਹੀ ਸਥਿਤੀ 'ਚ ਸਰੀਰ ਤੋਂ ਅਚਾਨਕ ਭਾਰ ਹਟਣ ਕਾਰਨ, ਕਰਸ਼ ਸਿੰਡਰੋਮ ਕਾਰਨ ਟਿਸ਼ੂਆਂ 'ਚ ਆਕਸੀਜਨ ਦੀ ਮਾਤਰਾ ਤੇਜ਼ੀ ਨਾਲ ਵਧਣ ਲੱਗਦੀ ਹੈ। ਇਸ ਦੌਰਾਨ ਖੂਨ ਵਿੱਚ ਪੋਟਾਸ਼ੀਅਮ ਦੇ ਜ਼ਿਆਦਾ ਵਹਾਅ ਕਾਰਨ ਦਿਲ ਦੀ ਧੜਕਣ ਵਿਗੜ ਜਾਂਦੀ ਹੈ ਤੇ ਸਦਮੇ ਨਾਲ ਵਿਅਕਤੀ ਦੀ ਮੌਤ ਹੋ ਜਾਂਦੀ ਹੈ। ਅਜਿਹੀ ਮੌਤ ਤੋਂ ਪਹਿਲਾਂ ਬੰਦਾ ਮੁਸਕਰਾਉਣ ਲੱਗ ਪੈਂਦਾ ਹੈ। ਇਸ ਕਾਰਨ ਇਸ ਨੂੰ Smiling Death ਵੀ ਕਿਹਾ ਜਾਂਦਾ ਹੈ। ਕ੍ਰਸ਼ ਸਿੰਡਰੋਮ ਬਾਰੇ ਪਹਿਲੀ ਰਿਪੋਰਟ 1923 ਵਿੱਚ ਜਾਪਾਨੀ ਚਮੜੀ ਵਿਗਿਆਨੀ ਸੇਗੋ ਮਿਨਾਮੀ ਦੁਆਰਾ ਪੇਸ਼ ਕੀਤੀ ਗਈ ਸੀ।
Before You Go
ਪੰਜਾਬ ਸਰਕਾਰ ਦਾ ਵੱਡਾ ਐਕਸ਼ਨ, 8 ਦਵਾਈਆਂ ਦੇ ਇਸਤੇਮਾਲ ਤੇ ਖਰੀਦ ‘ਤੇ ਰੋਕ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
