ਅਮਰੀਕਾ ਨੇ 100 ਦੇਸ਼ਾਂ ਦੇ ਕੁੱਤਿਆਂ ਦੀ ਕੀਤੀ ਐਂਟਰੀ ਬੈਨ! ਲੋਕ ਆਪਣੇ ਕੁੱਤੇ ਯੂਐਸ ਨਹੀਂ ਲਿਜਾ ਸਕਣਗੇ

ਅਮਰੀਕਾ ਵਿੱਚ ਕੋਰੋਨਾ ਵਾਇਰਸ ਪੂਰੀ ਤਰ੍ਹਾਂ ਖਤਮ ਨਹੀਂ ਹੋਇਆ ਹੈ। ਇਸ ਦੌਰਾਨ ਇੱਕ ਹੋਰ ਬਿਮਾਰੀ ਦੇ ਲੱਛਣ ਦਿਖਾਈ ਦੇਣ ਲੱਗੇ ਹਨ। ਅਮਰੀਕਾ ਵਿੱਚ ਕੋਵਿਡ 19 ਦੇ ਭਿਆਨਕ ਪ੍ਰਭਾਵ ਨੂੰ ਪੂਰੀ ਦੁਨੀਆ ਨੇ ਵੇਖਿਆ ਸੀ, ਇਸ ਤੋਂ ਸਬਕ ਲੈਂਦਿਆ ਅਮਰੀਕੀ ਸਿਹਤ ਸੈਂਟਰ ਫਾਰ ਡਿਸੀਜ਼ ਕੰਟਰੋਲ ਐਂਡ ਰੋਕਥਾਮ ਲਈ ਮਹੱਤਵਪੂਰਨ ਫੈਸਲਾ ਲਿਆ ਹੈ।

DOGS

ਵਾਸਿੰਘਟਨ: ਅਮਰੀਕਾ ਵਿੱਚ ਕੋਰੋਨਾ ਵਾਇਰਸ ਪੂਰੀ ਤਰ੍ਹਾਂ ਖਤਮ ਨਹੀਂ ਹੋਇਆ ਹੈ। ਇਸ ਦੌਰਾਨ ਇੱਕ ਹੋਰ ਬਿਮਾਰੀ ਦੇ ਲੱਛਣ ਦਿਖਾਈ ਦੇਣ ਲੱਗੇ ਹਨ। ਅਮਰੀਕਾ ਵਿੱਚ ਕੋਵਿਡ 19 ਦੇ ਭਿਆਨਕ ਪ੍ਰਭਾਵ ਨੂੰ ਪੂਰੀ ਦੁਨੀਆ ਨੇ ਵੇਖਿਆ ਸੀ, ਇਸ ਤੋਂ ਸਬਕ ਲੈਂਦਿਆ ਅਮਰੀਕੀ ਸਿਹਤ ਸੈਂਟਰ ਫਾਰ ਡਿਸੀਜ਼ ਕੰਟਰੋਲ ਐਂਡ ਰੋਕਥਾਮ ਲਈ ਮਹੱਤਵਪੂਰਨ ਫੈਸਲਾ ਲਿਆ ਹੈ।

 

ਦਰਅਸਲ ਅਮਰੀਕਾ ਵਿੱਚ ਰੈਬੀਜ਼ ਵਾਇਰਸ ਫੈਲਣ ਦੀ ਸੰਭਾਵਨਾ ਹੈ। ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਸੀਡੀਸੀ ਨੇ 100 ਤੋਂ ਵੱਧ ਦੇਸ਼ਾਂ ਦੇ ਲੋਕਾਂ ਨੂੰ ਆਪਣੇ ਪਾਲਤੂ ਕੁੱਤੇ ਲਿਆਉਣ ਉਤੇ ਪਾਬੰਦੀ ਲਾਈ ਹੈ।

 

ਇਨ੍ਹਾਂ 100 ਦੇਸ਼ਾਂ ਵਿੱਚ ਭਾਰਤ, ਡੋਮਿਨਿਕਨ ਰੀਪਬਲਿਕ, ਕੋਲੰਬੀਆ, ਚੀਨ, ਰੂਸ ਸਮੇਤ ਕਈ ਦੇਸ਼ ਸ਼ਾਮਲ ਹਨ। ਸੀਡੀਸੀ ਨੇ ਕਿਹਾ ਕਿ ਇਹ ਫੈਸਲਾ ਅਮਰੀਕਾ ਨੂੰ ਇਸ ਵਾਇਰਸ ਤੋਂ ਬਚਾਉਣ ਲਈ ਅਸਥਾਈ ਤੌਰ 'ਤੇ ਲਿਆ ਗਿਆ ਹੈ, ਕਿਉਂਕਿ ਜੇਕਰ ਕੋਵਿਡ ਵਿੱਚ ਇੱਕ ਹੋਰ ਵਾਇਰਸ ਫੈਲ ਗਿਆ ਤਾਂ ਸਥਿਤੀ ਭਿਆਨਕ ਹੋ ਜਾਵੇਗੀ।

 

ਸੀਡੀਸੀ ਅਨੁਸਾਰ, ਹਰ ਸਾਲ ਦੁਨੀਆ ਭਰ ਤੋਂ 10 ਲੱਖ ਕੁੱਤੇ ਲੋਕਾਂ ਨਾਲ ਅਮਰੀਕਾ ਆਉਂਦੇ ਹਨ, ਪਰ ਇਸ ਫੈਸਲੇ ਤੋਂ ਬਾਅਦ ਇੱਕ ਲੱਖ ਕੁੱਤਿਆਂ ਦੀ ਗਿਣਤੀ ਵਿੱਚ ਕਮੀ ਆਵੇਗੀ। ਸਿਹਤ ਵਿਭਾਗ ਅਨੁਸਾਰ ਕੋਰੋਨਾ ਵਾਇਰਸ ਨਾਲ ਜਿਆਦਾ ਸੰਕਰਮਿਤ ਦੇਸ਼ਾਂ ਵਿੱਚ ਯਾਤਰਾ ਨਾ ਕਰਨ ਕਾਰਨ 2020 ਤੋਂ ਕੁੱਤਿਆਂ ਦੇ ਅੰਕੜਿਆਂ ਵਿੱਚ 52 ਪ੍ਰਤੀਸ਼ਤ ਕਮੀ ਆਈ ਹੈ।

 

ਸੀਡੀਸੀ ਨੇ ਦੱਸਿਆ ਹੈ ਕਿ ਆਪਣੇ ਕੁੱਤੇ ਲਿਆਉਣ ਲਈ ਕੁਝ ਸ਼ਰਤਾਂ ਪੂਰੀਆਂ ਕਰਨੀਆਂ ਜ਼ਰੂਰੀ ਹੋਣਗੀਆਂ, ਜਿਸ ਵਿੱਚ ਕੁੱਤੇ ਦੀ ਅਸਲ ਉਮਰ ਜਾਣਨ ਲਈ, ਉਸ ਦੀ ਫੋਟੋ ਦਿਖਾਉਣੀ ਪਏਗੀ। ਇਸ ਦੇ ਨਾਲ ਹੀ ਕੁੱਤੇ ਨੂੰ ਰੇਬੀਜ਼ ਦੇ ਟੀਕੇ ਲਗਵਾਏ ਗਏ ਹਨ ਜਾਂ ਨਹੀਂ, ਦਾ ਪ੍ਰਮਾਣ ਪੱਤਰ ਵੀ ਦਿਖਾਉਣਾ ਪਏਗਾ। ਇਨ੍ਹਾਂ ਸ਼ਰਤਾਂ ਦਾ ਪਾਲਣ ਕਰਨ ਤੋਂ ਬਾਅਦ ਹੀ ਕੁੱਤੇ ਨੂੰ ਲਿਜਾਉਣ ਦੀ ਆਗਿਆ ਦਿੱਤੀ ਜਾਏਗੀ।

 

 ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904