ਇੱਕ ਹੋਰ ਸ਼ਾਹਜਹਾਂ ਨੇ ਆਪਣੀ ਮੁਮਤਾਜ ਲਈ ਬਣਾਇਆ 'ਤਾਜ ਮਹਿਲ', ਪੜ੍ਹੋ ਮੋਹੱਬਤ ਭਰੀ ਪ੍ਰੇਮ ਕਹਾਣੀ

ਆਗਰਾ ਦਾ ਤਾਜ ਮਹਿਲ ਕਲਾ ਦਾ ਇਕ ਸ਼ਾਨਦਾਰ ਨਮੂਨਾ ਹੈ। ਪਤਨੀ ਮੁਮਤਾਜ ਮਹਿਲ ਦੀ ਯਾਦ 'ਚ ਸ਼ਾਹਜਹਾਂ ਦਾ ਤੋਹਫ਼ਾ ਸ਼ਾਇਰਾਂ, ਕਵੀਆਂ, ਨਿਰਦੇਸ਼ਕਾਂ, ਪ੍ਰੇਮੀਆਂ, ਸੈਲਾਨੀਆਂ ਤੇ ਲੇਖਕਾਂ ਲਈ ਪ੍ਰੇਰਣਾ ਹੈ ਪਰ 400 ਸਾਲਾਂ ਬਾਅਦ, ਇੱਕ ਹੋਰ ਸ਼ਾਹਜਹਾਂ ਨੇ ਕੁਝ ਅਜਿਹਾ ਕੀਤਾ ਜਿਸ ਬਾਰੇ ਹੁਣ ਚਰਚਾ ਸ਼ੁਰੂ ਹੋ ਗਈ ਗਏ।

umer_kot_taj_mahal

ਆਗਰਾ ਦਾ ਤਾਜ ਮਹਿਲ ਕਲਾ ਦਾ ਇਕ ਸ਼ਾਨਦਾਰ ਨਮੂਨਾ ਹੈ। ਪਤਨੀ ਮੁਮਤਾਜ ਮਹਿਲ ਦੀ ਯਾਦ 'ਚ ਸ਼ਾਹਜਹਾਂ ਦਾ ਤੋਹਫ਼ਾ ਸ਼ਾਇਰਾਂ, ਕਵੀਆਂ, ਨਿਰਦੇਸ਼ਕਾਂ, ਪ੍ਰੇਮੀਆਂ, ਸੈਲਾਨੀਆਂ ਤੇ ਲੇਖਕਾਂ ਲਈ ਪ੍ਰੇਰਣਾ ਹੈ ਪਰ 400 ਸਾਲਾਂ ਬਾਅਦ, ਇੱਕ ਹੋਰ ਸ਼ਾਹਜਹਾਂ ਨੇ ਕੁਝ ਅਜਿਹਾ ਕੀਤਾ ਜਿਸ ਬਾਰੇ ਹੁਣ ਚਰਚਾ ਸ਼ੁਰੂ ਹੋ ਗਈ ਗਏ।

 

ਆਧੁਨਿਕ ਯੁੱਗ ਦੇ ਸ਼ਾਹਜਹਾਂ ਨੇ ਆਪਣੀ ਪਤਨੀ ਨਾਲ ਆਪਣੇ ਸਦੀਵੀ ਪਿਆਰ ਨੂੰ ਜ਼ਾਹਰ ਕਰਨ ਲਈ ਨਵਾਂ 'ਤਾਜ ਮਹਿਲ' ਸਥਾਪਤ ਕੀਤਾ। ਅਬਦੁਰ ਰਸੂਲ ਪਿੱਲੀ ਨੇ ਪਾਕਿਸਤਾਨ ਦੇ ਉਮਰਕੋਟ ਵਿੱਚ ਸਵਰਗੀ ਪਤਨੀ ਮਰੀਅਮ ਦੀ ਯਾਦ ਵਿੱਚ ਤਾਜ ਮਹਿਲ ਵਰਗਾ ਇੱਕ ਮਕਬਰਾ ਬਣਾਇਆ ਹੈ। ਪਿਆਰ ਦੇ ਸ਼ਾਨਦਾਰ ਚਿੰਨ੍ਹ ਨੂੰ ਵੇਖਣ ਲਈ, ਲੋਕ ਦੂਰੋਂ-ਦੂਰੋਂ ਆ ਰਹੇ ਹਨ ਤੇ ਉਨ੍ਹਾਂ ਦੀ ਸਮਾਰਕ 'ਚ ਆਪਣੀਆਂ ਯਾਦਾਂ ਨੂੰ ਸਥਾਪਤ ਕਰ ਰਹੇ ਹਨ।

 

ਉਮਰਕੋਟ ਸਿੰਧ ਪ੍ਰਾਂਤ ਦਾ ਇੱਕ ਸ਼ਹਿਰ ਹੈ ਅਤੇ ਇਸ ਦਾ ਆਪਣਾ ਸ਼ਾਨਦਾਰ ਇਤਿਹਾਸ ਹੈ ਕਿਉਂਕਿ ਇਹ ਮੁਗਲ ਸਮਰਾਟ ਅਕਬਰ ਦਾ ਜਨਮ ਸਥਾਨ ਹੈ। ਅਬਦੁਰ ਰਸੂਲ 1980 'ਚ ਪਹਿਲੀ ਵਾਰ ਭਾਰਤ ਆਇਆ ਸੀ। ਆਪਣੇ ਭਾਰਤੀ ਦੋਸਤ ਦੀ ਮਦਦ ਨਾਲ ਉਸ ਨੇ ਤਾਜ ਮਹਿਲ ਦਾ ਦੌਰਾ ਕੀਤਾ। ਜਮੁਨਾ ਨਦੀ ਦੇ ਕਿਨਾਰੇ ਖੜ੍ਹੀ ਦੁਨੀਆ ਦੀ ਸਭ ਤੋਂ ਮਸ਼ਹੂਰ ਚਿੱਟੇ ਸੰਗਮਰਮਰ ਦੀ ਇਮਾਰਤ ਦਾ ਰਸੂਲ ਉੱਤੇ ਜਾਦੂਈ ਪ੍ਰਭਾਵ ਸੀ। ਉਸ ਦੇ ਦੇਸ਼ ਪਰਤਣ ਤੋਂ ਬਾਅਦ ਤਾਜ ਮਹਿਲ ਉਸਦੇ ਸੁਪਨੇ ਵਿੱਚ ਵੀ ਦਿਖਾਈ ਦੇਣ ਲੱਗਾ।

 

 

ਅਬਦੁਰ ਰਸੂਲ ਦਾ ਵਿਆਹ 18 ਸਾਲ ਦੀ ਉਮਰ ਵਿੱਚ ਇੱਕ 40 ਸਾਲਾ ਔਰਤ ਨਾਲ ਹੋਇਆ ਸੀ। ਉਨ੍ਹਾਂ ਦੀ ਉਮਰ ਵਿੱਚ ਬਹੁਤ ਫਰਕ ਹੋਣ ਦੇ ਬਾਵਜੂਦ, ਪਿਆਰ ਦੇ ਫੁੱਲ ਖਿੜਦੇ ਰਹੇ। 2015 ਦਾ ਸਾਲ ਉਨ੍ਹਾਂ ਦੇ ਦੋਹਾਂ ਦੇ ਜੀਵਨ ਵਿੱਚ ਤੂਫਾਨ ਵਾਂਗ ਆਇਆ। ਅਬਦੁਰ ਰਸੂਲ ਦੀ ਪਤਨੀ ਮਰੀਅਮ ਅਚਾਨਕ ਇੱਕ ਦਿਨ ਬੇਹੋਸ਼ ਹੋ ਗਈ। ਹਸਪਤਾਲ ਲਿਜਾਣ 'ਤੇ ਡਾਕਟਰਾਂ ਨੇ ਸਟਰੋਕ ਬਾਰੇ ਦੱਸਿਆ। ਇਸ ਦੌਰਾਨ, ਪਤੀ ਹਰ ਸਮੇਂ ਬਿਮਾਰ ਪਤਨੀ ਲਈ ਪਰਛਾਵੇਂ ਵਾਂਗ ਖੜ੍ਹਾ ਰਹਿੰਦਾ ਸੀ। ਉਸ ਦੀ ਸੇਵਾ ਕਰਨ 'ਚ ਕੋਈ ਕਮੀ ਨਹੀਂ ਛੱਡੀ ਗਈ। ਇਕ ਦਿਨ ਜਾਗਣ 'ਤੇ ਪਤਾ ਚੱਲਿਆ ਕਿ ਪਤਨੀ ਇਸ ਦੁਨੀਆਂ ਤੋਂ ਚਲੀ ਗਈ ਸੀ।

 

ਪਤਨੀ ਦੀ ਮੌਤ ਤੋਂ ਬਾਅਦ ਪਤੀ ਨੂੰ ਸਾਲਾਂ ਪੁਰਾਣਾ ਸੁਪਨਾ ਯਾਦ ਆਇਆ। ਉਸ ਨੇ ਆਪਣੀ ਪਤਨੀ ਦੀ ਯਾਦ 'ਚ ਇਕ ਸ਼ਾਨਦਾਰ ਇਮਾਰਤ ਉਸਾਰਨ ਦਾ ਇਰਾਦਾ ਕੀਤਾ। ਉਸ ਨੇ 20 ਫੁੱਟ ਉੱਚੇ ਅਤੇ 18 ਫੁੱਟ ਚੌੜੇ ਇੱਕ ਛੋਟੇ ਤਾਜ ਮਹਿਲ ਨੂੰ ਬਣਾਉਣ ਦੀ ਕੋਸ਼ਿਸ਼ ਕਰਨੀ ਸ਼ੁਰੂ ਕੀਤੀ ਪਰ ਅਬਦੁਰ ਰਸੂਲ ਨੇ ਮਜ਼ਦੂਰਾਂ ਦੀ ਫੌਜ ਨਹੀਂ ਬਲਕਿ ਮਸਜਿਦ ਬਣਾਉਣ ਵਾਲੇ ਮਿਸਤਰੀਆਂ ਸਮਰਥਨ ਮਿਲਿਆ। ਉਸ ਨੇ ਯਾਦ 'ਚ ਇਮਾਰਤ ਦਾ ਨਕਸ਼ਾ ਤਿਆਰ ਕੀਤਾ, ਜ਼ਮੀਨ 'ਤੇ ਲਾਈਨਾਂ ਉੱਕਰੀਆਂ, ਸਾਰਾ ਦਿਨ ਤਾਜ ਮਹਿਲ ਦੀ ਤਸਵੀਰ ਆਪਣੇ ਹੱਥਾਂ 'ਚ ਫੜੀ ਰੱਖੀ ਤੇ ਮਜ਼ਦੂਰਾਂ ਦੇ ਨਾਲ ਖੜ੍ਹੇ ਹੋ ਕੇ ਕੰਮ ਕਰਵਾਉਂਦੇ।

 

ਇਸ ਦੌਰਾਨ ਉਸ ਨੂੰ ਇਮਾਰਤ ਬਣਾਉਣ ਦੇ ਫੈਸਲੇ ਨੂੰ ਲੈ ਕੇ ਕਾਫ਼ੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ, ਪਰ ਉਸ ਨੇ ਕਿਸੇ ਦੀ ਨਹੀਂ ਸੁਣੀ। ਉਸ ਦੇ ਪਿਆਰ ਦਾ ਅਨੌਖਾ ਨਮੂਨਾ ਸਿਰਫ ਛੇ ਮਹੀਨਿਆਂ ਵਿੱਚ ਤਿਆਰ ਹੋ ਗਿਆ। ਮਿਸਤਰੀ ਨੇ ਇਮਾਰਤ ਉੱਤੇ ਉਸਾਰੀ ਦੀ ਲਾਗਤ 12 ਲੱਖ ਰੁਪਏ ਦੱਸੀ ਹੈ। ਤਾਜ ਮਹਿਲ ਵਰਗੀ ਇਮਾਰਤ ਬਣਾਉਣ ਤੋਂ ਬਾਅਦ ਅਬਦੁਰ ਰਸੂਲ ਦਾ ਜ਼ਿਆਦਾਤਰ ਸਮਾਂ ਪੁਰਾਣੀਆਂ ਯਾਦਾਂ 'ਚ ਬਿਤਦਾ ਹੈ। ਉਨ੍ਹਾਂ ਨੂੰ 'ਮੁਮਤਾਜ਼ ਮਹਿਲ' ਮਰੀਅਮ ਦੀ ਕਬਰ 'ਤੇ ਘਰ ਨਾਲੋਂ ਵਧੇਰੇ ਸਕੂਨ ਮਿਲਦਾ ਹੈ।