ਅਪ੍ਰੈਲ 'ਚ ਕਿੰਨੇ ਦਿਨ ਸਕੂਲ ਰਹਿਣਗੇ ਬੰਦ? ਦੇਖੋ ਛੁੱਟੀਆਂ ਦੀ ਪੂਰੀ ਲਿਸਟ
ਅਪ੍ਰੈਲ 2025 ਵਿੱਚ ਵਿਦਿਆਰਥੀਆਂ ਨੂੰ ਬਹੁਤ ਸਾਰੀਆਂ ਛੁੱਟੀਆਂ ਮਿਲਣ ਵਾਲੀਆਂ ਹਨ। ਜਾਣੋ ਇਸ ਮਹੀਨੇ ਸਕੂਲ ਕਦੋਂ ਬੰਦ ਰਹਿਣਗੇ ਅਤੇ ਕਿਹੜੇ ਤਿਉਹਾਰਾਂ 'ਤੇ ਛੁੱਟੀਆਂ ਹੋਣਗੀਆਂ।
Holidays in School: ਨਵਾਂ ਅਕਾਦਮਿਕ ਸੈਸ਼ਨ ਸ਼ੁਰੂ ਹੋ ਗਿਆ ਹੈ ਅਤੇ ਵਿਦਿਆਰਥੀਆਂ ਨੂੰ ਅਪ੍ਰੈਲ 2025 ਵਿੱਚ ਬਹੁਤ ਸਾਰੀਆਂ ਛੁੱਟੀਆਂ ਮਿਲਣ ਵਾਲੀਆਂ ਹਨ। ਇਸ ਮਹੀਨੇ ਕਈ ਵੱਡੇ ਰਾਸ਼ਟਰੀ, ਧਾਰਮਿਕ ਅਤੇ ਖੇਤਰੀ ਤਿਉਹਾਰ ਆ ਰਹੇ ਹਨ, ਜਿਸ ਕਾਰਨ ਸਕੂਲਾਂ ਵਿੱਚ ਛੁੱਟੀਆਂ ਹੋਣਗੀਆਂ। ਅਪ੍ਰੈਲ ਮਹੀਨੇ ਦੀ ਸ਼ੁਰੂਆਤ ਤੋਂ ਹੀ ਛੁੱਟੀਆਂ ਸ਼ੁਰੂ ਹੋ ਜਾਣਗੀਆਂ, ਕਿਉਂਕਿ ਇਸ ਦੌਰਾਨ ਰਾਮ ਨੌਮੀ ਅਤੇ ਮਹਾਂਵੀਰ ਜਯੰਤੀ ਵਰਗੇ ਮਹੱਤਵਪੂਰਨ ਤਿਉਹਾਰ ਆ ਰਹੇ ਹਨ। ਇਸ ਤੋਂ ਇਲਾਵਾ, ਕਈ ਸੂਬਿਆਂ ਵਿੱਚ ਮਹੀਨੇ ਦੇ ਮੱਧ ਅਤੇ ਅੰਤ ਤੱਕ ਛੁੱਟੀਆਂ ਹੋਣਗੀਆਂ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਕਿਹੜੀ-ਕਿਹੜੀ ਤਰੀਕਾਂ ਨੂੰ ਸਕੂਲ ਬੰਦ ਰਹਿਣਗੇ।
6 ਅਪ੍ਰੈਲ (ਐਤਵਾਰ)- ਰਾਮ ਨੌਮੀ
ਭਗਵਾਨ ਸ਼੍ਰੀ ਰਾਮ ਦੇ ਜਨਮ ਦਿਵਸ ਵਜੋਂ ਮਨਾਇਆ ਜਾਣ ਵਾਲਾ ਇਹ ਤਿਉਹਾਰ ਇਸ ਵਾਰ ਐਤਵਾਰ ਨੂੰ ਆ ਰਿਹਾ ਹੈ। ਹਾਲਾਂਕਿ, ਕੁਝ ਸਕੂਲ ਚੇਤ ਨਰਾਤਿਆਂ ਦੀ ਸਮਾਪਤੀ ਹੋਣ ਕਰਕੇ 5 ਅਪ੍ਰੈਲ (ਸ਼ਨੀਵਾਰ) ਨੂੰ ਵੀ ਛੁੱਟੀ ਦਾ ਐਲਾਨ ਕਰ ਸਕਦੇ ਹਨ।
10 ਅਪ੍ਰੈਲ (ਵੀਰਵਾਰ) – ਮਹਾਵੀਰ ਜਯੰਤੀ
ਭਗਵਾਨ ਮਹਾਂਵੀਰ ਜਯੰਤੀ ਜੈਨ ਭਾਈਚਾਰੇ ਲਈ ਬਹੁਤ ਮਹੱਤਵਪੂਰਨ ਹੈ। ਇਸ ਦਿਨ ਦਿੱਲੀ, ਉੱਤਰ ਪ੍ਰਦੇਸ਼, ਗੁਜਰਾਤ, ਮਹਾਰਾਸ਼ਟਰ ਅਤੇ ਰਾਜਸਥਾਨ ਸਮੇਤ ਕਈ ਰਾਜਾਂ ਵਿੱਚ ਸਕੂਲ ਬੰਦ ਰਹਿੰਦੇ ਹਨ।
13 ਅਪ੍ਰੈਲ (ਐਤਵਾਰ)- ਵਿਸਾਖੀ
ਵਿਸਾਖੀ ਦਾ ਪੰਜਾਬ ਅਤੇ ਉੱਤਰੀ ਭਾਰਤ ਵਿੱਚ ਵਿਸ਼ੇਸ਼ ਮਹੱਤਵ ਹੈ। ਇਸ ਦਿਨ ਨੂੰ ਸਿੱਖ ਧਰਮ ਵਿੱਚ ਨਵੇਂ ਸਾਲ ਅਤੇ ਵਾਢੀ ਦੇ ਤਿਉਹਾਰ ਵਜੋਂ ਮਨਾਇਆ ਜਾਂਦਾ ਹੈ। ਹਾਲਾਂਕਿ, ਕਿਉਂਕਿ ਇਹ ਐਤਵਾਰ ਨੂੰ ਪੈ ਰਿਹਾ ਹੈ, ਇਸ ਲਈ ਵੱਖਰੀ ਛੁੱਟੀ ਦੀ ਸੰਭਾਵਨਾ ਘੱਟ ਹੈ।
14 ਅਪ੍ਰੈਲ (ਸੋਮਵਾਰ) – ਡਾ. ਬੀ.ਆਰ. ਅੰਬੇਡਕਰ ਜਯੰਤੀ/ਤਾਮਿਲ ਨਵਾਂ ਸਾਲ
ਡਾ. ਭੀਮ ਰਾਓ ਅੰਬੇਡਕਰ ਦੀ ਜਯੰਤੀ 'ਤੇ ਰਾਸ਼ਟਰੀ ਛੁੱਟੀ ਹੁੰਦੀ ਹੈ। ਇਸ ਤੋਂ ਇਲਾਵਾ, ਤਾਮਿਲਨਾਡੂ ਵਿੱਚ ਤਾਮਿਲ ਨਵਾਂ ਸਾਲ ਅਤੇ ਕੇਰਲ ਵਿੱਚ ਵਿਸ਼ੂ ਤਿਉਹਾਰ ਮਨਾਉਂਦੇ ਹਨ, ਜਿਸ ਕਾਰਨ ਦੱਖਣੀ ਭਾਰਤੀ ਰਾਜਾਂ ਦੇ ਸਕੂਲਾਂ ਵਿੱਚ ਵੀ ਛੁੱਟੀ ਰਹੇਗੀ।
18 ਅਪ੍ਰੈਲ (ਸ਼ੁੱਕਰਵਾਰ) – ਗੁੱਡ ਫਰਾਈਡੇ
ਈਸਾਈ ਭਾਈਚਾਰਾ ਇਸ ਦਿਨ ਯਿਸੂ ਮਸੀਹ ਦੇ ਬਲੀਦਾਨ ਦੀ ਯਾਦ ਵਿੱਚ ਪ੍ਰਾਰਥਨਾ ਕਰਦਾ ਹੈ। ਇਸ ਦਿਨ ਨੂੰ ਵਿਸ਼ਵ ਪੱਧਰ 'ਤੇ ਇੱਕ ਮਹੱਤਵਪੂਰਨ ਧਾਰਮਿਕ ਦਿਨ ਮੰਨਿਆ ਜਾਂਦਾ ਹੈ ਅਤੇ ਦੇਸ਼ ਭਰ ਦੇ ਜ਼ਿਆਦਾਤਰ ਸਕੂਲ ਇਸ ਦਿਨ ਬੰਦ ਰਹਿਣਗੇ।
ਸ਼ਨੀਵਾਰ-ਐਤਵਾਰ ਦੀਆਂ ਛੁੱਟੀਆਂ
ਇਸ ਤੋਂ ਇਲਾਵਾ, ਨਿਯਮਤ ਹਫਤਾਵਾਰੀ ਛੁੱਟੀਆਂ ਕਾਰਨ ਸਕੂਲਾਂ ਵਿੱਚ ਛੁੱਟੀ ਰਹੇਗੀ। ਸਕੂਲ ਹਰ ਐਤਵਾਰ (6, 13, 20, 27 ਅਪ੍ਰੈਲ) ਬੰਦ ਰਹਿਣਗੇ। ਕਈ ਰਾਜਾਂ ਵਿੱਚ, ਦੂਜੇ ਅਤੇ ਚੌਥੇ ਸ਼ਨੀਵਾਰ ਨੂੰ ਵੀ ਸਕੂਲਾਂ ਵਿੱਚ ਛੁੱਟੀ ਹੁੰਦੀ ਹੈ, ਜੋ ਇਸ ਵਾਰ 12 ਅਤੇ 26 ਅਪ੍ਰੈਲ ਨੂੰ ਪੈ ਰਹੀ ਹੈ।
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
