ਪਿਆਜ਼ ਤੇ ਟਮਾਟਰਾਂ ਨੇ ਹਿਲਾਇਆ ਰਸੋਈ ਦਾ ਬਜਟ, ਕੀਮਤਾਂ 'ਚ ਲਗਾਤਾਰ ਵਾਧਾ

ਆਰਥਿਕ ਮੰਦੀ ‘ਚ ਮਹਿੰਗਾਈ ਨੇ ਵੀ ਲੋਕਾਂ ਨੂੰ ਪ੍ਰੇਸ਼ਾਨ ਕੀਤਾ ਹੋਇਆ ਹੈ। ਰਾਜਧਾਨੀ ਦਿੱਲੀ ਸਣੇ ਪੂਰੇ ਉੱਤਰ ਭਾਰਤ ‘ਚ ਪਿਆਜ਼ ਦੀ ਕੀਮਤਾਂ ਨੇ ਲੋਕਾਂ ਨੂੰ ਰੁਲਾਇਆ ਹੋਇਆ ਹੈ ਤਾਂ ਹੁਣ ਟਮਾਟਰ ਦੀ ਕੀਮਤਾਂ ਨੇ ਵੀ ਜਨਤਾ ਦੇ ਹੋਸ਼ ਉੱਡਾ ਦਿੱਤੇ ਹਨ।

ਨਵੀਂ ਦਿੱਲੀ: ਆਰਥਿਕ ਮੰਦੀ ‘ਚ ਮਹਿੰਗਾਈ ਨੇ ਵੀ ਲੋਕਾਂ ਨੂੰ ਪ੍ਰੇਸ਼ਾਨ ਕੀਤਾ ਹੋਇਆ ਹੈ। ਰਾਜਧਾਨੀ ਦਿੱਲੀ ਸਣੇ ਪੂਰੇ ਉੱਤਰ ਭਾਰਤ ‘ਚ ਪਿਆਜ਼ ਦੀ ਕੀਮਤਾਂ ਨੇ ਲੋਕਾਂ ਨੂੰ ਰੁਲਾਇਆ ਹੋਇਆ ਹੈ ਤਾਂ ਹੁਣ ਟਮਾਟਰ ਦੀ ਕੀਮਤਾਂ ਨੇ ਵੀ ਜਨਤਾ ਦੇ ਹੋਸ਼ ਉੱਡਾ ਦਿੱਤੇ ਹਨ। ਕੁਝ ਦਿਨ ਪਹਿਲਾਂ ਤਕ ਟਮਾਟਰ ਦੀ ਕੀਮਤਾਂ 30-40 ਰੁਪਏ ਪ੍ਰਤੀ ਕਿਲੋ ਸੀ ਜੋ ਹੁਣ 80 ਰੁਪਏ ਪ੍ਰਤੀ ਕਿਲੋ ਤਕ ਪਹੁੰਚ ਗਈ ਹੈ। ਉਧਰ ਗੰਢਿਆਂ ਦੀ ਕੀਮਤਾਂ 50-60 ਰੁਪਏ ਪ੍ਰਤੀ ਕਿੱਲੋ ਹੋ ਗਈ ਹੈ।

ਪਿਆਜ਼ ਮੰਡੀ ਦੇ ਅੰਦਰ 30-40 ਰੁਪਏ ਕਿਲੋ ਤਕ ਪਹੁੰਚ ਗਿਆ ਹੈ। ਜਿਸਦਾ ਸਿੱਧਾ ਅਸਰ ਆਮ ਜਨਤਾ ਦੀ ਜੇਬ੍ਹ ‘ਤੇ ਪੈ ਰਿਹਾ ਹੈ। ਆਦਾਜ਼ਪੁਰ ਮੰਡੀ ‘ਚ ਥੋਕ ਦੇ ਭਾਅ ‘ਚ ਪਿਆਜ਼ 30-40 ਰੁਪਏ ਕਿੱਲੋ ਵਿਕ ਰਿਹਾ ਹੈ। ਉੱਧਰ ਪਰਚੂਨ ਬਾਜ਼ਾਰ ‘ਚ ਪਿਆਜ਼ 50-60 ਰੁਪਏ ਪ੍ਰਤੀ ਕਿਲੋ ਤਕ ਪਹੁੰਚ ਗਿਆ ਹੈ।

ਇਸ ਦੇ ਨਾਲ ਹੀ ਟਮਾਟਰ ਵੀ ਪਿਆਜ਼ ਤੋਂ ਅੱਗੇ ਨਿਕਲ ਗਿਆ ਹੈ। ਮੰਡੀ ‘ਚ ਟਮਾਟਰ 50-55 ਰੁਪਏ ਪ੍ਰਤੀ ਕਿਲੋ ਮਿਲ ਰਿਹਾ ਹੈ ਅਤੇ ਲੋਕਾਂ ਦੇ ਘਰਾਂ ਤਕ ਪਹੁੰਚਦੇ-ਪਹੁੰਚਦੇ ਇਸ ਦੀ ਕੀਮਤ 70-80 ਰੁਪਏ ਪ੍ਰਤੀ ਕਿਲੋ ਤਕ ਪਹੁੰਚ ਜਾਂਦੀ ਹੈ। ਜਾਣਕਾਰੀ ਮੁਤਾਬਕ ਟਮਾਟਰ ਦੀ ਕੀਮਤ ‘ਚ ਵਾਧੇ ਦਾ ਕਾਰਨ ਬਾਰਸ਼ ਕਰਕੇ ਖ਼ਰਾਬ ਹੋਈ ਫਸਲ ਹੈ।