'ਪਾਕਿਸਤਾਨ ਨੂੰ ਵੀ ਹਿੰਦੂ ਰਾਸ਼ਟਰ ਬਣਾਵਾਂਗੇ', ਸੂਰਤ 'ਚ ਬਾਗੇਸ਼ਵਰ ਬਾਬਾ ਦਾ ਵੱਡਾ ਐਲਾਨ, ਕਿਹਾ- Pok ਨੂੰ ਰਾਮ ਦੀ ਜ਼ਰੂਰਤ

Baba Bageshwar Divya Darbar In Surat : ਬਾਬਾ ਬਾਗੇਸ਼ਵਰ ਯਾਨੀ ਪੰਡਿਤ ਧੀਰੇਂਦਰ ਸ਼ਾਸਤਰੀ 10 ਦਿਨਾਂ ਲਈ ਗੁਜਰਾਤ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਆਪਣਾ ਦਰਬਾਰ ਲਗਾ ਰਹੇ ਹਨ। ਸ਼ੁਰੂਆਤ ਸੂਰਤ ਤੋਂ ਕੀਤੀ ਹੈ। ਜਿੱਥੇ ਅੱਜ ਦਰਬਾਰ ਦਾ ਦੂਜਾ ਅਤੇ ਆਖਰੀ ਦਿਨ

Dhirendra Shastri

Baba Bageshwar Divya Darbar In Surat : ਬਾਬਾ ਬਾਗੇਸ਼ਵਰ ਯਾਨੀ ਪੰਡਿਤ ਧੀਰੇਂਦਰ ਸ਼ਾਸਤਰੀ 10 ਦਿਨਾਂ ਲਈ ਗੁਜਰਾਤ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਆਪਣਾ ਦਰਬਾਰ ਲਗਾ ਰਹੇ ਹਨ। ਸ਼ੁਰੂਆਤ ਸੂਰਤ ਤੋਂ ਕੀਤੀ ਹੈ। ਜਿੱਥੇ ਅੱਜ ਦਰਬਾਰ ਦਾ ਦੂਜਾ ਅਤੇ ਆਖਰੀ ਦਿਨ ਹੈ। ਸੂਰਤ ਵਿੱਚ ਪਹਿਲੇ ਦਿਨ ਹੀ ਧੀਰੇਂਦਰ ਸ਼ਾਸਤਰੀ ਨੇ ਹਿੰਦੂ ਰਾਸ਼ਟਰ ਨੂੰ ਲੈ ਕੇ ਇੱਕ ਵਾਰ ਫਿਰ ਵੱਡਾ ਬਿਆਨ ਦਿੱਤਾ ਹੈ।

 

ਬਾਗੇਸ਼ਵਰ ਧਾਮ ਦੇ ਪੀਠਾਧੀਸ਼ਵਰ ਪੰਡਿਤ ਧੀਰੇਂਦਰ ਸ਼ਾਸਤਰੀ ਨੇ ਕਿਹਾ, "ਜਿਸ ਦਿਨ ਗੁਜਰਾਤ 'ਚ ...ਭਾਰਤ 'ਚ ਹਿੰਦੂ ਮਸਤਕ 'ਤੇ ਤਿਲਕ ਲਗਾ ਕੇ ਸੜਕਾਂ 'ਤੇ ਨਿਕਲ ਜਾਣਗੇ। ਉਸ ਦਿਨ ਭਾਰਤ ਹਿੰਦੂ ਰਾਸ਼ਟਰ ਬਣ ਜਾਵੇਗਾ। ਭਾਰਤ ਹੀ ਨਹੀਂ, ਪਾਕਿਸਤਾਨ ਨੂੰ ਵੀ ਹਿੰਦੂ ਰਾਸ਼ਟਰ ਬਣਾਵਾਂਗੇ।ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਨੂੰ ਰਾਮ ਅਤੇ ਹਿੰਦੁਸਤਾਨ ਦੀ ਲੋੜ ਹੈ, ਪਾਕਿਸਤਾਨ ਤੋਂ ਪੀਓਕੇ ਸੰਭਾਲਿਆ ਨਹੀਂ ਜਾ ਰਿਹਾ।

 

ਧੀਰੇਂਦਰ ਸ਼ਾਸਤਰੀ ਨੇ ਕੇਂਦਰ ਸਰਕਾਰ ਵੱਲੋਂ ਉਨ੍ਹਾਂ ਨੂੰ ਦਿੱਤੀ ਗਈ 'ਵਾਈ' ਸ਼੍ਰੇਣੀ ਦੀ ਸੁਰੱਖਿਆ 'ਤੇ ਵੀ ਇੱਥੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਸ ਨੇ ਕਿਹਾ ਕਿ ਮੈਂ ਆਦਿਵਾਸੀ ਖੇਤਰਾਂ ਵਿੱਚ ਜੰਗਲਾਂ ਵਿੱਚ ਕਥਾ ਕਰ ਰਿਹਾ ਹਾਂ। ਇਸੇ ਲਈ ਸਾਜ਼ਿਸ਼ਾਂ ਹੋ ਰਹੀਆਂ ਹਨ। ਸੁਰੱਖਿਆ ਇਸ ਲਈ ਦਿੱਤੀ ਜਾ ਰਹੀ ਹੈ ਕਿਉਂਕਿ ਸਨਾਤਨ ਵਿਰੋਧੀ ਤਾਕਤਾਂ ਵੀ ਮਹਿਸੂਸ ਕੀਤੀਆਂ ਜਾ ਰਹੀਆਂ ਹਨ।

 

 ਕਦੋਂ ਹੈ ਧੀਰੇਂਦਰ ਸ਼ਾਸਤਰੀ ਦਾ ਪ੍ਰੋਗਰਾਮ 

ਬਾਗੇਸ਼ਵਰ ਧਾਮ ਦੇ ਕਥਾਵਾਚਕ ਧੀਰੇਂਦਰ ਸ਼ਾਸਤਰੀ ਦੇ 7 ਜੂਨ ਤੱਕ ਗੁਜਰਾਤ ਦੇ ਚਾਰ ਸ਼ਹਿਰਾਂ ਵਿੱਚ ਪ੍ਰੋਗਰਾਮ ਹੋਣੇ ਹਨ। ਸੂਰਤ ਤੋਂ ਬਾਅਦ ਉਹ ਅਹਿਮਦਾਬਾਦ, ਰਾਜਕੋਟ ਅਤੇ ਵਡੋਦਰਾ ਵਿੱਚ ਵੀ ਦਰਬਾਰ ਦਾ ਆਯੋਜਨ ਕਰਨਗੇ। ਅਹਿਮਦਾਬਾਦ ਵਿੱਚ 29 ਅਤੇ 30 ਮਈ ਨੂੰ ਦਰਬਾਰ ਲੱਗੇਗਾ। 1 ਅਤੇ 2 ਜੂਨ ਨੂੰ ਰਾਜਕੋਟ ਅਤੇ 3 ਤੋਂ 7 ਜੂਨ ਨੂੰ ਵਡੋਦਰਾ ਵਿੱਚ ਰਹਿਣਗੇ।

26 ਮਈ ਨੂੰ ਸੂਰਤ ਵਿੱਚ ਧੀਰੇਂਦਰ ਸ਼ਾਸਤਰੀ ਨੇ ਕਿਹਾ ਸੀ , "ਮੇਰਾ ਕਿਸੇ ਸਿਆਸੀ ਪਾਰਟੀ ਨਾਲ ਕੋਈ ਸਬੰਧ ਨਹੀਂ ਹੈ। ਮੈਂ ਸਿਰਫ਼ ਇੱਕ ਹੀ ਪਾਰਟੀ ਨਾਲ ਹਾਂ। ਉਹ ਪਾਰਟੀ ਬਜਰੰਗ ਬਲੀ ਦੀ ਹੈ।" ਉਨ੍ਹਾਂ ਗੁਜਰਾਤ ਦੇ ਲੋਕਾਂ ਨੂੰ ਕਿਹਾ, "ਗੁਜਰਾਤ ਦੇ ਲੋਕਾਂ ਨੂੰ ਜਿੱਤਣਾ ਮੁਸ਼ਕਿਲ ਹੈ। ਮੈਂ ਗੁਜਰਾਤ ਦੀ ਧਰਤੀ ਨੂੰ ਸਿਰ ਝੁਕਾਉਂਦਾ ਹਾਂ। ਇੱਥੋਂ ਦੇ ਲੋਕਾਂ ਦੀ ਦੁਨੀਆ ਭਰ ਵਿੱਚ ਪਹੁੰਚ ਹੈ। ਤੁਹਾਡੇ ਲੋਕਾਂ ਨੂੰ ਜਿਤਨਾ ਮੁਸ਼ਕਿਲ ਹੁੰਦਾ ਹੈ।"