ਚੰਡੀਗੜ੍ਹ 'ਚ ਕੋਰੋਨਾ ਦਾ ਕਹਿਰ ਜਾਰੀ, 12 ਨਵੇਂ ਮਾਮਲੇ, ਕੁੱਲ ਮਰੀਜ਼ 68

ਕੋਰੋਨਾ ਮਹਾਮਾਰੀ ਦਾ ਕਹਿਰ ਚੰਡੀਗੜ੍ਹ 'ਚ ਲਗਾਤਾਰ ਵੱਧਦਾ ਜਾ ਰਿਹਾ ਹੈ।ਅੱਜ 12 ਨਵੇਂ ਮਾਮਲੇ ਸਾਹਮਣੇ ਆਉਣ ਨਾਲ ਸ਼ਹਿਰ 'ਚ ਕੋਰੋਨਾਵਾਇਰਸ ਸੰਕਰਮਿਤ ਮਰੀਜ਼ਾਂ ਦੀ ਗਿਣਤੀ 68 ਹੋ ਗਈ ਹੈ।

ਚੰਡੀਗੜ੍ਹ: ਕੋਰੋਨਾ ਮਹਾਮਾਰੀ ਦਾ ਕਹਿਰ ਚੰਡੀਗੜ੍ਹ 'ਚ ਲਗਾਤਾਰ ਵੱਧਦਾ ਜਾ ਰਿਹਾ ਹੈ।ਅੱਜ 12 ਨਵੇਂ ਮਾਮਲੇ ਸਾਹਮਣੇ ਆਉਣ ਨਾਲ ਸ਼ਹਿਰ 'ਚ ਕੋਰੋਨਾਵਾਇਰਸ ਸੰਕਰਮਿਤ ਮਰੀਜ਼ਾਂ ਦੀ ਗਿਣਤੀ 68 ਹੋ ਗਈ ਹੈ। ਕੌਵੀਡ-19 ਦੇ ਸਕਾਰਾਤਮਕ ਕੇਸ ਦੇ 6 ਪਰਿਵਾਰਕ ਸੰਪਰਕ ਜੋ ਸੈਕਟਰ-26 ਬੀਡੀਸੀ ਵਿਖੇ ਸਕਾਰਾਤਮਕ ਕੇਸ ਦਾ ਕਮਿਊਨਿਟੀ ਸੰਪਰਕ ਸਨ, ਨੂੰ ਵੀ ਕੋਰੋਨਾਵਾਇਰਸ ਲਈ ਸਕਾਰਾਤਮਕ ਦੱਸਿਆ ਗਿਆ ਹੈ।ਇਸ ਤੋਂ ਇਲਾਵਾ ਬੀਡੀਸੀ ਸੰਪਰਕ ਤੋਂ ਆਏ 3 ਹੋਰ ਲੋਕ ਵੀ ਕੋਰੋਨਾ ਪੌਜ਼ੇਟਿਵ ਪਾਏ ਗਏ ਹਨ। ਇਸ ਦੇ ਨਾਲ ਹੀ ਸੈਕਟਰ 38 ਦੀ ਰਹਿਣ ਵਾਲੀ 79 ਸਾਲਾ ਬਜ਼ੁਰਗ ਔਰਤ ਵੀ ਕੋਵਿਡ-19 ਲਈ ਸਕਾਰਾਤਮਕ ਦੱਸੀ ਗਈ ਹੈ।ਸੈਕਟਰ 33 ਦਾ ਰਹਿਣ ਵਾਲਾ ਅਤੇ ਜੀਐਮਸੀਐਚ 32 ਵਿਖੇ ਸਟਾਫ ਵਜੋਂ ਕੰਮ ਕਰਨ ਵਾਲਾ ਤੀਹ ਸਾਲਾਂ ਦਾ ਪੁਰਸ਼ ਵੀ ਅੱਜ ਕੋਰੋਨਾਵਾਇਰਸ ਸਕਾਰਾਤਮਕ ਦੱਸਿਆ ਗਿਆ ਹੈ। ਜੀਐਮਸੀਐਚ -32 ਵਿੱਚ 38 ਸਾਲਾ ਪੁਰਸ਼ ਸਟਾਫ ਵੀ ਕੋਰੋਨਾਵਾਇਰਸ ਨਾਲ ਸੰਕਰਮਿਤ ਪਾਇਆ ਗਿਆ ਹੈ। ਉਹ ਸੈਕਟਰ 32-ਸੀ ਦਾ ਵਸਨੀਕ ਹੈ। ਚੰਡੀਗੜ੍ਹ 'ਚ ਹੁਣ ਤੱਕ 1013 ਸੈਂਪਲ ਟੈਸਟ ਕੀਤੇ ਗਏ ਹਨ। ਜਿਹਨਾਂ ਵਿੱਚੋਂ 922 ਨੈਗੇਟਿਵ ਅਤੇ 68 ਪੌਜ਼ੇਟਿਵ ਹਨ।ਇੱਥੇ ਹੁਣ ਤੱਕ 18 ਮਰੀਜ਼ ਠੀਕ ਹੋ ਕਿ ਘਰ ਜਾ ਚੁੱਕੇ ਹਨ।