54 ਫਾਰਮਾ ਕੰਪਨੀਆਂ ਦੇ ਖੰਘ ਦੀ ਦਵਾਈ ਦੇ ਨਮੂਨੇ ਹੋਏ ਫੇਲ੍ਹ: ਰਿਪੋਪਟ

ਸਰਕਾਰੀ ਅੰਕੜਿਆਂ ਅਨੁਸਾਰ 54 ਭਾਰਤੀ ਫਾਰਮਾਸਿਊਟੀਕਲ ਨਿਰਮਾਤਾਵਾਂ ਦੇ ਘੱਟੋ-ਘੱਟ 6% ਖੰਘ ਦੇ ਨਮੂਨੇ ਇਸ ਸਾਲ ਅਕਤੂਬਰ ਤੱਕ ਨਿਰਯਾਤ ਲਈ ਲਾਜ਼ਮੀ ਗੁਣਵੱਤਾ ਜਾਂਚ ਵਿੱਚ ਅਸਫਲ ਰਹੇ।

Cough syrup

Quality Test: ਸਰਕਾਰੀ ਅੰਕੜਿਆਂ ਅਨੁਸਾਰ 54 ਭਾਰਤੀ ਫਾਰਮਾਸਿਊਟੀਕਲ ਨਿਰਮਾਤਾਵਾਂ ਦੇ ਘੱਟੋ-ਘੱਟ 6% ਖੰਘ ਦੇ ਨਮੂਨੇ ਇਸ ਸਾਲ ਅਕਤੂਬਰ ਤੱਕ ਨਿਰਯਾਤ ਲਈ ਲਾਜ਼ਮੀ ਗੁਣਵੱਤਾ ਜਾਂਚ ਵਿੱਚ ਅਸਫਲ ਰਹੇ। ਕੇਂਦਰੀ ਡਰੱਗ ਸਟੈਂਡਰਡ ਕੰਟਰੋਲ ਆਰਗੇਨਾਈਜ਼ੇਸ਼ਨ (ਸੀਡੀਐਸਸੀਓ) ਦੀ ਰਿਪੋਰਟ ਦੇ ਅੰਕੜੇ ਦੇਸ਼ ਭਰ ਦੇ ਵੱਖ-ਵੱਖ ਰਾਜਾਂ ਵਿੱਚ ਨਮੂਨਿਆਂ ਦੀ ਜਾਂਚ 'ਤੇ ਅਧਾਰਤ ਸਨ।

ਜ਼ਿਕਰ ਕਰ ਦਈਏ ਕਿ ਮਹਾਰਾਸ਼ਟਰ, ਗੁਜਰਾਤ, ਉੱਤਰ ਪ੍ਰਦੇਸ਼ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਚੰਡੀਗੜ੍ਹ ਵਰਗੇ ਰਾਜਾਂ ਵਿੱਚ ਸਰਕਾਰੀ ਪ੍ਰਯੋਗਸ਼ਾਲਾਵਾਂ ਵਿੱਚ ਟੈਸਟ ਕੀਤੇ ਗਏ 2,014 ਨਮੂਨਿਆਂ ਵਿੱਚੋਂ, 128 (ਜਾਂ 6%) ਗੁਣਵੱਤਾ ਦੀ ਜਾਂਚ ਵਿੱਚ ਅਸਫਲ ਰਹੇ ਅਤੇ "ਸਟੈਂਡਰਡ ਕੁਆਲਿਟੀ ਦੇ ਨਹੀਂ" (NSQ) ਪਾਏ ਗਏ।

ਨਮੂਨਿਆਂ ਦੀ ਜਾਂਚ ਲਈ ਮਨੋਨੀਤ ਸਰਕਾਰੀ ਪ੍ਰਯੋਗਸ਼ਾਲਾਵਾਂ ਵਿੱਚ ਭਾਰਤੀ ਫਾਰਮਾਕੋਪੀਆ ਕਮਿਸ਼ਨ, ਗਾਜ਼ੀਆਬਾਦ (ਉੱਤਰ ਪ੍ਰਦੇਸ਼) ਸੈਂਟਰਲ ਡਰੱਗਜ਼ ਲੈਬਾਰਟਰੀ (CDL), ਕੋਲਕਾਤਾ; ਕੇਂਦਰੀ ਡਰੱਗ ਟੈਸਟਿੰਗ ਲੈਬਾਰਟਰੀ (CDTL), ਚੇਨਈ, CDTL, ਮੁੰਬਈ; ਸੀਡੀਟੀਐਲ, ਹੈਦਰਾਬਾਦ; ਖੇਤਰੀ ਡਰੱਗ ਟੈਸਟਿੰਗ ਲੈਬਾਰਟਰੀ (RDTL), ਚੰਡੀਗੜ੍ਹ, ਆਰਡੀਟੀਐਲ, ਗੁਹਾਟੀ ਅਤੇ ਕੋਈ ਵੀ NABL-ਮਾਨਤਾ ਪ੍ਰਾਪਤ ਰਾਜ ਡਰੱਗ ਟੈਸਟਿੰਗ ਪ੍ਰਯੋਗਸ਼ਾਲਾ  ਸ਼ਾਮਲ ਹਨ।

ਸਰਕਾਰੀ ਅੰਕੜਿਆਂ ਦੇ ਅਨੁਸਾਰ, ਗੁਜਰਾਤ ਲੈਬ ਵਿੱਚ ਟੈਸਟ ਕੀਤੇ ਗਏ 385 ਨਮੂਨਿਆਂ ਵਿੱਚੋਂ, 51 NSQ ਪਾਏ ਗਏ, ਜਦੋਂ ਕਿ 502 ਵਿੱਚੋਂ 29 ਨਮੂਨੇ ਗਾਜ਼ੀਆਬਾਦ ਲੈਬ ਵਿੱਚ ਗੁਣਵੱਤਾ ਦੀ ਜਾਂਚ ਵਿੱਚ ਅਸਫਲ ਰਹੇ।

ਇਸ ਤੋਂ ਪਹਿਲਾਂ, ਕੇਂਦਰੀ ਵਣਜ ਮੰਤਰਾਲੇ ਨੇ ਇਸ ਸਾਲ ਮਈ ਵਿੱਚ ਇੱਕ ਆਦੇਸ਼ ਰਾਹੀਂ ਖੰਘ ਦੀ ਦਵਾਈ ਬਣਾਉਣ ਵਾਲਿਆਂ ਲਈ ਇਹ ਲਾਜ਼ਮੀ ਕਰ ਦਿੱਤਾ ਸੀ ਕਿ ਉਹ ਨਿਰਯਾਤ ਲਈ ਸ਼ਿਪਿੰਗ ਤੋਂ ਪਹਿਲਾਂ ਸਰਕਾਰੀ ਲੈਬ ਵਿੱਚ ਆਪਣੇ ਸਟਾਕ ਦੀ ਜਾਂਚ ਕਰਾਉਣ।

ਇਹ ਨਿਰਦੇਸ਼ ਕੁਝ ਦੇਸ਼ਾਂ ਵਿੱਚ ਭਾਰਤ ਵਿੱਚ ਬਣੇ ਖੰਘ ਦੇ ਸਿਰਪ ਨੂੰ ਕਥਿਤ ਤੌਰ 'ਤੇ ਬੱਚਿਆਂ ਦੀ ਮੌਤ ਨਾਲ ਜੋੜਨ ਤੋਂ ਬਾਅਦ ਜਾਰੀ ਕੀਤਾ ਗਿਆ ਸੀ। ਪਿਛਲੇ ਸਾਲ ਦਸੰਬਰ ਵਿੱਚ, ਨੋਇਡਾ ਅਧਾਰਤ ਮੈਰੀਅਨ ਬਾਇਓਟੈਕ ਦੇ ਖੰਘ ਦਾ ਸਿਰਪ ਉਜ਼ਬੇਕਿਸਤਾਨ ਵਿੱਚ 18 ਬੱਚਿਆਂ ਦੀ ਮੌਤ ਨਾਲ ਜੁੜਿਆ ਹੋਇਆ ਸੀ। 5 ਅਕਤੂਬਰ, 2022 ਨੂੰ, ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ ਨੇ ਹਰਿਆਣਾ ਸਥਿਤ ਮੇਡਨ ਫਾਰਮਾਸਿਊਟੀਕਲਸ ਦੁਆਰਾ ਨਿਰਮਿਤ ਅਤੇ ਨਿਰਯਾਤ - ਪ੍ਰੋਮੇਥਾਜ਼ੀਨ ਓਰਲ ਸਲਿਊਸ਼ਨ, ਕੋਫੈਕਸਮਾਲਿਨ ਬੇਬੀ ਕਾਫ ਸੀਰਪ, ਮੇਕੋਫ ਬੇਬੀ ਕਾਫ ਸੀਰਪ, ਅਤੇ ਮੈਗਰੀਪ ਐਨ ਕੋਲਡ ਸੀਰਪ - ਉੱਤੇ ਇੱਕ ਮੈਡੀਕਲ ਉਤਪਾਦ ਅਲਰਟ ਜਾਰੀ ਕੀਤਾ ਸੀ। ਸੰਯੁਕਤ ਰਾਸ਼ਟਰ ਦੀ ਸੰਸਥਾ ਨੇ ਗੈਂਬੀਆ ਵਿੱਚ 66 ਬੱਚਿਆਂ ਦੀ ਮੌਤ ਨਾਲ ਸਿਰਪ ਦਾ ਸਬੰਧ ਜੋੜਿਆ ਸੀ।