ਆ ਰਹੀ ਹੈ ਕੋਰੋਨਾ ਦੀ ਚੌਥੀ ਲਹਿਰ! 7 ਸੂਬਿਆਂ 'ਚ ਫੈਲਿਆ ਨਵਾਂ ਵੇਰੀਐਂਟ, ਜਾਣੋ ਕੀ ਹਨ ਇਸ ਦੇ ਲੱਛਣ
COVID-19 4th wave: ਕੋਰੋਨਾ ਵਾਇਰਸ ਨੇ ਪਿਛਲੇ ਕੁਝ ਸਮੇਂ ਤੋਂ ਪੂਰੀ ਦੁਨੀਆ ਵਿਚ ਤਬਾਹੀ ਮਚਾਈ ਹੋਈ ਹੈ। ਇਸ ਦੇ ਨਵੇਂ ਰੂਪਾਂ ਦਾ ਆਉਣਾ ਅਗਲੀ ਲਹਿਰ ਦੀ ਸੰਭਾਵਨਾ ਨੂੰ ਵਧਾਉਂਦਾ ਹੈ।
fourth wave of Corona is coming! New variant spread across 7 states, find out what its features are
ਨਵੀਂ ਦਿੱਲੀ: ਦੁਨੀਆ 'ਚ ਕੋਰੋਨਾ ਦੀ ਤੀਜੀ ਲਹਿਰ ਦੇ ਮਾਮਲੇ ਘੱਟ ਰਹੇ ਹਨ ਕਿ ਇਸ ਦੌਰਾਨ ਕੋਵਿਡ-19 ਦੇ ਨਵੇਂ ਮਾਮਲੇ ਫਿਰ ਤੋਂ ਵਧਣ ਲੱਗੇਨ। ਜਿਵੇਂ-ਜਿਵੇਂ ਕੋਰੋਨਾ ਦੀਆਂ ਪਾਬੰਦੀਆਂ ਹਟਾਈਆਂ ਜਾ ਰਹੀਆਂ ਨੇ, ਇਹ ਮੰਨਿਆ ਜਾ ਰਿਹਾ ਸੀ ਕਿ ਕੋਰੋਨਾ ਮਹਾਂਮਾਰੀ ਖ਼ਤਮ ਹੋ ਗਈ। ਪਰ ਹਾਲ ਹੀ ਵਿੱਚ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਕੋਰੋਨਾ ਦਾ ਇੱਕ ਨਵਾਂ ਰੂਪ ਸਾਹਮਣੇ ਆਇਆ ਹੈ, ਜੋ ਚੌਥੀ ਲਹਿਰ (COVID-19 4th wave) ਦਾ ਕਾਰਨ ਬਣ ਸਕਦਾ ਹੈ।
ਵਿਸ਼ਵ ਸਿਹਤ ਸੰਗਠਨ ਨੇ ਇਸ ਰੀਕੌਂਬੀਨੈਂਟ ਵੇਰੀਐਂਟ ਬਾਰੇ ਕਿਹਾ ਕਿ ਇਹ ਸਥਿਤੀ ਓਮੀਕਰੋਨ ਅਤੇ ਡੈਲਟਾ ਦੋਵਾਂ ਦੇ ਤੇਜ਼ੀ ਨਾਲ ਫੈਲਣ ਕਾਰਨ ਆਈ ਹੈ। ਕੋਵਿਡ-19 ਦੇ ਇਸ ਨਵੇਂ ਵੇਰੀਐਂਟ ਦਾ ਨਾਂ ਡੈਲਟਾਕ੍ਰੋਨ (Deltacron) ਹੈ, ਜਿਸ ਨੂੰ ਓਮੀਕ੍ਰੋਨ ਅਤੇ ਡੈਲਟਾ ਦੇ ਮਿਲਣ ਕਰਕੇ ਤਿਆਰ ਹੋਇਆ ਹੈ। ਰਿਪੋਰਟ ਮੁਤਾਬਕ, ਭਾਰਤ ਵਿੱਚ ਇਸ ਰੂਪ ਦੀ ਪਛਾਣ ਕੀਤੀ ਗਈ ਹੈ ਅਤੇ 7 ਸੂਬਿਆਂ ਵਿੱਚ ਪਾਏ ਗਏ ਮਰੀਜ਼ਾਂ ਨੂੰ ਨਿਗਰਾਨੀ ਹੇਠ ਰੱਖਿਆ ਗਿਆ ਹੈ। ਇਨ੍ਹਾਂ ਸੂਬਿਆਂ ਵਿੱਚ ਕਰਨਾਟਕ, ਤਾਮਿਲਨਾਡੂ, ਮਹਾਰਾਸ਼ਟਰ, ਗੁਜਰਾਤ, ਪੱਛਮੀ ਬੰਗਾਲ, ਤੇਲੰਗਾਨਾ ਅਤੇ ਦਿੱਲੀ ਸ਼ਾਮਲ ਹਨ। ਅਜਿਹੀ ਸਥਿਤੀ ਵਿੱਚ ਇਹ ਜਾਣਨਾ ਬਹੁਤ ਮਹੱਤਵਪੂਰਨ ਹੋ ਜਾਂਦਾ ਹੈ ਕਿ ਇਹ ਨਵਾਂ ਵੇਰੀਐਂਟ ਡੈਲਟਾਕ੍ਰੋਨ ਕਿੰਨਾ ਖ਼ਤਰਨਾਕ ਹੈ ਅਤੇ ਇਸਦੇ ਲੱਛਣ ਕੀ ਹਨ।
ਇਸ ਤਰ੍ਹਾਂ ਹੋਈ ਡੈਲਟਾਕ੍ਰੋਨ ਦੀ ਪਛਾਣ
ਡੈਲਟਾਕ੍ਰੋਨ ਰੀਕੌਂਬੀਨੈਂਟ ਵੇਰੀਐਂਟ ਓਮੀਕ੍ਰੋਨ ਅਤੇ ਡੈਲਟਾ ਵੇਰੀਐਂਟਸ ਦਾ ਸੁਮੇਲ ਹੈ। ਡੇਲਟਾਕ੍ਰੋਨ ਦੀ ਪਛਾਣ ਫਰਵਰੀ 2022 ਵਿੱਚ ਹੋਈ ਸੀ। ਦਰਅਸਲ, ਪੈਰਿਸ ਵਿਚ ਇੰਸਟੀਚਿਊਟ ਪਾਸਚਰ ਦੇ ਵਿਗਿਆਨੀਆਂ ਨੇ ਕੋਰੋਨਾਵਾਇਰਸ ਦਾ ਇੱਕ ਨਵਾਂ ਵੇਰੀਐਂਟ ਦੇਖਿਆ ਸੀ, ਜੋ ਪਿਛਲੇ ਵੇਰੀਐਂਟ ਤੋਂ ਬਿਲਕੁਲ ਵੱਖਰਾ ਸੀ।
ਡੈਲਟਾਕ੍ਰੋਨ ਦਾ ਨਮੂਨਾ ਉੱਤਰੀ ਫਰਾਂਸ ਦੇ ਇੱਕ ਬਜ਼ੁਰਗ ਵਿਅਕਤੀ ਤੋਂ ਆਇਆ। ਸੈਂਪਲ ਚੈੱਕ ਕਰਨ 'ਤੇ ਵੇਰੀਐਂਟ ਕਾਫੀ ਵੱਖਰਾ ਨਜ਼ਰ ਆਇਆ। ਇਸ ਵੇਰੀਐਂਟ ਦੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਇਸ ਦੇ ਜ਼ਿਆਦਾਤਰ ਜੈਨੇਟਿਕਸ ਡੈਲਟਾ ਵੇਰੀਐਂਟ ਨਾਲ ਮਿਲਦੇ-ਜੁਲਦੇ ਸੀ, ਜੋ ਕਿ ਪਿਛਲੇ ਸਾਲ ਦੇ ਅੰਤ ਤੱਕ ਦੁਨੀਆ ਭਰ ਵਿੱਚ ਪ੍ਰਮੁੱਖ ਰੂਪ ਸੀ। ਪਰ ਇਸ ਵੇਰੀਐਂਟ ਦਾ ਉਹ ਹਿੱਸਾ ਜੋ ਵਾਇਰਸ ਦੇ ਸਪਾਈਕ ਪ੍ਰੋਟੀਨ ਨੂੰ ਏਨਕੋਡ ਕਰਦਾ ਹੈ ਅਤੇ ਜਿਸਦੀ ਵਰਤੋਂ ਇਹ ਸੈੱਲਾਂ ਦੇ ਅੰਦਰ ਜਾਣ ਲਈ ਕਰਦਾ ਹੈ, ਓਮਿਕਰੋਨ ਤੋਂ ਆਇਆ ਹੈ।
Institut Pasteur ਦੇ ਵਿਗਿਆਨੀਆਂ ਨੇ ਕਿਹਾ, ਯੂਕੇ ਅਤੇ ਯੂਐਸ ਵਿੱਚ ਰਿਪੋਰਟ ਕੀਤੇ ਗਏ ਡੈਲਟਾਕ੍ਰੋਨ ਵੇਰੀਐਂਟ ਵਿੱਚ ਕੁਝ ਅੰਤਰ ਹੈ। ਇਸ ਲਈ ਇਹ ਕਈ ਰੂਪ ਵੀ ਲੈ ਸਕਦਾ ਹੈ।
DeltaCron ਦੇ ਮੁੱਖ ਲੱਛਣ
ਜੇਕਰ ਕੋਈ ਵਿਅਕਤੀ ਡੈਲਟਾ ਨਾਲ ਸੰਕਰਮਿਤ ਹੈ, ਤਾਂ ਸੰਕਰਮਿਤ ਵਿਅਕਤੀ ਕੁਝ ਹਲਕੇ ਅਤੇ ਕੁਝ ਗੰਭੀਰ ਲੱਛਣ ਮਹਿਸੂਸ ਕਰ ਸਕਦਾ ਹੈ।
ਸਿਰਦਰਦ, ਤੇਜ਼ ਬੁਖਾਰ, ਪਸੀਨਾ ਆਉਣਾ, ਠੰਢ ਲੱਗਣਾ, ਗਲੇ ਵਿੱਚ ਖਰਾਸ਼, ਲਗਾਤਾਰ ਖੰਘ, ਥਕਾਵਟ, ਊਰਜਾ ਦੀ ਕਮੀ, ਸਰੀਰ ਵਿੱਚ ਦਰਦ ਓਮੀਕ੍ਰੋਨ BA.2 ਰੂਪ ਦੇ ਲੱਛਣ ਹਨ।
Omicron BA.2 ਦੇ ਹੋਰ ਲੱਛਣ ਬੁਖਾਰ, ਖੰਘ, ਗਲੇ ਵਿੱਚ ਖਰਾਸ਼, ਸਿਰ ਦਰਦ, ਥਕਾਵਟ ਅਤੇ ਦਿਲ ਦੀ ਧੜਕਣ ਵਧਣਾ ਹਨ।
ਡੇਲਟਾਕ੍ਰੋਨ 'ਤੇ ਕੀਤੇ ਗਏ ਅਧਿਐਨ ਮੁਤਾਬਕ ਇਸ ਵੇਰੀਐਂਟ ਦੇ ਦੋ ਮੁੱਖ ਲੱਛਣ ਚੱਕਰ ਆਉਣੇ ਅਤੇ ਥਕਾਵਟ ਹਨ, ਜੋ ਲਾਗ ਦੇ 2-3 ਦਿਨਾਂ ਦੇ ਅੰਦਰ ਮਹਿਸੂਸ ਹੋਣ ਲੱਗਦੇ ਹਨ।
ਕੁਝ ਰਿਪੋਰਟਾਂ ਦੱਸਦੀਆਂ ਹਨ ਕਿ ਡੈਲਟਾਕ੍ਰੋਨ ਨੱਕ ਨਾਲੋਂ ਪੇਟ ਨੂੰ ਜ਼ਿਆਦਾ ਪ੍ਰਭਾਵਿਤ ਕਰ ਰਿਹਾ ਹੈ। ਪੇਟ 'ਤੇ ਇਸ ਦੇ ਪ੍ਰਭਾਵ ਕਾਰਨ, ਮਰੀਜ਼ ਨੂੰ ਮਤਲੀ, ਦਸਤ, ਉਲਟੀਆਂ, ਪੇਟ ਦਰਦ, ਜਲਨ, ਫੁੱਲਣਾ ਅਤੇ ਪਾਚਨ ਸਮੱਸਿਆਵਾਂ ਦਾ ਅਨੁਭਵ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ: Russia-Ukraine War: ਪਿਛਲੇ ਹਫ਼ਤੇ ਯੂਕਰੇਨ ਦੇ ਥੀਏਟਰ 'ਤੇ ਰੂਸੀ ਹਮਲੇ 'ਚ ਮਾਰੇ ਗਏ ਸੀ 300 ਲੋਕ: ਰਿਪੋਰਟ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
