(Source: ECI/ABP News)
Income Tax Raid: ਇਨਕਮ ਟੈਕਸ ਵਿਭਾਗ ਨੇ ਯੂਨੀਕੋਰਨ ਗਰੁੱਪ 'ਤੇ ਛਾਪਾ ਮਾਰ ਕੇ ਜ਼ਬਤ ਕੀਤੀ ਇੱਕ ਕਰੋੜ ਦੀ ਨਕਦੀ, ਲੱਖਾਂ ਦੇ ਗਹਿਣੇ ਵੀ ਬਰਾਮਦ
ਇਨਕਮ ਟੈਕਸ ਵਿਭਾਗ ਨੇ 9 ਮਾਰਚ ਨੂੰ ਪੁਣੇ ਤੇ ਠਾਣੇ ਸਥਿਤ ਯੂਨੀਕੋਰਨ ਸਟਾਰਟ-ਅੱਪ ਗਰੁੱਪ 'ਤੇ ਸਰਚ ਤੇ ਜ਼ਬਤ ਮੁਹਿੰਮ ਚਲਾਈ, ਜੋ ਮੁੱਖ ਤੌਰ 'ਤੇ ਉਸਾਰੀ ਸਮੱਗਰੀ ਦਾ ਹੋਲਸੇਲ ਤੇ ਰਿਟੇਲ ਦਾ ਕਾਰੋਬਾਰ ਦਾ ਕਰਦਾ ਹੈ।
ਨਵੀਂ ਦਿੱਲੀ: ਇਨਕਮ ਟੈਕਸ ਵਿਭਾਗ ਨੇ 9 ਮਾਰਚ ਨੂੰ ਪੁਣੇ ਤੇ ਠਾਣੇ ਸਥਿਤ ਯੂਨੀਕੋਰਨ ਸਟਾਰਟ-ਅੱਪ ਗਰੁੱਪ 'ਤੇ ਸਰਚ ਤੇ ਜ਼ਬਤ ਮੁਹਿੰਮ ਚਲਾਈ, ਜੋ ਮੁੱਖ ਤੌਰ 'ਤੇ ਉਸਾਰੀ ਸਮੱਗਰੀ ਦਾ ਹੋਲਸੇਲ ਤੇ ਰਿਟੇਲ ਦਾ ਕਾਰੋਬਾਰ ਦਾ ਕਰਦਾ ਹੈ। ਇਸ ਸਮੂਹ ਦਾ ਪੂਰੇ ਭਾਰਤ ਵਿੱਚ ਸੰਚਾਲਨ ਹੈ, ਇਸ ਦਾ ਸਾਲਾਨਾ ਕਾਰੋਬਾਰ ਲਗਪਗ 6 ਹਜ਼ਾਰ ਕਰੋੜ ਰੁਪਏ ਹੈ।
ਇਨਕਮ ਟੈਕਸ ਵਿਭਾਗ ਦੀ ਟੀਮ ਇਸ ਛਾਪੇਮਾਰੀ ਦੌਰਾਨ ਕੁੱਲ 23 ਥਾਵਾਂ 'ਤੇ ਤਲਾਸ਼ੀ ਮੁਹਿੰਮ ਚਲਾਉਣ ਗਈ ਸੀ, ਜੋ ਮਹਾਰਾਸ਼ਟਰ, ਕਰਨਾਟਕ, ਆਂਧਰਾ ਪ੍ਰਦੇਸ਼, ਉੱਤਰ ਪ੍ਰਦੇਸ਼ ਅਤੇ ਮੱਧ ਪ੍ਰਦੇਸ਼ 'ਚ ਹਨ। ਤਲਾਸ਼ੀ ਮੁਹਿੰਮ ਦੌਰਾਨ ਵੱਡੀ ਮਾਤਰਾ 'ਚ ਅਪਰਾਧਕ ਸਬੂਤ ਮਿਲੇ ਹਨ ,ਜੋ ਹਾਰਡ ਕਾਪੀ ਦਸਤਾਵੇਜ਼ਾਂ ਅਤੇ ਡਿਜੀਟਲ ਡਾਟਾ ਦੇ ਰੂਪ 'ਚ ਹਨ।
ਇਨਕਮ ਟੈਕਸ ਵਿਭਾਗ ਦੇ ਸੂਤਰਾਂ ਨੇ ਦੱਸਿਆ ਕਿ ਤਲਾਸ਼ੀ ਮੁਹਿੰਮ ਦੌਰਾਨ ਮਿਲੇ ਸਬੂਤਾਂ ਤੋਂ ਪਤਾ ਲੱਗਦਾ ਹੈ ਕਿ ਇਸ ਗਰੁੱਪ ਨੇ ਫਰਜ਼ੀ ਖਰੀਦਦਾਰੀ ਕੀਤੀ ਹੈ, ਬੇਹਿਸਾਬ ਨਕਦੀ ਖਰਚੀ ਹੈ ਤੇ ਇਹ ਸਾਰੀ ਰਕਮ ਮਿਲਾ ਕੇ ਕਰੀਬ 400 ਕਰੋੜ ਰੁਪਏ ਬਣਦੀ ਹੈ। ਇਨ੍ਹਾਂ ਸਬੂਤਾਂ ਦਾ ਸਾਹਮਣਾ ਇਸ ਗਰੁੱਪ ਦੇ ਡਿਟੈਕਟਰ ਨੇ ਕੀਤਾ ਹੈ, ਜਿਸ ਵਿਚ ਇਸ ਗਰੁੱਪ ਦੇ ਸਮੁੱਚੇ ਕੰਮਕਾਜ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ।
224 ਕਰੋੜ ਰੁਪਏ ਦੀ ਵਾਧੂ ਆਮਦਨ ਦਾ ਹੋਇਆ ਖੁਲਾਸਾ
ਇਸ ਤੋਂ ਇਲਾਵਾ ਉਸ ਨੇ 224 ਕਰੋੜ ਰੁਪਏ ਤੋਂ ਵੱਧ ਦੀ ਵਾਧੂ ਆਮਦਨ ਦਾ ਖੁਲਾਸਾ ਕੀਤਾ ਹੈ। ਸਰਚ ਮੁਹਿੰਮ ਤੋਂ ਪਤਾ ਲੱਗਾ ਹੈ ਕਿ ਗਰੁੱਪ ਨੇ ਪ੍ਰੀਮੀਅਮ ਸ਼ੇਅਰ ਜਾਰੀ ਕਰਕੇ ਮਾਰੀਸ਼ਸ ਰਾਹੀਂ ਵੱਡੀ ਮਾਤਰਾ ਵਿੱਚ ਵਿਦੇਸ਼ੀ ਫੰਡ ਪ੍ਰਾਪਤ ਕੀਤੇ ਸਨ। ਤਲਾਸ਼ੀ ਮੁਹਿੰਮ ਦੌਰਾਨ ਆਮਦਨ ਕਰ ਵਿਭਾਗ ਨੂੰ ਮੁੰਬਈ ਅਤੇ ਠਾਣੇ ਸਥਿਤ ਕੁਝ ਸ਼ੈਲ ਕੰਪਨੀਆਂ ਦੇ ਹਵਾਲਾ ਨੈੱਟਵਰਕ ਬਾਰੇ ਵੀ ਪਤਾ ਲੱਗਾ। ਇਹ ਸ਼ੈੱਲ ਕੰਪਨੀਆਂ ਕਾਗਜ਼ 'ਤੇ ਮੌਜੂਦ ਹਨ ਅਤੇ ਸਿਰਫ ਦਾਖਲੇ ਦੇ ਉਦੇਸ਼ ਲਈ ਬਣਾਈਆਂ ਗਈਆਂ ਸਨ।
ਨਕਦੀ ਸਮੇਤ ਗਹਿਣੇ ਕੀਤੇ ਜ਼ਬਤ
ਅਸੀਂ ਸ਼ੁਰੂਆਤੀ ਵਿਸ਼ਲੇਸ਼ਣਾਂ ਤੋਂ ਪਾਇਆ ਹੈ ਕਿ ਇਹਨਾਂ ਸ਼ੈੱਲ ਕੰਪਨੀਆਂ ਦੁਆਰਾ ਪ੍ਰਦਾਨ ਕੀਤੀ ਐਂਟਰੀ ਲਗਭਗ 1,500 ਕਰੋੜ ਰੁਪਏ ਹੈ। ਹੁਣ ਤੱਕ ਇਕ ਕਰੋੜ ਰੁਪਏ ਜਿਨ੍ਹਾਂ ਦਾ ਕੋਈ ਹਿਸਾਬ-ਕਿਤਾਬ ਨਹੀਂ ਸੀ ਅਤੇ 22 ਲੱਖ ਰੁਪਏ ਦੇ ਗਹਿਣੇ, ਇਹ ਸਾਰਾ ਸਾਮਾਨ ਜ਼ਬਤ ਕਰ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ : ਆਮ ਆਦਮੀ ਪਾਰਟੀ ਦੇ ਇਸ ਲੀਡਰ ਦੀ ਕਾਰ ਦੀ ਭੰਨ੍ਹ-ਤੋੜ, ਪੁਲਿਸ ਨੇ ਦਬੋਚੇ ਸ਼ਰਾਰਤੀ ਅਨਸਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id81111490
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
