Independence Day: ਸੁਤੰਤਰਤਾ ਦਿਵਸ 'ਤੇ ਦਿੱਲੀ ਦੀਆਂ ਸਰਹੱਦਾਂ 'ਤੇ ਪਾਬੰਦੀ, ਕੁਝ ਵਾਹਨਾਂ 'ਤੇ ਰੋਕ - ਟ੍ਰੈਫਿਕ ਐਡਵਾਇਜ਼ਰੀ ਜ਼ਰੂਰ ਪੜ੍ਹ ਲਓ...
15 ਅਗਸਤ ਦੀ ਸਵੇਰ 4:00 ਵਜੇ ਤੋਂ 10:00 ਵਜੇ ਤੱਕ ਕਈ ਸੜਕਾਂ ਆਮ ਟ੍ਰੈਫਿਕ ਲਈ ਬੰਦ ਰਹਿਣਗੀਆਂ। ਸਿਰਫ਼ ਚੁਣੇ ਵਾਹਨਾਂ ਨੂੰ ਹੀ ਆਗਿਆ ਮਿਲੇਗੀ। ਇਨ੍ਹਾਂ ਵਿੱਚ ਨੇਤਾਜੀ ਸੁਭਾਸ਼ ਮਾਰਗ, ਐਸ.ਪੀ. ਮੁਖਰਜੀ ਮਾਰਗ, ਚਾਂਦਨੀ ਚੌਕ ਰੋਡ, ਐਸਪਲੇਨਡ..
ਦਿੱਲੀ ਵਿੱਚ 79ਵੇਂ ਸੁਤੰਤਰਤਾ ਦਿਵਸ ਦੇ ਮੌਕੇ 'ਤੇ ਪੁਲਿਸ ਵੱਲੋਂ ਟ੍ਰੈਫ਼ਿਕ ਲਈ ਸਖਤ ਪ੍ਰਬੰਧ ਕੀਤੇ ਗਏ ਹਨ। ਦਿੱਲੀ ਪੁਲਿਸ ਦੇ ਐਡੀਸ਼ਨਲ ਸੀਪੀ ਟ੍ਰੈਫ਼ਿਕ, ਦਿਨੇਸ਼ ਕੁਮਾਰ ਗੁਪਤਾ ਨੇ ਜਾਣਕਾਰੀ ਦਿੱਤੀ ਹੈ ਕਿ ਬਾਰਡਰਾਂ 'ਤੇ ਕਈ ਟੀਮਾਂ ਤਾਇਨਾਤ ਹਨ। ਵੀਰਵਾਰ (14 ਅਗਸਤ) ਦੀ ਰਾਤ 10 ਵਜੇ ਤੋਂ ਬਾਰਡਰਾਂ 'ਤੇ ਰੋਕਾਂ ਲਾਗੂ ਹੋ ਚੁੱਕੀਆਂ ਹਨ। ਕਿਸੇ ਵੀ ਵਪਾਰਕ ਵਾਹਨ ਦੀ ਐਂਟਰੀ 'ਤੇ ਰੋਕ ਹੈ।
ਟਿਕਰੀ, ਬਦਰਪੁਰ ਬਾਰਡਰ ਅਤੇ ਗੁਆਂਢੀ ਰਾਜ ਯੂਪੀ-ਹਰਿਆਣਾ ਦੇ ਅਧਿਕਾਰੀਆਂ ਨਾਲ ਵੀ ਦਿੱਲੀ ਪੁਲਿਸ ਸੰਪਰਕ ਵਿੱਚ ਹੈ। ਇਹ ਪਾਬੰਦੀਆਂ 15 ਅਗਸਤ ਦੀ ਰਾਤ 12 ਵਜੇ ਤੱਕ ਲਾਗੂ ਰਹਿਣਗੀਆਂ।
ਦਿੱਲੀ ‘ਚ VIP ਮੂਵਮੈਂਟ ਲਈ ਸਖਤ ਸੁਰੱਖਿਆ ਦੇ ਪ੍ਰਬੰਧ
ਦਿੱਲੀ ਪੁਲਿਸ ਦਾ ਕਹਿਣਾ ਹੈ ਕਿ ਦਿੱਲੀ ‘ਚ ਸਵੇਰੇ ਤੋਂ ਹੀ VIP ਮੂਵਮੈਂਟ ਹੋਵੇਗੀ, ਜਿਸ ਲਈ ਵਿਸਥਾਰਪੂਰਣ ਟ੍ਰੈਫ਼ਿਕ ਐਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ। ਲੋਕ ਇਸਦਾ ਪਾਲਣ ਕਰਨ। ਹਰ ਪੁਆਇੰਟ ‘ਤੇ ਸਾਡਾ ਸਟਾਫ਼ ਹੋਵੇਗਾ, ਜੋ ਲੋਕਾਂ ਨੂੰ ਗਾਈਡ ਕਰਦਾ ਰਹੇਗਾ। ਅਸੀਂ ਟ੍ਰੈਫ਼ਿਕ ਪੁਲਿਸ ਦਾ ਵੱਧ ਤੋਂ ਵੱਧ ਸਟਾਫ਼ ਇਸ ਵਿੱਚ ਲਗਾਇਆ ਹੈ।
ਮੋਟਰਸਾਈਕਲ ਪੈਟਰੋਲਿੰਗ ਕੀਤੀ ਜਾਵੇਗੀ। ACP, DCP ਖੁਦ ਏਰੀਆ ਵਿੱਚ ਮਾਨੀਟਰਿੰਗ ਕਰਨਗੇ। 15 ਅਗਸਤ ਦੇ ਦਿਨ ਟ੍ਰੈਫ਼ਿਕ ਦੀ ਆਵਾਜਾਈ ਸੁਚਾਰੂ ਰਹੇ, VIP ਮੂਵਮੈਂਟ ਵੀ ਠੀਕ ਤਰੀਕੇ ਨਾਲ ਚੱਲੇ ਅਤੇ ਲੋਕਾਂ ਨੂੰ ਘੱਟ ਤੋਂ ਘੱਟ ਅਸੁਵਿਧਾ ਹੋਵੇ।
ਪੁਲਿਸ ਅਧਿਕਾਰੀ ਨੇ ਦੱਸਿਆ, "ਬਾਰਡਰ ‘ਤੇ ਸਾਡੇ ਗੁਆਂਢੀ ਜ਼ਿਲ੍ਹਿਆਂ ਫਰੀਦਾਬਾਦ, ਗੁਰਗਾਂਵ, ਗਾਜ਼ੀਆਬਾਦ, ਨੋਇਡਾ ਦੇ ਟ੍ਰੈਫਿਕ ਅਧਿਕਾਰੀਆਂ ਨਾਲ ਸਾਡੀ ਮੀਟਿੰਗ ਹੋ ਚੁੱਕੀ ਹੈ। ਪਾਬੰਦੀਆਂ ਦੇ ਕਾਰਨ ਲੋਕਾਂ ਨੂੰ ਬਾਰਡਰ ‘ਤੇ ਆਉਣ ਨਹੀਂ ਦਿੱਤਾ ਜਾਵੇਗਾ, ਉਨ੍ਹਾਂ ਨੂੰ ਇਸ ਤੋਂ ਪਹਿਲਾਂ ਹੀ ਰੋਕ ਦਿੱਤਾ ਜਾਵੇਗਾ। ਇਸ ਨਾਲ ਬਾਰਡਰ ‘ਤੇ ਜਾਮ ਨਹੀਂ ਲੱਗੇਗਾ। ਜੋ ਲੋਕ ਗੈਰ-ਵਪਾਰਕ ਵਾਹਨ ਲੈ ਕੇ ਆ ਰਹੇ ਹਨ, ਉਨ੍ਹਾਂ ਕਾਰਨ ਵੀ ਜਾਮ ਨਾ ਲੱਗੇ, ਇਸ ਲਈ ਪੂਰੀ ਵਿਵਸਥਾ ਕਰ ਲਈ ਗਈ ਹੈ। 14 ਅਗਸਤ ਦੀ ਰਾਤ 10 ਵਜੇ ਤੋਂ ਡਾਈਵਰਜਨ ਸ਼ੁਰੂ ਹੋ ਗਿਆ ਹੈ ਅਤੇ 15 ਅਗਸਤ ਦੀ ਰਾਤ 12 ਵਜੇ ਤੱਕ ਡਾਈਵਰਜਨ ਖੋਲ੍ਹਿਆ ਜਾਵੇਗਾ।"
ਦਿੱਲੀ ਦੇ ਇਹਨਾਂ ਰਸਤਿਆਂ 'ਤੇ ਜਾਣ ਤੋਂ ਬਚੋ
ਦਿੱਲੀ ਪੁਲਿਸ ਨੇ ਜਨਤਾ ਦੀ ਸੁਵਿਧਾ ਅਤੇ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦਿਆਂ, ਲਾਲ ਕਿਲ੍ਹੇ 'ਤੇ ਹੋਣ ਵਾਲੇ ਸੁਤੰਤਰਤਾ ਦਿਵਸ ਸਮਾਰੋਹ ਦੇ ਮੱਦੇਨਜ਼ਰ ਰਾਸ਼ਟਰੀ ਐਡਵਾਇਜ਼ਰੀ ਜਾਰੀ ਕੀਤੀ ਹੈ। 15 ਅਗਸਤ ਦੀ ਸਵੇਰ 4:00 ਵਜੇ ਤੋਂ 10:00 ਵਜੇ ਤੱਕ ਕਈ ਸੜਕਾਂ ਆਮ ਟ੍ਰੈਫਿਕ ਲਈ ਬੰਦ ਰਹਿਣਗੀਆਂ। ਸਿਰਫ਼ ਚੁਣੇ ਵਾਹਨਾਂ ਨੂੰ ਹੀ ਆਗਿਆ ਮਿਲੇਗੀ। ਇਨ੍ਹਾਂ ਵਿੱਚ ਨੇਤਾਜੀ ਸੁਭਾਸ਼ ਮਾਰਗ, ਐਸ.ਪੀ. ਮੁਖਰਜੀ ਮਾਰਗ, ਚਾਂਦਨੀ ਚੌਕ ਰੋਡ, ਐਸਪਲੇਨਡ ਰੋਡ ਅਤੇ ਰਾਜਘਾਟ ਤੋਂ ISBT ਤੱਕ ਦੀ ਰਿੰਗ ਰੋਡ ਸ਼ਾਮਲ ਹਨ।
ਦਿੱਲੀ ਪੁਲਿਸ ਨੇ ਲੋਕਾਂ ਨੂੰ C-ਹੈਕਸਾਗਨ ਇੰਡੀਆ ਗੇਟ, ਕੌਪਰਨਿਕਸ ਮਾਰਗ, ਮੰਡੀ ਹਾਊਸ, A ਪੌਇੰਟ ਤਿਲਕ ਮਾਰਗ ਅਤੇ ਮਥੁਰਾ ਰੋਡ ਤੋਂ ਵੀ ਬਚਣ ਦੀ ਸਲਾਹ ਦਿੱਤੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
