ਭਾਰਤ ਨੇ ਵਧਾਏ ਪਰਮਾਣੂ ਹਥਿਆਰ: ਪਾਕਿਸਤਾਨ ਨੂੰ ਝਟਕਾ! SIPRI ਰਿਪੋਰਟ 'ਚ ਵੱਡਾ ਖੁਲਾਸਾ
SIPRI ਦੀ ਨਵੀਂ ਰਿਪੋਰਟ ਮੁਤਾਬਕ, ਭਾਰਤ ਪਰਮਾਣੂ ਹਥਿਆਰਾਂ ਦੇ ਮਾਮਲੇ 'ਚ ਪਾਕਿਸਤਾਨ ਤੋਂ ਅੱਗੇ ਹੈ। ਇਸਦੇ ਨਾਲ-ਨਾਲ ਭਾਰਤ ਹੌਲੀ-ਹੌਲੀ ਪਰਮਾਣੂ ਹਥਿਆਰ ਲਿਜਾਣ ਵਾਲੀਆਂ ਮਿਸਾਈਲਾਂ ਦੀ ਗਿਣਤੀ ਵੀ ਵਧਾ ਰਿਹਾ ਹੈ।
India Increases Nuclear Weapons: ਗੁਆਂਢੀ ਮੁਲਕ ਪਾਕਿਸਤਾਨ ਜੋ ਕਿ ਹਰ ਵਾਰ ਐਟਮ ਬੰਬ ਦੀ ਧਮਕੀ ਦੇਣ ਲੱਗ ਪੈਂਦਾ ਹੈ, ਹੁਣ ਉਸ ਨੂੰ ਵੱਡਾ ਝਟਕਾ ਲੱਗ ਸਕਦਾ ਹੈ, ਕਿਉਂਕਿ ਭਾਰਤ ਨੇ ਆਪਣੇ ਪਰਮਾਣੂ ਹਥਿਆਰਾਂ ਦੀ ਗਿਣਤੀ ਵਧਾ ਲਈ ਹੈ। ਇਸ ਸਾਲ ਭਾਰਤ ਦੇ ਕੋਲ ਪਰਮਾਣੂ ਹਥਿਆਰਾਂ ਦੀ ਗਿਣਤੀ 180 ਤੱਕ ਪਹੁੰਚ ਗਈ ਹੈ। ਸਟਾਕਹੋਮ ਇੰਟਰਨੈਸ਼ਨਲ ਪੀਸ ਰਿਸਰਚ ਇੰਸਟੀਚਿਊਟ (SIPRI) ਦੀ ਨਵੀਂ ਰਿਪੋਰਟ ਮੁਤਾਬਕ, ਭਾਰਤ ਪਰਮਾਣੂ ਹਥਿਆਰਾਂ ਦੇ ਮਾਮਲੇ 'ਚ ਪਾਕਿਸਤਾਨ ਤੋਂ ਅੱਗੇ ਹੈ। ਇਸਦੇ ਨਾਲ-ਨਾਲ ਭਾਰਤ ਹੌਲੀ-ਹੌਲੀ ਪਰਮਾਣੂ ਹਥਿਆਰ ਲਿਜਾਣ ਵਾਲੀਆਂ ਮਿਸਾਈਲਾਂ ਦੀ ਗਿਣਤੀ ਵੀ ਵਧਾ ਰਿਹਾ ਹੈ।
SIPRI ਦੀ ਰਿਪੋਰਟ ਨੇ ਉੱਡਾਏ ਹੋਸ਼
ਸਿਪਰੀ (SIPRI) ਦੀ ਰਿਪੋਰਟ ਅਨੁਸਾਰ, ਭਾਰਤ ਬਹੁਤ ਤੇਜ਼ੀ ਨਾਲ ਆਪਣੇ ਪਰਮਾਣੂ ਹਥਿਆਰਾਂ ਦੀ ਗਿਣਤੀ ਵਧਾ ਰਿਹਾ ਹੈ। ਇਸ ਸਾਲ ਭਾਰਤ ਕੋਲ ਪਰਮਾਣੂ ਹਥਿਆਰਾਂ ਦੀ ਗਿਣਤੀ 180 ਹੋ ਗਈ ਹੈ, ਜਦਕਿ ਪਿਛਲੇ ਸਾਲ ਤੱਕ ਇਹ ਗਿਣਤੀ 172 ਸੀ। ਪਿਛਲੇ ਸਾਲ ਦੀ ਰਿਪੋਰਟ ਮੁਤਾਬਕ, ਪਾਕਿਸਤਾਨ ਕੋਲ 170 ਪਰਮਾਣੂ ਹਥਿਆਰ ਹਨ।
ਰਿਪੋਰਟ ਵਿੱਚ ਇਹ ਵੀ ਦੱਸਿਆ ਗਿਆ ਕਿ ਭਾਰਤ ਦੀਆਂ ਨਵੀਆਂ 'ਕੈਨਿਸਟਰਾਈਜ਼ਡ' ਮਿਸਾਈਲਾਂ ਕਾਫੀ ਸੁਰੱਖਿਅਤ ਹਨ। ਇਹ ਮਿਸਾਈਲਾਂ ਅਜਿਹੀਆਂ ਹੁੰਦੀਆਂ ਹਨ ਜਿਨ੍ਹਾਂ ਵਿੱਚ ਪਰਮਾਣੂ ਹਥਿਆਰ ਪਹਿਲਾਂ ਤੋਂ ਲੋਡ ਕੀਤੇ ਜਾ ਸਕਦੇ ਹਨ ਅਤੇ ਇਹ ਸ਼ਾਂਤੀ ਦੇ ਸਮੇਂ ਵਿੱਚ ਵੀ ਪਰਮਾਣੂ ਹਥਿਆਰ ਲਿਜਾਣ ਵਿੱਚ ਸਮਰਥ ਹੁੰਦੀਆਂ ਹਨ। ਆਉਣ ਵਾਲੇ ਸਮੇਂ ਵਿੱਚ ਇਹ ਨਵੀਂ ਪੀੜ੍ਹੀ ਦੀਆਂ ਮਿਸਾਈਲਾਂ ਇੱਕ ਵਾਰ ਵਿੱਚ ਕਈ ਪਰਮਾਣੂ ਹਥਿਆਰ ਲਿਜਾਣ ਦੀ ਸਮਰਥਾ ਰੱਖਣਗੀਆਂ।
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਭਾਰਤ ਨਵੇਂ ਪਰਮਾਣੂ ਹਥਿਆਰ ਪ੍ਰਣਾਲੀਆਂ (ਨਿਊਕਲਿਅਰ ਸਿਸਟਮ) ਦਾ ਵਿਕਾਸ ਕਰ ਰਿਹਾ ਹੈ ਅਤੇ ਉਸ ਦੀਆਂ ਨਵੀਆਂ ਕੈਨਿਸਟਰਾਈਜ਼ਡ ਮਿਸਾਈਲਾਂ ਇਕ ਵਾਰ ਓਪਰੇਸ਼ਨਲ ਹੋਣ ਤੋਂ ਬਾਅਦ ਇੱਕ ਮਿਸਾਈਲ 'ਤੇ ਕਈ ਵਾਰਹੈੱਡ (ਬੰਬ) ਲੋਡ ਕਰਨ ਵਿੱਚ ਸਮਰਥ ਹੋਣਗੀਆਂ।
ਭਾਰਤ ਦੇ ਨਵੇਂ ਪੀੜ੍ਹੀ ਵਾਲੇ ਮਿਸਾਈਲ ਸਿਸਟਮ ਵਿੱਚ ਅਗਨੀ ਪ੍ਰਾਈਮ (Agni-P) ਅਤੇ MIRV (ਮਲਟੀਪਲ ਇੰਡਿਪੈਂਡਟਲੀ ਟਾਰਗੇਟੇਬਲ ਰੀ-ਐਂਟਰੀ ਵਾਹਨ) ਯੁਕਤ ਅਗਨੀ-5 ਮਿਸਾਈਲ ਸ਼ਾਮਲ ਹਨ। ਭਾਰਤੀ ਰੱਖਿਆ ਮੰਤਰਾਲੇ ਅਨੁਸਾਰ ਅਗਨੀ-P, ਅਗਨੀ ਮਿਸਾਈਲ ਸੀਰੀਜ਼ ਦਾ ਸਭ ਤੋਂ ਐਡਵਾਂਸਡ ਮਾਡਲ ਹੈ, ਜੋ ਕਿ ਇੱਕ ਕੈਨਿਸਟਰਾਈਜ਼ਡ ਮਿਸਾਈਲ ਹੈ ਅਤੇ 1000 ਤੋਂ 2000 ਕਿਲੋਮੀਟਰ ਤੱਕ ਨਿਸ਼ਾਨਾ ਲਾ ਸਕਦੀ ਹੈ।
ਪਿਛਲੇ ਸਾਲ ਭਾਰਤ ਨੇ MIRV ਯੋਗ ਅਗਨੀ-5 ਮਿਸਾਈਲ ਦਾ ਸਫਲ ਟੈਸਟ ਕੀਤਾ ਸੀ, ਜੋ 5000 ਕਿਲੋਮੀਟਰ ਦੀ ਦੂਰੀ ਤੋਂ ਵੀ ਨਿਸ਼ਾਨਾ ਲਾ ਸਕਦੀ ਹੈ। ਸਿਪਰੀ (SIPRI) ਨੇ ਪਾਕਿਸਤਾਨ ਦੇ ਪਰਮਾਣੂ ਕਾਰਜਕ੍ਰਮ ਬਾਰੇ ਦੱਸਿਆ ਕਿ ਉਹ ਵੀ ਨਵੀਆਂ ਨਿਊਕਲਿਅਰ ਮਿਸਾਈਲਾਂ ਤਿਆਰ ਕਰ ਰਿਹਾ ਹੈ। 2024 ਵਿੱਚ ਪਾਕਿਸਤਾਨ ਨੇ ਹਥਿਆਰ ਬਣਾਉਣ ਲਈ ਜ਼ਰੂਰੀ ਸਮੱਗਰੀ ਇਕੱਠੀ ਕੀਤੀ, ਜੋ ਇਹ ਦਰਸਾਉਂਦੀ ਹੈ ਕਿ ਉਹ ਕਿੰਨੀ ਤੇਜ਼ੀ ਨਾਲ ਆਪਣੇ ਪਰਮਾਣੂ ਪ੍ਰੋਗਰਾਮ 'ਤੇ ਕੰਮ ਕਰ ਰਿਹਾ ਹੈ।
SIPRI ਨੇ ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਪਿਛਲੇ ਮਹੀਨੇ ਹੋਈ 3-4 ਦਿਨਾਂ ਦੀ ਲੜਾਈ 'ਤੇ ਵੀ ਚਿੰਤਾ ਜਤਾਈ ਹੈ। SIPRI ਨਾਲ ਕੰਮ ਕਰ ਰਹੇ ਮਟ ਕੋਰਡਾ ਨੇ ਕਿਹਾ ਕਿ ਜੇਕਰ ਪਰਮਾਣੂ ਠਿਕਾਣਿਆਂ 'ਤੇ ਹਮਲੇ ਹੋਣ ਜਾਂ ਗਲਤ ਜਾਣਕਾਰੀ ਫੈਲ ਜਾਵੇ, ਤਾਂ ਇੱਕ ਛੋਟੀ ਲੜਾਈ ਵੀ ਪਰਮਾਣੂ ਜੰਗ ਵਿੱਚ ਬਦਲ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਉਹਨਾਂ ਦੇਸ਼ਾਂ ਲਈ ਇੱਕ ਗੰਭੀਰ ਚੇਤਾਵਨੀ ਹੈ ਜੋ ਆਪਣੇ ਰੱਖਿਆ ਸਿਸਟਮ ਲਈ ਪਰਮਾਣੂ ਹਥਿਆਰਾਂ 'ਤੇ ਆਧਾਰ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
Before You Go
Mobiles worth 1 crore | ਫਤਿਹਗੜ੍ਹ ਸਾਹਿਬ ਪੁਲਿਸ ਦੀ ਵੱਡੀ ਕਾਮਯਾਬੀ, 1 ਕਰੋੜ ਦੇ ਮੋਬਾਈਲ ਕੀਤੇ ਬਰਾਮਦ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
