ISI ਦੇ ਇਸ਼ਾਰੇ 'ਤੇ ਦਿੱਲੀ 'ਚ ਹਮਲੇ ਦੀ ਸਾਜ਼ਿਸ਼, ਦੋ ਜਾਸੂਸ ਕਾਬੂ, ਰਾਵਲਪਿੰਡੀ 'ਚ ਲਈ ਸੀ ਟਰੇਨਿੰਗ
ਰਾਜਧਾਨੀ ਦਿੱਲੀ 'ਚ ਇਕ ਵਾਰੀ ਫਿਰ ਭਾਰਤ ਦੀਆਂ ਖੁਫੀਆ ਏਜੰਸੀਆਂ ਨੇ ਆਪਣੀ ਸਮਝਦਾਰੀ ਅਤੇ ਚੌਕਸੀ ਨਾਲ ਪਾਕਿਸਤਾਨ ਦੀ ਖਤਰਨਾਕ ਖੁਫੀਆ ਏਜੰਸੀ ISI ਦੀ ਸਾਜ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ। 3 ਮਹੀਨੇ ਤੱਕ ਚੱਲੇ ਇਕ ਗੁਪਤ ਓਪਰੇਸ਼ਨ ਦੌਰਾਨ ਦੋ ਜਾਸੂਸਾਂ..
ISI Conspiracy Failed: ਦੇਸ਼ ਦੀ ਰਾਜਧਾਨੀ ਦਿੱਲੀ ਅਤੇ ਐਨ.ਸੀ.ਆਰ. ਨੂੰ ਹਿਲਾ ਦੇਣ ਦੀ ISI ਦੀ ਵੱਡੀ ਸਾਜ਼ਿਸ਼ ਨੂੰ ਭਾਰਤੀ ਸੁਰੱਖਿਆ ਏਜੰਸੀਆਂ ਨੇ ਨਾਕਾਮ ਕਰ ਦਿੱਤਾ ਹੈ। ਦਿੱਲੀ ਪੁਲਿਸ ਦੀ ਸਪੈਸ਼ਲ ਸੈਲ ਨੇ ਇੱਕ ਗੁਪਤ ਓਪਰੇਸ਼ਨ ਦੌਰਾਨ ਦੋ ਜਾਸੂਸਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਵਿੱਚ ਇੱਕ ਨੇਪਾਲੀ ਮੂਲ ਦਾ ਪਾਕਿਸਤਾਨੀ ਏਜੰਟ ਅਤੇ ਦੂਜਾ ਭਾਰਤੀ ਨਾਗਰਿਕ ਹੈ।
ਤਿੰਨ ਮਹੀਨੇ ਤੱਕ ਚੱਲਿਆ ਗੁਪਤ ਓਪਰੇਸ਼ਨ
ਜਨਵਰੀ ਤੋਂ ਮਾਰਚ 2025 ਤੱਕ ਸੁਰੱਖਿਆ ਏਜੰਸੀਆਂ ਵੱਲੋਂ ਇੱਕ ਖੁਫੀਆ ਓਪਰੇਸ਼ਨ ਚਲਾਇਆ ਗਿਆ। 15 ਫਰਵਰੀ ਨੂੰ ਸੈਂਟਰਲ ਦਿੱਲੀ ਤੋਂ ਨੇਪਾਲੀ ਮੂਲ ਦੇ ਪਾਕਿਸਤਾਨੀ ਜਾਸੂਸ ਅੰਸਾਰੁਲ ਮੀਆਂ ਅੰਸਾਰੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਗ੍ਰਿਫ਼ਤਾਰੀ ਦੇ ਸਮੇਂ ਉਹ ਨੇਪਾਲ ਰਾਹੀਂ ਪਾਕਿਸਤਾਨ ਭੱਜਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਪਾਕਿਸਤਾਨ ਵਿੱਚ ਲਈ ਸੀ ਟਰੇਨਿੰਗ, ਫੌਜ ਬਾਰੇ ਜਾਣਕਾਰੀ ਇਕੱਤਰ ਕਰ ਰਿਹਾ ਸੀ
ਅੰਸਾਰੁਲ ਨੇਪਾਲ ਦਾ ਰਹਿਣ ਵਾਲਾ ਹੈ, ਪਰ 2008 ਤੋਂ ਕਤਰ ਵਿੱਚ ਟੈਕਸੀ ਚਲਾ ਰਿਹਾ ਸੀ। ਓਥੇ ਹੀ ਉਹ ISI ਦੇ ਸੰਪਰਕ ਵਿੱਚ ਆਇਆ ਅਤੇ ਜੂਨ 2024 ਵਿੱਚ ਰਾਵਲਪਿੰਡੀ ਜਾ ਕੇ ਟਰੇਨਿੰਗ ਲਈ। ਉਸਦਾ ਮਿਸ਼ਨ ਭਾਰਤੀ ਫੌਜ ਨਾਲ ਜੁੜੀ ਖੁਫੀਆ ਜਾਣਕਾਰੀ ਇਕੱਤਰ ਕਰਨਾ ਸੀ।
ਰਾਂਚੀ ਤੋਂ ਦੂਜਾ ਜਾਸੂਸ ਗ੍ਰਿਫ਼ਤਾਰ
ਇਸ ਮਾਮਲੇ ਵਿੱਚ ਦੂਜਾ ਵੱਡਾ ਨਾਮ ਅਖਲਾਕ ਆਜ਼ਮ ਦਾ ਹੈ, ਜੋ ਝਾਰਖੰਡ ਦੇ ਰਾਂਚੀ ਦਾ ਰਹਿਣ ਵਾਲਾ ਹੈ। ਅਖਲਾਕ ਨੇ ਅੰਸਾਰੁਲ ਦੀ ਦਿੱਲੀ ਵਿੱਚ ਮਦਦ ਕੀਤੀ ਅਤੇ ਦੋਵੇਂ ਲਗਾਤਾਰ ਪਾਕਿਸਤਾਨੀ ਹੈਂਡਲਰ ਦੇ ਸੰਪਰਕ ਵਿੱਚ ਸਨ। ਉਸਨੂੰ ਮਾਰਚ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ। ਗ੍ਰਿਫ਼ਤਾਰੀ ਤੋਂ ਬਾਅਦ ਅੰਸਾਰੁਲ ਕੋਲੋਂ ਫੌਜ ਨਾਲ ਸੰਬੰਧਤ ਕਈ ਅਹਿਮ ਦਸਤਾਵੇਜ਼ ਵੀ ਬਰਾਮਦ ਹੋਏ ਹਨ।
ਪਹਿਲਗਾਮ ਹਮਲੇ ਤੋਂ ਬਾਅਦ ਭਾਰਤ ਨੇ ਕਰਵਾਈ ਵੱਡੀ ਕਾਰਵਾਈ
ਭਾਰਤ ਨੇ ਪਹਿਲਗਾਮ ਆਤੰਕੀ ਹਮਲੇ ਦੇ ਬਾਅਦ 'ਆਪਰੇਸ਼ਨ ਸਿੰਦੂਰ' ਰਾਹੀਂ ਬਦਲਾ ਲਿਆ। ਇਸ ਆਪਰੇਸ਼ਨ ਵਿੱਚ ਭਾਰਤ ਨੇ ਪਾਕਿਸਤਾਨ ਅਤੇ ਪਾਕਿਸਤਾਨ ਪ੍ਰਸ਼ਾਸਿਤ ਕਸ਼ਮੀਰ ਵਿੱਚ ਕਈ ਅੱਤਵਾਦੀ ਠਿਕਾਣੇ ਤਬਾਹ ਕਰ ਦਿੱਤੇ। ਇਸ ਦੇ ਜਵਾਬ ਵਿੱਚ ਪਾਕਿਸਤਾਨੀ ਫੌਜ ਨੇ ਭਾਰਤੀ ਸ਼ਹਿਰਾਂ 'ਤੇ ਹਮਲੇ ਦੀ ਕੋਸ਼ਿਸ਼ ਕੀਤੀ, ਪਰ ਭਾਰਤੀ ਫੌਜ ਨੇ ਉਸ ਦਾ ਸਖਤ ਜਵਾਬ ਦਿੱਤਾ ਅਤੇ ਪਾਕਿਸਤਾਨ ਨੂੰ ਵੱਡਾ ਨੁਕਸਾਨ ਪਹੁੰਚਾਇਆ। ਆਖ਼ਿਰਕਾਰ ਪਾਕਿਸਤਾਨ ਸੀਜ਼ਫਾਇਰ ਲਈ ਮਜਬੂਰ ਹੋਇਆ, ਪਰ ਫਿਰ ਵੀ ਪਾਕਿਸਤਾਨ ਨੇ ਆਪਣੇ ਨਾਪਾਕ ਆਦਤਾਂ ਤੋਂ ਬਾਜ਼ ਨਹੀਂ ਆਇਆ ਅਤੇ ਸਰਹੱਦ ਦੇ ਕਈ ਇਲਾਕਿਆਂ 'ਚ ਗੋਲਾਬਾਰੀ ਜਾਰੀ ਰੱਖੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
