ਔਰਤ ਨੂੰ ਨੰਗਾ ਕਰਕੇ ਕੁੱਟਮਾਰ ਕਰਨ ਦਾ ਮਾਮਲਾ, ਹਾਈਕੋਰਟ ਨੇ ਲਿਆ ਖੁਦ ਨੋਟਿਸ ਕਿਹਾ ਕੋਈ ਕ੍ਰਿਸ਼ਨ ਨਹੀਂ ਆਵੇਗਾ ਬਚਾਉਣ 

Woman Paraded Naked: ਜਦੋਂ ਦਰੋਪਦੀ ਨੂੰ ਨਗਨ ਕੀਤਾ ਜਾ ਰਿਹਾ ਸੀ ਤਾਂ ਭਗਵਾਨ ਕ੍ਰਿਸ਼ਨ ਉਸ ਨੂੰ ਬਚਾਉਣ ਲਈ ਆਏ ਸਨ।' ਅਦਾਲਤ ਨੇ ਕਿਹਾ, 'ਜੇ ਦੁਰਯੋਧਨ/ਦੁਸ਼ਾਸਨ ਅੱਜ ਦੀ ਦੁਨੀਆ 'ਚ ਆਉਂਦਾ ਹੈ ਤਾਂ ਕ੍ਰਿਸ਼ਨ ਮਦਦ ਲਈ ਨਹੀਂ ਆਵੇਗਾ।'

Karnataka High Court

Woman Paraded Naked: ਕਰਨਾਟਕ 'ਚ ਇਕ ਔਰਤ ਦੀ ਲਾਹ-ਪਾਹ ਅਤੇ ਕੁੱਟਮਾਰ 'ਤੇ ਹਾਈਕੋਰਟ ਨੇ ਸਖਤ ਰੁਖ ਅਖਤਿਆਰ ਕੀਤਾ ਹੈ। ਹਾਈ ਕੋਰਟ ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਇਕ ਅਸਾਧਾਰਨ ਘਟਨਾ ਹੈ ਅਤੇ ਇਸ ਨਾਲ 'ਅਸਾਧਾਰਨ ਤਰੀਕੇ' ਨਾਲ ਨਿਪਟਿਆ ਜਾਵੇਗਾ। ਇਸ ਦੌਰਾਨ ਉਨ੍ਹਾਂ ਨੇ ਮਹਾਭਾਰਤ ਦਾ ਵੀ ਜ਼ਿਕਰ ਕੀਤਾ ਅਤੇ ਕਿਹਾ ਕਿ ਉਸ ਸਮੇਂ ਦੌਰਾਨ ਵੀ ਅਜਿਹੀਆਂ ਘਟਨਾਵਾਂ ਨਹੀਂ ਵਾਪਰੀਆਂ। ਇਸ ਮਾਮਲੇ 'ਚ ਹੁਣ ਤੱਕ 8 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਜਾ ਚੁੱਕਾ ਹੈ।

ਕਰਨਾਟਕ ਹਾਈ ਕੋਰਟ ਨੇ ਮੀਡੀਆ ਰਿਪੋਰਟਾਂ 'ਚ ਇਸ ਘਟਨਾ ਦੀ ਖਬਰ ਆਉਣ ਤੋਂ ਬਾਅਦ ਖੁਦ ਨੋਟਿਸ ਲਿਆ ਹੈ। ਨਾਲ ਹੀ ਬੇਲਾਗਾਵੀ ਪੁਲਿਸ ਮੁਖੀ ਨੂੰ ਅਗਲੀ ਸੁਣਵਾਈ 'ਤੇ ਨਿੱਜੀ ਤੌਰ 'ਤੇ ਹਾਜ਼ਰ ਹੋਣ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਤੋਂ ਇਲਾਵਾ ਪੁਲਿਸ ਤੋਂ ਤਾਜ਼ਾ ਰਿਪੋਰਟ ਵੀ ਮੰਗੀ ਗਈ ਹੈ। ਅਦਾਲਤ ਨੇ ਕਿਹਾ, ‘ਸਾਨੂੰ ਪੂਰੀ ਜਾਣਕਾਰੀ ਚਾਹੀਦੀ ਹੈ। ਇਸ ਨੂੰ ਇੱਕ ਅਸਾਧਾਰਨ ਘਟਨਾ ਮੰਨਿਆ ਜਾਵੇਗਾ ਅਤੇ ਅਸਾਧਾਰਨ ਤਰੀਕੇ ਨਾਲ ਨਿਪਟਿਆ ਜਾਵੇਗਾ।

ਅਦਾਲਤ ਨੇ ਕਿਹਾ ਕਿ ਇਕ ਔਰਤ ਨੂੰ ਜਨਤਕ ਤੌਰ 'ਤੇ ਨਗਨ ਕਰਨ ਵਰਗਾ ਅੱਤਿਆਚਾਰ 'ਮਹਾਭਾਰਤ ਵਿਚ ਵੀ ਨਹੀਂ ਹੋਇਆ, ਜਦੋਂ ਦਰੋਪਦੀ ਨੂੰ ਨਗਨ ਕੀਤਾ ਜਾ ਰਿਹਾ ਸੀ ਤਾਂ ਭਗਵਾਨ ਕ੍ਰਿਸ਼ਨ ਉਸ ਨੂੰ ਬਚਾਉਣ ਲਈ ਆਏ ਸਨ।' ਅਦਾਲਤ ਨੇ ਕਿਹਾ, 'ਜੇ ਦੁਰਯੋਧਨ/ਦੁਸ਼ਾਸਨ ਅੱਜ ਦੀ ਦੁਨੀਆ 'ਚ ਆਉਂਦਾ ਹੈ ਤਾਂ ਕ੍ਰਿਸ਼ਨ ਮਦਦ ਲਈ ਨਹੀਂ ਆਵੇਗਾ।' ਜਸਟਿਸ ਪ੍ਰਸੰਨਾ ਬੀ ਵਰਲੇ ਅਤੇ ਜਸਟਿਸ ਕ੍ਰਿਸ਼ਨਾ ਐਸ ਦੀਕਸ਼ਿਤ ਨੇ ਇਸ ਘਟਨਾ 'ਤੇ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ ਅਤੇ ਰਿਪੋਰਟ ਤਲਬ ਕੀਤੀ ਹੈ।

ਮਾਮਲਾ ਕੀ ਸੀ

11 ਦਸੰਬਰ ਨੂੰ 42 ਸਾਲਾ ਔਰਤ ਨੂੰ ਉਸ ਦੇ ਘਰੋਂ ਬਾਹਰ ਕੱਢ ਕੇ ਨੰਗਾ ਕੀਤਾ ਗਿਆ ਸੀ। ਇੰਨਾ ਹੀ ਨਹੀਂ ਉਸ ਨੂੰ ਸ਼ਰੇਆਮ ਘੁਮਾਇਆ ਗਿਆ  ਅਤੇ ਬਿਜਲੀ ਦੇ ਖੰਭੇ ਨਾਲ ਬੰਨ੍ਹ ਕੇ ਕੁੱਟਮਾਰ ਕੀਤੀ ਗਈ। ਕਰੀਬ ਦੋ ਘੰਟੇ ਤੱਕ ਚੱਲੀ ਇਸ ਬੇਰਹਿਮੀ ਤੋਂ ਬਾਅਦ ਪੀੜਤਾ ਹਸਪਤਾਲ ਪਹੁੰਚੀ। 

ਦਰਅਸਲ ਪੀੜਤ ਔਰਤ ਦਾ ਬੇਟਾ 4 ਦਸੰਬਰ ਨੂੰ ਕਥਿਤ ਤੌਰ 'ਤੇ ਆਪਣੀ ਪ੍ਰੇਮਿਕਾ ਨਾਲ ਫਰਾਰ ਹੋ ਗਿਆ ਸੀ। ਜਦਕਿ ਉਸ ਲੜਕੀ ਦੀ 5 ਦਸੰਬਰ ਨੂੰ ਕਿਸੇ ਹੋਰ ਨਾਲ ਮੰਗਣੀ ਹੋਣੀ ਸੀ। ਜਸਟਿਸ ਵਰਲੇ ਨੇ ਕਿਹਾ, 'ਮੇਰੇ ਕੋਲ ਸ਼ਬਦ ਨਹੀਂ ਹਨ। ਉਸ ਨੂੰ ਨੰਗਾ ਕੀਤਾ ਗਿਆ, ਖੰਭੇ ਨਾਲ ਬੰਨ੍ਹਿਆ ਗਿਆ, ਜਾਨਵਰਾਂ ਵਾਂਗ ਕੁੱਟਿਆ ਗਿਆ, ਜ਼ਰਾ ਉਸ ਸਦਮੇ ਨੂੰ ਦੇਖੋ ਜਿਸ ਵਿੱਚੋਂ ਔਰਤ ਜ਼ਰੂਰ ਲੰਘੀ ਹੋਵੇਗੀ। ਮੁਲਜ਼ਮਾਂ ਨੂੰ ਇਨਸਾਨ ਕਹਿਣ ਵਿੱਚ ਸ਼ਰਮ ਆਉਂਦੀ ਹੈ।