ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਦੇ ਬੇਟੇ ਨੇ ਗੱਡੀ ਥੱਲੇ ਕੁਚਲੇ ਕਿਸਾਨ, 5 ਮੌਤਾਂ, ਨਵਜੋਤ ਸਿੱਧੂ ਨੇ ਕਿਹਾ 302 ਦਾ ਪਰਚਾ ਹੋਵੇ ਦਰਜ
ਉੱਤਰ ਪ੍ਰਦੇਸ਼ ਵਿਚ ਭਾਰਤ ਦੇ ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਅਜੇ ਮਿਸ਼ਰਾ ਦੇ ਕਾਫ਼ਲੇ ਨੂੰ ਕਾਲੀਆਂ ਝੰਡੀਆਂ ਦਿਖਾਉਣ ਆਏ ਕਿਸਾਨਾਂ ਉੱਤੇ ਗੱਡੀਆਂ ਚੜ੍ਹਨ ਨਾਲ 5 ਮੌਤਾਂ ਹੋਈਆਂ ਹਨ।
ਨਵੀਂ ਦਿੱਲੀ: ਉੱਤਰ ਪ੍ਰਦੇਸ਼ ਵਿਚ ਭਾਰਤ ਦੇ ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਅਜੇ ਮਿਸ਼ਰਾ ਦੇ ਕਾਫ਼ਲੇ ਨੂੰ ਕਾਲੀਆਂ ਝੰਡੀਆਂ ਦਿਖਾਉਣ ਆਏ ਕਿਸਾਨਾਂ ਉੱਤੇ ਗੱਡੀਆਂ ਚੜ੍ਹਨ ਨਾਲ 5 ਮੌਤਾਂ ਹੋਈਆਂ ਹਨ।ਲਖਨਊ ਤੋਂ 130 ਕਿਲੋਮੀਟਰ ਦੂਰ ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੀਰੀ ਜ਼ਿਲ੍ਹੇ ਦੇ ਤਿਕੂਨੀਆਂ ਨਾਮੀ ਥਾਂ ਉੱਤੇ ਵਾਪਰੀ ਹੈ।
ਜਿਲ੍ਹਾ ਅਧਿਕਾਰੀ ਡਾਕਟਰ ਅਰਵਿੰਦ ਚੌਰਸੀਆ ਨੇ 5 ਮੌਤਾਂ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ 2 ਕਿਸਾਨਾਂ ਦੀ ਮੌਤ ਗੱਡੀ ਵਲੋਂ ਕੁਚਲੇ ਜਾਣ ਕਰਕੇ ਹੋਈ ਹੈ ਅਤੇ 3 ਜਣੇ ਗੱਡੀਆਂ ਪਲਟਣ ਦੌਰਾਨ ਮਾਰੇ ਗਏ ਹਨ।
ਇਸ ਘਟਨਾ ਤੇ ਪ੍ਰਤੀਕਿਰਆ ਦਿੰਦੇ ਹੋਏ ਨਵਜੋਤ ਸਿੱਧੂ ਨੇ ਕਿਹਾ, "ਕੋਈ ਵੀ ਕਾਨੂੰਨ ਤੋਂ ਉੱਪਰ ਨਹੀਂ ਹੈ... ਨਿਰਦੋਸ਼ ਕਿਸਾਨਾਂ ਦੀ ਹੱਤਿਆ ਲਈ ਕੇਂਦਰੀ ਮੰਤਰੀ ਦੇ ਪੁੱਤਰ ਦੇ ਵਿਰੁੱਧ ਆਈਪੀਸੀ ਦੀ ਧਾਰਾ 302 ਦੇ ਤਹਿਤ ਐਫਆਈਆਰ ਦਰਜ ਕੀਤੀ ਜਾਣੀ ਚਾਹੀਦੀ ਹੈ, ਉਸਨੂੰ ਤੁਰੰਤ ਗ੍ਰਿਫਤਾਰ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਇਸ ਵਹਿਸ਼ੀ ਕਾਰਵਾਈ ਲਈ ਸਲਾਖਾਂ ਪਿੱਛੇ ਭੇਜਿਆ ਜਾਣਾ ਚਾਹੀਦਾ ਹੈ !!"
No one is above the law … FIR under sec 302 IPC must be registered against Union Minister’s son for murder of innocent farmers, he should be immediately arrested and put behind the bars for this barbaric act !!
— Navjot Singh Sidhu (@sherryontopp) October 3, 2021
ਲਖੀਮਪੁਰ ਖੀੜੀ ਦੇ ਹੈਲੀਪੈਡ 'ਤੇ ਧਰਨੇ ਨਾਲ ਸ਼ੁਰੂ ਹੋਇਆ ਕਿਸਾਨਾਂ ਦਾ ਵਿਰੋਧ ਉਦੋਂ ਹਿੰਸਕ ਹੋ ਗਿਆ ਜਦੋਂ ਅਜੈ ਮਿਸ਼ਰਾ ਦੇ ਪੁੱਤਰ ਅਭਿਸ਼ੇਕ ਮਿਸ਼ਰਾ 'ਮੋਨੂੰ' ਨੇ ਕਥਿਤ ਤੌਰ ਤੇ ਕਿਸਾਨਾਂ 'ਤੇ ਆਪਣੀ ਕਾਰ ਚੜ੍ਹ ਦਿੱਤੀ। ਇਹ ਦੇਖ ਕੇ ਕਿਸਾਨ ਗੁੱਸੇ ਵਿੱਚ ਆ ਗਏ।
ਐਤਵਾਰ ਸਵੇਰੇ 8 ਵਜੇ, ਕਿਸਾਨਾਂ ਨੇ ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਅਜੈ ਮਿਸ਼ਰਾ ਟੇਨੀ ਅਤੇ ਉਪ ਮੁੱਖ ਮੰਤਰੀ ਕੇਸ਼ਵ ਮੌਰਿਆ ਦੇ ਹੈਲੀਕਾਪਟਰਾਂ ਦੇ ਲਈ ਟਿਕੋਨੀਆ ਵਿੱਚ ਬਣੇ ਹੈਲੀਪੈਡ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਸੀ। ਦੁਪਹਿਰ 2:45 ਵਜੇ, ਜਦੋਂ ਦੋਵਾਂ ਨੇਤਾਵਾਂ ਦਾ ਕਾਫਲਾ ਸੜਕ ਰਾਹੀਂ ਟਿਕੋਨੀਆ ਚੌਰਾਹੇ ਤੋਂ ਲੰਘਿਆ, ਤਾਂ ਕਿਸਾਨ ਕਾਲੇ ਝੰਡੇ ਦਿਖਾਉਣ ਲਈ ਭੱਜੇ।
ਕਿਸਾਨਾਂ ਨੇ ਗੁੱਸੇ 'ਚ ਆ ਕੇ ਇੱਕ ਵਾਹਨ ਨੂੰ ਅੱਗ ਲਾ ਦਿੱਤੀ।ਪੁਲਿਸ ਸਥਿਤੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਜ਼ਖਮੀਆਂ ਨੂੰ ਹਸਪਤਾਲ ਭੇਜ ਦਿੱਤਾ ਗਿਆ ਹੈ।ਬੀਕੇਆਈਯੂ ਦੇ ਬੁਲਾਰੇ ਰਾਕੇਸ਼ ਟਿਕੈਤ ਗਾਜ਼ੀਪੁਰ ਸਰਹੱਦ ਤੋਂ ਲਖੀਮਪੁਰ ਖੀੜੀ ਲਈ ਰਵਾਨਾ ਹੋ ਗਏ ਹਨ ਅਤੇ ਉਹ ਰਾਤ ਤੱਕ ਮੌਕੇ ਤੇ ਪਹੁੰਚ ਜਾਣਗੇ।
ਉਪ ਮੁੱਖ ਮੰਤਰੀ ਕੇਸ਼ਵ ਪ੍ਰਸਾਦ ਦੇ ਲਖਿਮਪੁਰ ਖੀਰੀ ਦੇ ਤਿਕੁਨੀਆ ਵਿੱਚ ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਅਜੈ ਮਿਸ਼ਰਾ ਟੇਨੀ ਦੇ ਪਿੰਡ ਬਨਵੀਰ ਪਹੁੰਚਣ ਦੀ ਖ਼ਬਰ ਤੇ ਐਤਵਾਰ ਨੂੰ ਹਜ਼ਾਰਾਂ ਕਿਸਾਨਾਂ ਨੇ ਟਿਕੁਨਿਆ ਵੱਲ ਮਾਰਚ ਕੀਤਾ ਅਤੇ ਮਹਾਰਾਜਾ ਅਗਰਸੇਨ ਖੇਡ ਮੈਦਾਨ ਵਿੱਚ ਹੈਲੀਪੈਡ ਵਾਲੀ ਜਗ੍ਹਾ ਤੇ ਕਬਜ਼ਾ ਕਰ ਲਿਆ, ਜਿੱਥੇ ਉਪ ਮੁੱਖ ਮੰਤਰੀ ਹੈਲੀਕਾਪਟਰ ਉਤਰਨ ਵਾਲਾ ਸੀ। ਪਰ, ਐਤਵਾਰ ਦੀ ਸਵੇਰ, ਕਿਸਾਨਾਂ ਦੇ ਵਿਰੋਧ ਦੇ ਭੜਕਣ 'ਤੇ, ਉਪ ਮੁੱਖ ਮੰਤਰੀ ਦਾ ਪ੍ਰੋਗਰਾਮ ਬਦਲ ਗਿਆ ਅਤੇ ਉਹ ਸਵੇਰੇ 9.30 ਵਜੇ ਲਖਨਾਉ ਤੋਂ ਸੜਕ ਰਾਹੀਂ ਦੁਪਹਿਰ 12 ਵਜੇ ਲਖੀਮਪੁਰ ਪਹੁੰਚੇ।
ਦੂਜੇ ਪਾਸੇ, ਟਿਕੁਨੀਆ ਵਿੱਚ ਗੁੱਸੇ ਵਿੱਚ ਆਏ ਕਿਸਾਨਾਂ ਨੇ ਉਪ ਮੁੱਖ ਮੰਤਰੀ ਦਾ ਸਵਾਗਤ ਕਰਦੇ ਹੋਰਡਿੰਗਸ ਨੂੰ ਉਖਾੜ ਕੇ ਵਿਰੋਧ ਕੀਤਾ। ਉਪ ਮੁੱਖ ਮੰਤਰੀ ਕੇਸ਼ਵ ਪ੍ਰਸਾਦ ਦਾ ਐਤਵਾਰ ਦੁਪਹਿਰ 2 ਵਜੇ ਟਿਕੁਨੀਆ ਵਿੱਚ ਹੈਲੀਕਾਪਟਰ ਉਤਰਨਾ ਸੀ। ਪਰ, ਐਤਵਾਰ ਦੀ ਸਵੇਰ ਨੂੰ, ਪਾਲਿਆ, ਭੀਰਾ, ਬਿਜੂਆ, ਖਜੂਰੀਆ ਅਤੇ ਸੰਪੂਰਨਨਗਰ ਵਰਗੇ ਸਥਾਨਾਂ ਤੋਂ ਹਜ਼ਾਰਾਂ ਕਿਸਾਨ ਹੱਥਾਂ ਵਿੱਚ ਕਾਲੇ ਝੰਡੇ ਲੈ ਕੇ ਟਿਕੁਨਿਆ ਪਹੁੰਚੇ ਅਤੇ ਮਹਾਰਾਜਾ ਅਗਰਸੇਨ ਦੇ ਖੇਡ ਮੈਦਾਨ ਉੱਤੇ ਕਬਜ਼ਾ ਕਰ ਲਿਆ।
ਕਿਸਾਨ ਲੀਡਰ ਰਾਕੇਸ਼ ਟਿਕੈਤ ਦਾ ਦਾਅਵਾ, ਵਿਰੋਧ ਕਰ ਰਹੇ ਕਿਸਾਨਾਂ 'ਤੇ ਲਖੀਮਪੁਰ 'ਚ ਕਾਰਾਂ ਵੱਲੋਂ ਹਮਲਾ, ਗੋਲੀਬਾਰੀ ਵੀ ਹੋਈ pic.twitter.com/XifmsjNP6k
— ABP Sanjha (@abpsanjha) October 3, 2021
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
