ਪ੍ਰਿਅੰਕਾ ਦੀ ਸਿਆਸੀ ਐਂਟਰੀ 'ਤੇ ਨਵਜੋਤ ਸਿੱਧੂ ਦੀ 'ਟਵੀਟ ਝੜੀ'

ਨਵੀਂ ਦਿੱਲੀ: ਕਾਂਗਰਸ ਪਾਰਟੀ ਲਈ ਸਰਗਰਮ ਸਿਆਸਤ ਵਿੱਚ ਕੁੱਦੀ ਪ੍ਰਿਅੰਕਾ ਗਾਂਧੀ ਦਾ ਖ਼ੂਬ ਸਤਿਕਾਰ ਹੋ ਰਿਹਾ ਹੈ। ਪਾਰਟੀ ਦੇ ਸਟਾਰ ਪ੍ਰਚਾਰਕ ਤੇ ਪੰਜਾਬ ਦੇ ਸਥਾਨਕ ਸਰਕਾਰਾਂ ਬਾਰੇ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੇ ਸੋਮਵਾਰ ਨੂੰ ਪ੍ਰਿਅੰਕਾ ਦੀ ਨਵੀਂ ਪਾਰੀ 'ਤੇ ਖ਼ੂਬ ਸ਼ਲਾਘਾ ਕੀਤੀ। ਸਿੱਧੂ ਨੇ ਸਿਲਸਿਲੇਵਾਰ ਟਵੀਟ ਕਰਕੇ ਪ੍ਰਿਅੰਕਾ ਦੀ ਤਾਰੀਫ ਦੇ ਪੁਲ ਬੰਨ੍ਹੇ।

Diamonds are forever, so is @priyankagandhi Lucknow Welcomes the Kohinoor!

— Navjot Singh Sidhu (@sherryontopp) February 11, 2019

ਉੱਤਰ ਪ੍ਰਦੇਸ਼ ਦੀ ਜਨਰਲ ਸਕੱਤਰ ਬਣਨ ਮਗਰੋਂ ਪਹਿਲੇ ਰੋਡ ਸ਼ੋਅ ਲਈ ਪਹੁੰਚੀ ਪ੍ਰਿਅੰਕਾ ਨੂੰ ਨਵਜੋਤ ਸਿੰਘ ਸਿੱਧੂ ਨੇ ਕੋਹਿਨੂਰ ਹੀਰਾ ਦੱਸਿਆ। ਸ਼ਬਦਾਂ ਦੀ ਜਾਦੂਈ ਵਰਤੋਂ ਕਰਨ ਵਾਲੇ ਆਪਣੇ ਲਹਿਜ਼ੇ ਵਿੱਚ ਸਿੱਧੂ ਨੇ ਕਿਹਾ ਕਿ ਪ੍ਰਿਅੰਕਾ ਕਾਂਗਰਸ ਲਈ ਬਿਲਕੁਲ ਉਵੇਂ ਹੈ ਜਿਵੇਂ ਨਦੀਆਂ ਲਈ ਝਰਨੇ ਤੇ ਇਮਾਰਤਾਂ ਲਈ ਨੀਹਾਂ ਹੁੰਦੀਆਂ ਹਨ।

Rivers need Springs, Buildings need Foundations, The Congress needs @priyankagandhi

— Navjot Singh Sidhu (@sherryontopp) February 11, 2019

ਸਿੱਧੂ ਨੇ ਯੂਪੀ ਵਿੱਚ ਰਾਹੁਲ, ਪ੍ਰਿਅੰਕਾ ਤੇ ਜਯੋਤੀਰਾਦਿੱਤਿਆ ਸਿੰਧੀਆ ਦੀ ਤਿੱਕੜੀ ਵੱਲੋਂ ਚੋਣ ਮੁਹਿੰਮ ਦੇ ਆਗ਼ਾਜ਼ 'ਤੇ ਵੀ ਟਿੱਪਣੀ ਕਰਦਿਆਂ ਕਿਹਾ ਕਿ ਇਸ ਜਿੱਤਣ ਵਾਲੀ ਟੀਮ ਨੇ ਸ਼ੁਰੂਆਤ ਵੀ ਛੱਕੇ ਨਾਲ ਹੀ ਕੀਤੀ ਹੈ।

The first blow is half the battle || First innings... first ball... it’s a six! Well begun, half done @priyankagandhi @RahulGandhi @INCIndia

— Navjot Singh Sidhu (@sherryontopp) February 11, 2019

ਜ਼ਿਕਰਯੋਗ ਹੈ ਕਿ ਪ੍ਰਿਅੰਕਾ ਗਾਂਧੀ ਵਾਡਰਾ ਦੇ ਪਰਿਵਾਰ ਨਾਲ ਵੀ ਸਿੱਧੂ ਦੇ ਨੇੜਲੇ ਸਬੰਧ ਹਨ। ਦੋ ਦਿਨ ਪਹਿਲਾਂ ਉਨ੍ਹਾਂ ਪ੍ਰਿਅੰਕਾ ਦੇ ਪਤੀ ਰਾਬਰਟ ਵਾਡਰਾ ਨਾਲ ਵੀ ਮੁਲਾਕਾਤ ਕੀਤੀ ਸੀ ਜਿਨ੍ਹਾਂ ਤੋਂ ਈਡੀ ਨੇ ਪੁੱਛਗਿੱਛ ਕੀਤੀ ਹੈ। ਇਹ ਵੀ ਪੜ੍ਹੋ- ਵਾਡਰਾ ਨਾਲ ਹਮਦਰਦੀ ਜਤਾ ਕੇ ਸਿੱਧੂ ਨੇ ਇੱਕ ਤੀਰ ਨਾਲ ਲਾਏ ਦੋ ਨਿਸ਼ਾਨੇ