Lok Sabha Election 2024: PM ਮੋਦੀ ਦੀ ਕਦੋਂ ਤੇ ਕਿਉਂ ਹੋ ਜਾਂਦੀ ਹੈ ਬੋਲਤੀ ਬੰਦ, ਰੈਲੀ ਵਿੱਚ ਆਪ ਹੀ ਕਰ ਬੈਠੇ ਖ਼ੁਲਾਸਾ !
Lok Sabha Election 2024: ਪੀਐਮ ਮੋਦੀ ਨੇ ਓਡੀਸ਼ਾ ਦੇ ਢੇਨਕਨਾਲ ਵਿੱਚ ਚੋਣ ਰੈਲੀ ਕਰਦੇ ਹੋਏ ਕਿਹਾ ਕਿ ਇਸ ਵਾਰ ਭਾਜਪਾ ਨੂੰ ਮੌਕਾ ਦਿਓ ਕਿਉਂਕਿ ਸੀਐਮ ਨਵੀਨ ਪਟਨਾਇਕ ਦੀ ਬੀਜੇਡੀ ਨੇ ਤੁਹਾਡੇ ਲਈ ਕੁਝ ਨਹੀਂ ਕੀਤਾ ਹੈ।
PM Modi Speech: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਓਡੀਸ਼ਾ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਭਾਜਪਾ ਨੂੰ ਇੱਕ ਮੌਕਾ ਦਿਓ। ਇਸ ਦੌਰਾਨ ਉਨ੍ਹਾਂ ਨੇ ਲੋਕਾਂ ਨੂੰ ਕਿਹਾ ਕਿ ਤੁਸੀਂ ਇੰਨਾ ਪਿਆਰ ਕਰਦੇ ਹੋ ਕਿ ਮੇਰੀ ਬੋਲਤੀ ਬੰਦ ਹੋ ਜਾਂਦੀ ਹੈ।
ਓਡੀਸ਼ਾ ਦੇ ਢੇਂਕਨਾਲ ਵਿੱਚ ਇੱਕ ਚੋਣ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਪੀਐਮ ਮੋਦੀ ਨੇ ਕਿਹਾ, ''ਮੈਂ ਗੁਜਰਾਤ ਤੋਂ ਆਇਆ ਹਾਂ। ਮੈਂ ਸੋਮਨਾਥ ਦੀ ਧਰਤੀ ਤੋਂ ਜਗਨਨਾਥ ਦੀ ਧਰਤੀ 'ਤੇ ਸ਼ਰਧਾਂਜਲੀ ਭੇਟ ਕਰਨ ਆਇਆ ਹਾਂ, ਪਰ ਜਦੋਂ ਮੈਂ ਓਡੀਸ਼ਾ ਦੀ ਗਰੀਬੀ ਦੇਖਦਾ ਹਾਂ, ਤਾਂ ਮੇਰੇ ਦਿਲ ਵਿੱਚ ਦਰਦ ਹੁੰਦਾ ਹੈ ਕਿ ਮੇਰੇ ਓਡੀਸ਼ਾ ਨੂੰ ਕਿਸ ਨੇ ਤਬਾਹ ਤੇ ਬਰਬਾਦ ਕੀਤਾ, ਜੋ ਕਿ ਇੱਕ ਅਮੀਰ ਰਾਜ ਸੀ ਅਤੇ ਮਹਾਨ ਵਿਰਾਸਤ ਸੀ।
ਉਨ੍ਹਾਂ ਅੱਗੇ ਦਾਅਵਾ ਕੀਤਾ ਕਿ ਇਸ ਦਾ ਕਾਰਨ ਬੀਜੇਡੀ ਸਰਕਾਰ ਹੈ, ਜੋ ਪੂਰੀ ਤਰ੍ਹਾਂ ਭ੍ਰਿਸ਼ਟਾਚਾਰੀਆਂ ਦੇ ਕਬਜ਼ੇ ਹੇਠ ਹੈ। ਮੁੱਖ ਮੰਤਰੀ ਦੀ ਰਿਹਾਇਸ਼ ਅਤੇ ਦਫ਼ਤਰ 'ਤੇ ਮੁੱਠੀ ਭਰ ਭ੍ਰਿਸ਼ਟ ਲੋਕਾਂ ਨੇ ਕਬਜ਼ਾ ਕਰ ਲਿਆ ਹੈ। ਬੀਜੇਡੀ ਦੇ ਛੋਟੇ ਆਗੂ ਵੀ ਕਰੋੜਾਂ ਦੇ ਮਾਲਕ ਬਣ ਗਏ ਹਨ।
PM ਮੋਦੀ ਨੇ ਕੀ ਕਿਹਾ?
ਪੀਐਮ ਮੋਦੀ ਨੇ ਕਿਹਾ ਕਿ ਓਡੀਸ਼ਾ ਦੇ ਹਰ ਪਿੰਡ ਅਤੇ ਗਲੀ ਤੋਂ ਇੱਕ ਹੀ ਆਵਾਜ਼ ਆ ਰਹੀ ਹੈ - ਓਡੀਸ਼ਾ ਵਿੱਚ ਪਹਿਲੀ ਵਾਰ ਡਬਲ ਇੰਜਣ ਵਾਲੀ ਸਰਕਾਰ ! ਤੁਸੀਂ 25 ਸਾਲਾਂ ਤੋਂ ਬੀਜੇਡੀ ਸਰਕਾਰ 'ਤੇ ਭਰੋਸਾ ਕੀਤਾ ਹੈ। ਅੱਜ ਪੂਰਾ ਓਡੀਸ਼ਾ ਆਤਮ-ਨਿਰੀਖਣ ਕਰ ਰਿਹਾ ਹੈ ਕਿ ਇਨ੍ਹਾਂ ਸਾਲਾਂ ਵਿੱਚ ਓਡੀਸ਼ਾ ਦੇ ਲੋਕਾਂ ਨੂੰ ਕੀ ਮਿਲਿਆ?
ਉਨ੍ਹਾਂ ਦਾਅਵਾ ਕੀਤਾ ਕਿ 21ਵੀਂ ਸਦੀ ਦੇ ਓਡੀਸ਼ਾ ਨੂੰ ਵਿਕਾਸ ਦੀ ਗਤੀ ਦੀ ਲੋੜ ਹੈ। ਬੀਜੇਡੀ ਸਰਕਾਰ ਇਹ ਕਿਸੇ ਵੀ ਹਾਲਤ ਵਿੱਚ ਨਹੀਂ ਦੇ ਸਕਦੀ। ਤੁਸੀਂ ਇਸ ਸਦੀ ਦੇ ਪੂਰੇ ਹਿੱਸੇ ਵਿੱਚ ਬੀਜੇਡੀ ਨੂੰ ਇੱਕ ਮੌਕਾ ਦਿੱਤਾ ਹੈ। ਹੁਣ ਸਮਾਂ ਆ ਗਿਆ ਹੈ ਕਿ ਤੁਸੀਂ ਬੀਜੇਡੀ ਦੀਆਂ ਢਿੱਲੀਆਂ ਨੀਤੀਆਂ, ਧੀਮੇ ਕੰਮ ਅਤੇ ਧੀਮੀ ਰਫ਼ਤਾਰ ਨੂੰ ਛੱਡ ਕੇ ਭਾਜਪਾ ਦੀ ਤੇਜ਼ ਰਫ਼ਤਾਰ ਸਰਕਾਰ ਚੁਣੋ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
