Pune Porsche Accident Case: ਪੁਣੇ ਪੋਰਸ਼ ਹਿੱਟ ਐਂਡ ਰਨ ਕੇਸ ਵਿੱਚ 17 ਸਾਲਾ ਲੜਕੇ ਦੀ ਜ਼ਮਾਨਤ ਰੱਦ, ਪਹਿਲਾਂ ਲੇਖ ਲਿਖਵਾ ਕੇ ਮਿਲ ਗਈ ਸੀ ਜ਼ਮਾਨਤ

Pune Accident Case: ਪੁਣੇ ਪੋਰਸ਼ ਹਿੱਟ ਐਂਡ ਰਨ ਕੇਸ ਨੂੰ ਲੈ ਕੇ ਨਾਬਾਲਗ ਦੋਸ਼ੀ ਨੂੰ ਲੈ ਕੇ ਲੋਕਾਂ ਦੇ ਵਿੱਚ ਕਾਫੀ ਗੁੱਸਾ ਹੈ। ਕਿਉਂਕਿ ਨਾਬਾਲਗ ਦੋਸ਼ੀ ਨੂੰ 300 ਸ਼ਬਦਾਂ ਦਾ ਲੇਖ ਲਿਖਵਾ ਕੇ ਜ਼ਮਾਨਤ ਦੇ ਦਿੱਤੀ ਗਈ ਸੀ। ਪਰ ਹੁਣ ਜ਼ਮਾਨਤ ਰੱਦ

ਪੁਣੇ ਪੋਰਸ਼ ਹਿੱਟ ਐਂਡ ਰਨ ਕੇਸ( Image Source : PTI )

Pune Accident Case: ਪੁਣੇ ਦੇ ਪੋਰਸ਼ ਦੁਰਘਟਨਾ ਮਾਮਲੇ ਦੇ ਨਾਬਾਲਗ ਦੋਸ਼ੀ ਦੀ ਜ਼ਮਾਨਤ ਰੱਦ ਕਰ ਦਿੱਤੀ ਗਈ ਹੈ। ਨਾਬਾਲਗ ਦੋਸ਼ੀ ਬਾਲਗ ਹੋ ਗਿਆ ਜਾਂ ਨਹੀਂ ਇਸ ਬਾਰੇ ਫੈਸਲਾ ਨਹੀਂ ਲਿਆ ਜਾ ਸਕਿਆ ਹੈ। ਮੁਲਜ਼ਮਾਂ ਨੂੰ ਚਿਲਡਰਨ ਰਿਮਾਂਡ ਹੋਮ ਵਿੱਚ ਭੇਜਿਆ ਜਾਵੇਗਾ। ਉਸ ਨੂੰ 5 ਜੂਨ ਤੱਕ ਨਿਗਰਾਨੀ ਹੇਠ ਰੱਖਿਆ ਜਾਵੇਗਾ। ਇਸ ਦੌਰਾਨ ਬਾਲ ਅਦਾਲਤ 5 ਜੂਨ ਤੱਕ ਆਪਣਾ ਫੈਸਲਾ ਦੇ ਸਕਦੀ ਹੈ। ਜਾਂ ਇਸ ਨੂੰ 5 ਜੂਨ ਤੋਂ ਬਾਅਦ ਵੀ ਨਿਗਰਾਨੀ ਹੇਠ ਰੱਖਿਆ ਜਾ ਸਕਦਾ ਹੈ।

ਸੁਣਵਾਈ ਦੌਰਾਨ ਪੁਲਿਸ ਦੇ ਵਕੀਲ ਨੇ ਕਿਹਾ ਕਿ ਨਾਬਾਲਗ ਦੇ ਕੇਸ ਦੀ ਸੁਣਵਾਈ ਨਿਰਭਯਾ ਕੇਸ ਵਾਂਗ ਹੋਣੀ ਚਾਹੀਦੀ ਹੈ। ਮੁਲਜ਼ਮ ਦੀ ਉਮਰ 16 ਸਾਲ ਤੋਂ ਉਪਰ ਹੈ, ਉਸ ਦੀ ਉਮਰ 17 ਸਾਲ 8 ਮਹੀਨੇ ਹੈ। ਸ਼ਰਾਬ ਪੀਣ 'ਤੇ ਇਕ ਧਾਰਾ ਜੋੜ ਦਿੱਤੀ ਗਈ ਹੈ, ਜਿਸ ਲਈ ਸੀਸੀਟੀਵੀ ਅਤੇ ਪੱਬਾਂ ਨੂੰ ਦਿੱਤੇ ਗਏ ਬਿੱਲ ਵੀ ਅਦਾਲਤ ਵਿਚ ਪੇਸ਼ ਕੀਤੇ ਗਏ ਹਨ।

ਇਸ ਦੌਰਾਨ ਪੁਣੇ ਦੇ ਪੋਰਸ਼ ਦੁਰਘਟਨਾ ਮਾਮਲੇ 'ਚ ਨਾਬਾਲਗ ਦੋਸ਼ੀ ਦੇ ਪਿਤਾ 'ਤੇ ਸਿਆਹੀ ਸੁੱਟਣ ਦੀ ਕੋਸ਼ਿਸ਼ ਕੀਤੀ ਗਈ। ਪੁਣੇ 'ਚ ਹਾਦਸੇ ਦਾ ਸ਼ਿਕਾਰ ਹੋਈ ਪੋਰਸ਼ ਕਾਰ ਨੂੰ 17 ਸਾਲਾ ਨਾਬਾਲਗ ਚਲਾ ਰਿਹਾ ਸੀ। 19 ਮਈ ਵਾਲੇ ਦਿਨ ਉਸ ਨੇ ਕਲਿਆਣੀ ਨਗਰ 'ਚ ਮੋਟਰਸਾਈਕਲ ਸਵਾਰ ਦੋ ਸਾਫਟਵੇਅਰ ਇੰਜੀਨੀਅਰਾਂ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਉਨ੍ਹਾਂ ਦੀ ਮੌਤ ਹੋ ਗਈ। ਪੁਲਿਸ ਦਾ ਦਾਅਵਾ ਹੈ ਕਿ ਘਟਨਾ ਦੇ ਸਮੇਂ ਨੌਜਵਾਨ ਸ਼ਰਾਬੀ ਸੀ। ਮੁਲਜ਼ਮ ਕਿਸ਼ੋਰ ਇੱਕ ਰੀਅਲ ਅਸਟੇਟ ਡਿਵੈਲਪਰ ਦਾ ਪੁੱਤਰ ਹੈ।

ਜੁਵੇਨਾਈਲ ਜਸਟਿਸ ਬੋਰਡ ਨੇ ਜ਼ਮਾਨਤ ਦਿੱਤੀ ਸੀ

ਦੋਸ਼ੀ ਨੂੰ ਬਾਅਦ ਵਿਚ ਜੁਵੇਨਾਈਲ ਜਸਟਿਸ ਬੋਰਡ ਦੇ ਸਾਹਮਣੇ ਪੇਸ਼ ਕੀਤਾ ਗਿਆ ਅਤੇ ਕੁਝ ਸਮੇਂ ਬਾਅਦ ਉਸ ਨੂੰ ਜ਼ਮਾਨਤ ਦੇ ਦਿੱਤੀ ਗਈ। ਆਦੇਸ਼ ਵਿੱਚ ਕਿਹਾ ਗਿਆ ਹੈ, "ਕਿਸ਼ੋਰ ਸੜਕ ਹਾਦਸਿਆਂ ਅਤੇ ਉਨ੍ਹਾਂ ਦੇ ਹੱਲ ਦੇ ਵਿਸ਼ੇ 'ਤੇ 300 ਸ਼ਬਦਾਂ ਦਾ ਇੱਕ ਲੇਖ ਲਿਖੇਗਾ।"

ਇਸ ਤੋਂ ਬਾਅਦ ਪੁਲਿਸ 'ਤੇ ਨਰਮੀ ਦਿਖਾਉਣ ਦਾ ਦੋਸ਼ ਲੱਗਾ ਕਿਉਂਕਿ ਇਹ ਹਾਈ ਪ੍ਰੋਫਾਈਲ ਮਾਮਲਾ ਸੀ। ਆਲੋਚਨਾ ਤੋਂ ਬਾਅਦ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਅਤੇ ਉਪ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਕਿਹਾ ਕਿ ਇਸ ਮਾਮਲੇ ਵਿੱਚ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਬਾਅਦ 'ਚ ਮੰਗਲਵਾਰ ਨੂੰ ਪੁਲਿਸ ਨੇ ਨਾਬਾਲਗ ਦੇ ਪਿਤਾ ਨੂੰ ਛਤਰਪਤੀ ਸੰਭਾਜੀਨਗਰ ਤੋਂ ਹਿਰਾਸਤ 'ਚ ਲਿਆ ਅਤੇ ਕੁਝ ਘੰਟਿਆਂ ਬਾਅਦ ਗ੍ਰਿਫਤਾਰ ਕਰ ਲਿਆ।